ހިޔާ ފްލެޓްތަކުގައި އިތުރު ލިފްޓު ހަރުކުރުމުގެ އަމަލީ މަސައްކަތް ފަށައިފި

ހިޔާ ފްލެޓް: ހިޔާ ފްލެޓްތަކުގައި އިތުރު ލިފްޓު ހަރުކުރުމުގެ އަމަލީ މަސައްކަތް މިހާރު ވަނީ ފަށައިފައި.-- ފޮޓޯ: ނިޝާން އަލީ | މިހާރު

އިފްރާޒް އަލީ، މިހާރު

18 އެޕްރީލް 2024 - 12:17

28 comments

ހުޅުމާލެ 2 ގައި އިމާރާތްކޮށްފައިވާ ހިޔާ ފްލެޓްތަކުގެ ކޮންމެ ޓަވަރެއްގައި އިތުރު ދެ ލިފްޓު ހަރުކުރުމުގެ އަމަލީ މަސައްކަތް މިއަދު ފަށައިފި އެވެ.

މި މަސައްކަތް ފެށުމުގެ ގޮތުން މިއަދު ހެނދުނު ވަނީ ހިޔާ ފްލެޓްގެ ދެވަނަ ޓަވަރުގައި ހާއްސަ ރަސްމިއްޔާތެއް ބާއްވައިފަ އެވެ. އެ ރަސްމިއްޔާތުގައި ހައުސިން މިނިސްޓަރު ޑރ. އަލީ ހައިދަރު އަހްމަދާއި ތިމާވެއްޓާ ބެހޭ މިނިސްޓަރު އިބްރާހިމް ތޯރިގު އަދި އެޗްޑީސީގެ މެނޭޖިން ޑިރެކްޓަރު އިބްރާހިމް ފަޒުލް ރަޝީދު ބައިވެރިވެވަޑައިގެންނެވި އެވެ.

އެ ރަސްމިއްޔާތުގައި ފަޒުލް ވިދާޅުވި ގޮތުގައި، ކުރިއަށް އޮތް އަހަރެއްހާ ދުވަހުގެ ތެރޭގައި ހިޔާގެ ހުރިހާ ޓަވަރެއްގައި އިތުރު ލިފްޓުތައް ހަރުކޮށް ނިންމާލެވޭނެ އެވެ.

އޭނާ ވިދާޅުވީ ހުޅުމާލޭގައި ރަނގަޅު ކުރަން ޖެހޭ ވަރަށް ގިނަ އިތުރު ކަންތައްތަކެއް ވެސް އެބަހުރި ކަމަށާއި އެޗްޑީސީން އެ މަސައްކަތްތައް ވެސް ކުރާނެ ކަމަށެވެ.

"ހުޅުމާލެ 1 އަދި 2 ގައި ވެސް މިގޮތަށް ދިމާވެފައި ހުރި މައްސަލަތައް، ޕާކިން މައްސަލަ ކަމުގައި ވިޔަސް، ހައުސިން މައްސަލަ ކަމުގައި ވިޔަސް އަދި ލައިޓިންގެ މައްސަލަ ކަމުގައި ވިޔަސް، ހުޅުމާލޭގައި ދިރިއުޅޭ ރައްޔިތުންނަށް ދިމާވެފައިވާ އެހެން މައްސަލަތައް ވެސް، ޓްރެފިކް މައްސަލަތައް ވެސް، ހައްލުކުރުމަށްޓަކައި އަޅުގަނޑުމެން ވާނީ މަސައްކަތްތައް ފަށައިފައި،" އޭނާ ވިދާޅުވި އެވެ.

ހައުސިން މިނިސްޓަރު ޑރ. ހައިދަރު ވިދާޅުވީ ހިޔާ ފްލެޓްތަކުގައި އިތުރު ލިފްޓު ހަރުކުރުމަކީ ރައީސް ޑރ. މުހައްމަދު މުއިއްޒުގެ ރިޔާސީ ވައުދެއް ކަމަށާއި މިއަދު މި ފެށުނީ އެ ވައުދު ހަގީގަތަކަށް ހެދުމުގެ އަމަލީ މަސައްކަތް ކަމަށެވެ. އަދި މި ލިފްޓުތައް ހަރުކޮށް ނިމުމުން އެތަނުގައި ދިރިއުޅޭ މީހުންނަށް ވަރަށް ބޮޑު ލިޔެއް ލިބޭނެ ކަމަށް އޭނާ ވިދާޅުވި އެވެ.

