19 ފެބުރުއަރީ 2024 - 21:23
23 comments
ނުވަ ދުވަހުގެ ތެރޭގައި 1.8 މިލިއަން ރުފިޔާ ފޭރުނީ 70 އަހަރުގެ ފިރިހެނެއްގެ އެކައުންޓުން ކަމަށާއި އެކަމުގެ މެދުވެރިއަކަށް ހުރީ ކާފަ ދަރި ކަން "މިހާރު" އަށް އެނގިއްޖެ އެވެ.
ފުލުހުންގެ އިކޮނޮމިކް ކްރައިމް ޑިޕާޓްމަންޓުން މިއަދު ބޭއްވި ނިއުސް ކޮންފަރެންސްގައި ސުޕްރިޓެންޑެންޓު އޮފް ޕޮލިސް އަބްދުﷲ ރަޝީދު ވަނީ، މިދިޔަ އަންގާރަ ދުވަހުގެ ހަވީރު ފުލުހުންނަށް ހުށަހެޅި އެ މައްސަލައިގައި ގިނަ އަދަދެއްގެ ފައިސާ ހޯދާފައިވަނީ ފޯނާއި އެމްއައިބީ އެޕްގެ ޕާސްވޯޑު އެނގޭ މީހެއް މެދުވެރިވެގެން ކަމަށް ވިދާޅުވެފަ އެވެ.
އެކަމުގެ އިތުރު މައުލޫމާތެއް ނުދިނަސް ފުލުހުން ވަނީ އެ މުއާމަލާތްތައް ހިންގި ގޮތް ތަފްސީލުކޮށް ކިޔައިދީފަ އެވެ.
އެ ފޭރުމުގައި ބައިވެރިވުމުގެ ތުހުމަތު ހަތަރު މީހަކަށް ކުރާއިރު، މިހާތަނަށް ތިން މީހަކު ހައްޔަރުކޮށްފައިވެ އެވެ. އެއީ؛
- އުމުރުން 24 އަހަރުގެ އަންހެނެއް
- އުމުރުން 24 އަހަރުގެ ފިރިހެނެއް
- އުމުރުން 23 އަހަރުގެ ފިރިހެނެއް
އެކަމުގައި 16 އަހަރުގެ ފިރިހެން ކުއްޖަކަށް ތުހުމަތުކުރިޔަސް، އެ ކުއްޖާ އަދި ހައްޔަރެއް ނުކުރެ އެވެ.
އެނގިފައިވާ ގޮތުގައި، އެ ފިރިހެން މީހާގެ ފޯނުގެ މޮބައިލް އެކައުންޓުން، މި މައްސަލައިގެ ތުހުމަތުކުރެވޭ ތިން މީހެއްގެ އެކައުންޓަށް ރުފިޔާ ފޮނުވުމުގައި ބައިވެރިވެފައިވަނީ، ގެއްލުން ލިބުނު މީހާގެ 16 އަހަރުގެ ކާފަ ދަރި އެވެ. މާލެއަށް އުފަން އެ ކުއްޖާ ދިރިއުޅެމުން އަންނަނީ ވެސް ވިޔަފާރިކުރާ ކާފައާއެކު އެއްގެއެއްގައި ކަމަށް ވެސް ވެ އެވެ.
ފުލުހުން މިއަދު ބޭއްވި ޕްރެސް ކޮންފަރެންސްގައި، އިކޮނޮމިކް ކްރައިމް ޑިޕާޓްމަންޓުގެ ގެޑް، ސުޕްރިޓެންޑެންޓު އޮފް ޕޮލިސް އަބްދުﷲ ރަޝީދު (މ)، ހެޑް އޮފް ފްރޯޑް ޑިޕާޓްމަންޓް، އިންސްޕެކްޓާ އޮފްޕޮލިސް މަރިޔަމް ރަޝީދާ އަދި އިންވެސްޓިގޭޝަން އޮފިސަރު ސާޖަންޓް އަބްދުﷲ ނަދީމް ބައިވެރިވެވަޑައިގަންނަވަނީ.-- ފޮޓޯ: ފަޔާޒު މޫސާ/ މިހާރު
އެ ފޯނުން، އެހެން އެކައުންޓުތަކަށް އެކި ދުވަސް މަތިން ފައިސާ ފޮނުވިއިރު ވެސް އެއް ގޮތް ކަންތައްތަކެއް ހުރި ކަމަށް ފުލުހުން ބުނެފައިވެ އެވެ. އެގޮތުން، ގެއްލުން ލިބުނު މީހާ މިސްކިތަށް ނަމާދަށް ދާ ވަގުތުތަކުގައި ޓްރާންސެކްޝަންތައް ހިންގާފައިވާ ކަމަށް ފުލުހުން ބުންޏެވެ.
