ހަ ކެފޭއަކުން 16 ބިދޭސީން ހިފަހައްޓައި ތިން ތަނަކަށް ނޯޓިސް ދީފި

އިމިގްރޭޝަންގެ އޮޕަރޭޝަންގައި ބިދޭސީންނާ ސުވާލުކުރަނީ.-- ފޮޓޯ: އިމިގްރޭޝަން

ފާތިމަތު އަޖްފާން، މިހާރު

26 ސެޕްޓެމްބަރ 2024 - 18:02

ހުޅުމާލޭގެ ހަ ކެފޭ/ހޮޓާ ބަލައި ފާސްކޮށް އެ ތަންތަނުގައި ގަވައިދާ ހިލަށްފަށް މަސައްކަތް ކުރަމުންދިޔަ 16 ބިދޭސީއަކު އިމިގްރޭޝަންގެ ބެލުމުގެ ދަށަށް ގެންގޮސްފި އެވެ.

އިމިގްރޭޝަނުން މިއަދު އެކްސްގައި ކުރި ޕޯސްޓެއްގައި ބުނީ މިދިޔަ އަންގާރަ ދުވަހާއި ބުދަ ދުވަހު ފާސްކުރީ ހުޅުމާލެ 1 ގައި ހިންގަމުން ދިޔަ ބައެއް ތަންތަން ކަމަށެވެ.

އެ ތަންތަނުގައި ގަވާއިދާ ހިލާފަށް ތިބި 16 ބިދޭސީން އިމިގްރޭޝަން ބެލުމުގެ ދަށަށް ގެންދިޔައިރު ނަގަންޖެހޭ ހުއްދަތައް ނުނަގައި ހިންގަމުންދިޔަ ތިން ކެފޭއަކަށް ކަމާގުޅުންހުރި އިދާރާތަކުން ނޯޓިސް ދީފައިވާނެ ކަމަށް ވެސް އިމިގްރޭޝަނުން ބުންޏެވެ.

ގަވާއިދާ ހިލާފަށް ރާއްޖޭގައި އުޅޭ ބިދޭސީއަކު އިމިގްރޭޝަންގެ ބެލުމުގެ ދަށަށް ގެންދިއުމަށް އިމިގްރޭޝަންގެ ވެހިކަލަކަށް އަރުވަނީ.-- ފޮޓޯ: އިމިގްރޭޝަން

ރާއްޖޭގައި ގަވައިދާ ހިލާފަށް އުޅޭ ބިދޭސީންގެ މައްސަލަ ހައްލުކުރުމަށް ފަށާފައިވާ މަސައްކަތުގައި، ބިދޭސީން ދިރިއުޅޭ ތަންތަން ބަލައި ފާސްކުރުމުގެ ހާއްސަ އޮޕަރޭޝަނެއް މިދިޔަ ހަފްތާގެ ބުދަ ދުވަހު ވަނީ ފަށައިފަ އެވެ.

މި އޮޕަރޭޝަން ކުރިއަށްދާއިރު، މި މަހު މާލޭގައި ބޮޑު އަލިފާނުގެ ހާދިސާއެއް ހިނގި، ހެންވޭރުގައި ހުންނަ ގާމަގު ކެފޭގެ މަތީގައި 50 އަށް ވުރެ ގިނަ ބިދޭސީން ދިރިއުޅުނުކަން ވަނީ އެނގިފަ އެވެ.

ބިދޭސީން ކެއްކުމަށް ބޭނުންކުރި ބަދިގެ.-- ފޮޓޯ: އިމިގްރޭޝަން

ތިން ފްލޯއަށް ހުރި އެ ތަނުގެ މަތީ ދެ ފްލޯ ހަދާފައި ހުރީ ޑެގު އަޅައި، ވަށައިގެން ޓިނު ޖަހައިގެންނެވެ. އަލިފާނުގެ ހާދިސާގައި އެ އިމާރާތް ވަނީ އެއްކޮށް އަނދައި ހުލިވެފަ އެވެ.

ގަވައިދާ ހިލާފަށް އުޅޭ ބިދޭސީން ހޯދައި އެ މީހުން ރާއްޖޭން ފޮނުވާލަން ކުރިއަށް ގެންދާ އޮޕަރޭޝަނުގައި މިހާތަނަށް 3،000 އަށް ވުރެ ގިނަ ބިދޭސީން ޑީޕޯޓްކޮށްފައިވެ އެވެ. މިހާރު ވެސް އެ އޮޕަރޭޝަން ކުރިއަށް ގެންދާއިރު ބައެއް ބިދޭސީން ވަނީ އޮޕަރޭޝަނަށް ފިލަން ބައެއް ރަށްރަށަށް ވެސް ގޮސްފަ އެވެ.

އަދި ބިދޭސީން ހޯދައި ޑީޕޯޓްކުރަން ފެށުމުން، ބިދޭސީ ފިރިހެނުން ދިވެހި އަންހެނުންނާ ކައިވެނި ކުރަން ފެމިލީ ކޯޓަށް ހުށަހަޅާ ވަރު ކުއްލިއަކަށް އިތުރުވެފައިވާ ކަމަށް ވެސް ކޯޓުން ވަނީ ބުނެފަ އެވެ. ދިވެއްސަކާ ކައިވެނިކުރުމުން ރާއްޖޭގައި ހުރުމަށް ދިގު މުއްދަތުގެ ވިސާ ލިބޭނެ އެވެ.

