އާރްޑީސީން ލިޔެކިޔުމެއް ނެތި 161 މިލިއަން ޓްރާންސްފާ ކޮށްފައި!

އާރްޑީސީގެ މެނޭޖިން ޑިރެކްޓަރު ޒުހައިޒު މިއަދު ކޮމެޓީގައި ވާހަކަ ދައްކަވަނީ: އެ ކުންފުނިން 161 މިލިއަން ރުފިޔާ ދޫކުރީ އެއްވެސް ލިޔެކިޔުމެއް ނެތި ކަމަށް އެ ކުންފުނިން ބުނޭ --- މިހާރު ފޮޓޯ/ނިޝާން އަލީ

މޫސާ ރަޝީދު، މިހާރު

05 އޯގަސްޓް 2024 - 14:40

30 comments

ރޯޑް ޑިވަލޮޕްމަންޓް ކޯޕަރޭޝަން (އާރްޑީސީ) ގެ ކުރީގެ މެނޭޖްމަންޓުން އެއްވެސް ލިޔެކިޔުމެއް ނެތި 161 މިލިއަން ރުފިޔާ އެކި ފަރާތްތަކަށް ޓްރާންސްފާ ކޮށްފައިވާ ކަމަށް އެ ކުންފުނިން މިއަދު ބުނެފި އެވެ.

ރައްޔިތުންގެ މަޖިލީހުގެ ސްޓޭޓް އޯން އެންޓަޕްރައިޒަސް ކޮމިޓީގައި މިއަދު ވާހަކަ ދައްކަވަމުން އާރްޑީސީގެ ޑެޕިއުޓީ މެނޭޖިން ޑިރެކްޓަރު މުހައްމަދު އަސްބާހު އަލީ ނަސީރު ވިދާޅުވީ އެ ކުންފުނިން 2022 ވަނަ އަހަރު 66 މިލިއަން ރުފިޔާ އާއި 2023 ވަނަ އަހަރު 95 މިލިއަން ރުފިޔާ އެއްވެސް ލިޔެކިޔުމެއް ނެތި އެކި ފަރާތްތަކަށް ފޮނުވާފައިވާ ކަމަށެވެ.

އެ ފައިސާ ފޮނުވާފައި ހުރީ އިންޓަނެޓް ބޭންކިން މެދުވެރިކޮށް ޓްރާންސްފާ ކޮށްގެން ކަމަށާއި އެކަމާ ގުޅޭ އެއްވެސް ތަފްސީލެއް ކުންފުނީގައި ނުވަތަ އިންވޮއިސްއެއް ކުންފުނީގައި ނެތް ކަމަށް އޭނާ ވިދާޅުވި އެވެ.

"މިއީ ކޮން ހިދުމަކަށްތޯ ނުވަތަ ކޮން މުދަލަކަށް ދީފައި ހުރި ފައިސާއެއްތޯ ނޭނގޭ." އަސްބާހު ވިދާޅުވި އެވެ.

އާރްޑީސީގެ މެނޭޖިން ޑިރެކްޓަރު ޒުހައިރާއި އިސްވެރިން ކޮމެޓީގައި --- މިހާރު ފޮޓޯ/ނިޝާން އަލީ

ނޮވެމްބަރު، 2023 ގައި ތެރޭގައި ވެސް ފިނޭންސް މިނިސްޓްރީން އާރްޑީސީ އަށް 90 މިލިއަން ރުފިޔާ ދޫކޮށްފައިވާ ކަމަށާއި ނަމަވެސް އެ މަހުގެ މެދު ތެރޭގައި އާ ސަރުކާރު ހަވާލުވިއިރު އެ ކުންފުނީގެ އެކައުންޓުގައި ހުރީ އެންމެ ހަތަރު މިލިއަން ރުފިޔާ ކަމަށް އޭނާ ވިދާޅުވި އެވެ.

މިހާތަނަށް ކުރި މަސައްކަތުން ވެސް 90 މިލިއަން ރުފިޔާ ބިލް ކުރެވޭ ހިސާބަށް ގޮސްފައި ނުވާ ކަމަށާއި މިއީ ނިޒާމުގެ ތެރެއިން ވަކި ކުންފުނިތަކަށް ފައިސާ ދޭން ކޮށްފައި ހުރި މަސައްކަތެއް ވެސް އަސްބާހު ތުހުމަތު ކުރެއްވި އެވެ.

އެ މައްސަލަ މިހާރު ފުލުހުންނާއި އޭސީސީން ތަހުގީގު ކުރަމުން އަންނަ އިރު އޮޑިޓް އޮފީހުން އެ ކުންފުނީގެ ހާއްސަ އޮޑިޓުތަކެއް ހަދަމުންދާ ކަމަށް އަސްބާހު ވިދާޅުވި އެވެ.