އެ މައްސަލަ ފުލުހަށް ހުށަހެޅިތާ 48 ގަޑިއިރުގެ ތެރޭގައި ވަނީ ގެއްލުނު 1.6 މިލިއަން ރުފިޔާ ހޯދައިފަ އެވެ.
އެ ތަނުން އެކެއްގެ އެކައުންޓަށް ފަސް ފަހަރެއްގެ މަތިން އެއް މިލިއަން ރުފިޔާ ޖަމާކޮށްފައި ވެ އެވެ. އެ މީހާ ވަނީ އޭނާގެ ނަމުގައި ހުރި އެހެން އެކައުންޓްތަކަށް އެ ފައިސާ އެކި ފަހަރު މަތިން އެކި ދުވަސްތަކުގައި ޓްރާންސްފާ ކޮށްފަ އެވެ.
އެހެން އެކައުންޓަކަށް ފައިސާ ފޮނުވުމުގެ އިތުރުން ބައެއް ތަންތަނުން ވިޔަފާރި ވެސް ވަނީ ކޮށްފަ އެވެ. އިލެކްޓްރޯނިކް ސާމާނާއި ދޫނި ފަދަ ތަކެތި ގަތުމަށް ގާތްގަނޑަކަށް 90،000 އެއްހާ ރުފިޔާ ބޭނުންކުރި އެވެ. އޭނާގެ ހަރަދަށް އެކައުންޓްގައި ހަތް ލައްކަ ރުފިޔާ ބަހައްޓާފައި ހުރި ކަމަށް ފުލުހުން ބުންޏެވެ.
ދެ ވަނަ މީހާގެ އެކައުންޓަށް ވިކްޓިމްގެ އެކައުންޓުން ޓްރާންސްފާކުރީ އަށް ލައްކަ ރުފިޔާ އެވެ. އެއާއެކު، ފުރަތަމަ މީހާގެ އެކައުންޓުން، ދެ ވަނަ މީހާގެ އެކައުންޓަށް އިތުރު ފައިސާއާއެކު ޓްރާންސްފާ ކުރި އެވެ. އޭނާ ވެސް ވަނީ އެ ފައިސާ އެހެން އެކައުންޓަކަށް ޖަމާކޮށް، ރޯލްކޮށްފަ އެވެ. ތިން ވަނަ މީހާއަށް ފައިސާ ޓްރާންސްފާކޮށްފައިވަނީ ދެ ވަނަ މީހާ އެވެ. ތިންވަނަ މީހާގެ އެކައުންޓަށް ޖަމާކޮށްފައިވަނީ، އެކި އެކައުންޓުތަކުން ޖުމްލަ 1.5 މިލިއަން ރުފިޔާ އެވެ.
މި މައްސަލައިގައި ދެން ހިމެނެނީ ހއ. ހޯރަފުށީ އަންހެނަކާއި އެ އަތޮޅު މޮޅަދޫ އަދި ގދ. ހޯނޑެއްދޫ މީހެކެވެ. އެ އެންމެންނަކީ ވެސް، 16 އަހަރުގެ ފިރިހެން ކުއްޖާއާ ގާތް ގުޅުމެއް އޮންނަ ބައެއް ކަމަށްވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މުހިއްމު
20 February 2024
ދޭތެރެއަކުން އެމީހެއްގެ އެކައުންޓުގެ ޓްރާންސެކްޝަންތައް ބަލައިލުން މުހިއްމު. އޯޓީޕީގެ މެސެޖާ ޓްރާންސްފަރވީކަމުގެ މެސެޖް އެކުއްޖާ އެ ފޯނުން ފުހެލިނަމަވެސް ފޯނު އެޕްގަ ޓްރާންސެކްޝަންތައް ފެންނަން ހުންނާނެ ނޫންބާ.
