ކެޕްޓަން ކަމަށް ހޮވުނު ޔާނާ، ސްކޫލްގެ ޕްރިންސިޕަލް އާއި އިތުރު މަގާމްތަކަށް ހޮވުނު ދަރިވަރުންނާ އެކު ފޮޓޯއަކަށް ހުއްޓިގެން.
06 އޯގަސްޓް 2024 - 12:50
ފ. ނިލަންދޫ އަތޮޅު ތައުލީމީ މަރުކަޒުގެ ސްކޫލް ކެޕްޓަން ހޮވުމުގައި، މާކްސް ބަދަލުކޮށް ކަޓުވާލި ދަރިވަރު ޔާނާ މޫސާ، އަލުން އެ މަގާމަށް ހަމަޖައްސައި ރޭ ރަސްމިއްޔާތު ބާއްވައިފި އެވެ.
ތައުލީމީ ހަޔާތުގެ އެންމެ ޝަރަފްވެރި މަގާމް، ސްކޫލް ކެޕްޓަން ކަމަށް ވާދަކުރީ ޔާނާ އާއި ގްރޭޑް 11 ގައި ކިޔަވާ އެހެން ދަރިވަރެކެވެ.
އެ ވޯޓުގައި މާކްސް އޮޅުވާލާފައިވާ ކަމުގެ ތުހުމަތުވުމުން، ބެލެނިވެރިން އެޑިއުކޭޝަން މިނިސްޓްރީއަށް މައްސަލަ ހުށަހަޅައިގެން ބެލިއިރު ދެ ދަރިވަރުންގެ މާކްސް އޮޅުވާލީ ސްކޫލުގެ ޓީޗަރެކެވެ.
ދެ ދަރިވަރުންގެ މެދުގައި ތަފާތުކުރުން ގެންގުޅުނު ލީޑިން ޓީޗަރު، ޔާސިރު އަބްދުއްނާސިރަށް އެޑިއުކޭޝަނުން ފިޔަވަޅު އަޅައި އެއް މަސް ދުވަހަށް ސަސްޕެންޑްކުރި އެވެ. އޭގެ ފަސް ދުވަސް ފަހުން އޭނާ ވަނީ ލީޑިން ޓީޗަރުގެ މަގާމުން އިސްތިއުފާ ދިނުމަށް ފަހު އަލުން ސްކޫލަށް ނިކުންނަން ފަށައިފަ އެވެ.
ނިލަންދޫ ސްކޫލުގައި ކުރިން މަގާމުތަކުގައި ތިބި ދަރިވަރުން، އަލަށް ހޮވުނު ދަރިވަރުންނާ މަގާމު ހަވާލުކުރަނީ.--
ޔާނާގެ އާއިލާގެ މީހަކު "މިހާރު" އަށް ބުނީ އެ މައްސަލަ ހައްލުވީ އެޑިއުކޭޝަން މިނިސްޓްރީގެ ތަހުގީގު ޓީމެއް އެ ރަށަށް ގޮސް މައްސަލަ ބެލުމުންނެވެ.
"އެ ޓީޗަރު މި ބުނަނީ ދަރިފުޅުގެ އިންޓަވިއު ޓައިމް ހަމައެއް ނުވެއޭ. ލިބޭނީ ސުމެކޭ. ގަވައިދުގައި ޓައިމް ލިމިޓެއް ނެތް. މިނިސްޓްރީން ކުދިންނާ ބައްދަލުކޮށްފައި އެހީ ވަގުތު ދިންހޭ. ވަގުތު ދީފައެއް ނެތް. ދަރިފުޅަށް އިންޓަވިއު ބައިން އިނީ އެއްވެސް މާކްސްއެއް ނުދީ،" ބެލެނިވެރިޔާ ކިޔައިދިނެވެ.
އޭނާ ބުނީ ކެޕްޓަން ހޮވުމުގައި އިންސާފުން ބޭރުވެ، އެހެން ކުއްޖަކު ހަމަޖެއްސި ކަން އެޑިއުކޭޝަނުން ބެލި ކަންކަމަށް ފަހު ނިންމި ކަމަށެވެ.
ނިލަންދޫ ސްކޫލުގެ ކެޕްޓަނަކަށް ހޮވުނު ދަރިވަރު ވާހަކަ ދައްކަނީ.
