ރައްޔިތުންގެ މަޖިލީހުގެ އެސްއޯއީ ކޮމިޓީގައި އޭސީސީގެ މެންބަރުން ވާހަކަ ދައްކަވަނީ--ފޮޓޯ: ފަޔާޒް މޫސާ | މިހާރު
15 ޖުލައި 2024 - 14:35
8 comments
ފެނަކަ ކޯޕަރޭޝަންގެ ކުރީގެ މެނޭޖްމަންޓާ ގުޅޭ ގޮތުން އާދަޔާހިލާފަށް ގިނައިން މައްސަލަތައް ހުށަހަޅާފައިވާ ކަމަށް އެންޓި ކޮރަޕްޝަން ކޮމިޝަން (އޭސީސީ)ން މިއަދު ބުނެފި އެވެ.
ރައްޔިތުންގެ މަޖިލީހުގެ އެސްއޯއީ ކޮމިޓީގައި މެންބަރުން ކުރެއްވި ސުވާލުތަކަށް ޖަވާބު ދެއްވަމުން އޭސީސީގެ ރައީސް އާދަމް ޝާމިލް ވިދާޅުވީ ފެނަކަ ކޯޕަރޭޝަނާ ގުޅޭ ގޮތުން އާދަޔާހިލާފަށް އެ ކޮމިޝަނަށް މައްސަލަތައް ހުށަހަޅާފައިވާތީ އެ މައްސަލަތަކަށް ހާއްސަ ސަމާލުކަމެއް ދީގެން ބަލަމުން އަންނަ ކަމަށެވެ.
އޭނާ ވިދާޅުވި ގޮތުގައި އެމްޑީޕީގެ ސަރުކާރުގައި އެ ކުންފުނި ހިންގަވަން ތިއްބެވި ވެރިންނަށް ތުހުމަތުވާ ހަ މައްސަލައެއް ވެސް ވަނީ ކޮމިޝަނަށް ހުށަހަޅައިފަ އެވެ.
އޭގެ ތެރޭގައި ފެނަކަ އަށް ފައިދާ ވާން އޮތް ކަމެއްގައި އެ ނޫން ގޮތަކަށް އަމަލު ކޮށްގެން ވަކި މަގްސަދެއް ހާސިލް ކުރުމަށް މަސައްކަތް ކޮށްފައިވާ މައްސަލަތައް ހިމެނޭ ކަމަށް އޭނާ ވިދާޅުވި އެވެ.
"ހަ މައްސަލައެކޭ ދެންނެވިޔަސް ހަގީގަތުގައި ވަރަށް ބޮޑެތި މައްސަލަތަކުގެ ވާހަކަ. އޭގެ ބާވަތުން އެއް ކޮށްލާފައި ހުންނަ މައްސަލަތައް ވެސް އެބަހުރި،" އޭނާ ވިދާޅުވި އެވެ.
އޭސީސީގެ ނައިބު ރައީސް އަބްދުލް ސަލާމް ވިދާޅުވީ ފެނަކައާ ގުޅޭ ގޮތުން ހުށަހަޅާފައިވާ މައްސަލަތަކުގެ ތެރޭގައި ބައެއް މަޝްރޫއުތައް ކުންފުނިން އަމިއްލަ އަށް ހިންގުމަށް އިންހައުސްކޮށް ކުރިޔަށް ގެންދަން ނިންމުން ހިމެނޭ ކަމަށެވެ.
އިންހައުސްކޮށް މަޝްރޫއު ކުރިޔަށް ގެންދިޔުމުގެ ބޭނުމަކީ ކޮންޓްރެކްޓް އުސޫލުން ގިނަ އަދަދެއްގެ މުވައްޒަފުންތަކެއް ނެގުން ކަމަށާއި އެހެން ނަމަވެސް ވަކި އަދަދެއް ކަނޑަނާޅައި މުވައްޒަފުން ނެގުމުން ބޮޑު ހަރަދުތަކެއް ހިނގާ ކަމަށް އޭނާ ވިދާޅުވި އެވެ.