ހައިދަރު ވިދާޅުވީ ހިޔާ ފްލެޓްތައް ކަހަލަ ދިރިއުޅުމަށް ބޭނުންކުރާ ބޮޑެތި އިމާރާތްތަކުގައި ލިފްޓުތައް ގިނަ ކުރަން ޖެހޭ ކަމަށެވެ. ސަރުކާރުން ދެން ހިންގާ މަޝްރޫއުތަކުގައި އެކަމަށް ވަރަށް ބޮޑަށް ސަމާލުކަން ދޭނެ ކަމަށް އޭނާ ވިދާޅުވި އެވެ.

"އަޅުގަނޑުމެން ސަރުކާރުން ދެން ހިންގާ މަޝްރޫއުތަކުގައި މިކަމަށް ބޮޑަށް ރިއާއަތްކުރާނަން،" އޭނާ ވިދާޅުވި އެވެ.

ހިޔާ ފްލެޓްގައި އިތުރު ލިފްޓު ހަރުކުރަން ހަވާލުކޮށްފައި ވަނީ ޗައިނާގެ ޝެންޔެންގް ޔުއަންޑާ އިންޓެލެކްޗުއަލް އިންޑަސްޓްރީ ގްރޫޕް ކޯ ލިމިޓެޑާ އެވެ. އެ މަޝްރޫއު ޗައިނާގެ މި ކުންފުންޏާ ހަވާލުކުރި ފައިސާގެ އަދަދު ހާމަކޮށްފައި ނުވި ނަމަވެސް މި އަހަރަށް ފާސްކުރި ދައުލަތުގެ ބަޖެޓްގައިވާ ގޮތުން ހިޔާގެ ޓަވަރުތަކަށް ލިފްޓު އިތުރުކުރުމަށް 200 މިލިއަން ރުފިޔާ ވަނީ ކަނޑައަޅައިފަ އެވެ.

Hiya flat thakugai ithuru lify harukuran China kunfunyakah

The most trusted news source in the Maldives

Mihaaru

ކޮންމެ ޓަވަރެއްގައި ހަރުކުރާ އެއް ލިފްޓަކީ ސްޓްރެޗާ އުފުލޭ ވަރުގެ ބޮޑު ލިފްޓެކެވެ. އަނެއް ލިފްޓަކީ ގާތްގަނޑަކަށް އެއްފަހަރާ 14 މީހުންނަށް އެރެވޭނެ ކެޕޭސިޓީގެ ލިފްޓެކެވެ.

ކުރީގެ ރައީސް އަބްދުﷲ ޔާމީންގެ ވެރިކަމުގައި ހުޅުމާލެ 2 ގައި އިމާރާތްކުރި ހިޔާ ފްލެޓްގެ 25 ބުރީގެ 16 ޓަވަރުގެ ތެރެއިން ބައެއް ޓަވަރުގައި ހަތަރެއް އަދި ބައެއް ތަންތަނުގައި ތިން ލިފްޓު ހުރެ އެވެ. ނަމަވެސް، ލިފްޓު މަދުވުމުގެ ސަބަބުން އަރައި ފޭބުމަށް ދަތި ވާތީ އެތަނުގައި ދިރިއުޅޭ މީހުންގެ ޝަކުވާ ބޮޑެވެ. އެ ޓަވަރުތަކުގައި 50،000 އަށް ވުރެ ގިނަ މީހުން މިހާރު އަންނަނީ ދިރިއުޅެމުންނެވެ.

