ލަންކާގެ ކަނޑުގެ ސިފައިން 260 ކިލޯއަށްވުރެ ގިނަ ޑްރަގްސް އަތުލައިގެންފި

ސްރީ ލަންކާ ސިފައިން އަތުލައިގަތް މަސްތުވާތަކެތި

16 އެޕްރީލް 2024 - 05:17

ސްރީ ލަންކާގެ ކަނޑުގެ ސިފައިން ހިންގި އޮޕަރޭޝަނެއްގައި 262 ކިލޯއަށް ވުރެ ގިނަ ޑްރަގްސް އަތުލައިގެންފި އެވެ.

ސްރީ ލަންކާގެ އެންމެ ދެކުނުގައި އޮންނަ ޑޮންޑްރާއާ 133 ނޯޓިކަލް މޭލު (246 ކިލޯމީޓަރު) ބޭރުން ދަތުރުކުރި ބޯޓަކުން ހުކުރު ދުވަހު ސިފައިން ވަނީ 179 ކިލޯގްރާމް ކްރިސްޓަލް މެތަފަޓަމިން އަދި 83 ކިލޯގްރާމް ހެރޮއިން އަތުލައިގެންފަ އެވެ.

ސިފައިން ބުނީ އިންޓެލިޖެންސް މައުލޫމާތަކަށް ހިންގި އޮޕަރޭޝަންގައި އަތުލައިގަތީ ލަންކާގެ މަސްބޯޓެއް ކަމަށާއި މަސްތުވާތަކެތި ހިފައިގެން ދަތުރުކުރި ބޯޓުގައި ހަ މީހަކު ތިބި ކަމަށެވެ. ފެނުނު މަސްތުވާތަކެތީގެ އަގު 3.7 މިލިއަން ސްރީ ލަންކާ ރުޕީސް އަށް އަރާނެ ކަމަށް ވެސް ބުންޏެވެ.

ސްރީ ލަންކާ ސިފައިން މަސްތުވާތަކެއްޗާ އެކު އަތުލައިގަތް ބޯޓު

މި ބޯޓުގެ އިތުރުން، އެ ބޯޓުން ފެނުނު ޑްރަގްސްއާ ކަނޑުމަތިން ހަވާލުވާން މަޑުކޮށްގެން އޮތް ކަމަށް ބެލެވޭ މަސްބޯޓެއް ވެސް ވަނީ އަތުލައިގެންފަ އެވެ.

އަތުލައިގަތް މަސްތުވާތަކެތި ހުރީ 17 ގޯންޏެއްގައި ބަންދުކޮށްފައި ކަމަށާއި މި ތަކެތި މިހާރު ވަނީ ގޯލް ބަނދަރަށް ގެންގޮސްފަ އެވެ.

ލަންކާގެ ކަނޑުގެ ސިފައިން ބުނި ގޮތުގައި އަހަރު އަތުލައިގަތް މަސްތުވާތަކެތީގެ އަގު 9.3 މިލިއަން ރުޕީސް އަށް އަރަ އެވެ.

ސްރީ ލަންކާ މަސްތުވާތަކެތި

7 ކޮމެންޓް, 4 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ތުނޑުހަސަނު

17 April 2024

މިއަދުގެ އަރަތް. ދިވެހިރާއްޖޭގައި މަސްތުވާތަކެތީގެ ބޮޑު ޢަދަދެއް އަތުލައިގަނެވިއްޖެނަމަ އެކަމުގައި ހިމެނޭ މީހުން ވަރަށް ފަސޭހައިން ސަލާމަތްވާނެ. ކުޑަ ޢަދަދެއް ވެއްޖެއްޔާ އެކަމުގައި ހިމެނޭ މީހުން ސަލާމަތްވުމަކީ ނާދިރުކަމެއް. މިހެންވަނީ ކީއްވެ؟