އިޒްރޭލަށް ދިން ހަމަލާއަށް ފަހު ތެހެރާންގެ ފަލަސްތީން މައިދާނުގައި މީހުން އުފާ ފާޅުކުރަނީ. -- ފޮޓޯ: އޭއެފްޕީ
14 އެޕްރީލް 2024 - 12:45
އިޒްރޭލަށް ދިން މިސައިލާއި ޑްރޯންގެ ހަމަލާތަކުގައި ބޭނުންވި ހުރިހާ މަގްސަދެއް ހާސިލްވެފައިވާ ކަމަށް އީރާންގެ އަސްކަރިއްޔާއިން މިއަދު ބުނެފި އެވެ.
"އޮޕަރޭޝަން އޮނެސްޓް ޕްރޮމިސް ... ރޭގެ ވަގުތެއްގައި ފަށައި، ބޭނުންވި ހުރިހާ މަގްސަދެއް ހާސިލްކޮށް، ފަތިހުގެ ނިޔަލަށް ވަނީ ކާމިޔާބުކަމާ އެކު ނިންމާލާފައި،" އީރާން އަސްކަރިއްޔާގެ ޗީފް އޮފް ސްޓާފް މުހައްމަދު ބަޣޭރީ އީރާންގެ ގައުމީ ޓީވީއަށް ވިދާޅުވި އެވެ.
ނަމަވެސް އިޒްރޭލުން ބުނީ އީރާނުން 300 އަށް ވުރެ ގިނަ މިސައިލާއި ޑްރޯނުން ދިން ހަމަލާތަކުގެ 99 ޕަސެންޓް ނާކާމިޔާބުކޮށްލާފައިވާ ކަމަށެވެ.
އީރާނުން ވަނީ މިއީ މި މަހުގެ 1 ގައި ސީރިއާގައި އީރާންގެ އެމްބަސީއަށް ހަމަލާދީ އިސް ދެ ޖެނެރަލަކު އަވަހާރަކޮށްލި ހަމަލާގެ ބަދަލުހިފުން ކަމަށް ބުނެފަ އެވެ. އަދި މި ބަދަލު ހިފުން މި ހިސާބުން ނިމުނީ ކަމަށާއި އިޒްރޭލުން ރައްދުގައި ހަމަލާދީފި ނަމަ ރައްދުގައި އަނެއްކާ މާ ވަރުގަދަ އަށް ހަމަލާ ދޭނެ ކަމަށް ބުންޏެވެ.
އިޒްރޭލަށް ފޮނުވާލި ހަމަލާތަކުގައި އެއްވެސް ތަނަކަށް ބޮޑު ގެއްލުމެއް ނުވާ ކަމަށާއި އަނިޔާވީ ވެސް އެންމެ މީހަކަށް ކަމަށް އިޒްރޭލުން ބުންޏެވެ.
Copyright © 2024 Mihaaru · Terms and Conditions · Privacy Policy
ކޮމެންޓްތައް
ރެޑްނޯޓިސް
15 April 2024
2020ގައި އީރާނުގެ އިސްލާމިކް ރިވޮލިއުޝަނަރީ ގާރޑް ކޯރޕްސްގެ ގުދުސް ފޯރސްގެ މޭޖަރ ޖެނެރަލް ގާސިމް ސުލައިމާނީ، އެމެރިކާއިން ދުއްވާލީމަވެސް އޭރުގެ ބޮޑުވަޒީރު ހަސަން ރޫހާނީ އެތައް ތަނެއްގަ ވައުދުވި ބަދަލު ހިފާނަމޭ. 4 އަހަރުވީއިރުވެސް ވީކަމެއް ޙަރާމް. މިފަހަރުވެސް ހަމަ އެހެން. ސީރިޔާ އެމްބަސީގަ ޒާހިދީ ދުއްވަލީމަ މިސައިލުން ހަވާ އަރުވާފަ ނިންމާލީ. ބާރު އޮތަސް އީރާނުގެ ޝީޢީންނަކަށް ނުވާނެ.
