މުވައްޒަފެއްގެ އިހުމާލުން ކަސްޓަމަރަކަށް މާލީ ގެއްލުމެއް ނުލިބޭނެ: ބީއެމްއެލް

މާފުށީގައި ހުންނަ ބީއެމްއެލް ބްރާންޗް.

އައިޝަތު ނުޒުހާ، މިހާރު

30 ސެޕްޓެމްބަރ 2024 - 19:30

އެ ބޭންކުގެ މުވައްޒަފެއްގެ އިހުމާލުގެ ސަބަބުން ހިނގާ އަމަލެއްގެ ސަބަބުން، އެއްވެސް ކަސްޓަރަކަށް އޭގެ ގެއްލުމުގެ އަސަރު ނުކުރާނެ ކަމުގެ ޔަގީންކަން ބޭންކް އޮފް މޯލްޑިވްސް (ބީއެމްއެލް) އިން މިއަދު ދީފި އެވެ.

ބީއެމްއެލް އިން އެހެން ބުނީ، އެ ބޭންކުގެ ކަސްޓަމަރުންގެ އެކައުންޓުތަކަކުން ފައިސާ ވަގަށް ނެގިކަން ބީއެމްއެލްގެ ކުރީގެ މުވައްޒަފެއްގެ މައްޗަށް ސާބިތުވެ، އޭނާ 56،000ރ. އިން ޖޫރިމަނާކޮށް އަދި 40 ގަޑިއިރު މުޖުތަމައަށް ހިދުމަތްކުރަން ކްރިމިނަލް ކޯޓުން އިއްޔެ ކުރި ހުކުމާ ގުޅިގެން ނެރުނު ބަޔާނެއްގަ އެވެ.

ބީއެމްއެލް އިން ބުނީ، އެ މައްސަލަ ބޭންކަށް ފާހަގަވުމާ އެކު، ބަލަން ޖެހޭ ކަންކަން ބެލުމަށް ފަހު، އެ މުވައްޒަފު ވަޒީފާ އިން ވަކިކުރި ކަމަށެވެ.

BML ge customer in ge account in faisaa negi muvazzafakah joorimanaa ge adhabeh

The most trusted news source in the Maldives

Mihaaru

"މި މުވައްޒަފު ވަނީ ބޭންކުގެ ޕޮލިސީ ޕްރޮސީޖާއާ ހިލާފަށް އަމަލުކޮށް، ކަސްޓަމަރުންގެ އެކައުންޓުން ފައިސާ ނަގާ އަމިއްލަ އަށް ބޭނުންކޮށްފަ އެވެ. އަދި މި މައްސަލައިގައި ކަސްޓަމަރުން އަތުން ގެއްލުނު ފައިސާ ބޭންކުން ވާނީ ކަސްޓަމަރުންގެ އެކައުންޓަށް ޖަމާކޮށްދީފަ އެވެ." ބީއެމްއެލްގެ ބަޔާނުގައި ވެ އެވެ.

ބީއެމްއެލް އިން ބުނިގޮތުގައި، އެ ބޭންކުގެ އެތެރޭގައި މުވައްޒަފުން އަމަލުކުރާނެ ހަރުދަނާ އުސޫލުތަކާއި ގަވާއިދުތަކެއް ވަނީ ކަނޑައަޅައިފަ އެވެ. އެ ގަވާއިދުތަކާ ހިލާފު އަމަލެއް ކޮށްފި ނަމަ ވަގުތުން ބޭންކުގައި ލޮގްކޮށް، އިންޓާނަލް ކޮންޓްރޯލްތަކުން އެކަން ދެނެގަނެވޭނެ ކަމަށް ބުންޏެވެ.

އެއްވެސް މުވައްޒަފަކު މިގޮތަށް ގަވާއިދާ ހިލާފަށް އަމަލެއް ކުރާކަން ފާހަގަކުރެވިއްޖެ ނަމަ، އެ ކަމެއް ތަހުގީގުކޮށް އަަޅަން ޖެހޭ އެންމެ ހަރުކަށި ފިޔަވަޅު އަޅާނެ ކަމަށް ބީއެމްއެލް އިން ބުންޏެވެ.

ބީއެމްއެލްގެ ބަޔާނުގައި ބުނީ އެ ބޭންކުގެ މުވައްޒަފެއްގެ އިހުމާލުން ނުވަތަ ގަވާއިދާ ހިލާފަށް ކުރާ އަމަލަކުން ކަސްޓަމަރުންނަށް އެއްވެސް މާލީ ގެއްލުމެއް ނުލިބޭނެ ކަމުގެ ޔަގީންކަން ދޭ ކަމަށެވެ.

