ރައްޔިތުންގެ މަޖިލިސް --
28 ފެބުރުއަރީ 2024 - 16:15
މިނިވަން މުއައްސަސާތަކުގެ ވެރިންނާއި ފަނޑިޔާރުން އަދި ކައުންސިލަރުންގެ މުސާރަތައް ބޮޑު ކުރަން ރައްޔިތުންގެ މަޖިލީހުން މިއަދު ފާސްކޮށްފި އެވެ.
މުސާރަ ބޮޑު ކުރުމަށް މާލިއްޔަތު ކޮމިޓީން އެކުލަވާލި ރިޕޯޓަށް މިއަދު މަޖިލީހުގެ ތަޅުގައި 49 މެންބަރަކު ވޯޓު ދެއްވި އެވެ. ކޮމިޓީގެ ރިޕޯޓްގައި މަޖިލިސް މެންބަރުންގެ މުސާރަ ވެސް ބޮޑު ކުރަން ހިމަނާފައި އޮތް ނަމަވެސް، އާއްމުންގެ ފާޑުކިއުންތައް ބޮޑުވުމާ ގުޅިގެން ފަހުން ވަނީ އެ ބައި އުނިކޮށްފަ އެވެ.
ރައީސުލްޖުމްހޫރިއްޔާ އާއި ނައިބު ރައީސްގެ މުސާރަ ބޮޑުކުރަން ހިމެނި ބައި ވެސް އޮތީ އުނިކޮށްފަ އެވެ.
ކޮމިޓީން ނިންމާފައި އޮތީ ހުރިހާ ކޯޓެއްގެ ފަނޑިޔާރުންނާއި ކައުންސިލަރުން އަދި މިނިވަން މުއައްސަސާތަކުގެ ވެރިންނާއި އެފަދަ ހުރިހާ މަގާމެއްގެ މުސާރަ ބޮޑުކުރާށެވެ.
އޭގެ ތެރޭގައި އެމްއެމްއޭގެ ގަވަރުނަރާއި ޕްރޮސިކިއުޓާ ޖެނަރަލާއި އޮޑިޓާ ޖެނަރަލާއި ޗިލްޑްރަން އޮމްބަޑްޕާސަން އާއި ކޮމިޝަނާ ޖެނެރަލް އޮފް ޓެކްޒޭޝަން އާއި ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑުގެ ރައީސް އާއި ނައިބު ރައީސް އަދި ބޯޑު މެންބަރުން ހިމެނެ އެވެ.
އުއްތަމަ ފަނޑިޔާރުގެ މުސާރަ ވެސް ބޮޑު ކުރަން ނިންމާފައިވާ އިރު، ކޮމިޓީން ގެނައި ބަދަލާ އެކު އެ މަގާމުގެ މުސާރައަކީ މަހަކު 91،000 ރުފިޔާ އެވެ. ސުޕްރީމް ކޯޓުގެ ފަނޑިޔާރުންނަށް 89،000 ރުފިޔާ އެވެ.
ސިޓީ ކައުންސިލްތަކުގެ މޭޔަރުންގެ މުސާރަ 46،000 އަށް ބޮޑު ކޮށްފައިވާއިރު ރަށު ކައުންސިލްތަކުގެ ރައީސުންގެ މުސާރަ އަކީ 25،000 ރުފިޔާ އެވެ. އަދި އަތޮޅު ކައުންސިލްތަކުގެ ރައީސުންގެ މުސާރަ އަކީ 33،000 ރުފިޔާ އެވެ.
މިނިވަން މުއައްސަސާތަކުގެ ރައީސުންގެ މުސާރައިގެ ގޮތުގައި 59،000 ރުފިޔާ ކަނޑައަޅާފައިވާއިރު، ނައިބުންގެ މުސާރަ އަކީ 55،000 ރުފިޔާ އެވެ. ޕްރޮސިކިއުޓާ ޖެނަރަލާއި ކޮމިޝަނާ ޖެނެރަލް އޮފް ޓެކްޒޭޝަން އަދި އޮޑިޓާ ޖެނަރަލްގެ މުސާރަ އަކީ 74،000 ރުފިޔާ އެވެ.
Copyright © 2024 Mihaaru · Terms and Conditions · Privacy Policy
ކޮމެންޓްތައް
ގގގގ
03 March 2024
މޑޕ ގެ ލީޑަރޝިޕުން މަރުދެނީ ދިވެހި ރާއްޖެ ދަރުވާލާ އައިއެމްއެފް މެދުވެރިވެގެން ދިވެހިރާއްޖޭގެ ދަރަނި އިންޑިޔާއަށް ވިއްކާލައިގެން އިންޑިޔާގެ އަޅުވެތިކަމަށް ދިވެހި ގައުމު ވައްޓާލަން. ގައްދާރުންވެސް މޑޕ ގެ މެންބަރުންހާ ނުބައިނުވާނެ.