އަފްރާސިޔާބު
14 April 2024
އިސްރާއީލުގެ އެބުނާ އަޔަން ޑޯމް ވަނީ ފޭލް ވެފައި. އެމަންޒަރު ކިތަންމެ ރަނގަޅަށްވެސް އެ ހަމަލާގެ ވީޑިއޯ ތަކުން ފެނޭ. އަޔަން ޑޯމް އިން ފޮނުވާލި ދިފާއީ މިސައިލް ތައް އީރާނުން ފޮނުވާލި މިސައިލް ތަކަށް ހުރަސް އަޅަން ޖުރި މަސައްކަތް ނާކާމިޔާބުވި ތަން ފެނޭ.
ޖުއްބާ
14 April 2024
ތިފޮނުވާލި ހަމަލާތަކަކީ ހަނގުރާމައެއްގަ މިހާތަނަށް ފެނުނު އެންމެ ޒަމާނީ ބާރުގަދަ ހަތިޔާރު 300 ހަމަލާދިންއިރު އެކަން އެނގުނު އިޒްރޭލުމީހަކުނެތް
ވައުދު ފުއްދައިފި
14 April 2024
އިރާނުން އިޒުރޭލަށް މިހަމަލަ ފޮނުވާލުމުގެ އޮތީ ސިޔާސީ މަގުސަދެއް. އެ މަގުސަދު ހާސިލް ވެއްޖެ. އިރާނުގެ ވެރިންނަށް އެގޭ އިރާނުގެ ހަމަތަކުން އިޒުރޭލަށް ބޮޑެތި ގެއްލުންތައް ލިބިއްޖެނަމަ ސަލީބީ ލަޝްކަރުން އެކީ އެކަށްޗަކަށް އައިސް އިރާގާއި ލީބިޔާ އަށް ހެދިހެން އިރާނަށް ވެސް ހަދާލާނެކަން. އިރާނުން ވައުދުވީ އިޒުރޭލަށް ހަމަލަ ދޭނެކަމަށް. އެވައުދު ފުއްދިއްޖެ.
އަލީ ޔޫސުފީ އަލް ހުސޭނީ
14 April 2024
އިރާނުގެ މަގުސަދު މިހުންނަނީ މިގައުމުގާ އުޅޭ އަމާޒޭ ލާހޫރޭ ބައިގަނޑާ ވައްތަރަށްހެން ހާދަ ހީވެއޭ.
ގެދާނޯމޮސް
14 April 2024
އިޒްރޭލުން އެބުނީ ހުރިހާ ޑްރޯންތަށް އެޅުނީ ޑަސްބިންތަކަށް ކަމަށެވެ. ދެން އަނެއްކާވެސް ޖެރެލަކު ދުއްވާލީމާ އީރާންގެ އަސްލު ބާރު އެބަފެނެއެެވެ.
ަސދސަދ
14 April 2024
ކޮބާތޯ ބޭނުންވި މަގްސަދަކީ؟ އިޒްރޭލުން އިރާނަށް އިތުރު ހަމަލައެއް ދޭން އުޒުރެއް ދެއްކުން؟ އަދި އިޒްރޭލުން މިހާރު ގާޒާގަ ކުރާ ނާއިންސާނީ އަމަލުތަކުން ދުނިޔޭގެ މީޑިއާގެ އެޓެންޝަން ޑައިވާޓު ކޮށް ދުނިޔޭގެ ސިމްޕަތީ އިޒްރޭލަށް ހޯދަން އެމީހުނނައް ފުރުސަތު ދިނުން؟ ވަޓާލާނެކަން ޔަގީން އިރު އެހާ މަޑުން ދުވާ ޑްރޯން ތަކެއް ފޮނުވާލުމުގެ އިޒްރޭލަށް ވިކްޓިމްސް ކާޑު ކުޅެން ފުރުސަތު ދިނުން ނޫން މަގްސަދެއް މަށަކަށް ނުވިސްނޭ
ސަރުދާރު ދޮންބެ
14 April 2024
ދުނިޔެ އެބނުރޭގޮތް ނޭގޭ މީހުންނަކަށް ނޭގޭނެ. އަކުރާ މިފިލީގައި ނުބައި ނަމެއް ދޭވަހވާނީ ކިހިނެތް