ނެމީބިއާގެ ރައީސް އަވަހާރަވުމުން ދިވެހި ދިދަ ބައިދަނޑިއަށް ތިރިކުރަނީ

ނެމީބިއާގެ ރައީސް ހާގޭ ގެންގޮބް އަވަހާރަވުމާ ގުޅިގެން އެކަމުގެ ހިތާމައިގައި ދިވެހި ދިދަ ދެ ދުވަހަށް ބައިދަނޑިއަށް ތިރިކުރަން ރައީސް ޑރ. މުހައްމަދު މުއިއްޒު މިއަދު ނިންމަވައިފި އެވެ.

ރައީސް އޮފީހުން ބުނީ ނެމީބިއާގެ ރައީސް ހާގޭ ގެންގޮބް، އަވަހާރަވުމާ ގުޅިގެން އެކަމުގެ ހިތާމައިގައި މާދަމާއިން ފެށިގެން ބުދަ ދުވަހުގެ ނިޔަލަށް ގައުމީ ދިދަ ބައިދަނޑިއަށް ތިރިކުރުމަށް ރައީސް ޑރ. މުހައްމަދު މުއިއްޒު ހަމަޖައްސަވާފައިވާ ކަމަށެވެ.

ސައުތު އެފްރިކާގެ ގައުމެއް ކަމަށްވާ ނެމީބިއާ ރައީސް ހާގޭ ގެންގޮބް އަވަހާރަވީ އިއްޔެ އެވެ. އުމުރުފުޅުން 82 އަހަރުގެ ހާގޭ ގެންގޮބް އަވާހަރަވީ ކެންސަރުގެ އާލަސްކަންފުޅުގައި އުޅުއްވަނިކޮށެވެ. އަދި އޭނާ އަވަހާރަވީ ކެންސަރަށް ފަރުވާ ހޯއްދެވުމަށް ހޮސްޕިޓަލުގައި އެޑްމިޓްކޮށްފައި އޮންނަވަނިކޮށެވެ.

ނެމްބިއާއާ އެކު ރާއްޖެއިން ހާރިޖީ ގުޅުން ގާއިމްކުރީ ޖުލައި 26، 1990 ގަ އެވެ.