ބަޔަކު، އުމްރާގެ އަޅުކަމުގައި.--ފޮޓޯ:އޭއެފްޕީ
02 އެޕްރީލް 2024 - 14:26
27 comments
މަޝްއަރު ގްރޫޕުގެ ހަވާލުގައި އުމްރާއަށް ދިޔަ ބައެއް މީހުންގެ ޓިކެޓަށް އެ ކުންފުނިން ފައިސާ ނުދައްކާ އޮތުމުން، އެ މީހުން އެނބުރި ރާއްޖެ އައުމުގެ ޓިކެޓް އިއްޔެ ކެންސަލްކޮށްފި އެވެ.
އެ ގްރޫޕުގެ ހަވާލުގައި އުމްރާއަށް ދިޔަ 53 މީހުންގެ ތެރެއިން، އޭސް ޓްރެވެލްސް އަދި އޭސް އޭވިއޭޝަން އިން ނެގި 50 ޓިކެޓަށް ވާ ފައިސާއަށް ދިން ޗެކް އޮތީ ބައުންސްވެފަ އެވެ.
އޭސް ޓްރެވަލްސްގެ މެނޭޖިން ޑިރެކްޓަރު މުހައްމަދު ފިރާގު ވިދާޅުވީ އެ ޗެކުތައް ލިބުނީ އޮފީސްތައް ބަންދުކުރަން ކުޑަތަންވެފައި ވަނިކޮށް، މިދިޔަ ބުރާސްފަތި ދުވަހު ކަމަށެވެ. އެހެންވެ، މިދިޔަ އާދިއްތަ ދުވަހު ބޭންކަށް ޗެކުތައް ޖަމާކުރި ކަމަށާއި އެ ބައުންސްވިކަން އެނގުނީ ޖެހިގެން އައި ހޯމަ ދުވަހު ކަމަށް އޭނާ ވިދާޅުވި އެވެ.
އެ ޓިކެޓުތައް ނަގާފައިވަނީ ސްރީލަންކަން އަދި ގަތަރު އެއާވޭސް އިންނެވެ.
ފިރާގު ވިދާޅުވީ ޗެކް ބައުންސްވިކަން އެނގުނަސް އެ މީހުން ފުރުމުގެ ފުރުސަތު ދިނީ، ކަމާ ނުގުޅޭ ބަޔަކަށް ގެއްލުން ލިބޭނެތީ ކަމަށެވެ. އަދި ވާހަކަ ދައްކައިގެން އެ މައްސަލައަށް ހައްލެއް ލިބޭނެ ކަމަށް އުއްމީދުކުރި ކަމަށް އޭނާ ވިދާޅުވި އެވެ.
"އިތުރު ކުންފުނިތަކުން ވެސް ޓިކެޓު ނަގާފައި ހުރިކަމަށް މައުލޫމާތު ލިބެނީ. އަޅުގަނޑުމެން މި ނެގީ 50 ޓިކެޓު. އެކަމަކު އެ ޓިކެޓުތަކަށް ދިން ޗެކު ބައުންސްވެ، އެ ފައިސާ ދައްކަން ދިން މުއްދަތުގައި އެކަން ނުވީމަ އިއްޔެ ރިޓާން ޓިކެޓުތައް ކެންސަލްކޮށްފިން،" ފިރާގު ވިދާޅުވި އެވެ.
އޭނާ ވިދާޅުވީ މަޝްއަރު ގްރޫޕުން އުމްރާއަށް ދިޔަ މީހުން އަނބުރާ އަންނަން ޓިކެޓު ނެގީ މި މަހުގެ 16 ވަނަ ދުވަހަށް ކަމަށެވެ. މި މުއްދަތުގެ ތެރޭގައި ވެސް ފައިސާގެ މައްސަލަ ހައްލުކޮށް ޓިކެޓު ނެގުމުގެ ފުރުސަތު އޮންނާނެ ކަމަށް އެ ކުންފުނިން ބުންޏެވެ.
