ބީއެމްއެލްގެ ބޯޑު ބައްދ
13 ޖޫން 2024 - 10:45
18 comments
ބީއެމްއެލްގެ ކާޑުތަކަށް ކަނޑައަޅާފައިވާ ޑޮލަރު ލިމިޓު ބޮޑު ކުރެވޭނީ، އެ ބޭންކަށް ވަންނަ ޑޮލަރުގެ އަދަދު އިތުރުވެގެން ކަމަށް ބީއެމްއެލް އިން ބުނެފި އެވެ.
ބީއެމްއެލް އިން ބުނީ ރާއްޖޭގެ ޑޮލަރުގެ ހާލަތާ މެދު އެ ބޭންކުން ވަކި އެއްޗެއް ބުނެވެން ނެތް ކަމަށެވެ. ނަމަވެސް މާކެޓުން ޑޮލަރު ގަންނަން ލިބޭ އަދަދަށް ވުރެ ބޮޑު އަދަދެއް ބީއެމްއެލް އިން މިހާރު ވެސް ވިއްކަމުން އަންނަ ކަމަށް އެ ބޭންކުން ބުންޏެވެ.
ކޮވިޑާ ގުޅިގެން އޮންލައިން ޓްރާންސެކްޝަންތައް ބޭނުންކުރާ ވަރު ލިމިޓު ކުރުމަށް ފަހު ބީއެމްއެލް އިން އަންނަނީ ބޭނުންކުރާ ލިމިޓު ރިވައިޒްކޮށް، އިތުރު ކުރަމުންނެވެ. އެންމެ ފަހުން ކާޑު ލިމިޓަށް ބަދަލު ގެނެސްފައިވަނީ 2021 ވަނަ އަހަރު އެވެ. ކްރެޑިޓް ކާޑު ބޭނުން ކޮށްގެން އޮންލައިން މުއާމަލާތުތައް ހިންގޭ ލިމިޓު އެ އަހަރު 750 ޑޮލަރަށް ބަދަލުކުރި އެވެ. ޑެބިޓް ކާޑު ބޭނުންކޮށްގެން އަދިވެސް ބޭރުގެ މުއާމަލާތުތައް ހިންގެނީ މަހަކު 250 ޑޮލަރާ ހަމައަށެވެ.
ބީއެމްއެލް ކާޑު ބޭނުންކޮށްގެން ކުރާ ރާއްޖޭން ބޭރުގެ މުއާމަލާތްތައް މަހުން މަހަށް އިތުރުވަމުންދާ ކަމަށާއި މިހާރު ބޭންކަށް ގަންނަން ލިބޭ ޑޮލަރުގެ އަދަދު އިތުރު ނުވާހާ ހިނދަކު، ކާޑުން ކުރެވޭ ބޭރުގެ މުއާމަލާތްތަކަށް ކަނޑައަޅާފައިވާ ލިމިޓު އިތުރުކުރުމަކީ ބީއެމްއެލް އަށް ކުރެވޭނެ ކަމެއް ނޫން ކަމަށް އެ ބޭންކުން ބުންޏެވެ.
"ބޭންކުން މިހާރު ވެސް މިއަންނަނީ ބޭރުގެ މުއާމަލާތްތައް ކުރުމަށް ބޭރު ފައިސާގެ އެހީތެރިކަން ފޯރުކޮށްދެވޭ ހާލަތްތަކުގައި އެ އެހީތެރިކަން ދެމުން. އަދި މިކަމަށް ހައްލެއް ހޯދުމަށްޓަކައި ބޭންކުން މި އަންނަނީ ކަމާ ބެހޭ އިދާރަތަކާއެކު މަޝްވަރާ ކުރަމުން،" އެ ބޭންކުން ބުންޏެވެ.
މިދިޔަ އަހަރުގެ ޑިސެމްބަރު ބީއެމްއެލްގެ ސީއީއޯ ކާލް ސްޓުމްކަ "މިހާރު" އަށް ދެއްވި ހާއްސަ އިންޓަވިއުގައިވެސް ވިދާޅުވީ، ކްރެޑިޓް ކާޑު ލިމިޓެެއް ނެތި ބޭރުގެ މުއާމަލާތުތައް ހިންގޭނެ ގޮތެއް ފަހިކުރަން ބޭނުންވާ ކަމަށާއި އެކަމަކު މި ވަގުތު އެކަން އޮތީ ކުރެވޭނެ ކަހަލަ ގޮތަކަށް ކަމަށެވެ.
