ޚަބަރު / ހއ. ދިއްދޫ

ގަދަ ވައިގައި ދިއްދޫ ރޯހައުސްތަކެއްގެ ފުރާޅު އެއްލާލައިފި

ފުރާޅު ޓިނު އެއްލާލި ގޭ ތަކުގައި ޓިނު ހަރުކުރުމުގެ މަސައްކަތް ކުރަނީ.-- ފޮޓޯ: ދިއްދޫ ކައުންސިލް

އާސިމާ ނިޒާރު، މިހާރު

14 މެއި 2024 - 09:58

4 comments

ހއ. ދިއްދު އަށް ރޭ ކުރި ވިއްސާރައިގައި ފްލެޓުތަކަށް ބޮޑެތި ގެއްލުންތައް ވެއްޖެ އެވެ.

އެ ރަށު ކައުންސިލްގެ ރައީސް އަބްދުﷲ ރަޝީދު މިއަދު ވިދާޅުވީ ބޯކޮށް ވާރޭވެހި، ގުގުރައި ރޭ ފަތިހު 4:00 ހާއިރު އައި ރޯޅިއެއްގައި މީހުން ދިރިއުޅޭ ހަ ރޯ ހައުސްއެއްގެ ފުރާޅު އެއްލާލާފައިވާ ކަމަށެވެ.

އެހެންވެ، ކަމާ ގުޅޭ ފަރާތްތަކާ އެކު، އެ ގެތަކުގައި ވަގުތީ ގޮތުން ޓިނު ޖަހައި، މި ވަގުތަށް ހައްލެއް ގެނައުމުގެ މަސައްކަތް ކުރަމުން އަންނަ ކަމަށް އޭނާ ވިދާޅުވި އެވެ.

ދިއްދުއަށް ރޭ ބޯކޮށް ވާރޭވެހި، ފުރާޅު ޓިނު އެއްލާލާފައި.-- ފޮޓޯ: ދިއްދޫ ކައުންސިލް

ރަޝީދު ވިދާޅުވީ ފުރާޅު އެއްލައިލުމުން ގޭގައި ހުރި ބައެއް ފަރުނީޗަރުތަކަށް ވެސް ގެއްލުން ލިބިފައިވާ ކަމަށެވެ. އެކަން ޑިޒާސްޓާ މެނޭޖްމަންޓް އޮތޯރިޓީ އަށް އަންގައި، އެ ހުރިހާ ތަނަކަށް ލިބުނު ގެއްލުންތައް ބަލަމުން އަންނަ ކަމަށް ކައުންސިލުން ބުންޏެވެ.

ރޯ ހައުސްތަކުގެ އިތުރުން، އެހެން ތަންތަނަށް ވެސް އެކި ވަރުގެ ގެއްލުންތައް ލިބިފައިވާ ކަމަށް ރަޝީދު ވިދާޅުވި އެވެ.

"މި ވަގުތަށް ދިރިއުޅެވޭ ވަރަށް، ކުރިން ބޭނުންކޮށްފައި ހުރި ވަގުތީ ޓިނު މި ހަރުކުރަނީ. އެކަމަކު، ދާއިމީ ހައްލެއް ލިބޭނީ ރަނގަޅު ޓިނު ހަރުކޮށްގެން،" ދިއްދޫ ކައުންސިލުން ބުންޏެވެ.

މޫސުން ވާރޭ ހއ. ދިއްދޫ

4 ކޮމެންޓް, 5 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކޮރަލް

15 May 2024

ސަރުކާރުގެ ބޮޑެތި ޕްރޮޖެކްޓް ތަކުގެ 30 ނޫނީ 40 ޕަސެންޓް ކަޓް ގެ ގޮތުގަ ދޭން ޖެހެ އެވެ. ދެން ފެންވަރެއް ނުހުންނާނެ އެވެ. ފެންވަރުބަލާނެ ބަޔަކުވެސް ނުހުންނާނެ އެވެ. މަސައްކަތް ނަގާ މީހާ އަަށް ވުރެ ބޮޑު ފައިދާ އެއް މަސައްކަތް ދޭމީހުންނަށް ލިބެ އެވެ.