ތިން މަސް ނުވަނީސް ބައި މިލިއަން ޓޫރިސްޓުން ހުރަސްކޮށްފި

ރާއްޖެއަށް އައި ޓޫރިސްޓުންތަކެއް ވެލާނާ އެއާޕޯޓުގައި: މާޗް މަސް ނިމުމުގެ ކުރިން ޓޫރިސްޓުން އައި އަދަދު ވަނީ 500،000 ހުރަސްކޮށްފައި. --ފައިލް ފޮޓޯ: މިހާރު

22 މާޗް 2024 - 14:11

25 comments

މި އަހަރުގެ ފުރަތަމަ ތިން މަސް ހަމަވުމުގެ ކުރިން ބައި މިލިއަނަށް ވުރެ ގިނަ ޓޫރިސްޓުން ރާއްޖެ އަށް ޒިޔާރާތްކޮށްފި އެވެ.

ޓޫރިޒަމް މިނިސްޓްރީގެ ތަފާސްހިސާބުތައް ދައްކާ ގޮތުން، މި މަހުގެ 20 ވަނަ ދުވަހާ ހަމައަށް ރާއްޖެ އަށް ވަނީ ޖުމްލަ 529،547 ޓޫރިސްޓުން އައިސްފަ އެވެ.

މިއީ މިދިޔަ އަހަރުގެ އެހާތަނަށް ރާއްޖެ އިން މަރުހަބާ ކިޔާފައިވާ 468،763 ޓޫރިސްޓުންނަށް ވުރެ 13 ޕަސަންޓު އިތުރުވުމެކެވެ.

މި އަހަރަށް ބަލާއިރު ރާއްޖެ އަށް އެންމެ ގިނައިން ޓޫރިސްޓުން ޒިޔާރަތްކޮށްފައިވަނީ މިދިޔަ މަހު އެވެ. މިދިޔަ ފެބްރުއަރީ މަހު ރާއްޖެ އަށް އައި ޓޫރިސްޓުންގެ އަދަދަކީ 217،392 އެވެ. އެކަމަކު މި ހިނގާ މާޗް މަހު އެ އަދަދު ވަނީ ދަށަށް ގޮސްފަ އެވެ. މި މަހުގެ 20 ވަނަ ދުވަހާ ހަމައަށް ރާއްޖެ އަށް ޒިޔާރަތް ކުރީ 119،770 ޓޫރިސްޓުންނެވެ.

މި ތަފާސްހިސާބުތަކުގެ މުއްދަތުގައި ރާއްޖެއަށް އެންމެ ގިނަ ޓޫރިސްޓުން އައިސްފައިވަނީ މިދިޔަ އަހަރު ތިން ވަނައިގައި އޮތް ޗައިނާ އިންނެވެ. ޗައިނާގެ 61،802 ޓޫރިސްޓުން އެ މުއްދަތުގައި ރާއް ޖެއަށް އައިސްފައި ވެ އެވެ.

މިދިޔަ އަހަރު އެއް ވަނައިގައި އޮތް އިންޑިއާ، މިހާރު ވަނީ ލިސްޓުގެ ހަ ވަނަ އަށް ވެއްޓިފަ އެވެ. މި މަހުގެ 20 ވަނަ ދުވަހާ ހަމައަށް އިންޑިއާ އިން ރާއްޖެ އައީ 31،649 ޓޫރިސްޓުންނެވެ.

މިދިޔަ އަހަރެކޭ އެއްފަދައިން ރަޝިއާ އޮތީ ދެ ވަނައިގަ އެވެ. މިދިޔަ އަހަރު އެ ލިސްޓުގެ ހަ ވަނައިގައި އޮތް އިޓަލީ މި އަހަރު ވަނީ ތިން ވަނަ އަރައިފަ އެވެ.

ރާއްޖެ އަށް މިދިޔަ އަހަރު 1.8 މިލިއަން ޓޫރިސްޓުން ޒިޔާރަތްކޮށްފައިވާ އިރު، މި އަހަރުގެ ނިޔަލަށް ދެ މިލިއަން ޓޫރިސްޓުން ގެންނަން ސަރުކާރުން ވަނީ އަމާޒު ހިފައިފަ އެވެ.

ޓޫރިސްޓުން ޓޫރިޒަމް މިނިސްޓްރީ ޓޫރިޒަމް

25 ކޮމެންޓް, 7 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކޮންފައިދާއެއް

23 March 2024

ހުރިހާ ފައިދާއަށް ވަނީ ރިސޯޓު އޯނަރުންނަށް. ކޮންމެ 3 މަހަކުން 2 މިލިއަން ޓޫރިސްޓު އަައިސްގެންވެސް ރައްޔިތު މިހާގެ ހާލެއް 5 އަހަރު ފަހުންވެސް ބަދަލެއް ނުވާނެ. ހަމަ މިގޮތަށް ބޮޑެތި ބިލުތައް ދައްކާލަ ދައްކާ ތިބެންޖެހޭނީ މަތިމައްޗަށް ލޯނުނަގަ ނަގާ ބޯހިޔާވަހިކަމަށް ސަލާންޖަހާ. ފްލެޓު ހައްޤު މީހާއަށް ފްލެޓެއް ނެތް. ގޯތި ލިބުނު މީހާ ގެ އަޅާނެ ފައިސާނެތް. ގެދޮރުނެތް މީހާ ބޮޑު ކުލިދައްކައިގެން ތިބޭ. ސަތޭކަ ބިލިއަނުން ފައިސާ ވަނަސް ވެރިންގެ ޖީބަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފެނޭދޯބަލަ

23 March 2024

ޝުކުރިއްޔާ ބޮޑުވަޒީރު މޮދީ. ލަކްޝަދީޕު އިސްތިހާރު ކުރީމަ އިންޑިއާ މީހުން މަދުވެ ޗައިނާ ޓޫރިސްޓުން ގިނަވީ. ބަލާބަލަ ތި އިންޑިއާ ނުލާ ބައި މިލިއަން 3 މަހުން. ފެނޭތަ މޮދީ އާއި ދިވެހިރާއްޖޭގެ އުޅޭ އިންޑިއާ ބައިގަނޑަށް. ފެނޭދޯ.........

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުބާކިން

23 March 2024

މީގެންވެސް އެގިގެން މިދަނީ މި ގައުމު ވަކި ގައުމެއްގެ ފައިބުޑަށް ނުވެއްޓޭނެކަން. އަހަރެމެން ދިވެހިންނަށް މިނިވަންކަމާއެކީ ބައެއްގެ ފައިބުޑަށް ނުވެއްޓި ކުރިޔަށް ދެވޭނެ