"15މިލިއަން ރުފިޔާ އަށް ހެދޭ އިންޖީނުގެ ކުރިއަށް ނުގެންގޮސް ހުއްޓާލާފައި އިންހައުސް މުވައްޒަފުން ނަގައިގެން ކުރީމަ 38 މިލިއަނަށް އެބަހުރި އަގު ބޮޑުވެފައި. އަގު ބޮޑުވާ ސަބަބަކީ މުވައްޒަފުންގެ މުސާރަ އަށް،" ސަލާމް ވިދާޅުވި އެވެ.
އޭނާ ވިދާޅުވި ގޮތުގައި ފެނަކަ އިން މުވައްޒަފުންނަށް ވަރަށް ބޮޑެތި ހަރަދުތަކެއް ކޮށްފައިވެ އެވެ. އެ ފަރާތްތަކުގެ ކެއުމަށް ޑަބަލްކޮށް ފައިސާ ހަރަދު ކޮށްފައި ހުރި ކަމަށާއި ފައިސާ އަތަށް ދިނުމުގެ އިތުރުން ރަށުގެ ރެސްޓޯރަންޓުތަކަށް ވެސް ދެ ފަހަރަށް ފައިސާ ދައްކާފައިވާ މައްސަލަތައް ހުރި ކަމަށް އޭނާ ވިދާޅުވި އެވެ.
"މިއީ އެންމެ މަޝްރޫއެއްގައި ދިމާވާ މައްސަލައެއް ނޫން ވަރަށް ގިނަ މަޝްރޫއުތަކުގައި މި މައްސަލަ ފާހަގަ ކުރެވިފައި އެބަހުރި،" ސަލާމް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އީނު
16 July 2024
ފުރަތަމަ އޭސީސީގެ ހާލަތު ބަލަންވެއްޖެ! މެމްބަރުން އެކަންޏެއް ނޫން ނާގާބިލު ބަޔަކީ. އޭސީސީގެ މެނޭޖަރުންވެސް މަގާމަށް ކުފޫ ހަމަނުވޭ! ސެކެޓްރީ ޖެނެރަލް ރުހޭ ހައެއްކަ ބޯ ތިތަނުގަ ވަކި ހިއްޕާލައިގެން، ކޮލިފިކޭޝަންވެސް ނެތް މީހުން މަގާމުތަކުގަ އެބަ ގެންގުޅޭ. އެޗްއާރު ހެޑަށް އަދި ބިއުރޯ ހެޑަށް ހުންނަނީ ނުކިޔަވާ ތިބި ދެ މީހުން، މުޅި ތަން ހިންގަނީ އެމީހުން، ދެން ވިސްނާލާ ކުރިޔަށް ދާނެ ވަރު! މުޅި ތަން އޯވަހޯލް ކޮށްގެން ނޫނީ ނަތީޖާއެއް ނުލިބޭނެ
ބޯހަލާކުވެދާނެ
15 July 2024
ނިމިދިޔަ 5 އަހަރު ތިކަންތައްތައް ހިނގި އިރުގަ ނުބެލީ ކީތްވެ؟ 5 އަހަރުނިމި އެވެރިކަން އޮތްނަމަވެސް ތިމަސަލައޮތޭވެސް ވިދާޅުނުވެ މުސާރަނަގާލަ ނަގާލަތިބޭނީ ކަންޔަގީން މިސަރުކާރު ރުއްސަން ކުރީ ސަރުކާރު ކިޔުން! އެއްވެސް އިހުލާސްތެރިކަމެއް ނެތް ދިވެހިންގެރާއްޖޭގެ މުސލިމުން ތިތިއްބެވީ
ނުކުޅަދާނަމީހުން
15 July 2024
"ފެނަކަ ކޯޕަރޭޝަނާ ގުޅޭ ގޮތުން އާދަޔާހިލާފަށް އެ ކޮމިޝަނަށް މައްސަލަތައް ހުށަހަޅާފައިވާތީ އެ މައްސަލަތަކަށް ހާއްސަ ސަމާލުކަމެއް ދީގެން ބަލަމުން އަންނަ ކަމަށެވެ." ޚާއްޞަ ސަމާލުކަމެއް ދިނުމަކީ ޒާތީވުން. ނޫނީ ވަކި ބަޔަކަށް އިސްކަންދީގެން މައްސަލަތައް ބެލުމަކީ ކޮރަޕްޝަން ބަލާމީހުން ކޮރަޕްޝަން ހިންގުން. ތިހެނެއް ތިކަން ކުރެވިގެން ނުބާނެ. ފުރަތަމަ މައްސަލަތައް ނިންމޭތޯ ބަލާބަލަ. މުސާރަ ލިބޭ ތާރީކަށް ކަލަންޑަރ ބަލާ ދުވަސް ފާއިތުކޮށްލާ ވިސްނުން ދޫކުރޭ
އަޑާ
15 July 2024
މިގައުމުގައި ކިތައް ކޮމިޝަން އެބަ އޮތްތަ؟. އެއިން ކޮމިޝަނަކުން ކުރާ އެއްކަމެއްވެސް އެބައޮތްތަ؟. ކީއްކުރާ ނުކުޅަދާނަވާވަރަށް ގިނަކޮމިޝަންތަކެއްތަ؟ މަޖިލީހާއި، ކޮމިޝަންތައް އުވާލަބަލަ.