ބްރެއިން ޑްރެއިން
29 February 2024
ދެން ސަރުކާރުގައި ލާރިއެއް ނެތޭ ކިޔާފައި މިދައްކަނީ ހުސް ދޮގު ވާހަކައެއްނު. މި ހުރިހާ އެންމެންގެ މުސާރަ ބޮޑުކުރި އިރު ސިވިލް ސާވަންޓުންނަށް ލިބެނީ އެންމެ 8،000ރ. އާދައިގެ މުވައްޒަފުންގެ މުސާރަ ބޮޑުނުކޮށް މިމީހުންގެ މުސާރަ ބޮޑުކުރަން ހެޔޮނުވާނެ. މުސްތަޤުބަލުގައި ކިޔަވައިގެން ތިބި މީހުން މިޤައުމު ދޫކޮށްދާނެ.
ފފފފފ
03 March 2024
ސަރުކާރަށް ޖެއްސުންކުރާ ސަރުކާރުގެ އެއްވެސް ބައިވެރިވުމެއްނެތް މަޖިލިހަކުން ފާސްކުރި މުސާރައަކާ ގުޅުވައިގެން ސަރުކާރުގައި ފައިސާ އެބަހުއްޓޭ ކިޔާވަރުގެ މީހުން ކޮމެންޓް ކުރަންވެސް ހުތުރު.
އިހްސާސް
29 February 2024
ތިދެން ބޮޑުވަރު.. މަގުމަތި ސާފުކޮށް ކުނިނަގައި އުޅެމުންދާ ވެމްކޯގެ މުވައްޒަފުން އެކުރާވަރުގެ މަސައްކަތްވެސް ތިޔަބުނާ ކައުންސިލަރުން ނުކުރެ. މާރަގަޅުވާނެ އެމުވައްޒަފުންގެ މުސާރަޔާ އެލަވަންސް ބޮޑުކުރިއްޔާ. އެހެނީ އެއީ ރިސްކު ބޮޑު މާބުރަ މަސައްކަތްތައް. ކައުންސިލަރުން ކޮފީ ބޮއިގެން 25،000 ރުފިޔާ ޖީބަށް.
ހވޔވބހޔބހޔ
29 February 2024
މުސާރަ ބޮޑު ކުރާނަމަ ތައުލީމީ ކުރައިޓީރިޔާ ނުވަތަ މަސައްކަތުގެ ތަޖުރިބާ ކުރައިޓީރިޔާ މަތިކޮށްލަން ޖެހޭ.. މިހާރު ވާގިތަކީ ގުރޭޑު 7 ނިމުނު މީހާ ކައުންސިލް ރައީސްކަމަށް..އެ ހެޔޮ ދިވެހި ބަހުން ސިޓީއެއް ލިޔަން ނޭނގުނަސް...
ާއުނިމާ
29 February 2024
މިމީހުނަށް މުސާރަ ދީފައި ދެންތިބި މީހުން ނުކައި ދޯ ތިބެންވީ، ބަލަ މިޤައުމަކު ނެތޭ ތަރައްޤީވެފައިވާ ގައުމުތަކުގައި ދޭ މުސާރަ ދިނުމުގެ ފެންވަރެއް،
ފޫހި
29 February 2024
ޖުޑީޝަރީއާއި މިނިވަން (ނަމެއްގަ) މުއައްސަސާ ތަކަކީ ރައްޔިތުން އިތުބާރުގެއްލިފައިވާ ތަންތަން. އެތަންތަން އުވާލުމަށް ގޮވާލަން. އެފަދަ ތަންތަނުގެ މީހުންނަށް ބިޔަ ބޮޑު މުސާރަދިނުމަކީ އަހަރެން ތާއީދުކުރާކަމެއްނޫން. މި ޖެހި މަޅިއަކީ މީގެ 1 މަސްފަހުން މަޖިލީހުގެ މުސާރަބޮޑުކުރަންކުރިކަމެއް. މި މުސާރައިގެ ކަންކަން ތަންފީޒުނުކުރުމަށް ގޮވާލަން. ދައުލަތް ދަރުވާލާފައި އަދިވެސް މިތެޅެނީ ޖެއްސުންކުރަން. ނޯވޯޓް އެމްޑީޕީ
ބަގުރޫޓު
29 February 2024
އަދިވެސް ގައުމު ބަގުރޫޓްކޮށްލެވޭނެ ގޮތްތަކަށް މަގުކޮށަނީ. މިއީ ގައުމަށް ހެޔޮއެދޭ މަޖިލީހެއް ނޫން. ދަރިންގެ ދަރިންނަށްދާނދެން ދަރުވައިފި. 120 ބިލިޔަން ރުފިޔާއިން ދަރުވާލާފައި އިތުރު އެތައް މިލިޔަނަކުން ދަރުވާލަން އަނެއްކާވެސް މިފާސްކުރީ. މިވަރަށް ގައުމަށް ހަރާމްކޯރުވާ، ރައްޔިތުންނަށް ދޯކާދޭ ބަޔަކަށް އަލުން ވޯޓުދޭކަށް ނުވާނެ.
