ލަންކާގެ ޑްރަގް އޮޕަރޭޝަނުގައި 50 ދުވަހުން 56،000 މީހުން ހައްޔަރުކުރި

ލަންކާގެ ޑްރަގް އޮޕަރޭޝަނުގައި ކަނޑުމަތިން އަތުލައިގަތް ބޯޓަކުން ފެނުނު މަސްތުވާތަކެތި ދައްކާލަނީ

11 ފެބުރުއަރީ 2024 - 06:53

މަސްތުވާތަކެއްޗާ ދެކޮޅަށް ސްރީ ލަންކާގައި ފެށި ބޮޑު އޮޕަރޭޝަނަށް 50 ދުވަސް ވީއިރު އެކި ކުށްތަކުގެ ތުހުމަތުގައި 56،000 އަށް ވުރެ ގިނަ މީހުން ހައްޔަރުކޮށްފައިވާ ކަމަށް ޕަބްލިކް ސެކިއުރިޓީ މިނިސްޓްރީން ބުނެފި އެވެ.

އެ މިނިސްޓްރީން ބުނީ ހައްޔަރުކޮށްފައިވާ މީހުންގެ ތެރެއިން 49،558 މީހުންނަކީ މަސްތުވާތަކެތީގެ އެކި ކުށްތަކުގައި ތުހުމަތުކުރެވޭ މީހުން ކަމަށެވެ.

މި މުއްދަތުގައި، ކުށުގެ ތުހުމަތަށް ހައްޔަރުކުރި މީހުންގެ އަތުން ފެނުނު ކުށް ކޮށްގެން ހޯދާފައިވާ ކަމަށް ބެލެވޭ މުދާ ވެސް ހިފަހައްޓާފައި ވާއިރު އެފަދަ ތަކެތީގެ އަގު 725 މިލިއަން ރުޕީސް (2.3 މިލިއަން ޑޮލަރު) އަށް އަރާ ކަމަށް ވެސް މިނިސްޓްރީން ބުންޏެވެ. އަދި އަތުލައިގަތް މަސްތުވާތަކެތީގެ އަގު 7.73 ބިލިއަން ރުޕީސް (25 މިލިއަން ޑޮލަރު) އަށް އަރާ ކަމަށް ވެސް ބުންޏެވެ.

މިދިޔަ އަހަރުގެ ޑިސެމްބަރު 27 ގައި ލަންކާ ފުލުހުން ސިފައިންނާ ގުޅިގެން އޮޕަރޭޝަން ފެށީ މަސްތުވާތަކެތީގެ މައްސަލަ ގައުމުގައި ބޮޑުވެ ގައުމީ ސަލާމަތަށް ނުރައްކާ ވެފައިވާ ކަމަށް ބުނެފަ އެވެ. އެކަމަކު މި އޮޕަރޭޝަންގައި ގާނޫނާ ހިލާފަށް މީހުން ހައްޔަރުކުރުމާއި ތަންތަން ފާސްކުރުމުގެ އަމަލުތައް ހިންގާ ކަމަށް ބުނެ ފާޑުކިޔުން އޮތީ އަމާޒުވެފަ އެވެ.

އދ. އިން ވެސް މި އޮޕަރޭޝަން ހުއްޓާލަން ގޮވާލި ނަމަވެސް ލަންކާއިން އެކަމަށް އިޖާބައެއް ނުދެ އެވެ.

ސްރީ ލަންކާ މަސްތުވާތަކެތި

10 ކޮމެންޓް, 12 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އިސްމާލި

11 February 2024

ތިކަހަލަ ހުރިހާ ކަމެއް ހުއްޓާލަން ތިޔަ އދ އަކާ ޔޫރޮޕުން ގޮވާނެ. އެމީހުން އެ ތިބީ ހުރިހައިކަމެއް ފުރިހަމަވެ ތިމަންނާސަކީ ފިރެހެނެއް ތޯ އަންހެނެއްތޯ ބަހުސް ކުރަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސވލ

11 February 2024

ތިގޮތަށް އަގުއަރުވާފަ ވިއްކާލީމަ ވަރަށްގިނަ ރުފިޔާލިބޭނެ. އަނެއްކާމިއީ ކިހިނެތް ހިނގާކަމެއްބާ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

MySuperGreenDOTcom

11 February 2024

ލަންކާއިންތިކުރާކަމަކީ ރައްޔިތުންހިފާހައްޔަރުކޮށް އެކިގޮތްގޮތުން އެމީހުންގެމުދާފޭރުން، މިއޮއްހުރިހާދުވަހު ކުށްކުރާމީހުންއުޅޭކަމެއްނޭންގެ؟ މިހާރުކުށްލިއަކަށް އިރުއިރުކޮޅާ އޮޕަރޭޝަންތައްހިންގާފަ ހަމަ ސީދާރައްޔިތުންގެ މުދާފޭރެނީ، ތިޔަހެންކަންކުރީމާ ދެންވެސް ތިޔަތަނުގައި އުފެދޭނީ ތަމަޅަޓައިގަރުންފަދަ ޖަމާތްތައް! ކޮންއޮޕަރޭޝަނެއް، ތީ މީހުންގެމުދާފޭރި ޓެރަރައިޒްކުރަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

11 February 2024

ފާޅުކަން ބޮޑު ގޮތެއްގަ މަސތުވާތަކެތި ވިއްކާ ބޮއި ހަދާ ތަންތަން މާލޭގަ ވ ގިނަ އެވެ. އެކަނ ކުރަނީ އެންމެންގެ ލޯ ކުރިމަތީ އެވެ. ނުފެންނަނީ ސަރުކާރަށެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސައްޙާފް

11 February 2024

އދ ގެ ގޮވުންތަކަށް އިޖާބަދޭކަށް ނުޖެހޭ. މިހާރު އޮތީ ބާރު ހުރި ޤައުމަކުން އެމީހަކު ބޭނުންގޮތަކަށް އުޅުން. އިސްރާއިލުން، ފަލަސްތީނުގެ 30،000 ރައްޔިތުން މަރާލި އިރު އދ އަށް ކުރެވުނީ ކޮން ކަމެއް؟ އެމެރިކާއިން އިރާގުގެ 1.3 މިލިއަން މީހުން، އަފްޢާނުގެ 8 ލައްކަ މީހުން މެރި އިރު ތި އދ އޮތީ ކީއްކުރަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙެޕީމާރކެޓް

11 February 2024

މިޤައުމުގެ ހޯމް މިނިސްޓަރު ސީޕީ ސުޖާއާއި ޕޮލިސް ގެ އިސްމީހުން ގޮވައިގެން މަސްދަތު އެކިއެކި ރަށްތަކަށް ދިއުން މި އޮންނަނީ. އެންމެ ފަހުން ހިމަންދޫއަށް ދިޔަ މަސްދަތުރުގެ މަސްބާނާ ދޯނި އެތަށް މޭލު ދުރުގައި އޮތްއިރު އެދޯންޏަށް މިނިސްޓަރު ދަނީ ޕޮލިސް ލޯންޗް ކޮޅުގައި. ނިންމާފައި އަންނަނީ ވެސް ލޯންޗް ކޮޅުގައި. ކަނޑު ގަދަ ވިޔަސް މަސްބާނާ ނިމެންދެން ލޯންޗް އޮންނަން ޖެހޭ. ޕޮލިސް އިސްމީހުން މަޤާމެއް ލިބޭތޯ އަޅުދާސްވެގެން ހޯމް މިނިސްޓަރު ފައިގާ ދޫލުން. ހަޤިތް