ޥަގެކޭ ވަގެކޭ
20 February 2024
މިއުޅޭ ޒުވާނުން މުއްސަނދިވާ ގޮތް މިހިރަ ފެންނަނީ މިރަށުގަ ވެސް ތިޒާރައް މުއްސަނދިވެގެން އުޅޭ ސޮރެއް މިހަަރު އެބަ އުޅޭ ލާރި އެކަލޭގެ ހޯދި ގޮތެއް އެނގޭ އިންސާނެތް ނޫޅޭ ކުއްލިއަކައް ބޮޑެތި ލޯންޗުފަހަރާ ވިޔަފާރި ގެތަކާ ގެސްަޓް ހައުސްތައްކުގެ ވިޔަފާރި ފެށިކަން އެނގެނީ ގައިމު މަތިންނެއް ލާރިއެއް ނުފައިބާނެ ފައިބާ ނަމަ މަށާދިމާލައްވެސް ފޭބިސް ތޯއްޗެ
ބުރަތޭރީ
20 February 2024
16 އަހަރުގެ ކުއްޖަކު ތިފަދަދެރަ ކަމެއް އާއިލީ މީހަކަށް ދެޏީ ގޭންގެއްގެ ނުރައްކަލާއި އިންޒާރަށް ސަލާމަތް ނުވެވިގެން...ތިޔަކަމުގާ ޝާމިލްވާ ބޮޑެތިމީހުންނާއި ތިޔަ ކުއްޖާއާއި އޮތީ ކޮންގުޅުމެއްކަމާއި ކޮންކަހަލަ މަޖުބުރީ ހާލަތެއް ކުރިމަތި ކުރުވީ ކަމަށް ހޯދާ ބަލަންޖެހޭ.
ސައ
20 February 2024
ދަރިން ކިތަންމެ ރަނގަޅައް ތަރުބިއްޔަތު ކުރިޔަސް މަގު އޮޅިދާނެ ގޯސްކަމެއް ކޮއްފާނެ އެހެނޭ ކިޔާފަ އެކުއްޖާ ގޯސް ކުއްޖަކައް ނުވާނެ ނަސޭހައްދީ އަޅާލުން ބުއްދިވެރީ އަދަބު ދިނުމާ ރުޅިއައިސް ހަޅޭއްލަވާ މިކަމުން ދެފަރާއްތައްވެސް ވާނީ ގެއްލުން
ސައ
20 February 2024
ދަރިން ކިތަންމެ ރަނގަޅައް ތަރުބިއްޔަތު ކުރިޔަސް މަގު އޮޅިދާނެ ގޯސްކަމެއް ކޮއްފާނެ އެހެނޭ ކިޔާފަ އެކުއްޖާ ގޯސް ކުއްޖަކައް ނުވާނެ ނަސޭހައްދީ އަޅާލުން ބުއްދިވެރީ އަދަބު ދިނުމާ ރުޅިއައިސް ހަޅޭއްލަވާ މިކަމުން ދެފަރާއްތައްވެސް ވާނީ ގެއްލުން
މި ޖީލު
20 February 2024
30އަހަރުގެ އަންހެނެއް. 40 އަަހަރުގެ ފިރިހެނެއް 16 އަހަރުގެ ކުޑަކުއްޖެއް. ކީއްވެ މި މީސްމީހުންގެ ވަނަވަރު ހާމަ ނުކުރެވެންވީ. އިހަކައްދުވަހު ހުރިހާ ނޫސްތަކެއްގެ ފަލަ ސުރުޚީތައް ފުރާލީ އަނބު ގަސްތަކުން އަނބު ބިންނަމުންދިޔަ މީހެއްގެ ވާހަކަ. އެމީހާގެ ވަނަވަރާ ހުރިހާ އެއްޗެއް ހާމަކޮށްފައިވޭ. ބޮޑެތި ސިންގާ ކުށްތަކަށް އަރާމީހުންގެ ވަނަވަރު ފަރުދާގެ ފުރަގަހަށްލާ ފޮރުވަނީ ކީއްވެގެންކަމެއް ނޭނގެ.
އޭ މަގޭ ޤައުމާއެވެ.
20 February 2024
މައިންބަފައިން ދަރީންނަށް އިންތިހާއަށް އިތުބާރުކުރޭ. ދަރީންދެކެވާލޯބިން އެދަރީން ތިމާގެ ދެލޯނެގިއަސް ތިމާއަށް އިޙްސާސްވެސް ނުވާހާވަރަށް ލޯބިވޭ. އަދި ޚާއްޞަކޮށް ކާފަ މާމަ ދަރީންދެކެ. އެކަމަކު މިއަދުގެ ޖީލު މިވަނީ އެހެން މަގަކުން ގޯޅިއަޅަން ތައްޔާރުވެފައި. ދަރީންދެކެ ކިތަންމެ ލޯބިވިއަސް އަދި ކިތަންމެ އިތުބާރެއް ކުރިއަސް އެކުއްޖާގެ ސިކުނޑިއާ ކުޅެލާނެ ބަޔަކު ތިބެދާނެކަމަށް ކޮންމެ ބެލެނިވެރިއަކުވެސް ޤަބޫލުކުރަންޖެހޭ. މީ ވަރަށް ހިތާމަހުރި ޚަބަރެއް.
