ވިޔަފާރި

ދަރަންޏާ ބެހޭ ބިލް: ދަރަނި ދެއްކުން ހަރުދަނާ ކުރަން ހާއްސަ އޮފީހެއް!

ފިނޭންސް މިނިސްޓްރީ. ދަރަނި މެނޭޖް ކުރާނެ އޮފީހެއް ހުޅުވާލަނީ

ފާތިމަތު ޝަނާ މުހައްމަދު، މިހާރު

26 ޖޫން 2024 - 12:25

8 comments

ޑެޓް މެނޭޖްމެންޓް އޮފީހެއް އުފައްދާ ގޮތަށް ދައުލަތުގެ ދަރަންޏާ ބެހޭ ބިލް މަޖިލީހަށް ހުށަހަޅައިފި އެވެ.

ސަރުކާރުގެ ފަރާތުން އެ ބިލް މިއަދު މަޖިލީހަށް ހުށަހެޅީ ފުނަދޫ ދާއިރާގެ މެންބަރު މުހައްމަދު މަންދޫހެވެ.

އެ ބިލްގައިވާ ގޮތުން އެ ގާނޫނަށް އަމަލުކުރާތާ ހަ މަސް ދުވަހުގެ ތެރޭގައި ޑެޓް މެނޭޖްމެންޓް އޮފީހެއް، ފިނޭންސް މިނިސްޓްރީގެ ދަށުން ހިންގަން ފަށަން ވާނެ އެވެ.

އެ މިނިސްޓްރީގެ ދަށުން މިހާރު ހިންގާ ޑެޓް މެނޭޖްމެންޓުގެ ހުރިހާ ޒިންމާތަކާއި މުވައްޒަފުންނާއި މުދަލާއި ވަސީލަތްތަކާއި އިމްތިޔާޒުތައް ޑެޓް މެނޭޖްމެންޓް އޮފީހަށް ބަދަލުވާނެ އެވެ. އެ ބިލްގައިވާ ގޮތުން އެ އޮފީސް ހިންގާނީ ސިޔާސީ ނުފޫޒުން އެއްކިބާވެ، ޕްރޮފެޝަނަލް ކަމާ އެކު އެވެ. ނަމަވެސް އެ އޮފީހުގެ ކަންކަމާ ގުޅޭ ގޮތުން ރައްޔިތުންގެ މަޖިލީހަށް ޖަވާބުދާރީ ވާން ޖެހޭނީ ފަައިނޭންސް މިނިސްޓަރު ކަމަށް ބިލުގައި ވެ އެވެ.

ޑެޓް އޮފީހުގެ މަސްއޫލިއްޔަތުތައް

- ލޯނާއި ސޮވްރިން ގެރެންޓީ އާއި ޓްރެޒަރީ ލޯނާއި ސަބްސިޑަރީ ލޯނާ ބެހޭ މައުލޫމާތުތައް ރެކޯޑު ކުރުމާއި ބެލެހެއްޓުމާއި ރިޕޯޓު ކުރުން.

- ދަރަނީގެ ސްޓްރެޓެޖީ އެކުލަވައިލުން.

- ދައުލަތުން ދަރަނި ނެގުމުގެ އަހަރީ ޕްލޭން އެކުލަވައިލުން.

- ސެކިއުރިޓީ ވިއްކުމުގެ ހުރިހާ މަސްއޫލިއްޔަތުތަކެއް އަދާކުރުން.

- ކްރެޑިޓް ރޭޓިން އެކަށީގެންވާ މިންގަނޑެއްގައި ހިފަހައްޓަން މަސައްކަތް ކުރުން.

ދަރަނީގެ މައްސަލަތައް ހައްލު ކުރުމަށް އޮފީހެއް ހަދަން ނިންމާފައި ވަނީ، މިހާރަށް ވުރެ ހަރުދަނާ ނިޒާމެއްގެ ތެރެއިން ދަރަނި ދެއްކުމަށް ފިނޭންސް މިނިސްޓްރީން މީގެ ކުރިން ވަނީ ބުނެފަ އެވެ.

ދައުލަތުގެ ދަރަންޏާ ބެހޭ ބިލުގައި ވަނީ ސޮވްރިން ގެރެންޓީ ދޭގެ ގޮތްތަކާއި ލޯކަލް ކައުންސިލްތަކާއި ސަރުކާރު ހިއްސާވާ ކުންފުނިތަކުން ދަރަނި ނެގުމުގައި އަމަލުކުރާނެ ގޮތްތައް ވެސް ބަޔާން ކޮށްފަ އެވެ.

ދައުލަތުގެ ދަރަންޏާ ގުޅޭ މައުލޫމާތުތައް އެކްސްޓާނަލް އޮޑިޓަރެއް މެދުވެރިކޮށް އޮޑިޓެއް ހަދަން ޖެހޭނެ ކަމަށް ވެސް ބިލުގައިވެ އެވެ.

