ކާޑު ލިމިޓް ބަދަލުކުރި މައްސަލާގައި ފިޔަވަޅު އަޅަންޖެހޭ ފަރާތެއް އޮތްތޯ ބަލަނީ

ބީއެމްއެލް: ކާޑު ލިމިޓް ބަދަލުކުރި މައްސަލާގައި ފިޔަވަޅު އަޅަންޖެހޭ ފަރާތެއް އޮތްތޯ ބަލަމުން އަންނަ ކަމަށް ފުލުހުން ބުނި.

މާއިދާ މުހައްމަދު ރަޝާދު، މިހާރު

28 އޯގަސްޓް 2024 - 15:35

17 comments

ބީއެމްއެލް އިން ކާޑުތަކުން ޑޮލަރުން މުއާމަލާތް ކުރެވޭ ލިމިޓް ބަދަލު ކުރުމާ ގުޅުވައި، ސިޔާސީ ބަޔަކު އަޑީގައި ތިބެގެން ސަރުކާރު ވައްޓާލަން އުޅުނު ކަމަށް ބެލެވޭ މައްސަލާގައި ފިޔަވަޅު އަޅަން ޖެހޭ ފަރާތެއް ހުރިތޯ ބަލަމުން އަންނަ ކަމަށް ފުލުހުން މިއަދު ބުނެފި އެވެ.

މިދިޔަ އާދީއްތަ ދުވަހު ބީއެމްއެލްގެ ރުފިޔާ ކާޑުތަކުން ޑޮލަރުގެ މުއާމަލާތް ނުކުރެވޭ ގޮތަށް ނިންމުމުން ޖެހިގެން އައި ހޯމަ ދުވަހުގެ ރޭ ފުލުހުން ނެރުނު ބަޔާނުގައި ވަނީ އެ ބޭންކުން ސަރުކާރުގެ މަޝްވަރާއާ ހިލާފަށް ރައްޔިތުންނަށް ކުއްލި ސިހުމެއް ލިބޭ ގޮތަށް އެ ނިންމުން ނިންމި ވަގުތާ ދިމާކޮށް ސިޔާސީ ބައެއް ފަރާތްތަކުން ނޫސްވެރިންގެ ބައްދަލުވުމެއް ބޭއްވި ކަމަށެވެ. އަދި ސޯޝަލް މީޑިއާގައި ބޮޓް އެކައުންޓް ބޭނުންކޮށްގެން ސަރުކާރު ވައްޓާލުމަށް މަގުތަކަށް ނުކުތުމަށް ގޮވާލާފައިވާތީ އެއީ ސަރުކާރު ވައްޓާލަން އުޅުން ކަމަށް ބުނެ އެ މައްސަލަ ފުލުހުން އަންނަނީ ބަލަމުންނެވެ.

އެ ބަޔާން ނެރުމަށް ފަހު، ފުލުހުން ފުރަތަމަ ފަހަރަށް މީޑިއާ އަށް ފޮނުވި މެސެއްގައި މިއަދު ބުނީ، އެ ތަހުގީގާ ގުޅިގެން ހޯދަން ޖެހޭ ހުރިހާ މައުލޫމާތެއް އެއްކުރުމާއި ބަލަންޖެހޭ ހުރިހާ ކަމެއްގެ ތަފްސީލު ދިރާސާ ކުރުމުގެ މަސައްކަތް ކުރަމުންދާ ކަމަށެވެ.

"މީގެ އިތުރުން، ފިޔަވަޅު އަޅަންޖެހޭ ފަރާތެއްވާ ނަމަ އެކަން ދެނެގަތުމާއެކު، ތަހުގީގު މަރުހަލާގައި ކުރަންޖެހޭ އެންމެހައި މަސައްކަތްތައް ވެސް ދަނީ ކުރަމުންނެވެ،" ފުލުހުން ބުންޏެވެ.

ރުފިޔާ ކާޑުތަކުން ޑޮލަރުގެ މުއާމަލާތް ނުކުރެވޭ ގޮތަށް ބީއެމްއެލް އިން ނިންމީ ސަރުކާރުގެ ލަފައާ ހިލާފަށް ކަމަށް ސަރުކާރުން ވަނީ ބުނެފަ އެވެ. ނަމަވެސް ސަރުކާރާ އެކު ފަހުން ކުރި މަޝްވަރާތަކާއި އާންމުންގެ ފިއްތުންތަކާ ހެދި ބޭންކުން ވަނީ އެ ނިންމުން ބަދަލުކޮށް، ކުރިއެކޭ ވެސް އެއްގޮތަށް ޑޮލަރުން މުއާމަލާތް ކުރެވޭ ގޮތަށް ބަދަލުކޮށްފަ އެވެ.

ރައީސް ޑރ. މުހައްމަދު މުއިއްޒު ވިދާޅުވީ، އެއީ ސީދާ ބަޣާވާތެއް ކަމަށާއި އޭގެ އަޑީގައި ތިބި ބަޔަކު ހޯދައި އަދަބު ދޭނެ އެވެ.

