މި އަހަރު 282 މިލިއަން ރުފިޔާގެ މަސްތުވާތަކެތި އަތުލައިގަތް

މަސްތުވާތަކެތީގެ ހާލަތު ރާއްޖޭގައި އޮތް މިންވަރު ކިޔައިދޭން ބޭއްވި އިވެންޓެއްގައި މާލޭ ތެރޭގައި އައްޑާތައް ހުންނަ ގޮތުގެ ސްޓޯލްއެއް ފުލުހުން ހަދާފައި-- ފޮޓޯ: ނިޝާން އަލީ | މިހާރު

މާއިދާ މުހައްމަދު ރަޝާދު، މިހާރު

29 ސެޕްޓެމްބަރ 2024 - 10:43

13 comments

މި އަހަރުގެ ޖެނުއަރީން އޮގަސްޓް މަހުގެ ނިޔަލަށް ކުރިއަށް ގެންދިޔަ އޮޕަރޭޝަންތަކުގައި 150 ކިލޯގެ މަސްތުވާތަކެތި އަތުލައިގަނެފައިވާ އިރު އެ ތަކެތީގެ މަގުމަތީ އަގު 282 މިލިއަން ރުފިޔާއަށް ވުރެ ގިނަ ކަމަށް ފުލުހުން ބުނެފި އެވެ.

ފުލުހުން އާންމުކުރި ތަފާސްހިސާބުތަކުގައިވާ ގޮތުން ޑްރަގު އޮޕަރޭޝަންތަކުގައި މި އަހަރު 8554 ތަނެއް ބަލާފައިވެ އެވެ. އަދި 113 ޑްރަގު އޮޕަރޭޝަން ހިންގިއިރު 712 މީހަކު ހައްޔަރުކުރި އެވެ.

ފުލުހުން ބުނީ އެ އޮޕަރޭޝަންތަކުގައި 158.8 ކިލޯގެ މަސްތުވާތަކެތި އަތުލައިގަނެފައިވާ ކަމަށެވެ. އަދި 5252 ބަނގުރާ ފުޅި އަތުލާފައިވާއިރު މި ހުރިހާ އެއްޗެއްގެ މަގުމަތީ އަގު 282.3 އަކަށް އަރަ އެވެ.

އެ މައްސަލަތަކުގެ ތެރެއިން 230 މައްސަލައެއް ފުލުހުން ވަނީ ޕްރޮސެކިއުޓާ ޖެނަރަލްގެ އޮފީހަށް ފޮނުވައިފަ އެވެ.

ގޭންގް ކްރައިމް އެންފޯސްމަންޓުން ކޮށްފައިވާ މަސައްކަތްތަކުގެ ތަފާސްހިސާބުން ދައްކާ ގޮތުގައި ޑްރަގާ ގުޅޭ އެކި މައްސަލަތަކުގައި 12،253 މީހަކު ހުއްޓުވާ ސުވާލުކޮށްފައިވެ އެވެ.

ޑްރަގު އެންފޯސްމަންޓްގެ ތަފާސްހިސާބުތައް:

- ހުއްޓުވައި ސުވާލުކުރި މީހުންގެ ތެރޭގައި 18 އަހަރު ފުރިފައިވާ މީހުންގެ އަދަދަކީ 2583

- ކުޑަ ކުދިން ހުއްޓުވައި ސުވާލުކުރި އަދަދަަކީ 2014 [މިއީ އެކި ފަހަރުމަތިން ހުއްޓުވި ކުދިންގެ އަދަދު. އެއް ކުއްޖަކު ތަކުރާރުކޮށް ވެސް ހިމެނޭ. އަދި ވަކިން ހުއްޓުވި އަދަދަކީ 331]

- ޗެކް ކުރެވުނު އުޅަނދު 173

- ސަރަހައްދުތައް ޗެކްކުރެވުނު އަދަދު 87،775

- 2 ސަރަހައްދަކުން ގޮނޑި އާއި މޭޒު ނެގުނު

- 67 މީހަކު ހައްޔަރުކުރި

- ފުހެލި ގްރެފިޓީގެ އަދަދަކީ 37

ފުލުހުންގެ ޑްރަގް އެންފޯސްމަންޓްގެ މަސައްކަތްތަކުގެ ތަފާސްހިސާބުތައް.

ފުލުހުން ބުނި ގޮތުގައި ހައްޔަރުކުރި 67 މީހުންގެ ތެރެއިން 22 މީހަކު ތިބީ ފުލުހުންގެ ހައްޔަރުގަ އެވެ. އަދި 15 މީހަކު ރިމާންޑް ޖަލަށް ބަދަލުކޮށްފައިވާއިރު 30 މީހަކު ވަނީ ދޫކޮށްލައިފަ އެވެ.

ފުލުހުން ބުނީ ގޭންގު ކުށުގެ 22 މައްސަލައެއް ހުށަހަޅާފައިވާއިރު އޭގެ ތެރެއިން 8 މައްސަލައެއް ޕީޖީއަށް ފޮނުވާފައި ކަމަށެވެ.