ދައުލަތުގެ ދަރަނީގެ ސްޓްރެޓެޖީ ރައީސުލްޖުމްހޫރިއްޔާއަށް ހުށަހަޅައި ކޮންމެ އަހަރެއްގެ ޖުލައި މަހުގެ 15 ކުރިން ފާސް ކުރަން ޖެހޭނެކަމަށް ވެސް ބިލުގައިވެ އެވެ. އެ ސްޓްރެޓެޖީ ފާސްކުރަން ޖެހޭނީ ކެބިނެޓުންނެވެ.

ފިނޭންސް މިނިސްޓްރީ ރައްޔިތުންގެ މަޖިލިސް

8 ކޮމެންޓް, 5 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ދައިގަންނަގުރާ

27 June 2024

އެތާ ހޭކި މިތާ ހޭކި ހޫރެމުން ހޫރެމުން މި އުޅޭ ބައެއް ނިކަން ދެކިބަ ބޭކާރު ބިލުތައް ތަޅުމަށް ހުށަހަޅާ ގޮތް. ޑެޓް މެނެޖް ކުރުމަކީ އެއީ ފިނޭންސް މިނިސްޓްރީގެ ފަންކްޝަންއެއް. ވަކި އޮފީހެެއް ހަދާކަށް ނުޖެހޭ. މިނިސްޓަރު ބަދަލުވިޔަސް މިނިސްޓްރީއިން ކުރަންޖެހޭ ކަމަކަށް ބަދަލު އަންނާކަށް ނުޖެހޭ. ޑެޓުވެސް މި މޭރުމުން މެނެޖު ކުރެވޭނެ. ވަކި އޮފީހެއް ހެދިޔަސް ސިޔާސީބާރު ފޯރުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކިއްލީ

26 June 2024

ޑެޓް އޮފީސް ހިންގާނީ މިނިވަންކަމާއެކީ މިނިސްޓްޓިރީގެ ދަށުން،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެނގ

26 June 2024

ސިޔާސީ ނުފޫޒަކީ ރައްޔިތުންގެ ބާރު. އެ ބާރު އޮންނަންވާނެ. ސިވިލް ސަރވަންޓުންނަށް ތަންދޫކޮށްލީމާ ދެންވާނީ ފްލެޓް ކޮމިޓީއަށް ވި ގޮތް. ޖަވާބު ދާރީ ވާނެ މީހަކު ނުހުންނާނެ. ޖަވާބު ދާރީ ވާންޖެހޭ މީހާއަކަށް ވާނުވާ ނޭނގޭނެ. ދެން މުސާރަ ނަގާ މުވައްޒަފުންތަކެއް ހަމަ ތިބޭނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހަންމާބެއްޔާ

26 June 2024

ތިޔަ އޮފީސް ހިންގަން ދަރަންޏަށް ފައިސާ (ލޯނެއް) ނަގާނެ އޮފީހެއް، ރައީސުލްޖުމްހޫރިއްޔާގެ ޤަރާރަކުން އުފައްދަން ފެނޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދަރަނިބަލާކޮމިޓީ

26 June 2024

މަޢުމޫނު ޒަމާނުގަ އަބްދުއް ރަޝީދު ހުސައިންވެސް ކޮންމެ ކަމަކަށް ކޮމިޓީއެއް ހައްދަވަޔޯލަ.. މަސްވެރިންގެ ދުވަަހަށް ކޮމިޓީ ހެދިލެއް ގިނަކަމުން އެއްކޮމިޓީން އަނެއް ކޮމިޓީއަށް ބޯޅަ ޖަހަޖަހާ ތިބޭތީ މަޢުމޫނު ކެބިނެޓު މީޓިންގައި އަބުސީއަށް ދެންނެވިކަމަށް ވަނީ ކޮމިޓީތައް މާ ގިނަވެއްޖެއޭ އުވާލާފަ މިނިސްޓަރުގެ ބެލުމުގެ ދަށުން ގެންދަވާށޭ ހުރިހާކަމެއް.. އަބުސީ ދެންނެވީ ލައްބައޭ ހުރިހާ ކޮމިޓީތައް އުވާލުމަށް މިއަދު ކޮމިޓީއެއް ނަަގާނެމޭ. އެކަހަލަކަމެއް ތި ވެސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގޮއްޔެ.

26 June 2024

''ސާބަހޭ ސާބަހޭ ދިވެހިޤައުމަށް ސާބަހޭ'' ސިޔާސީ މަޤާމުތައް މަދުކުރަނީއޭ ކިޔައިގެން މިއުޅުނީ މިކަށް. ތިޔަ ތަނެއް އުފައްދާ ތިތަނަށްވެސް 60 ހަތްދިހަމީހުން ވައްދަންވީ. ދެން ކޮންމެ ކަމެއް ހަރުދަނާކުރަން ވަކި އޮފީހެއް ހުޅުވަންވީ. މަސްވެރިންގެ މަސްކޮޅަށް ފައިސާ ބަހާނެގޮތެއް އެކުލަވާލަން އޮފީހެއް ހަދާނީ ކޮންދުވަހަކުންބާ؟