މި މައްސަލަ ބޮޑުވުމުން ވެސް ކަން ހިނގި ގޮތް ސްކޫލުން ބެލެނިވެރިންނަށް ކިޔައެއް ނުދެ އެވެ. އެކަމަކު އެޑިއުކޭޝަނުން މައްސަލަ ބެލުމުން، ސްކޫލުން ވަނީ ކަން ހިނގި ގޮތް ބެލެނިވެރިންނާ ހިއްސާކޮށްފަ އެވެ.
ޔާނާ ކެޕްޓަނަކަށް ހަމަޖައްސައި ރޭ ރަސްމިއްޔާތު ބޭއްވި ނަމަވެސް އޭނާ މިހާރު އެ މަގާމް ބޭނުމެއް ނުވެ އެވެ.
ވަކި ކުއްޖަކަށް އެ މަގާމު ދޭން ޓީޗަރެއްގެ ނުފޫޒުން މާކްސްތަކާ ކުޅެ، ބޮޑު ކަންތައްގަނޑެއް ހިންގުމުން އެ ޔާނާއަށް އުނދަގޫވީ ކަމަށް އާއިލާ އިން ވާހަކަ ދެއްކި މީހަކު ބުންޏެވެ.
އެ ސްކޫލްގެ އޯ ލެވެލް އާއި އޭ ލެވެލްގެ އެންމެ ރަނގަޅު ކުދިން ހޮވުމުގައި ވެސް ގޯސްތަކެއް ހެދި މައްސަލަ ވެސް މީގެ ކުރިން ފެންމަތިވި ކަމަށް ބެލެނިވެރިއަކު ބުންޏެވެ. އެކަމަކު، އެކަން ފަހުން ރަނގަޅު ކުރި ކަމަށް ވެ އެވެ.
Copyright © 2024 Mihaaru · Terms and Conditions · Privacy Policy
ކޮމެންޓްތައް
ޖަލީލީ
07 August 2024
ކަޓްވާލުން ދިވެހި ބަހުގައި ދެ މާނައިގަ ބޭނުން ކުރެވޭތީ ހެޑްލައިން ވަރަށް އޮޅުން އަރައިފި. ފުރަތަމަ މާނައަކީ ހައްގު ނޫން އެއްޗެއް ވަގަށް ނެގުން ނޫނީ ފޭރިގަތުން. ދެވަނަ މާނައަކީ އެލިމިނޭޓް ނުވަތަ އުނިވެގެން ދިޔުން. އަޅުގަނޑަށް ނެގުނީ ފުރަތަމަ މާނަ
އޯކިޑު
07 August 2024
މިސާލަކަށް އިންޓަވިއު އަށް ހަމަޖައްސާފައިވާ ގަޑިއަށް ދިމާވިކަމެއް ސްކޫލަށް ނާންގާ އެ ގަޑިއަށް ދަރިވަރު ޙާޒިރު ނުވާނަމަ ދެން އެދަރިވަރަކަށް ފުރުސަތު ދެވިގެންނުވާނެއެވެ.މިފަދަ މަގާމަކަށް ކުރިމަތިލާ ދަރިވަރަކު ވާންވާނި ނަމޫނާ ދަރިވަރަކަށެވެ.އަޅެ އިންޓަރ ވިއުގައި މަދުވެގެން 2 ނުވަތަ ތިން ބޭފުޅުން ތިއްބަވާނެއެވެ. ދެރަކަމެއް!
ގވތގތ
07 August 2024
ކުދިންނޭ ބައެއް ރަށްރަށުގަ ބެސްޓު އޯލްރައުންޑާރކަން ނުލިބުނީމާ ، ލިބުނު ކުއްޖާގެ ދުވަސް ދުއްވާލަން ކަންކަން ކޮށްފާ އެބަހުރި.
ބޭކާރު ކަންކަމުގަ ވަގުތު ހޭދަ!