ފުލުހުން މަސްތުވާތަކެތި

13 ކޮމެންޓް, 1 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ނަށީދު

30 September 2024

ތިބުނެވެނީ 20 ވަރަކަށް މިލިޔަން ދޮލަރުގެ ވާހަކަ. އެހެންވީމާ ދޮލަރު ބޭނުން މީހުންނަށް އެބަ ލިބޭތާ. ގައިމު ބޭރު ގައުމުން މަސްތުވާ ތަކެތި ވިޔަސް ދިވެހި ފައިސާއަކަށް ނުވިއްކާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބަލް ބިގަރު އަލީ

29 September 2024

އަތުލި މަސްތުވާތަކެތި ވަލު ދޮރުން ނުކުތީތަ . ރަށުތެރޭން މަދެއް ނުވޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގިޒްމް

29 September 2024

ތި ވަރަކަުން ނުފެދޭ. ސަބަބަކީ ތި ތަކެތި ބޭނުންވަރަކަށް ގަންނަން ލިބެން ހުންނަކަން އެންމެންނަށް އެގޭތީ. ތިއަށްވުރެ ހަރުދަނާ ވާންވެއްޖެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑިސްއޮނަރަބަލް ޑީޑީ

29 September 2024

މިލިޔަނުން ސަތޭކަމިލިޔަނުން ސާމާނު އެބައަތުލާ. އެކަމަކު އޭގެ މުގުލުގާ ހުންނަ ހަމަ އެކަކާހަމައަށްވެސް އަތްފޯރާވަރެއްނުވޭ. މީ ކިހާބޮޑު އަޖައިބެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަލޯ ދީދީ

29 September 2024

ސިޔާސީ ޕާޓީތައް އޮންނަނީ މިކަންތަކުގެ އުޅޭ ބޮޑެތި މީހުންގެ ފާތިލަ ދަށުގަ.. އޭގެން މަންފާ ނަގަނަގާ އެމީހުން އެތިބެނީ.. މީގެ ސަބަބުން ހަލާކުވެގެން މިދަނީ އެތަކެއް އާއިލާއެއް.. ސިޔާސީ ޕާޓީއަކުން ނިކުނަ ކެޑިޑޭޓުންއަށް ވޯޓުލުން ހުއްޓާލި ދުވަހަކުން މުގުލުގަ ތިބޭ ބައިގަނޑު ދަމާ ގަނެވޭނީ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގުލްގުލް

29 September 2024

ތިޔަ ހެޑިން އަކީ މަސްތުވާތެކެތީގެ އިސްތިހާރެއް. ވިއްކުން ގާނޫނީ ގޮތުްން މަނާ އަދި ހަރާން އެއްޗަކަށް އަގު ޖެހިގެން ނުވާނެ. އެމްއެމްއޭ އިންތޯ އަގު ރެފެރަންސް ކޮށްދެނީ. ދެން މާލޭގަ މިހިންގާ ސްޕާތަކަށް ރެއިޑް ކޮށްފަވެސް ތިގޮތަށް އަގު ކިޔަންވީނުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިނިމަލް

29 September 2024

އަގު އެކިޔަނީ ރާއްޖޭގަ އެ އެއްޗެހިތައް މަސްތުވާ އެއްޗެހި ވިއްކާ މީހުން ވިއްކާ އަގުތަކަށް، މިސާލަކަށް ޕީސްކޮޅެއް 100 ރުފިޔާ އަށް ، ދެން ކިލޯ އެއް 1 މިލިޔަނަށް، އެގޮތައް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖުމާންް

29 September 2024

ގާނޫނު ތަންފީޒުކުރާ އެކި އިދާރާތަކުގެ އެއްބާރުލުން ދިނުމަކީ ހުރިހާ ރައްޔިތުންނަށް ރައްކާތެރި މާހައުލެއް ގާއިމްކުރުމަށް އެޅޭ ހެޔޮ ފިޔަވަޅެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހާޝިމްް

29 September 2024

މަސްތުވާތަކެތި އަތުލައިގަތުމުގެ އިތުރުން އަޅުގަނޑުމެންގެ މުޖުތަމަޢުތަކުގައި ގޭންގުތަކާ ގުޅުންހުރި ހަރަކާތްތަކަށް ޙައްލު ހޯދައިދިނުމުގައި ފުލުހުން ކުރަމުންދާ މަސައްކަތަށް އަޅުގަނޑު ތަޢުރީފު ކުރަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުންޝިދްް

29 September 2024

8،500 އަށް ވުރެ ގިނަ ތަންތަން ބަލައި ފާސްކުރުމުގައި ފުލުހުން ކުރި ފުރިހަމަ މަސައްކަތުގެ އަގުވަޒަން ކުރަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މާޒިންް

29 September 2024

މަސްތުވާތަކެތި އެތެރެކުރުން ހުއްޓުވުމަށް ސަރުކާރުން ހަރުކަށި ފިޔަވަޅު އަޅާތަން ފެނުމަކީ ހިތްވަރު ލިބޭ ކަމެއް. މި އޮޕަރޭޝަންތަކުން ދައްކުވައިދެނީ މުޖުތަމައުގެ ސަލާމަތަށް ރައީސް މުއިއްޒު އިސްކަންދެއްވާ މިންވަރު.