ޚަބަރު / މަރުގެ މައްސަލަތައް ބަލާ ކޮމިޝަން

ތަހުގީގު ނިމި މަރު ކޮމިޝަން އުވާލައިފި

އައިޝަތު ނުޒުހާ، މިހާރު

02 ޖޫން 2024 - 19:19

މަރާލައިފައިވާ މީހުންނާއި ގެއްލުވާލާފައިވާ މީހުންގެ މައްސަލަތައް ތަހުގީގުކުރި ރިޔާސީ ކޮމިޝަން މިއަދު އުވާލައިފި އެވެ.

ރާއްޖޭގައި ހިނގި ބޮޑެތި މަރުގެ މައްސަލަތައް ތަހުގީގުކުރަން، މަރާލައިފައިވާ މީހުންނާއި ގެއްލުވާލާފައިވާ މީހުންގެ މައްސަލަތައް ތަހުގީގުކުރާ ރިޔާސީ ކޮމިޝަން އުފައްދާފައިވަނީ ރައީސް އިބްރާޙިމް މުހައްމަދު ސޯލިހު ސަރުކާރާ ހަވާލުވެވަޑައިގެންނެވިތާ ކުޑަދުވަސްކޮޅެއްގެ ތެރޭގައި، ނޮވެމްބަރު 2018 ގަ އެވެ.

އެ ކޮމިޝަން އުފެއްދުމަށް ފަހު، އޭރުގެ ސަރުކާރުން ބުނެފައި ވަނީ ކޮމިޝަންގެ ތަހުގީގުތައް ދެ އަހަރުގެ ތެރޭގައި ނިންމަން ހަވާލުކުރި މަސައްކަތް ރައީސް އިބްރާހިމް މުހައްމަދު ސޯލިހުގެ ވެރިކަން ނިމިގެން ދިޔައިރު ވެސް ނިމިފައިނުވާ ކަމަށެވެ.

މި މައްސަލަތަކުގެ ތަހުގީގު ކުރިއަށް ގެންދާތީ، އާއިލާތަކުގެ އެދުމުގެ މަތިން މިހާރުގެ ރައީސް ޑރ. މުހައްމަދު މުއިއްޒު ވަނީ މަރު ކޮމިޝަންގެ މުއްދަތު މިދިޔަ މެއި މަހު ދަންމަވައިލައްވައިފަ އެވެ.

މި ކޮމިޝަން އުވާލުމަށް ރައީސް މިއަދު ނެރުއްވި ގަރާރުގައި ވިދާޅުވީ ކޮމިޝަން އުވާލެއްވީ ހަވާލުކުރި މަސައްކަތްތައް ނިމުމުން ކަމަށެވެ.

މަރު ކޮމިޝަނުން މީގެ ކުރިން ބުނެފައިވަނީ ތަހުގީގު ނިމުމުން އޮފީސް އުވާލުމުގެ ކުރިން ރައީސް އޮފީހާ ރިޕޯޓުތައް ހިއްސާކުރާނެ ކަމަށެވެ.

މަރު ކޮމިޝަނުން ތަހުގީގުކޮށްފައިވާ މައްސަލަތަކުގެ ތެރޭގައި ނޫސްވެރިޔާ އަހުމަދު ރިލްވާން އަބްދުﷲ އަދި ބްލޮގަރު ޔާމީން ރަޝީދުގެ މައްސަލަ ވެސް ހިމެނެ އެވެ.

މިހާތަނަށް ނަތީޖާއެއް ހާސިލް ނުވި ނަމަވެސް އެ ކޮމިޝަނަށް 2019 އިން ފެށިގެން 2021 ވަނަ އަހަރާ ހަމައަށް 5.5 މިލިއަނާ ގާތް ކުރާ އަދަދަކަށް ފައިސާ ހަރަދު ކޮށްފައިވެ އެވެ.

މަރުގެ މައްސަލަތައް ބަލާ ކޮމިޝަން ރައީސް ޑރ. މުހައްމަދު މުއިއްޒު މީހުން މެރުން ކުށްކުރުން

15 ކޮމެންޓް, 10 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ގަޅިބެ

06 June 2024

އަމިއްލަ ގައުމުގެ ރައްޔިތުނަށް އިންސާފް ހޯދައި ނުދެވޭ ބަޔަކަށް ފަލަސްތީންގެ މީހުނަށް އިންސާފް ހޯދައިދެވޭނެތަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަމީދުބެ

03 June 2024

މައްސަލައަކީ ކޮމިޝަނެއްނޫން. ކޮމިޝަން ރަނގަޅު. އެއީ ބޮޑަތި ޖަރީމާތަކެއް ހިންގުމަށްފަހު ފިލައިގެން ބަަޔަކު ތިބީތީ. ދިވެހިރާއްޖެ މިކިޔަނީ ގައުމަކަށްނަމަ އަދި ދިވެހިންމިއުޅެނީ އެމީހުންގެ މައްޗަށް އިންސާފު ހިންގާނެ ވެރިޔަކު ހޮވައިގެންނަމަ މިފަދަ ކޮމިޝަން އުވާނުލާ މަސައްކަތް ހަރުދަނާ ކުރާނީ. އެއީ މާދަމާ ގެއްލޭނީ ތިބާގެ ބޭބޭ ނޫނީ ދަރިފުޅު ކަމެއްނޭނގޭނެ. އެހިސާބުން ދުއްވައިގަންނާނެ ދިމާލެއް ނޯންނާނެ.