ބީއެމްއެލްގެ ކަސްޓަމަރުންގެ އެކައުންޓްތަކުން ފައިސާ ނެގި މައްސަލާގައި ދައުލަތުން ދައުވާކުރީ ބ. އޭދަފުށީ ހިޔާވަހި، އަލީ މާޒިންގެ މައްޗަށެވެ. އޭނާގެ މައްޗަށް އެ ދައުވާކުރީ ސެޕްޓެމްބަރު 2012 ގައި އިން ފެށިގެން އޮކްޓޯބަރު، 2021 އާ ހަމައަށް ބީއެމްއެލްގައި ވަޒީފާ އަދާ ކުރިއިރު، ކަސްޓަމަރުންގެ މައުލޫމާތު ސީއާރުއެމް ސިސްޓަމުން ބަދަލުކޮށް، ކަސްޓަމަރުގެ ހުއްދަ ނެތި އިންޓަނެޓް ބޭންކުގައި ރަޖިސްޓަރީކޮށް، އެ އެކައުންޓްތަކުން 482،000 އަށް ވުރެ ގިނަ ރުފިޔާ މާޒިންގެ ކްރެޑިޓް ކާޑު ޕޭމަންޓްތަކާއި ފޮރެކްސް ޓްރާންސްއެކްޝަންތައް ހިންގުމަށް ބޭނުން ކޮށްފައިވާތީ އެވެ.

ބީއެމްއެލް ބޭންކިން

26 ކޮމެންޓް, 10 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ފަހުދު.

01 October 2024

ހުރިހާ ފައިސާއެއް އެހެން ބޭންކަކަށް އަޅައިފިން. ދެން ގެއްލުމެއް ނުވާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެޗް އެމް

01 October 2024

މިހާރު އިންސާނާގެ ޒާތީ ހުރިހާ މައުލޫމާތުތަކެއް ބަލަހައްޓާ މިދެނީ ޑޭޓާ ރައްކާކުރާ ކުންފުނިތަކުން. ހިތްހިގާވަރުން ފެށިގެން އުޅުމާއި ގުޅުމާއި ސިއްހަތާއި ލިބޭއާމްދަނީގެ ކޮންޓްރޯލުވެސް މިއޮންނަނީ އެހެން ބައެއްގެ އަތްމަތީގަ. އަމިއްލަ އިޚްތިޔާރީ ދިރިއުޅުމެއް އުޅޭހެން ހީވިޔަސް މިއުޅެވެނީ ރޯބޮޓުންގެ ދިރިއުޅުމެއް. އިންސާނީ ނަސްލު ހީކުރިވަރަށް ވުރެ އަވަހަށް އޭއައި އަށް ބަދަލުވަމުން މިދަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދެފުއްފެނ

01 October 2024

ހުކުމް ކުރި ބޭފުޅާގެ ނަންވެސް ހަބަރުގަ ޖަހާލިނަމަ ފުރިހަމަވާ، މިފަދަ ހުކުން ކުރާމީހުންވެސް ރައްޔިތުންނަށް އެނގެންޖެހޭ. އަދި މިހުކުމް މިގޮތަށް އިއްވިސަބަބުވެސް އެނގެންޖެހޭ. އެހެންނޫނީ ގާޒީގެ ކަމެއްއުޅޭހެން ހީވުންވެސް އެކަށީގެންވޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފުންނާބު

01 October 2024

ކޯޓުތަކުގެ ނިންމުންތައް ވެބްސައިޓުގައި ހުންނާނެ. އެކަމު ދިވެހިންނަކީ ހެޑްލައިން ކިޔާފަ ބޮޑެތި ވާހަކަ ދައްކާމީހުން. އެންމެނަކީ ބޮޑެތި ދީނީ ޢާލިމުން، ޞިއްޙީ ޑޮކްޓަރުން، ހުނަރުވެރި އިންޖިނޭރުން، ކުޅަދާނަ ސައިންޓިސްޓުން، ފުންނާބު އުސް ވަކީލުން، އެހެންވީމަ އެކަމުގެ ޢިލްމު އުނގެނިގެން އެކަމުގެ ތެރޭ އުޅޭ މީހުންނަށްވުރެ ކޮމެންޓްކުރާ މިކަހަލަ ބޭފުޅުން މާ ކުޅަދާނަވާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