އޭނާ ވިދާޅުވީ، މިކަން ހައްލު ކުރެވޭނީ ޑޮލަރުގެ ކަޅު ބާޒާރު ހުއްޓި، ރަސްމީކޮށް ޑޮލަރު ސިސްޓަމަށް ވަންނަން ފެށުމުން ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަފްރާސިޔާބު
13 June 2024
އެހެންވީމާ ޑޮލަރު ލިމިޓް މިހާރު އޮންނާނީ އުވާލެވިފައިތާ. އެއީ ބްލަކް މާކެޓްގައި މިހާރު "ޑޮލަރު" އެއްގޮތަކަށްވެސް ވިޔަފާރި ނުހިނގާތީ. އައުސަރުކާރުގެ ވެރިޔާ ވިދާޅުވި ގޮތަށް މިހާރު "ޑޮލަރު"ގެ ވިޔަފާރި ހުއްޓުވިފައިވަނީ ފެބްރުވަރީ އިން ފެށިގެން މަރުަކަޒީ ބޭންކް އިން ބޭނުން ވަރަކަށް ދިވެހި ރުފިޔާ އަށްވުރެ ތިޔާގި ކޮށް "ޑޮލަރު" ލިބޭތީ.
އަހާ
13 June 2024
މިގައުމުގައި އުޅޭކޮންމެ ބޭރުމީހަކަށް ވިސާ ޑެބިޑްކާޑެއްހަދާިދީފި.. ނުވިތާކަށް 7000 ރުފިޔާ ލިބޭ ކޮންމެ މީހަކަށް ކްރެޑިޓްކާޑެއް ހަދއިދީފި. ހަމައެހެން ބޭންކު މުވައްޒަފުންގެ ކަނެކްސަން އޮންނަ ކޮންމެ ވިޔަފާރިއަކަށް ފުލް ޓީޓީ އެމައުންޓް. އާދައިގެ ނިކަމެތި މީހާއަށް ޓީޓީއަށް %5. ހަދަނީ ހަދާނެގޮތެއް. ކޮން ޑޮލަރެއް ހުންނާނީ
މާކުންބޭ
13 June 2024
މިދިޔަ އަހަރުގެ ޑިސެމްބަރު ބީއެމްއެލްގެ ސީއީއޯ ކާލް ސްޓުމްކަ "މިހާރު" އަށް ދެއްވި ހާއްސަ އިންޓަވިއުގައިވެސް ވިދާޅުވީ، ކްރެޑިޓް ކާޑު ލިމިޓެެއް ނެތި ބޭރުގެ މުއާމަލާތުތައް ހިންގޭނެ ގޮތެއް ފަހިކުރަން ބޭނުންވާ ކަމަށާއި އެކަމަކު މި ވަގުތު އެކަން އޮތީ ކުރެވޭނެ ކަހަލަ ގޮތަކަށް " ނޫން " ކަމަށެވެ. އިސްލާހުކޮށްލައްވާ، ފަހަތުން ދެވަނަ ޕެރެގްރާފް
ބަބޫ
13 June 2024
ބަންގާޅިން ގަވާއިދާ ހިލާފަށް ރާއްޖެއްށް ލިބޭހާ ޑޮލަރެއް ބޭރުކުރާއިރު ތިމީހުން ތިތިބެނީ ގޮތް ހުސްވެފަ
އަފްރާސިޔާބު
13 June 2024
އެއީ އެމީހުންގެ ޑޮލަރު. އެމީހުންގެ އެއްޗެއް ބޭރުކުރަން ކޮންމަނައެއް ކުރެވޭނީ. އެމީހުން އަންނާނީ ޓޫރިސްޓް ވިސާގައި ހަފްތާއެއް ކޮށްލާފައި ފުރާނީ 50 ހާސް ޑޮލަރު ހިފައިގެން. 10 ހާހަށްވުރެ ގިނައިން ގެންދަންޏާ ހޯދި ގޮތް ހުށަހަޅާ އިރު ހުށަ ހަޅާނީ" ލޮލުން ބަލައިގެން" ހޯދާފައިވާ އެއްޗެއް ރަށަށް ގެންދަނީ ކަމަށް.
