ޝީޝާއިން ސޫކޫޕީ އައިގެ މޮޑެލްތަކާއި ވޭވް 110 އައިގެ ސައިކަލްތަކަށް ޑިސްކައުންޓް ދެނީ

ޝީޝާގެ ޝޯރޫމްގައި ބަހައްޓާފައިވާ ސައިކަލްތަކެއް: ސްކޫޕީ އައިގެ އަދި ވޭވް 110 އައިގެ މޮޑެލްތަކަށް ހާއްސަ ޑިސްކައުންޓެއް ދޭން ވަނީ ފަށާފައި.

15 ފެބުރުއަރީ 2017 - 16:18

6 comments

ޝީޝާއިން ވިއްކާ ހޮންޑާ "ސޫކޫޕީ އައި"ގެ މޮޑެލްތަކާއި "ވޭވް 110 އައި"ގެ ސައިކަލްތަކަށް ހާއްސަ ޑިސްކައުންޓެއް ދޭން ފަށައިފި އެވެ.

ރާއްޖޭގައި އެންމެ ފުޅާދާއިރާއެއްގައި ސައިކަލްގެ ވިޔަފާރިކުރާ ކުންފުނިން ބުނީ މިއަދުން ފެށިގެން އެއް މަސްދުވަހުގެ މުއްދަތަށް މި ޑިސްކައުންޓް ދޭން ނިންމާފައިވާ ކަމަށެވެ.

"އަޅުގަނޑުމެން މި ވިއްކާ ސްކޫޕީ އައިގެ މޮޑެލްތައް އަދި ވޭވް 110 އައިގެ މޮޑެލްތަކަކީ އަންހެން ބޭފުޅުންގެ މެދުގައި ވަރަށް މަގުބޫލް މޮޑެލްތަކެއް. މިހާރަކަށް އައިސް ވަޒީފާއަށާއި އަމިއްލަ ބޭނުންތަކަށް ގިނަ އަދަދެއްގެ އަންހެން ބޭފުޅުން އަމިއްލަ ސައިކަލުގައި އެބަ ދަތުރުކުރޭ. ސައިކަލެއް ހުރުމުން އަންހެނުންނަށް ވަރަށް ބޮޑު ފަސޭހައަކަށް ވެގެން އެބަދޭ،" އޮފިޝަލް ވިދާޅުވި އެވެ.

އޭނާ ވިދާޅުވީ ސްކޫޕީ އައިގެ މޮޑެލްތަކާއި ވޭވް 110 އައިގެ މޮޑެލްތަކަކީ އެންމެ ގިނަ އަންހެނުން ދުއްވާ މޮޑެލްތަކުގެ ސައިކަލް ކަމަށެވެ.

ޝީޝާއިން ބުނީ އެ ކުންފުނިން އިންސްޓޯލްމަންޓަށާއި އިސްލާމިކް ބޭންކް އަދި ފައިނޭންސް ލީޒިން ކޮމްޕެނީ މެދުވެރިކޮށް ސައިކަލް ގަންނަ ފަރާތްތަކަށް އެ ހާއްސަ ޑިސްކައުންޓް ލިބޭނެ ކަމަށެވެ.

"މި ހުރިހާ މޮޑެލްތަކުގެ ސައިކަލް ވެސް ލިބެން އެބަހުރި. އަދި އެއްވެސް ބޭފުޅަކު ޕްރީ އޯޑާއެއް އަދި އެޑްވާންސް ޕޭމަންޓެއް ދައްކާކަށް ނުޖެހޭނެ. އެކަމަކު އިންސްޓޯލްމަންޓަށް ނަގާ ފަރާތްތަކުން އެ އޮންނަ އުސޫލްތަކާ އެއްގޮތަށް އެޑްވާންސް ޕޭމަންޓް ދައްކަން ޖެހޭނެ،" ޝީޝާގެ އޮފިޝަލް ވިދާޅުވި އެވެ.