އެއް އަހަރު ތެރޭ މުދަލާއި ހިދުމަތުގެ އަގު 2.9 ޕަސެންޓަށް ބޮޑުވެއްޖެ

އެމްޕީއެލްގެ ގުދަނުގައި ބަހައްޓާފައި ހުރި މުދާތަކެއް

އަބްދުﷲ ޖަމީލު، މިހާރު

01 މާޗް 2017 - 10:09

މިދިޔަ އަހަރު ޖެނުއަރީން މިދިޔަ ޖެނުއަރީ މަހާ ހަމަޔަށް ރާއްޖޭގެ އިންފްލޭޝަން ރޭޓް ނުވަތަ މުދަލާއި ހިދުމަތުގެ އަގު 2.9 ޕަސެންޓަށް އުފުލިފައިވާ ކަމަށް ތަފާސްހިސާބާ ބެހޭ ގައުމީ އިދާރާއިން މިއަދު ބުނެފި އެވެ.

ނޭޝަނަލް ބިއުރޯ އޮފް ސްޓެޓިސްޓިކްސް އިން އާއްމުކުރި ހިސާބުތަކުން ދައްކާ ގޮތުން މިދިޔަ އަހަރުގެ ޖެނުއަރީން ފެށިގެން އެއް އަހަރު ތެރޭގައި އިންފްލޭޝަން ރޭޓް ވަނީ 2.32 ޕަސެންޓް މައްޗަށް ގޮސްފަ އެވެ. އަދި މިދިޔަ ޑިސެމްބަރު މަހާ އަޅާބަލާއިރު ޖެނުއަރީ މަހު މުޅި ރާއްޖޭގެ އިންފްލޭޝަން ރޭޓް ވަނީ 0.2 ޕަސެންޓް މަތިވެފަ އެވެ.

ޖެނުއަރީ މަހު އަގު މަތިވި ބައެއް ބާވަތްތައް

- ސާނަވީ ތައުލީމުން 6.25 ޕަސެންޓް

- ތެލުގެ ބާވަތްތަކުން 5.64 ޕަސެންޓް

- ގޭގެ ކުލިން 0.06 ޕަސެންޓް

- ކަރަންޓުން 2.81 ޕަސެންޓް

- މަހުން 1.27 ޕަސެންޓް

- ތަރުކާރީން 5.63 ޕަސެންޓް

- މޭވާއިން 3.77 ޕަސެންޓް

- ޕާނުގެ ވައްތަރުތަކުން 0.21 ޕަސެންޓް

ސްޓެޓިސްޓިކްސް ބިއުރޯއިން ބުނި ގޮތުގައި ޖެނުއަރީ މަހު ތައުލީމުގެ ބައިން އިންފްލޭޝަން މައްޗަށް ދިޔައީ ބައެއް އަމިއްލަ ސްކޫލްތަކުން މި އަހަރުގެ ކިޔެވުން ފެށުމާ އެކު ސްކޫލް ފީ ބޮޑުކުރުމުންނެވެ. ގުރުއާން ކްލާސްތަކުންނާއި ސާނަވީ ތައުލީމުގެ ބައިން އަގު ބޮޑުވުމަކީ އިންފްލޭޝަން މަތިވި ސަބަބެއް ކަމަށް އެ ބިއުރޯއިން ފާހަގަކޮށްފައިވެ އެވެ.

އެ އިދާރާއިން ބުނީ ކަރަންޓުގެ އަގު ބޮޑުވި ސަބަބަކީ ޕެޓްރޯލްގެ އަގު ބޮޑުވުމާއި ފިއުލް ސާޗާޖު ބޮޑުވުން ކަމަށެވެ.

ޖެނުއަރީ މަހު، ކާބޯތަކެއްޗާއި ބޭހާއި ކިރާއި ޗީޒް އަދި ބިހުގެ އަގު ދަށްވި ކަމަށް ހިސާބުތަކުން ދައްކަ އެވެ. އެގޮތުން ކާބޯތަކެތީގެ ބައިން 1.37 ޕަސެންޓް، ބޭހުގެ ބާވަތްތަކުން 1.01 ޕަސެންޓް އަދި ކިރާއި ޗީޒް އަދި ބިހުން 0.10 ޕަސެންޓް ދަށްވެފައިވެ އެވެ.