އެޗްޑީސީ ތޯރިގް އިބްރާހިމް (އެންވަޔަރުމެންޓް މިނިސްޓަރު) އިބްރާހިމް ފަޒުލް ރަޝީދު (އެމްޑީ، އެޗްޑީސީ) ހިޔާ ފްލެޓްތައް ޑރ. އަލީ ހައިދަރު (ހައުސިން މިނިސްޓަރު)

28 ކޮމެންޓް, 25 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މަފް

19 April 2024

ހާދަ މޮޔަބައެކޭ މިތަންތާ ކުރެހުންތައް އެޕްރުވްކުރީ. ކާކުތަ މިތަން ޑިޒައިން ކުރިއިރު އެކަމާބެހޭ ބޮޑަކަށް ހުރީ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒިންމާނަގަންވާނެ

19 April 2024

ސުޕީޑު ވަރަށް ބާރޭ، މޮޅު ބުރިޖެކޭ، މޮޅު ދަރުމަވަންތައޭ ކިޔައި ކުރެޑިޓު ނަގާނަމަ ކޮތަރުކޮށިހެން ހަދާފައިހުރި ހިޔާ ފުލެޓުތަކުގެ ޒިންމާވެސް ކޮންމެވެސް ބަޔަކު ނަގަންވާނެ. އެތަނުގައި އިމާރާތަށް ބޭނުންވާނެ ޚިދުމަތްތައް ނެތުމާއި ފިނިޝިންގް ނުނިންމައި ހުރުމާއި ބޭނުންވާވަރަށް ލިފްޓު ނެތުމަކީ ބައެއްގެ އިހްމާލެއް ނޫންބާ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުވަދޫ އަލިބެއްޔާ

19 April 2024

ވިނަރެސް ފްލެޓް ތަކުގެ އޭސީ އައުޓްޑޯ ބޭރަށް ވައި ދާގޮތަށް ރަނގަޅުކޮށްލަ ދިނުން އެދެން.. މިހާރު ހުރިގޮތުން ހުރިހާ ހޫނު ވައެއް އަންނަނީ ގޭތެރެއަށް..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވީގޮތް

19 April 2024

5 އަހަރު އެމްޑީޕީން ވެރިކަން ނިންނާލީ ހިޔާ ފްލެޓައްވަނީ ވަރައް ބޮޑައް އިހުމާލު ވެފަ ކަންޔަގީން. އެތާ އުޅޭ ބަޔެކައް އިނގޭނީ އުޅެން ޖެހޭ ހާލު. ތިމާ ހިތް ނޭދޭ މީހަކު ކުރިކަމެއް ވީމަ އަސްލު އަޅާނުލާ އޮތީ. އެގޮތައް މަހާޖައްފާރާއި ދަރުމަވަންތަ ހޮސްޕިޓަލައް ވެސްވަނީ އިހުމާލު ވެފަ. މިހާރު ފެންނަނީ ތަފާތު މަންޒަރެއް ރައްޔިތުންނައް ފައިދާ ވާކަމެއް ނޫނީ ރައްޔިތުން ބޭނުންވާ ކަމެއް ވިއްޔާ އިދިކޮޅުފަރާތުން ނުނިންމާ އޮތަސް އެކަމެއް ކުރެވޭތޯ ބަލަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޭހަ

18 April 2024

ސުވާލަކީ އަލުން ލިފްޓް ބަހައްޓަންޖެހުނީ މިޓަވަރުތައް އެޅިއިރު މި ކަމުގެ އިންޖިނިއަރިންނާއި ޕްރޮޖެކްޓް ޑިޒައިންތައް އެޕްރޫވް ކުރި މީހުންނަށް މި ޓަވަރުތަކުގައި އުޅޭނެ މީހުން އަންދާސާ ކުރެވިފައިނެތިގެންތޯ ނުވަތަ އެމީހުން ބޭނުންވިގޮތްތޯ. ގައި ޓަވަރުތައް ހެދިއިރު ލިފްޓހަރުކުރިނަމަ ނުވަތަ އެކަމަށް ޖާގަ ހެދިނަމަ މިހާރު މިހިނގާ ޚަރަދުގެ ދެބައިކުޅަ އެއްބައިވެސް ނުހިނގާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަފްރާސިޔާބު

18 April 2024

ތިޔަ ހަރުކުރަންވެސް 16 މިލިއަން ރުފިޔާ ހޭދަ ކުރެޔޯ. އެއީ އަދި ހަރު ކުރުމަކަށެއް ނޫން. ހަރު ކުރުން އޮތީ ޗައިނާ ކުންފުންޏަކާ ހަވާލުކޮށްފާ. 16 މިލިއަން ރުފިޔާ ދެނީ އެހެން ކޮންމެވެސް ކަމަކަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކިހިނެއް

19 April 2024

އެހާ ބައިވަރު ޓަވަރު ޔާމީނު އަވަސް އަރުވާލައިގެން ކުރީ އިންތިހާބައް ބޯމަތި ވެފައިވާތީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

18 April 2024

ތިތަންތަނަށް ދިމާވެގެންއުޅެނީ ލިފްޓް މަދުވުމުގެ މައްސަލައެއްނޫން އިގޭތޯ؟ ތިތަނުގައިދިރިއުޅޭ ބައެއްމީހުނަކީ "ދޮގުމައުލޫމާތު ދީގެން، އޮޅުވާލައިގެން ސޯޝަލް ހައުސިންގ ފުލެޓް ހޯދާފައިވާ" މާލޭގެ ޤަދަރުވެެރިންނަށް ވެފައި (މާލޭގައިއޮތް އެމީހުންގެ އަމިއްލަ ގޯތި ބޮޑު އަގުގައި ކުއްޔަށްދީފައި) އެމީހުން ބޭނުމެއްނުވޭ އެޕާޓްމަންޓުން ނިކުމެފައި ލިފްޓް ކައިރީގައި މިނިޓަކަށް މަޡދުކޮށްލާކަށްވެސް. އެއީ ދިމާވެގެން އުޅޭ އެންމެބޮޑު މައްސަލަ އަކީ. ދެން ކިހިނެއްވާނީ!؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މީހުން

19 April 2024

ތިޔަބުނާ މައުލޫމާތު ބެލީވެސް އެމްޑީޕީ ސަރުކާރުން ފްލެޓް ކޮމެޓީއެއް ހަދައިގެން އޮޅުވާލައިގެން. އެކަމު ހަމަދިނީ އޮޅުވާލި މީހުނައް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

18 April 2024

ކޮންމެ ކަމެއްގައިވެސް ޙަޤީގީ މައްސަލަ ދެނެގަތުމެއްނެތި ކަންކުރާތަން ފެންނަމުން މިދަނީ. ސޯޝަލް ހައުސިންގ ސްކީމް ތަކުން ހިންގާފައިވާ ފުލެޓް ތަކާއި އެންމެ އަގުބޮޑު ލަޤްޒަރީ ފުލެޓް ތަކާއި "އެއްގޮތް ނޫން ކަންކަން ހުންނާނެކަން" ޤަބޫލު ކުރާންޖެހޭ. # ތިތަނުގެ ޓަވަރެއްގައި އާންމުކޮށް ތިނެއް ނުވަތަ 4 ލިފްޓް އެބަހުރި. މިއީ މެލޭޝިޔާ، ސިންގަޕޯރ ތައިލެންޑް ފަދަ ތަންތަނުގައިވެސް ލިފްޓް ހުންނަ ނިސްބަތް. ޒާތްކޮޅު ބޮޑުކަމުން ތިކަންކަން ތިގޮތަށް ކުރާން ޖެހެނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުސާމަތު އަލިފުޅު.

18 April 2024

ދީދީގެ ވާހަކައަށް މަވެސް ސަޕޯޓް. ތިތަނުގެ ފުލެޓް ތަކަށް ބައެއްމީހުން ކޮށްފައި ހުރި ޙަރަދު ފެނިއްޖެއްޔާމު ދީދީ އެދައްކަނީ ރަނގަޅުވާހަކަ ކަން އިގޭނެ. ތަން ޒީނަތްތެރި ކޮށްލަން މިލިޔަނުން ޙަރަދު ކޮށްފަ އެބަހުރި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަފްށަން

18 April 2024

ބަލި މީހުން ބާލަންވެސް ދެން ފަސޭހަވާނެ. ސްޓްރެޗަރ އަރުވަން ލިފްޓެއްވެސް ހަރުކުރަނީ ވިއްޔާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖަޑިބު.

18 April 2024

މިހެންވީމައޭ މޫސާގެފާނު ޤައުމު މީހުން އުޅުނުގޮތަށް އިޅޭ ބައެކޭ ބުނަނީ. އަދި ބުނާނެ ލިފުޓަށްވުރެން އަވަހަށް ފޭބޭގޮތަށް ކީއްވެހޭ ހެލިކެޕްތަރ ނުބާއްވަނީ. ހެލިކެޕްޓަރ ނެތުމަކީ ކިހާ ބޮޑު ތަކުލީފެއްހޭ.