ޚަބަރު / މިނިސްޓްރީ އޮފް ހަޔާ އެޑިއުކޭޝަން

ދަރިވަރުންގެ ކިޔެވުމަށް ބުރޫއަރާ ފަދަ ކަމެއް ވިޔަ ނުދޭނަން: ހަޔާ އެޑިއުކޭޝަން

ހަޔާ އެޑިޔުކޭޝަން މިނިސްޓްރީން ބޭއްވި ނޫސްވެރިންގެ ބައްދަލުވުމެއްގައި މިނިސްޓަރު ޑރ. މަރިޔަމް މާރިޔާ ވާހަކަ ދައްކަވަނީ.-- ފޮޓޯ: ހަޔާ އެޑިޔުކޭޝަން މިނިސްޓްރީ

މޫސާ ރަޝީދު، މިހާރު

08 ޖުލައި 2024 - 23:05

44 comments

ދައުލަތުގެ ހަރަދުގައި ރާއްޖެ އިން ބޭރުގައި ކިޔަވާ އެއްވެސް ދަރިވަރެއްގެ ތައުލީމަށް ބުރޫއަރާ ފަދަ ކަމެއް ވިޔަނުދޭނެ ކަމުގެ ޔަގީންކަން ހަޔާ އެޑިއުކޭޝަން މިނިސްޓްރީން މިރޭ ދީފި އެވެ.

އެ މިނިސްޓްރީން ބުނީ ރާއްޖެއިން ބޭރުގައި ސަރުކާރުގެ އެހީއާ އެކު 2،163 ދަރިވަރަކު މި ވަގުތު ކިޔަވަމުން އަންނަ ކަމަށާއި ކޯސް ފީ އާއި ލިވިން އެލަވަންސާއި އެހެނިހެން ހަރަދުތައް ހަމަޖެހިފައިވާ އުސޫލުން ކަނޑައެޅިފައިވާ މުއްދަތައް ބަރާބަރަށް ދެއްކުމަކީ އަބަދުވެސް ކުރަމުން އަންނަ ކަމެއް ކަމަށެވެ.

ބައެއް ފަހަރު، ބައެއް ޕޭމަންޓްތައް ޖަމާވުމުގައި ލަސްތަކެއްވާ ކަމަށް ގަބޫލުކުރާ ކަމަށާއި ނަމަވެސް އެއީ ކުރިން ވެސް ދިމާވާ ހާލަތެއް ކަމަށް އެ މިނިސްޓްރީން ބުންޏެވެ.

އާއްމުކޮށް ޕޭމަންޓްތައް ލަސްވުމުގައި ދިމާވާ މައިގަނޑު ސަބަބަކީ، ހަޔާ އެޑިއުކޭޝަނުން ބުނި ގޮތުގައި، ކަނޑައެޅިފައިވާ ވަގުތަށް މިނިސްޓްރީ އަށް ލިބެންޖެހޭ ލިޔެކިއުންތައް ލަހުން ލިބުމާއި ދަރިވަރު ކިޔަވަމުން ދާކަން ޔުނިވާސިޓީ ނުވަތަ ކޮލެޖުން ކަށަވަރު ކުރުމުގައި ވަގުތު ނެގުމެވެ.

"މި މިނިސްޓްރީން މަސައްކަތް ކުރަމުން މިދަނީ ދަރިވަރުންނަށް ފޯރުކޮށްދޭން ޖެހޭ މިފަދަ ހިދުމަތްތައް އޮޓެމޭޓްކޮށް ކުދިން ކިޔަވަމުންދާކަން ވެރިފައިކުރަން އޮންނަ ޕްރޮސެސް މިއަށްވުރެ ހަލުވިކޮށް، އެ ކުދިންނަށް ދެވޭ ހިދުމަތުގެ އެފިޝެންސީ އިތުރުކުރެވޭނެ ގޮތްތައް ހޯދުމަށް،" ހަޔާ އެޑިއުކޭޝަނުން ބުންޏެވެ.

އެއްވެސް ދަރިވަރެއްގެ ކިޔެވުމަށް ބުރޫ އަރާފަދަ ކަމެއް ވިޔަ ނުދިނުމަށް ކޮންމެ ކަމެއް ވެސް ސަރުކާރުން ކުރާނެ ކަމުގެ ޔަގީންކަން ދޭ ކަމަށް ވެސް އެ މިނިސްޓްރީން ބުންޏެވެ.

ރާއްޖެއިން ބޭރުގައި މިހާތަނަށް ފައިސާ ނުލިބި އޮތީ ކިހާ ދަރިވަރުންނަށް ކަމެއް އެ މިނިސްޓްރީން ނުބުނެ އެވެ. އަދި ނުދެވި އޮތީ ކިހާ ފައިސާއެއް ކަމެއް ވެސް ސާފެއް ނުވެ އެވެ.

ބޭރުގައި ދިރިއުޅޭ ކުދިންނަށް ސަރުކާރުން ޖަމާކުރަން ޖެހޭ ފައިސާ ނުލިބޭ މައްސަލާގައި މިއަދު މަޖިލީހަށް ކުއްލި މައްސަލައެއް ވެސް ހުށަހެޅި އެވެ.