އެޑްމުންޑޯ
15 July 2024
ކޮންމެ ވެރިކަމެއްގެ ދައުލަތު ލޫޓްވާލާ ސުންނާފަތިކޮއްފައި މިދަނީ ، ދުވަހެއްގައިވެސް ތިޔަ މައްސަލަތަކެއް ބަލާ ނުނިމޭ ، މީގެ 40 އަހަރުކުރީގެ ދައުލަތުގެ މުދަލާއި ފައިސާ ލޫޓްވާލި މައްސަލަތަށްވެސް އަދި އެބަހުރި ،
ހުސެއިން ޝާމް
15 July 2024
އެންޓިކޮރަޕްޝަނުން ކޮން ބައެއްގެ މައްސަލަ ބަލަން އަހަރުމެން ނޫޅެން ކަލޭމެން އަތުން ފްލެޓް ބޭނުން ވެގެން .ވެރިކަން ޗައިނާ އާއި އިންޑިޔާ އާއި ހަވާލުކޮށްފަ ދިޔައިމާ ނިމުނީ ނުން.ހުރިހާ މަސައްކަތެއް ކުރަނީ އެމީހުން ދައުލަތުގެ ފައިސާ ބަނޑު އަޅައިގެން އުޅެނީ އެހެން ބައެއް. ފްލެޓްތައް ދޫކުރާނީ އިންޑިޔާ ހައިކޮމިޝަނުންނާއި ،ޗައިނާ ހައިކޮމިޝަނުން.. ކަލޭމެންދޭ އެންޓި ކޮރަޝަނަށް މައްސަލަ ބަލަން .ދިވެހި ރައްޔިތުން މިހާރު މާހޭލުންތެރި.
ވަސީމުއްދީން އަބްދުލްހާދީ
15 July 2024
ނަންވާނީ އެސަރުކާރުުން ދިނީމަ. މިސަަރުކަރުން ނުދީ ރައްޔިތުންގެ ފައިސާފޭރޭ ވާހަކަވެސް ދައްކަބަލަ. ރައީސް އޮފީހުން އެންގިއޭ ރަށުންބޭރު (61) ޕްރިންސިޕަލުންނަށް އެކޮމޮޑޭޝަން މަހަކު 7000 ދޭން. ނުދޭ. މިރަށު ޕްރިންސިޕަލް މަހަކު 6000 ކުއްޔަށް ދޭންޖެހޭ. އޭނާ މިހާރު އެއުޅެނީ ޕްރައިވެޓް ކުންފުންޏަކަށްދާން. ދެންބުނާނޭ ޕްރިންސިޕަލުން ނުލިބެއޭ.
ކުރާމީ
15 July 2024
ސަރުކާރެއް ނިމުމާއިއެކު ނިމުނު ސަރުކާރުގެ އެކިމުއައްސަސާތަކުގެ ގިނަ މައްސަލަތަކެއް އޭސީސީން ބަލަމުންދާކަމަށް ނޫސްތެކުގެ ސުރުހީ އަޅާލާ..މިވީހާތަނަށް އެފަދަ މައްސަލަތައް ވީގޮތެއްވެސް ބަލަންޖެހޭ..އަލަށް ހަވާލުވާ ސަރުކާރުގެ އެއްބާރުލުމާއިއެކު ރައްޔިތުން ގުނބޯ ހެއްދުންތޯ ބޭނުމަކީ؟؟؟