ޥޯޓޫފސސ
29 February 2024
ފަޑިޔާރުން ނަކީ 3 ގަޑި އިރު މަސައްކަތް ކުރާ ބައެއް. މިހާރު ދޭ މުސާރަ ރަނގަޅު. މިގޮތަށް މުސާރަ ބޮޑު ކުރަންނާ ހުރިހާ އެންމެގެ މުސާރަ ބޮޑު ކުރަންޖެހޭ. މައްސަލައެއް ނިމެނީ އަހަރަކުން. ޢެކަމުވެސް މުސާރަ ބޮޑުކޮށްފަ. މިޔަޡް ވޯޓު ދިން އެކަކަށް ވެސް ވޯޓު ދެން ނުދިނުން ރަނގަޅީ
ކޯޓު އިދާރީ މުވައްޒަފުންގެ ހައްގުގައި
29 February 2024
ރަށު ކޯޓުތަކުގެ ޤާޟީން ސައިން އިން ކޮށްލާފައި ދަނީ ގެއަށް. ޙުރިހާ މަސައްކަތެއް ކުރަނީ އިދާރީ މުވައްޒަފުން. ޤާޟީން ކުރަންޖެހޭ މަސައްކަތްތައްވެސް މުވައްޒަފުންގެ ބޮލަށް ޖަހާފައި. ޝަރީއަތް އޮންނަ ގަޑިއަށްވެސް ނާދެވޭ. 09 ޖަހާއިރު އޮންނަ ޝަރީއަތަށް އާދެވެނީ 10 ޖަހާއިރު. ޜައްޔިތު މީހާ އިންތިޒާރުގައި. މުވައްޒަފުން ހަތަރުދަމު އޮފީހުގައި މަސައްކަތް ނުނިމިގެން ގަނަ ތެޅި ތެޅި
ބަޑިތަކުރު
29 February 2024
ސަރުކާރު ފަޅިން ނުކުންނަ ކެންޑިޑޭޓުންގެ އެންމެ މުހިންމު ވައުދެއްކަމުގައި ޤާނޫނު އަސާސީއަށް ޕޭކޮމިޝަނެއްގެ ބާބު އިތުރުކޮށް އެއްވެސް ބަޔަކަށް އަމިއްލައަށް މުސާރަ ކަނޑަނޭޅޭގޮތަށާއި ސަރުކާރަށް ޖެއްސުމަށް ގައުމަށް ލިބޭ އާމްދަނީ މުސާރައަށް ބަހާލައިގެން ތަރައްޤީއަށް ހުރަސްއެޅުންފަދަ ނުބައި މަގްޞަދުތަކުގައި ކަންކަން ނުކުރެވޭގޮތަށް ހެދުން ހިމަނާލަދީބަލާށެވެ.
ރަށުމީހާގެ
29 February 2024
ޕޭކޮމިޝަން ގެ އިސްކޮށް ތިބޭ މުވައްޒަފުންނަށް ވެސް މުސާރަބޮޑުވާނީ އެކަމަށް މަގުފަހި ކުރުވަން ތިބޭ މީހުންގެ މުސާރަވެސް ބޮޑުކޮށްގެން، އެހެންކަމުން މިކަމަށް ހައްލެއް ފެންނާނީ ޕޭކޮމިޝަންވެސް ނަޒާހަތްތެރިވެގެން އެހެންފަރާތެއްގެ ނުފޫޒު ނުފޯރާގޮތަކަށް ކަންތައް ތައް ބައްޓަންވެގެން.
ޙަލ9
29 February 2024
މި އެބަޖެހޭ ވައުދެއް ގޮތުގަ ގެންނަން. މުއްސަދިން މުއްސަދި ވާއިރު ފަގީރުން ފަގީރުވަނި.
އާދަނު
29 February 2024
މަތިން ޙެޔޮއެދިގެން އަޑިއަޑިން ސަރުކާރަށް ޕްރެސަރުކުރުން. މިބަލާވެރިކަމުން އަޅަމެން ނަޖާކުރައްވައި އަމާން ދިވެހި ރައްޔިތުންގެ މަޖިލިސްއަކަށް މެމްބަރުން އަޅަމެންނަށް ﷲގެ ހެޔޮ މިންވަރުފުޅުން މިއަހަރު ލަހައްޓަވާށި.