ކިޔަވާކުދިން މިނިސްޓްރީ އޮފް ހަޔާ އެޑިއުކޭޝަން ޑރ. މަރިޔަމް މާރިޔާ (ހަޔާ އެޑިއުކޭޝަން މިނިސްޓަރި)

44 ކޮމެންޓް, 8 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ރިމާހް އިލްމީ

09 July 2024

ގައުމުގެ މާލީ ހާލަތު މިހާ ދައްވެފަ ހުރިއިރުވެސް އެއްވެސް ދަރިވަރަކަށް ތައުލީމީ ގޮތުން ބުރޫއެރުމެއް ކުރިމަތިނުވާނެ ގޮތައް ސަރުކާރުން އަމަލު ކުރާތީ އަހަރުމެން އުފާ ކުރަންޖެހޭ.. މީ މިކަން ސިޔާސީ ކުރަންވީ ވަގުތެއްނޫން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސިމްވާ

09 July 2024

ޑރ.މުއިއްޒުގެ ސަރުކާރުންދަނީ ރާއްޖެއިން ބޭރުގައި ކިޔަވަމުންދާ ދަރިވަރުންނަށް ފީއާއި އެލަވަންސްތައް ވަގުތުން ދީ ނިންމަމުން. މި ސަރުކާރަކީ ތައުލީމަށް ހާއްސަ ސަމާލުކަންދޭ ވެރިކަމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިސްމާލި

09 July 2024

މިވަރުގެ ކަމަކާ ދޯ މޑޕ މެންބަރުން މަޖިލީހުގެ ވަގުތު މި ބޭކާރު ކުރަނީ. ގައިމު ގާތް މީހުނަށް ތަންތަނުން ވަޒީފާ ހޯދަން ގުޅާ ހެން އެ މެންބަރު ވެސް މަޖިލީހަށް ކުއްލި މައްސަލަ ނުލާ އެޑިއުކޭޝަން އަށް ގުޅައިގެން ބަލާލި ނަމަ ދޯ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލާއިން

09 July 2024

ރާއްޖެއިން ބޭރުގައި ތިބި ދަރިވަރުންނަށް ލިޔެކިޔުންތައް ޕްރޮސެސްކުރުމާއި ވެރިފިކޭޝަން ސްޓްރީމްލައިން ކުރުމަށް ކުރާ މަސައްކަތްތަކުން ހާމަވަނީ ޚިދުމަތް ފޯރުކޮށްދިނުމުގެ މިންގަނޑު ރަނގަޅު ކުރުމަށް ސަރުކާރުން ކުރާ މަސައްކަތް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނޫހް އިބްރާހިމް

09 July 2024

ރާއްޖެއިން ބޭރުގައި ކިޔަވާ ދަރިވަރުންގެ ތަޢުލީމީ ކަންކަމަށް ދޭ ސަމާލުކަން މި ފެންނަނީ. އުއްމީދު މި ދެއްވީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިމްދާދް

09 July 2024

އިދާރީ ޕްރޮސެސްތަކުގެ ސަބަބުން ފައިސާ ދެއްކުން ލަސްވުމުން އެއީ ޑރ.މުއިއްޒުގެ ވެރިކަމުގައި އެކަނި ދިމާވިކަމެއްނޫންކަން ވަރަށް ރަނގަޅަށް އިނގޭ އާރޓިކަލް ކިޔާލީމަ. އެކަންކަން މި ސަރުކާރުން ވީ އެންމެ އަވަހަށް ހައްލުކޮށްދޭނެކަން ޔަގީން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުސެން ތަކުރު

09 July 2024

ކަޑައެޅިގެން ދޮގު އޭޕްރީލް މަހު މެލް ކޮށްގެން އަދިވެސް ނުލިބޭ. ލަސްވެގެން ގުޅުމުން ބުނީ ފިނޭންސް މިނިސްޓްރީ އަށް ފޮނުވާފައޭވީ. ފިނޭންސް މިނިސްޓްރީން ބުނަނީ ލާރިދެވޭނެ ގޮތެއް އަދި ހަމަ ނުޖެހިގެންނޭ މިއުޅެނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފާތުމަތު ސޯލިހް

09 July 2024

ރާއްޖެއިން ބޭރުގައި ކިޔަވަމުންދާ ދަރިވަރުންނަށް ރަނގަޅު ހިދުމަތެއް ދިނުމަށް ޕްރޮސެސްތައް ސްޓްރީމްލައިން ކުރުމަށް ހަސަރުކާރުން ދޭ ސަމާލުކަމަކީ މެދުނުކެނޑި ކުރިއެރުން ހޯދުމަށް ކުރާ ވައުދުތަކެވެ. ބަރާބަރު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސިއްބަތު އަޒީޒް

09 July 2024

މަޖިލީހަށް ކުއްލި ހުށަހެޅުމެއް ހުށަހަޅައިގެން، ރާއްޖެއިން ބޭރުގައި މާލީ އެހީތެރިކަމާ ގުޅޭގޮތުން އާއިލާތަކާއި ދަރިވަރުން ބިރުވެރިކަމަކަށް ވައްޓާލިޔަސް ހަގީގަތް މިއޮތީ ހާމަކޮށްފަ. ދެން މަޑުން ތިބޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަފާފް ހަމީދު

09 July 2024

ރާއްޖެއިން ބޭރުގައި ތިބި 2،163 ދަރިވަރުންނަށް ކޯސް ފީއާއި ލިވިންގ އެލަވަންސް ވަގުތުން ދެއްކުމަކީ މޯލްޑިވިއަން ޒުވާނުންނާމެދު ހަޔަރ އެޑިއުކޭޝަން މިނިސްޓްރީން މި ދަތި ދުވަސްވަރުވެސް ޒިންމާ އަދާކުރާ ކަމުގެ ހެއްކެއް.