ވިޔަފާރި / އެމްޓީސީސީ

އެމްޓީސީސީގެ ހިއްސާގެ ފައިދާ އަށް 4ރ. އަލުން ބަހަން ފާސްކޮށްފި

އމެްޓީސީސީއިން ބޭއްވި އީޖީއެމްގެ ތެރެއިން -- ފޮޓޯ: އެމްޓީސީސީ

ފާތިމަތު ޝަނާ މުހައްމަދު، މިހާރު

12 ޖޫން 2024 - 08:51

8 comments

އެމްޓީސީސީ އަށް 2022 ވަނަ އަހަރު ލިބުނު ފައިދާ އިން ހިއްސާއަކަށް ހަތަރު ރުފިޔާ އަލުން ބަހަން ފާސްކޮށްފި އެވެ.

އެގޮތަށް ފާސްކުރީ އެ ކުންފުނިން ބޭއްވި އެކްސްޓްރާއޯޑިނަރީ ޖެނެރަލް މީޓިން (އީޖީއެމް) ގަ އެވެ. އެ ޖަލްސާގައި ބަހަން ނިންމީ ހިއްސާގެ ފޭސްވެލިއު 5ރ. އަދި ޑިވިޑެންޑަށް 4ރ. އެވެ. އެއީ 2021 ވަނަ އަހަރުގެ އަދަދަށް ވުރެ 50 ލާރި އިތުރު އަދަދެކެވެ.

އެމްޓީސީސީގެ 47 ހިއްސާދާރުންނާ އެކު އެ ޖަލްސާ ބޭއްވީ އޮންލައިން ޕްލެޓްފޯމު ފަހިވޯޓު މެދުވެރިކޮށެވެ.

މިއީ އެ ކުންފުނިން މިހާތަނަށް ބަހާ އެންމެ ރަނގަޅު އެއް ހިއްސާގެ ފައިދާ އަށް ވިޔަސް މިދިޔަ އަހަރުގެ ޖޫން މަހު ބޭއްވި އަހަރީ އާންމު ޖަލްސާގައި އެ އަދަދު ހިއްސާދާރުންނަށް ބަހަން ފާހެއް ނުވި އެވެ.

ޑިވިޑެންޑް ބެހުމާ ދެކޮޅަށް، އެ ފަހަރުގެ ޖަލްސާގައި ބައިވެރިވި ހިއްސާދާރުންގެ ތެރެއިން 61 މީހުން ވޯޓު ދިނެވެ. އެއީ ވޯޓުގައި ބައިވެރިވި މީހުންގެ 53 ޕަސެންޓެެވެ.

ރޭގައި އީޖީއެމްއެއް ބޭއްވީ އަހަރީ އާންމު ޖަލްސާގައި ހިއްސާގެ ފައިދާ ބެހުން ފާސް ނުވުމުން އަލުން އެކަމާ މެދު ގޮތެއް ނިންމަން އިތުރު ޖަލްސާއެއް ބާއްވަން އޭރު އޮތް އެ ކުންފުނީގެ ބޯޑުން ނިންމާފައި އޮތުމުންނެވެ.

އެމްޓީސީސީ އަށް 2022 ވަނަ އަހަރު ސާފު ފައިދާގެ ގޮތުގަައި ޓެކްސް ކެނޑުމަށް ފަހު 196 މިލިއަން ރުފިޔާ ލިބިފައި ވެ އެވެ. މިއީ އޭގެ ކުރީ އަހަރަށް ވުރެ 36 މިލިއަން ރުފިޔާ ދަށް އަދަދެކެވެ. ސާފު ފައިދާ ދަށްވެފައިވަނީ ދަރަނި އަނބުރާ ދެއްކުމަށާއި ތެލުގެ ހަރަދަށް ކުރި ހޭދަ ބޮޑުވުމުންނެވެ. އެ އަހަރު އެ ކުންފުންޏަށް ވަނީ 2.5 ބިލިއަން ރުފިޔާގެ އާމްދަނީއެއް ލިބިފަ އެވެ.

އިއްޔެ ބޭއްވި އީޖީއެމްގައި އެމްޓީސީސީން ވަނީ އެ ކުންފުނީގެ އަސާސީ އަދި ހިންގާ ގަވާއިދަށް ހުށަހަޅާފައިވާ އިސްލާހުތައް ވެސް ފާސްކޮށްފަ އެވެ.