raajje

30 September 2024

ފައިދާބޮޑުވައްކަމެއްދޯ، 4 ލައްކައިން 56ހަހާސް ކަނޑާލީމާ އެއޮތީހުސްޕޮރޮފިޓު، އެތައްބައެއްގެ ހައްގުހިމެނޭ މިވަރުގެބޮޑު ސީރިއަސްކުރައިމެއް ހިންގީމަވެސް އަދަބުނުދީ މުޖުތަމަޢުއަށް ހިދުމަތްކުރާށޭކިޔާފަ ދޫކޮށްލީ، މައްސަލަބެއްލެވި ފަނޑިޔާރަށް ނުވަތަ ފަނޑިޔާރުންނަށް އަޅުގަނޑުގެ ސަލާމް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

raajje

30 September 2024

މީނާކުރިވައްކަމުގެ ފައިސާތައް އަނބުރާދެއްކުމެއްނެތްތަ؟ 4ލައްކައިން 56ހަހާސްކަނޑާލީމާ ބާކީކިހާވަރެއް؟ ހެހެ، މުޖުތަމަޢުއަށް ހިދުމަތްކުރަން އަދަބުކަނޑައެޅޭނީ އެމީހެއްގެފަރާތުން މުޖުތަމަޢުއަށް ނުރައްކަލެއްނެތްނަމަދޯ! ވަގުންގެފަރާތުން ނުރައްކަލެއްނޯވޭތަ؟ މައްސަލަބަލާ ހުކުމްކުރި ފަނޑިޔާރަށް ސެލިއުޓުކުރަންޖެހޭވަރު ނިންމުމެއްމީ، މިނިންމުމުގެ ސަބަބުން ބޭންކުގެ މުއްޒަފުންނަށް ވައްކަންކުރުމަށްހިތްވަރުލިބޭ، މީއެއްގޮތަކަށްވެސް އަދަބެއްނޫން މީޖޯކެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މައުމުން

30 September 2024

ސާބަހޭ! އޭދަފުށި ފޯވާޑުން ހަމަ ގަދައީއޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑރ ވާންޗޯ

30 September 2024

482000ރ ވަގަށްނެގީމަ 40000ރ ގެ ޖޫރިމަނާއަކުން ނިމުނީ، 4 ފުޅި ރިހާކުރު ވަގަށްނެގިނަމަ 4 އަހަރަށް ޖަލަށް. އަދިވެސް ހިޔާނާތުގެ ބައި ކޯޓުތަކަށް ލިބެޔޭ ބުނާމީހާ ކުއްވެރިވާނީ!!!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިހެންވެ، ބިރެއް ނެތި ބޮޑެތި މަގާމްތަކުގަ ޖަރީމާ ހިންގަނީ

01 October 2024

482،000 އެއީ މަސައްކަތުގެ އަގު ދޯ އޭނަ އަށް. ތި އަދަބަކަށް ވަނީ ކިހިނެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑރ ވާންޗޯ

30 September 2024

އިންޓަރނަލް ކޮންޓްރޯލްގެ ވަރުގަދަކަން ތިއޮތީ ތަނަށްމޫލާފަދޯ؟. 10 އަހަރު ވަންދެން ކޭއިރު ކިތަށް މީހުންސަކުވާކޮށްފަ ހުންނާނެ. އަދި އެންމެސަޅިކަމަކީ 5 ލައްކަރުފިޔާގެ ހިޔާނާތެއް ސަރީއަތުން ތިނިންމާލީ 56000ރ ގެ ޖޫރިމަނާއަކުން،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިވެސް ސުވާލެއް

01 October 2024

ރެފްރީން ގެންނަހެން، ގާޒީން ގެންނަން ނުވޭބާ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކާލިގަނޑުމިޔަރު

30 September 2024

ސާބަހޭ. 9 އަހަރު ވީ އިރުވެސް ރޭކާ ނުލާ. އަހަރމެންގެ އެކައުންޓުން ހޭވީވެސް ތިޔަކަހަލަ ނުލަފާ ބަޔެއް. 3 އަހަރުވަންދެން ލާރިވަނީ ކައިފައި. ނިކަމެތިންވީމައި ފެންނާކަށް ނޯއްނާނެ. ހެއްކެތްނޯއްނާނެ. ދައްކާމީހާ ގޯސްވާނީ.