އިގްތިސާދު ތަކެތީގެ އަގު ބޮޑުވުން އިމްޕޯޓް މުދާ

10 ކޮމެންޓް, 20 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މެންޓަލިސްޓް

01 March 2017

ތިޔަލިސްޓްގައި ހަނޑުލާޢި ފުށުގެ ވާހަކަނެތީ ކީއްވެބާ ؟؟ ސިގިރޭޓްގެ ވާހަކަނެތީ ކީއްވެބާ ؟؟؟ ދުވާލަކު 200 ކޭސް ސިނގިރޭޓް ރާއްޖޭގައި ބޭނުންކުރޭ ،، އެއީ 4 ލައްކަ މީހުންގެ އާބާދީއަކަށް ދުވާކަލަށް 2 މިލިއަން ސިނގިރޭޓް ،، ފަހަރުގައި ކިއުންތެރީން މިހިސާބު ގަބޫލްނުކޮއްފާނެ .. އެހެންވެއްޖިއްޔާމުން ނިކަން ހިސާބު ޖަހާލަބަލަ ،،، ފޮއްޓެއްގައި 20 ސިނގިރޭޓް . ކާޓޫނެއްގައި 10 ފޮށި ، ކޭސްއެއްގައި 50 ،،، ދެން ހިސާބު ޖަހާލާ ،،،،، މީކަސްޓަމްސްގެ ޑޭޓާ ،،، ވަރަށްވެދުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހުމަދު އަބްދުއްލލާ

01 March 2017

ބައަލަވާ ރައީސް! މީ ކިހާ ދެރަކަމެއްތޯ؟ ތިޔަހެން ހެއްދެވީމާ ތިޔަބޭފުޅައަށް އަޅުގަނޑުމެން ކުރާ ތާއީދު ގެއްލެނީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލި ރަސްގެފާނު

01 March 2017

ޖެނުއަރީ މަހު، ކާބޯތަކެއްޗާއި ބޭހާއި ކިރާއި ޗީޒް އަދި ބިހުގެ އަގު ދަށްވި ކަމަށް ހިސާބުތަކުން ދައްކައޭ ބުނާއިރު އެއްވެސް ތާކުން އެކަމެއް ނުފެނޭ. އޭރުވެސް ހުރި އަގުގަ މިހާރުވެސް ހުރީ. ވިއަސް ވަނީ އަގުބޮޑު. 1 ރުފިޔާއަށް ވިއްކަމުން ދިޔަ ބިހެއް 1.75 ނުވަތަ 2 ރުފިޔާއަށް އުފުލިގެން ދިޔަ. މިހާރުވެސް ހުރީ ހަމަ އެވެރަށް. 25 ރުފިޔާއަށް ވިއްކި ބޭސްފުޅިއެއްގެ އަގު 30 ރުފިޔާއިން 40 ރުފިޔާއަށް މިހާރު ހުރީ އުފުލިފަ. ދެން ކޮންއެއްޗެއްގެ އަގުތޯ ދައްވެފަހުރީ؟ ތިދިރާސާކުރާ ގޮތެއް ހަމަ އެއްގޮތަކަށްވެސް ނޭނގުނު. ކިހިނެއް ކޮންއެއްޗަކަށް ބަލާފަތޯ ދިޔަ ދިރާސާކުރަނީ؟ ރާއްޖެއިން ބޭރުން އެތެރެކުރާ އަގު ކުޑަކުޑަ ތަންކޮޅެއް ދައްވެދާނެ އެހެން ނަމަވެސް ރާއްޖޭގެ މާކެޓުގައި ތިޔަ ފާހަކުރި ތަކެތީގެ އަގު އެއްގޮތަކަށްވެސް ތިރިއެއް ނުވޭ. ވިއަސް ވަނީ މަތި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެހާރާއި މިހާރު

01 March 2017

ތިހުރިހާ އެންމެން ނުގެނެވިގެން އުޅޭ ކެޕިޓަލިސްޓް ސިސްޓަމްގައި (އެއީ ކޯއްޗެއްކަން ނޭގުނަސް) އިގްތިސާދު ކުރިއަރުވަން ބޭނުންކުރާ ޓޫލްއެއް އެއީ އިންފްލޭޝަނާއި ޑީފްލޭޝަންއަކީ. އަބަދު އަގުތައް ކުޑަވާން ވެއްޖެއްޔާ އެއިގެ ނޭދެވޭ އަސަރު ކުރާނެ.