07 August 2024
ހަމަތަކުގެ މަތިން ލިބެންޖެހޭ މަގާމެއް ލިބެންވާނެ! އެކަމަކު މިވަނީ ކިހިނެތް؟ މުޅި ރާއްޖޭގައި ޓޮޕް 10، 20، ނޫނީ އެއްމެ މާކްސް އަކައް ތަޅާފޮޅާ މާހައުލެއް މިއޮތީ އުފެދިފަ! ބެލެނިވެރިންވެސް މޭގަ އަތްޖަހާފަ ބުނަން ބޭނުންވަނީ މަގޭ ދަރިފުޅައް 93 މާކްސް ލިބުނޭ! އެތަކެއް ހާސް ކުދިން “ކިޔަވައިގެން” ނުކުންނައިރު، ރިޕޯޓް ޕްރިންޓްކޮއް ހީރަހެއްވެސް ޖަހާލަން ނޭނގޭ! ފަރަންޖީ ރައިވަރު ކިޔަން އެނގޭ، އެކަމު ގައުމު ތަރައްގީ ކުރުމައް ބަހެއްބުނަންވެސް ނުކެރޭ، ނެއެނގޭ!
ޖުޖުޖުި89ޮ
07 August 2024
އ ސުކުނެއް ށ ސުކުނެއް ވެސް ނޭނގެ ދިވެހި ބަހުން ކޮމެންޓު ކުރާއިރު
ހަބަރު
07 August 2024
ޢޭސީސީއާ ހަވާލު ކުރޭ. ޢެތާތިބޭނީ ކަމާނުބެހޭ މައްސަލަ ބަލަން ފޫގަޅަގެން ތިބޭބައެއް
ސަދަނީ
06 August 2024
މިކަން ވެސް މިހާރު ބޮޑު ސިޔާސީ ކަމަކަށް ހަދާލީ
އޯލްޑް ސްޓައިލް
06 August 2024
ނިލަންދޫ ސްކޫލަކީ ހަމަ އެކަނި އޭބީސީޑީ ނަތީޖާއަށް މަސައްކަތް ކުރާ ތަނެއް. ޢެ ތަނުން ނުކުންނަ ކުދިންގެ މާކަ ކަމެއް ނުހުރޭ. ގުރޭޑަކުން އެކަނި މިޒަމާނަކު ނުވާނެ. މާ ބޮޑަށް އޮބަހައްޓައިގެން ކުދިން ގެންގުޅޭ ފިލޯސަފީ ކަމަކު ނުދޭ، ޒަމާނާ ވެސް ނުގުޅޭ.
މައިސަމް
06 August 2024
ޔާނާގެ ހިތްވވަރަށް ސާބަސް
މަންމި ޑުރީމްސް ކަމް ޓުރޫ.
06 August 2024
ފޭރުމާ ގޭ ގުރޫޕް އެއް ނޫން... ފޭރޭ ގުރޫޕް.
ބޭނުމެއް ނުވެޔޯ އެކަމަކު ބޭނުންވެފަ!
06 August 2024
ކެޕްޓަންކަން މިހާރު ބޭނުމެއް ނުވެޔޯ، އެކަމަކު އެހުރީ ސޭޝް އަޅައިގެން ހެވިފަ! "ތިއޮތީ އަޑުގަދަ މީހާގެ ރުއް ގިނަވެފައި!" އެހެންކުއްޖެއްގެ ޙައްޤެއް ޒުވާބުކޮށް އަޑުގަދަކޮށްގެން ހޯދާފިއްޔާ އެކަމުގެ ބަދަލު ނުލިބިއެއް ނުދާނެކަން ކަށަވަރެވެ!
ޓުވައިލް
07 August 2024
ހައްގަކަށް ވަކާލާތުކޮށް އެކަން ހާޞިލްކުރުމަކީ މައްސަލައެއް ނޫން. އެ ހައްގު ލިބުމަށްފަހު އެއިން ތަނާޒުލުވެސް ވެވިދާނެ. މިތަނުގައި އަޑުގަދަކޮށް ޒުވާބުކޮށްގެން ހޯދީއެއް ނޫން. އެއީ ބޭ އިންސާފެއް އޮތްކަން ހާމަކުރީ އެއަށްފަހު އެކަމުގައި ކުރިއަށް ދިއުމަށްވެސް ދަތިތަކެއް ހުރުމުގެ ފުރުޞަތު އޮތީމަ ދޫކޮށްލީ. ނިންމުން ރަނގަޅުކަމުގައި ދެކެން.