ފުލުހުން އިމިގްރޭޝަން ކެފޭ/ރެސްޓޯރެންޓް

15 ކޮމެންޓް, 8 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ދަންޖެހުނު މީހާ

29 September 2024

ސަރުކާރުގެ ކަމަކީ އެސް.އެމް.އީ ގެ ފަހަތުން ދުވުން! ބަލަ ތިޔަކަންތައް ބަލަން ތިހިރަ ރިޒޯޓްތަކަށް އަރާބަލަ. ރޫޓް ކޯސް އަށް ފަރުވާ ނޮކޮށް ހަމަ މަޝްހޫރު ވާން އުޅޭ ބައެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުސްނޫ

29 September 2024

މި ކަން ތިގޮތަކަށް ހައްލެއްނުވާނެ. ކޮންމެ ދުވަހަކު 100 އިން އެބައާދޭ ތީގެ މީހުން ޓޫރިސްޓް ވީސާގައި. ޓޫރިޒަމް ގާނޫނުގައި ބުނާގޮތުން މި މީހުން ތިބެން ޖެހޭނީ ގެސްޓް ހައުސެއް، ހޮޓަލެއް، ނޫނީ ޓޫރިސްޓް ރިޒޯޓެއްގައި. މި މީހުން ދައްކަންޖެހޭ ގްރީން ޓެކްސް އާއި ޓީ.ޖީ.އެސް.ޓީ. ދެއްކި ކަން ކަށަވަރު ކުރަންޖެހޭ މީހުން ގެ ޒިންމާ ކޮބައިތޯ. ވީމާ ދެއިރު ދެ ދަޅައަށް ތި ޚަބަރު ޖެހުމަކުން ރައްޔިތުންގެ ހިތަކަށް ތަސައްލީ އެއް ނުލިބޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލުބޯ ފާތުން

28 September 2024

100 މިލިޔަން ގެ ޑިޕޮޒިޓް ހޯދަން ބޭރުކުރަންޖެހޭ އަދަދު ހަމަކުރަން ކުރާކަމެއްތީ.ނޫންނަމަ މާރުކޭޓް ގޮޅިހިންގަން މިހާރު ބޭރުމީހުން ތިބެގެން ނުވާނެ. ރެއިޑްޖެހި ގިނަތަންތަން އަނބުރާ ކުރީގެ ހާލަތައްގޮސްފި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވެންގަބޯ

27 September 2024

ދިވެހި ފިރިހެނުން ދެން އިންނަންވީ ނޭޕާލް އަންހެން ކުދިންނާ އޭރުން ފިހާރަތަކާއި ހޮޓާތަކުގަވެސް މިމީހުން ބޭތިއްބޭނީވެސް ދިވެހި އަންހެން ކުދިން އިންނާނީ ބަންގާޅި ފިރިހެނުންނާ ހޮޓާތަކުގައާއި އެހެން ތަންތަނުގަވެސް ތިބެވޭނީ މީރަނގަޅު ގޮތެއްނޫން ތޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަންނަ

27 September 2024

މަސައްކަތް ކުރުވިމީހާއާ އެ ބޭރުމީހާއަށް ޒިންމާވާންޖެހޭ މީހާ ކޮބާހޭ؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހީނު

27 September 2024

ސުވާލަކީ ކޮބާހޭ ތިގޭ ވެރިމީހާ. ޖޫރިމްނާ ކުރެވެން ވާނެ އަދި މިފަދަ މުޑުދާރު ކަމުގެ ޒިންމާ އެފަރާތުން ނަގަންޖެހޭނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަރާރ

26 September 2024

ހުއްދަ ނުނަގައި ހިންގާ ތަންތަނަށް ނޯޓިސް ދިނީ؟؟؟ މީވާ ޤައުމެއް. އެތައް ވަގުތުން ބަންދުކޮށް އެކަން އެގޮތަށް ކުރި މީހުންނާއި އެކަމަށް މަގުފަހި ކުރުވުބި މީހުން ހަނދާނުން ނުނެތޭ ވަރުގެ އަދަދަކުން ޖޫރިމަނާކޮށްބަލަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ައަހައްމަދޫ

26 September 2024

ހޯދާ ހޯދާ. ބައިވަރު ބައިވަރު އުޅޭނެ. ހާހުން ހާހުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

26 September 2024

އިމިޤްރޭޝަން ޤާނޫނާއި ޙިލާފު ބިދޭސިންގެ މައްސަލައިގެ ސީރިއަސްކަން މާލޭގައި އުފެދުނު ސަރުކާރުތަކަށް އެގުނުނަމަ މިހާލަތަށް މިކަން ނުދާނެ. އެހެން ނަމަވެސް "މުއިއްޒު ސަރުކާރުން މިކަމަށް ޙައްލުހޯދަން އުޅޭހެން ހީވިކަމުގައިވިޔަސް މިއީ ހޯމްލޭންޑް ވަޒީރާއި، އިމިޤްރޭޝަން ކޮންޓްރޯލާރ މަސައްކަތް ކުރާކަން ދެއްކުމަށްޓަކާ" ދޭތެރެ ދޭތެރެއިން ނޫހުގައި ސުރުޙީއެއް ޖަހާލަން ކުރާ މަސައްކަތަކަށް ހަދައިގެން ހީއެއްނުވޭ މިދައުރުގައިވެސް މިކަން ކުރެވިދާނެ ހެނެއް.