އެމްޓީސީސީ ހިއްސާދާރުން އެމްޓީސީސީގެ އަހަރީ އާންމު ޖަލްސާ

8 ކޮމެންޓް, 4 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސުޕަރމެޖޯރިޓި

12 June 2024

2022 އޭ ތޯ؟ 1970 ގެ އަހަރުތަކުގެ ހިސާބުތައް ނަގައިގެން ބަހަން ފަށަންވީނު! މީ ކިހިނެތް ހިންގާ ގައުމެއް! ކިންފުނިތަކުގެ ބަލަދުވެރި ފަރާތުން ކީކޭބާ ބުނަނީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

12 June 2024

ދައުލަތުގެ ކުންފުނިތައް ޙާއްސަކޮށް ދައުލަތާއި ރައްޔަތް ޙިއްސާވާ ޕަބްލިކް ކުންފުނިތައް މުޅިން Restructure ކޮށް ކުންފުނިތަކުގެ ސީނިއަރ މެނޭޖްމަންޓާއި ބޯޑަށް ހަރުދަނާ ބަދަލުތައްގެނެސް މިފަދަ ކުންފުނިތަކާއިމެދު ޙިއްސާދާރުންގެމެދުގައި އިތުބާރުއުފެއްދުމަށް މަސައްކަތް ކުރަންޖެހޭ. # މިބަދަލު ގެނައުމަށްޓަކާ ސަރުކާރުން ބޯޑަށް އައްޔަންކުރާ ފަރާތްތަކަކީ އެފަދަ އިލްމާއި ތަޖުރިބާގެއިތުރުން މުޖުތަމައުގައި އޭނާގެ އަބުރުނުގެއްލި ތިބި ފަރާތްތައްކަމަށް ހަދާންޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

12 June 2024

ކުންފުނީގެ އޮނިގަނޑަށާއި މެނޭޖްމަންޓަށް މަތީގައިދެންނެވި ބަދަލުގެނައުމަށްފަހު ކާމިޔާބުކަމާއިއެކު ކުރަމުންދާ ކޮންސްޓަރަކްޝަން ދާއިރާގެމަސައްކަތާއި، ކަނޑާއި އެއްގަމުދަތުރު ފަތުރުގެއިތުރުން Real Estate ވިޔަފާރީގެތެރެއަށް ވަނުމަށްޓަކާ ކުންފުނިން 100 ގަނެފައިނުވާ ކޮންމެދިވެއްސަކަށް (މުޅިންއަލަށް ޙިއްސާ ގަންނަ ފަރާތްތަކަށްވެސް) މިކުންފުނީގެ ޙިއްސާގަތުމަށް (ވަކިފަރާތަކަށް ބާރުނުނެގޭގޮތަށް ގިނަވެގެން ކޮންމެމީހަކަށް 100 ޙިއްސާ) ފުރުސަތު ހުޅުވާލަންޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

12 June 2024

ދައުލަތަށް "ކަނަމަދެއްވަރުގެ ލާރިކޮޅެއްދީފައި" 50 ނުވަތަ 99 އަހަރަށް ފަޅުރަށް ނަގައިގެން 250-110 މިލިޔަން ޑޮލަރު ހޭދަކޮށް ރަށް (40/80 ކޮޓަރި) ތަރައްޤީ ކުރުމަށްފަހު ލީޒް މުއްދަތުގެ ދެބައިކުޅަ އެއްބައި މުއްދަތަށް 500މ ޑޮލަރަށްވުރެން ބޮޑުއަގުގައި އެރަށްތައް މަޝްހޫރު ހޮޓެލް ޗެއިންތަކަށް 35 އަހަރަށް ސަބްލީޒް ކޮށްގެން ބޮޑު ފައިދާނަގާއިރު ކީއްވެ MTDC މެދުވެރިކޮށް ރަށްތައްހޯދައި Real Estate އުސޫލުންތަރައްޤީކޮށް ވިއްކަން MTCC މިވިޔަފާރިއަށް ނުވަންނާންވީ!؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަކުރުބޭ

12 June 2024

އާޒިމުތަ މޮޅީ، އާޒިމުތަ ހިޔަޅީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހިތަދޫ 2

12 June 2024

ބިލްތަކަށް ފައިސާ ދީފަ ލާރި ބަހައިބަލަ، ކިހާ ދެރަކަމެއް. ކަލޭމެން ލާރި ނުދީ އަދި ސަރުކާރުން ޖީއެސްޓީ ނުދައްކައިގެން އަހަރެމެން ފަހަތުން ދުވަނި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަޑިތަކުރު

12 June 2024

އަލްޙަމްދުލިއްލާހި! ނިމިދިޔަވެރިކަމުގައި ބަހަން ނިންމި ޢަދަދު ފާސްނުވުމަކީ ފައިދާ ނުބަހަން ފާސްކުރުންކަމަށް މާނަކޮށް އެހިސާބުން އެކަން ނިންމާލީކަމަށް ހީކޮށްގެން ހުއްޓާ އަލުން އެކަމާމެދު ގޮތެއް ނިމިގެންދިޔަކަމަށް ޓަކައި އުފާކުރަން. އުންމީދަކީ މިވެރިވެރިކަމުގެ 5 އަހަރަކީ ފާއިތުވި އަހަރުތަކަށްވުރެ ކުންފުނީގެ ފައިދާ ރަނގަޅުވާނެ 5 އަހަރަށް ވުމެވެ.