އެކަމުގައި ބައިވެރިވި ކަމަށް ތުހުމަތު ކުރެވޭ ކުންފުނީގެ މުއައްޒަފުން އެހެން ޑިޕާޓްމަންޓްތަކަށް ބަދަލުކޮށްފައިވާ ކަމަށާއި އެ ފަރާތްތަކާ މެދު އަޅަން ޖެހޭ ފިޔަވަޅުތައް އަޅަމުން ގެންދާނެ ކަމަށް ވެސް އޭނާ ވިދާޅުވި އެވެ.

އެމްއާރްޑީސީ ކޮރަޕްޝަން ރައްޔިތުންގެ މަޖިލިސް

30 ކޮމެންޓް, 19 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޑޮކްޓާރ. ބަނާނާ

06 August 2024

ކޮބާ މި ޖަރީމާ ހިންގި ވެރިން ތައް ؟ ގާނޫނު ތެރެއިން ތޭރި ފުރަގަހުގައި އުމުރު ދުވަހު ބައިތިއްބައިގެން ނޫނީ މިގައުމު ސަލާމަތެއްނުވާނެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އާމާލްް

06 August 2024

ސުބުހާނަﷲ. ހަމަ މިވަރުކޮށްލާފަ ސޯލިހު ވެރިކަމުން ފޭބީ؟ މިވަރުން ދެން ހުރި ކުންފުނިތަކަށް ކިހާވަރެއް އަދި ހަދާލާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބީރުބޮލް

06 August 2024

ދެން ގޯސްވާނީ މި ސަރުކާރު. ކުރީ ސަރުކާރޭ ކިޔާލީތިވެ. ދިވެހިންގެ ހާލަތު. ވައްކަން ކުރިޔަސް ކުރީ ސަރުކާރޭ ކިޔައިގެން ނުވާނެ. ގޯސްވާނީ ވައްކަން ކުރި މީހުނަށް ވުރެ އެވާހަކަ ދެއްކި މީހުން. އަހަރުމެއް ތިތާނގެ ވާހަކަ ދެއްކީމަ ހައިރާނެއް ނުވޭ. ތިއީ އެއް ތިޖޫރީއެއް ތިން ފަހަރު ފަޅާލަން ފުރުސަތު ދިން ތަނެއް އޭރު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިސްމާލި

06 August 2024

"އެކަމުގައި ބައިވެރިވި ކަމަށް ތުހުމަތު ކުރެވޭ ކުންފުނީގެ މުއައްޒަފުން އެހެން ޑިޕާޓްމަންޓްތަކަށް ބަދަލުކޮށްފައިވާ ކަމަށާއި އެ ފަރާތްތަކާ މެދު އަޅަން ޖެހޭ ފިޔަވަޅުތައް އަޅަމުން ގެންދާނެ ކަމަށް ވެސް އޭނާ ވިދާޅުވި އެވެ." މި ޖެހުނީ ބޮޑުތާ. ދެން ބޮޑު ސުރުހީ ހަދާނެ އެ މުވައްޒަފުން ސަސްޕެންޑު ކޮއްފިއޭ ކިޔާފަ. އެއީ މާ ބޮޑު އަދަބެއް ތަ؟ ވައްކަންކުރީމަ އެ ފައިސާގައި ވިޔަފާރިކުރަން ނޯޕޭ އެއް ދިނުން ކަހަލަ ކަމެއް ތި ސަސްޕެންޑު ކުރުމަކީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝައުކަތް

06 August 2024

161 މިލިއަނުން ކުރިއެއްކަމެއްވެސް ނެތް ފެންނާކަށް. ކިހާ ވަރަކަށް ވައްކަން ކުރީމަ މިމީހުންގެ ހިތް ފުރޭނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނައުޝޫދް

06 August 2024

މުޅި ދައުލަތް ލޫޓުވާފަ ނިމިދިޔަ ސަރުކާރުން އެދިޔައީ.. ދެން މިވަރުވީމަ ކުރީ ސަރުކާރޭ ނުކިޔާ ތިބެންވީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

‫ނާޑުވާ

06 August 2024

ތ‫ަނެއް ދޮރެއް ނޭނގޭ ބަޔަކު ލީމަ ކުރީ ސަރުކާރުން ކޮށްފަ ހުރި ޚަރަދުތަކުގެ ހިސާބު ދިމާކުރާކަށް ނޭނގޭނެ. ދެން ކަމެއް ނުވީމަ ނޫނީ ކުރަން ނޭނގުނީމަ ކުރީ ސަރުކާރޭ ކިޔާލަކިޔާލަ ދައުރު ނިންމާލާ.