އޮޅުންސުވާލި
20 February 2024
އުމުރުން 25 ނުވާ ޖީލެއް ވީދިކުދިކުދިވެ ވިއްސިވިހާލިވެ ބުރަބުރައިގެން ގޮސްފައި މިވަނީ އިޖުތިމާއީ ފޭރާން ފަހަން ގެންގުޅުނު ބަރަނީގެ ފެންވަރުންތޯ، ކުލައިންތޯ ނޫވަތަ ފަހާމީހާގެ ސަބަބުންތޯ ބަލާވިސްނާ ފިކުރުކުރެވެން އިންނާނެވަރު މިހަށީގައިނެތި ހިތްފަޅަފަޅައިގެންގޮސް ދެލޮލުން ކަރުނަހުސްވެ ހިކި ބުއްދި ހަފުސްވެއްޖެ. ޔާﷲ އަޅަމެންނަށް ހެޔޮލަފާ ޞާލިހު ތަޤުވާވެރި ދަރިފަސްކޮޅެއް މިންވަރުކޮށްދެއްވާނދޭވެ! އާމީން.
އަބާރަނަ
20 February 2024
މުޅި ގައުމުގައި ގޭންގު އުފެދި ހެދިގަތީމާ ކޮންމެ ގެއެއްގައިވެސް ގޭންގު މެންބަރެއް ހުންނާނެ. އެއީ ޝައްކެއް އޮތް ކަމެއް ނޫން. އަދި ގޭންގުތަކަށް ދަރިން ތަރުބިއްޔަތުކޮށް ހާނުވަނީވެސް އެ ދަރިންގެ މައިންބަފައިން. އެބަޔަކު ކެހި ކަނޑުލެއްގެ ހިތި އެބަޔަކަށް ފެންނާންވެސް ޖެހޭނެ. ކަންބޮޑުވެގެން ގޮސް ހައިރާންވެ ދެލޯ ބޮޑުވާންޖެހޭނެ ކަމެއް ވެސް ނޫން. ސަރުކާރަށް އެއްޗެހި ގޮވަންޖެހޭ ކަމެއްވެސް ނޫން.
ރަދީފްއޮފިޝަލް
20 February 2024
އަހަރެންގެ ބައްޕަގެ ކާޑް އޮންނަނީ މަގޭ އަތުގަ.ޕިން ވެސް އެނގޭ.ނުނަގަން އެންމެ ރުފިޔާއެއް ވެސް. މިފަދަ އަޙްލާގެއްގެ ވެރިބަޔަކަށް އަހަރުމެން ހެދުމަށް އަހަރުމެންގެ ކާފަ މާމަ ، މުންނާ އަދި އެދުރުން ، ޕްރިންސިޕަލުން އޭރު ކުރި މަސައްކަތް މިއަދު ނުކުރެވޭތީވެ 9 އަހަރުގެ ކުއްޖާ ވެސް އޯޓީޕީ ވަގަށް ނަގަނީ. އޭއި މިހިރި ދިދަޔާ.މީހުން އޯޓީޕީ ވަގަށްނަގައި ބޭނުންކުރާއިރު އަހަރުމެން ދެން ކީކޭ ބުނަންވީ. ހެހެހެހެހެހެ.ވ.ވެދުން
ނަމުގައިކިޔަވައިދޭން
20 February 2024
އޭރު ރަށުގައި އޯލެވެލް ނުހެދޭތީ އަހަރެމެން 90ގެ އަހަރުތަކުގައި މައިންބަފައިންނާ ދުރުގައި މާލޭގެ ގޭގޭގައި ތިބެގެން ކިޔެވީމަ ވީގޮތް. މިހާރު ރަށުގައި އޯލެވެލް ހެދުނަސް ކިޔަވައިދޭށޭކިޔާފަ ދަރިންކޮޅުގޮވައިގެން މާލެއަށް ހިޖުރަކޮށް ތަނުގެ ކުލިދައްކަން ދެމީހުން ދުވާލުހަތަރުދަމު މަސައްކަތުގައި. ދަރިންނަށް ދީފައޮންނަފޯނުން މަތީފާސްތައް ނަގާއިރު އުޅޭނޫޅޭ ބަލާލެވޭވަރަށްވުރެ ބިޒީ. ޗުއްޓީގަ ރަށަށްގޮސް އެވަރަށް ފޮނިކަނޑާނެ މާލޭ ސްކޫލްގައި ކިޔަވާތީ.