މިދިޔަ އަހަރުގެ ރޯދަމަހު ބައެއް އުމްރާވެރިންގެ ޓިކެޓަށް ފައިސާ ނުދައްކައި ލަސްކޮށް، އެންމެ ފަހުން ޗެކް ބައުންސްވި މައްސަލާގައި އިސްލާމިކް މިނިސްޓްރީން ވަނީ އެ ގުރޫޕުގެ ހުއްދަ ބާތިލް ކޮށްފަ އެވެ. ނަމަވެސް މިނިސްޓްރީގެ ހުއްދަ ނެތި މަޝްއަރު ގްރޫޕުން ވަނީ މި އަހަރު ވެސް އުމްރާ އަށް މީހުން ގެންގޮސްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެޑަމް
04 April 2024
އިޢުލާނުކުރަންވީ ހުއްދަނެއްގުރޫޕަކުން ޙައްޖައްުމުރާއައްގެންދަންް ފައިސާނަގާފިނަމަ އެގުރޫޕެއްގެވެރިންނާމެދު އަޅާނެހަރުކަށިފިޔަވަޅު އަދިވިސާދޭންވާނީ 2ކޮޅުޓިކެޓުއޮތްތޯބަލާފައެވެ އަދިއެއްވެސްފަރާތަކައް ޙައްޖު ޢުމްރާ އައްދާއެއްވެސްގުރޫޕަކައްދަރަންޏައްޓިކެޓުދޫކޮއްގެންނުވާނެކަމަށާ ދޫކުރިފަރާތަކައްހަރުކަށި ފިޔަވަޅު އެޅޭނެކަމަށް މިހެނީ ފައިސާދައްކަނީދެކޮޅުޓިކެޓަަށާައެއްކޮޮނެވެ.ވީމާޓިކެޓުގެއެއްވެސްްމަސްއަލައެއް އޮވެގެންނުވާނެއެވެ އާދަވެގެންމިކަންތައްްކުރާއިރުު ސަރުކާރައް މިކަމައްޤަވަޢިދެއްވެސްނުހެދި ފިޔަވަޅެއްވެސްނޭޅެނީ ???
ދުން
04 April 2024
ހުއްދަނެތި އެކަން ކުރެވޭތޯ؟އަޅާނެ ފިޔަވަޅެއްވެސް ނެތްތޯ؟
ކޮންމެސްމީިހެއް
03 April 2024
11 މަސް ކުރިން މަޝްއަރުގެ އުމްރާވެރިން ނުގެންނަން ފްލައިޓް ޗާޓަރުކުރި ކުންފުނިން ނިންމައިފި [https://mihaaru.com/news/120629] ފަހު ވަގުތު ފައިސާ ދައްކަން ފަށައިފި، މަޝްއަރު ގުރޫޕްގެ 8 މީހަކު ފުރަައިފި [https://mihaaru.com/news/120637] މަޝްއަރު ގުރޫޕްގެ ބާކީ ތިބި 130 މީހުންނަށް ފުރުނީ ކިރިޔާ! [https://mihaaru.com/news/120703]
އއަހްމަދު
03 April 2024
ތިޔަމަޝްއަރު ގްރޫޕްގެ ވެރިޔަކީ ކޮންބޭފުޅެއްބާ؟
ބަރުބާދު
03 April 2024
ސްސް ތީގައުމީ ބޮޑުސިއްރެއް.
ޒަނޫން
03 April 2024
އުމްރާ ނޫނީ ހައްޖަށްދާންދޭ ލާރިކޮޅުކާލާނީ ދެން ހާދަ ވިޔާނުދާވީމާއޭ... އެކަމަކު ގުރޫޕުގެވެރިން ހުންނާނީ ފައިކުރިކަނޑާފަ ތުނބުޅިލާފަ...
