ތިރީސް ނުވަ ބިލިއަން ޑޮލަރު މާ މާދު ކަމަށް ބުނެ 7-އިލެވަން ނުވިއްކި

ޖަޕާނުގެ 7-އިލެވަން ބްރޭންޑުގެ ފިހާރައެއް.---

06 ސެޕްޓެމްބަރ 2024 - 14:53

ދުނިޔޭ މަޝްހޫރު ކޮންވީނިއަންސް ސްޓޯ ބްރޭންޑް 7-އިލެވަން ގަންނަން ކެނެޑާގެ ކުންފުންޏަކުން ހުށަހެޅި 39 ބިލިއަން ޑޮލަރު މާ މަދު ކަމަށް ބުނެ، އެ ޗެއިން ވިއްކަން ދެކޮޅު ހަދައިފި އެވެ.

ޖަޕާނުގެ ސެވަން އެންޑް އައި ހޯލްޑިންގްސް ނަމަކަށް ކިޔާ ކުންފުންޏެއްގެ ދަށުން، ދުނިޔޭގެ އެކި ކަންކޮޅުތަކުގައި 7-އިލެވަން ގެ 85،000 އަށްވުރެ ގިނަ ފިހާރަ ހިންގަ އެވެ.

7-އިލެވަން ޗެއިން ގަންނަން ހުށަހެޅީ، ކެނެޑާގެ އޭސީޓީ ކުންފުނިންނެވެ. ކޮންވީނިއަންސް ސްޓޯ ބްރޭންޑް ސާކަލް-ކޭ ހިންގާ އޭސީޓީން މިހާރު 31 ގައުމެއްގައި 16،700 ފިހާރަ ހިންގަ އެވެ.

އޭސީޓީން 7-އިލެވަން ގަންނަން ހުށަހެޅީ ހިއްސާއެއް 14.86 ޑޮލަރުގެ މަގުންނެވެ. އެއީ ގާތްގަނޑަކަށް 39 ބިލިއަން ޑޮލަރެވެ.

އެކަމަކު އެއީ 7-އިލެވަން ބްރޭންޑާ އެކަށީގެންނުވާ ދަށް އަގު ކުރުމެއް ކަމަށް އޭސީޓީއަށް ލިޔުމުން ދިން ޖަވާބުގައި ސެވަން އެންޑް އައި ހޯލްޑިންގްސް އިން ބުންޏެވެ.

ޖަޕާން ކެނެޑާ

4 ކޮމެންޓް, 10 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

raajje

08 September 2024

ތިޔަކަމާދަށްކާނެ މާގިނަވާހަކައެއްނެތް، އެއީތިކަންވާގޮތުގެ މައުލޫމާތުނެތީމަ، ނަމަވެސް ފާހަގަކޮށްލަން 7އިލަވަންގެ ފިހާރަތަކަކީ ގިނަގައުމުތަކުގައި 24 ގަޑިއިރު ހިދުމަތްދޭ ވަރަށް ތަރުތީބުން ވަކިހަމައެއްގައި އެއްކޮލިޓީއެއްގައި ސާފުތާހިރުކޮށް ހުންނަތަންތަން! މިފިހާރަތަކުން ވިޔަފާރިކުރަންވަރަށްފަސޭހަ، އެހާ ފުރިބާރުވެފައެއްނޫން ހުންނާނީ!