ފުލުހުން ބީއެމްއެލް

17 ކޮމެންޓް, 15 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އެކްސްް

29 August 2024

ފުލުހުންވެސް ވާން އެބަޖެހޭ ޕްރޮފެޝަނަލް އަދި ބޯހަމަޖެހޭ ޒާތުގެ ކަންކަންކުރާ ބަޔަކަށް. ބީއެމްއެލްއަކީ ވިޔަފާރި ކުންފުންޏެއް، ކުންފުނިން ނިންމަންޖެހޭ ނިންމުންތައް ނިންމާނީ ޑިރެކްޓަރުންގެ ބޯޑުން. މިކަހަލަ ވާހަކަތައް ދެއްކުމުން ދުނިޔޭގެ މާލީ ބާޒާރުގައި ބޭންކުގެ އަގުވެއްޓުން ނޫންކަމެއް ނުވާނެ. ހަމަޖެހޭ ޒާތުގެ ކަންކަން ކުރުމަށް ގޮވާލަން. އަނެއްކަމަކީ، ބޮޓު އެކައުންޓުތަކާއިމެދު އެޅޭނީ ކޮން ފިޔަވަޅެއްބާ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެމްސް

29 August 2024

ކާޑްލިމިޓް ލިމިޓްކޮށްގެން އުޅޭތާ ކިތަންމެ ޒަމާނެކެވެ! 5000 ޑޮލަރުގެ ކާޑަކަށް 500 ޑޮލަރަށްވުރެ ބޮޑަށް ބޭނުން ނުކުރެވޭގޮތް ހަދާފަ ވީއިރު، ހުރިހާ ކަހަލަ ކާޑްފީއެއް ހަމަ ފުލްކޮށް ބޭންކަށް ދައްކަންޖެހެއެވެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަލީމު އިދުރީސް

29 August 2024

ބަލަ ރައީސް ބުނި ބަގާވާތޭކޭ އެވަރު ނުރައްކާ ކަމެއް ކުރީމަ ބަލަނީ ފިއަވަޅު އަޅަން ޖެހޭތޯތަ ފަހަތައް ބިޑި އަޅުވާނެ ކަމައް މަހީކުރީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަބުލްޓީ

28 August 2024

މައްސަލައަކީ ރައްޔިތުންނަށް މެސެޖެއް ނަމަވެސއ ކޮށްނުލާ ކުއްލިއަކަށް ކުރުން. އެހެން ކަންކަމަށް މެސެޖްކުރެވޭ ސްކޭމް ކުރެވޭ ލޯން ހިޑެންފީސް ކެނޑޭ އެކަމު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖަގޭ

28 August 2024

ކާޑު ލިމިޓްކުރުމަކީ މުޅި ދުނިޔެއަށްވެސް އަލަށް ދަސްވި ބަގާވާތެއް، ބޭރު ގައުމުތަކުގެ މީހުންވެސް ތިބުނާ ބަގާވާތަށް ޖަހަނީ ޖޯކު، ލަދުން ބޯފަޅައިގެންދޭ... އަމިއްލައަށް ހަޑިހާވާފަ އެހެން މީހުންގެ ބޮލުގައި އެޅަވަން، އުޅުމަކީ ކިހާ ދަށްފެންވަރުގެ ކަމެއް...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބައިރޯ

28 August 2024

މިމީހުން ހީކުރަނީ ދެންތިބެނީ މޮޔައިން ކަމަށް، ބަލަގަ ކުންފުނީގެ ބޯޑުން ނުނިންމައެއް ބޭންކު ތިނިންމުން ނުނިންމޭނެ ނޫން، ބޭންކުގެ %51 ސަރުކާރު ހިއްސާ އޮންނަ އިރު ބޯޑުގައި ބާރުވެސް ގަދަވާނީ ސަރުކާރު ތާ! ދެން ކޮންބައެއްގެ ބޮލުގަ ކޯޗެއް އަޅުވަން ތިއުޅެނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސުންވުލީ

28 August 2024

ބޭންކުން ފެންނަ ފެނުމަށް އަމަލުކޮށްފައިވަނީ އެކަން ކުރަން އޮންނަ ބޯޑުގެ ކޯރަމް ހަމަކޮށްގެން ކޯޕަރޭޓް ގަވަނޭންސް އުސޫލުތަކާއި އެއްގޮތަށް. ފުލުހުންނަކަށް މިކަމުގައި ފިޔަވަޅު އަޅަންޖެހޭ ފަރާތެއް ނުފެންނާނެ. ގޯހެއް ހެދުނީމާ ބަޔަކު އެކަމުން ރެކެންވެގެން މޮޅު ހެޑްލައިނެއް ޖަހާލީ. ތާއަބަދު ތިޔަހެން ދިވެހިން ގުނބޯހެއްދޭނެކަމަށް ދެކުމަކީ މޮޔަކަމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރިނީޝަމް

28 August 2024

ނިމިދިޔަ ފަސްއަހަރު ސިޔާސީ ނުފޫޒެއް ނެތި ފުލުހުންކުރި މަސައްކަތުން ރައްޔިތުންގެ އިތުބާރު ހޯދާފަވަނިކޮށް މިއަދު މިވަނީ ގެއްލުވާލާފަ. ރައްޔިތުންނާ ދެކޮޅަށް ވެރިކަމެއް ނުހިފެހެއްޓޭނެ އެއްވެސް ގައުމެއްގައި