އެމްސް
13 June 2024
ޑޮލަރު ލިބޭވަރު އިތުރުކުރަން ޤައުމުން ޑޮލަރު ބޭރުވާވަރުވެސް މަދުކުރަން ޖެހެއެވެ! ޤައުމީ ބޭންކުގެ އެންމެ އިސްސަފުގަ ތިބި 5 ބޭރުމީހުނަށް ދޭ ޖުމްލަ އާމްދަނީ، އެފެންވަރުގަ ތިބި 11 ދިވެހިންގެ ޖުމްލަ އާމްދަނީއަށްވުރެ 2 ގުނަ ބޮޑުއެވެ! ބޭރުމީހުނީ މަހުންމަހަށް ޤައުމުން ބޭރުވާ ޑޮލަރުއެވެ!
އަފްރާސިޔާބު
13 June 2024
ބޭންކް އޮފް މޯޑިވްސް އަކީ ބަންގާޅުން އުފެއްދި އެމީހުންގެ ބޭންކެއް. އެތަނުގައި ހުންނާނީ އެމީހުންގެ ފައިސާ. މިހާރު އެމް.އައިބީ އަކީވެސް އެމީހުންގެ ތަނެއް. ބޭނުންވަރަކަށް ނަގަނައިގެން ދަނީ.
އެމީހ
13 June 2024
ބީ.އެމް.އެލް. އަން ތިހާލަތުން އަރާގަނެވޭނެ ކަމަކަށް ނުބެލެވޭ. ވަރަށް ވެދުން
ހަމީދު 21
13 June 2024
ރިސޯޓްތަކަށް ވަންނަ ޑޮލަރު ރާއްޖޭގެ ބޭންކުތަކުގައި 2މަސްވަރު ދައުރުވާނަޖެހޭގޮތަށް ޤާނޫނު ބަދަލުކޮށްލާއިރަށް ތިކަން ހައްލުވީ. މިހާރު ހަމައެކަނި ޓެކްސް ދިވެހިޤައުމަށް ވަންނަނީ. ދެން ޓިޕްސް މިހެން ނަހަދާ ޑޮލަރުގެ އަގު ދަށެއް ނުކުރެވޭނެ. މިކަން ނުވަނީ 3 ނުވަތަ 4 ވިޔަފާރިވެރިއެއްގެ ކޮންޓްރޯލުގެ ދަށުގައި ރާއްޖޭގެ ޓޫރިޒަމް އިންޑަސްޓްރީ އޮތީމަ، ސަރުކާރަށް އެބޭފުޅުންގެ ނުފޫޒު ވަރުގަދަކަމުން. މިހާރު އޮތީ ސްޕަރ މެޖޯރިޓީ އެހެންވީމާ ހިތްވެއް ހުރިއްޔާ ކުރެވޭނެ
ބަރުބާދު
13 June 2024
ސަަޅި ވަރައްސަޅި ގޮނޑިބޭނުންވީމަ ވައުދުވާއިރު ނޭނގޭވިއްޔަ މިގޮވެނީ ކޮންހާސަރެއްކަމެއްވެސް.
މަމި
13 June 2024
އިސްތިއުފާ ދީފާ ގެއަށްދޭ.. ތިކަން ކުރެވޭ ބަޔަކު ތިތަނަށް އަންނާނެ.
އަލިބެ..
13 June 2024
ބޭންކު މުވައްޒަފުން މެދުވެރިވެގެން ބޭންކުން ޑޮލަރު ނަގައިގެން ކަޅުމާކެޜުގައި ވިއްކާހާ ޑޮލަރު ހިމެނެނީ ބޭންކުން ދޫކުރާ ޑޮލަރުގެ ގޮތުގައެވެ. މިކަން މިގޮތައް އޮއްވާ ކިތަންމެ ބައިވަރު ޑޮލަރެއް ލިބުނަސް ތިޔަ ހިސާބު ދިމައެއް ނުވާނެއެވެ. ގިނައިން ލިބުންވަރަކަށް ދަށުންދަމާބައި ބޮޑުވާނެއެވެ.