އިހްސާސް
02 April 2024
ކޮންމެ ސަރުކާރެއް އޮތަސް މިފުރޯޑު ބަރާބަރަށް އެބަހިނގާ. މިކަން ހުއްޓުވޭނީ ކޮން ވެރިއަކަށްބާ؟
ނސބސބ
02 April 2024
ދެން އެބުނީ ސަރުކާރުން ދައްކާށޭ. ކޮންމެ ފަހަރަކު މިހެން. ޒިންމާދާރުކުރުވޭނެ ވުޒާރާއެއްނެތީބާ
ސަޖުނާ
02 April 2024
އުމްރާ ދަތުރަކީ ވެސް ޓްއަރިޒަމްގެ ވައްތަރެއް. މިދަތުރު ރާވާ ޚިދުމަތްދޭ މީހުން ޓްރެވަލް އޭޖެންސީ ހުއްދަ ޓްއަރިޒަމް މިނިސްޓްރީއިން ނަގައިގެން އެމިނިސްޓްރީގެ ގަވައިދުތަކުގެ ދަށުން މިކަން ކުރާގޮތަށް އޮންނަން ފެނޭ. ކީއްވެތަ އިސްލާމިކް މިނިސްޓްރީއިން ހުއްދައެއް މިކަމަށް ނަގަންޖެހެނީ.؟ އިސްލާމިކް މިނިސްޓްރީ އިން މިކަން ހައްލެއްނުވިއެއްނު. އެކި ޓްރަވެލް އޭޖެންޓުން މެދުވެރިވެގެން ދުވާލަކު ނުހަނު ގިނަ ޓޫރިސްޓުން އަންނައިރު ގެސްޓުންނަށް ނުފުރި މިހެން ނުވޭ.
ގުރާބް
03 April 2024
ޕިސްޕިސް.. ރާއްޖެއަށް ޓުއަރިސްޓުން އަންނަނީ ދެކޮޅު ޓިކެޓް ނަގައިގެން ކަން ނޭނގޭތަ؟
ލާމަސީލު
02 April 2024
މިއީ ސީދާ އޯގަނައިޒްޑް ފްރޯޑް އެއް. މީގެ ހެއްވާ ކަމަކީ އުމްރާއަށް މީހުންދަނީ ކްރެޑިޓަކަށް ނޫން. ފުލީ ޕޭމެންޓް ދައްކައިގެން. ވީމާ ފައިސާ އަށް ޚިޔާނަތްތެރިވި މީހުންގެ ފޮޓޯޖަހާ ހައްޔަރު ނުކުރަނީ ކީއްވެ؟ އާދައިގެ ނިކަމެއްޗެއްނަމަ ހޭއަރުވާލާނެ. ހަނދާނަށް އަންނަނީ ރިހާކުރު ފުޅިއެއް ވަގަށްނަގައިގެން 6 މަހަށް ޖަލަށްލި ނިކަމެތި މީހާގެ މަތިން.
ގުދުގުދާބެއްޔާ
03 April 2024
ސަތޭކައިގެ ވާހަކަޔެއް! އޮފީހެއްގެ މަސައްކަތްކުރާ ދައްތައެއް އޮފީހުގެ ޓީ ރޫމުން ކޮފީސަބުސަލެއް ޓިސޫއަކަށް އަޅައިގެން ދިޔަ މައްސަލައިގަ ވާޒީފާއިން ވަކިކޮއް ޖޫރިމަނާ ކުރީ!
އަލް މަސް
02 April 2024
އަތަމާ ގުރޫޕުން ފެށިގެން މިއަދާއި ހަމަ އަށް ތިކަމެއް ހައްލެއް އާދެވިފައެއް ނުވޭ! ވަރަށް ދެރަ
ޢައިޝާ އާއިޝާ
02 April 2024
އަތަމާ ގްރޫޕް އެއީ ރާއްޖޭގަ އެންމެ ގިނަ މީހުންނަށް ހައްޖާއި އުމްރާގެ ޚިދުމަތް ދިން ގްރޫޕް. ޢަބުއްލާތީފް އެކަން ކުރެއްވީ ވަރަށް ރަނގަޅަށް. ކަމާ ވެގެން. އޭނާގެ ދަރިޔެއް އެހެން ގުރޫޕެއް ހަދައިގެން ގަނޑެއް ގަތުމަކީ ޢަބުދުއް ލަތީފް އެހާޒަމާން ވާނދެން ރަނގަޅަށް ކުރި ކަމަކަށް. އޮޅުވާލައިގެން ހަޑި ނަމެއް ދޭންޖެހޭނެ ކަމެއްނޫން. ކޮންމެ މީހަކީ ވަކި މީހެއް.