ޑިފޯލްޓް ވެދާނެ ކަމަށް ބެލެވުނު ސުކޫކަށް 25 މިލިއަން ޑޮލަރު ދައްކައިފި

ފިނޭންސް މިނިސްޓްރީ ހިންގާ އިމާރާތް: ސުކޫކުގެ ކޫޕަން ޕޭމެންޓް ސަރުކާރުން ވަނީ ދައްކާފައި. -- ފޮޓޯ: ފަޔާޒް މޫސާ / މިހާރު

ފާތިމަތު ޝަނާ މުހައްމަދު، މިހާރު

07 އޮކްޓޯބަރ 2024 - 11:16

ކުރީގެ ސަރުކާރުން 2021 ވަނަ އަހަރު ވިއްކި 500 މިލިއަން ޑޮލަރު (7.7 ބިލިއަން ރުފިޔާ) ގެ ސުކޫކުގެ ކޫޕަން ޕޭމަންޓު ނުވަތަ އިންޓްރެސްޓަށް ވާ ފައިސާގެ ގޮތުގައި 25 މިލިއަން ޑޮލަރު (386 މިލިއަން ރުފިޔާ) މި ސަރުކާރުން ދައްކައިފި އެވެ.

ސުކޫކުގެ އިންޓްރެސްޓް ޕޭމަންޓް ދެއްކި އިރު އެ ފައިސާ ނުދެއްކި، ސުކޫކު ޑިފޯލްޓް ވެދާނެ ކަމަށް ބޭރުގެ ބައެއް މީޑިއާތަކުގައި ވެސް އަޑު ފެތުރި އެވެ. އެ ވާހަކަތަށް ފެތުރީ، ރާއްޖޭގެ ރޭޓިން ފިޗުންނާއި މޫޑީސް އިން ދަށްކުރުމުންނެވެ.

ފިނޭންސް މިނިސްޓްރީން ބުނީ، ސުކޫކަށް އިންވެސްޓް ކުރި ފަރާތްތަކަށް އެ ފައިސާ ފޮނުވައި ސެޓުލް ކުރީ މިއަދު ކަމަށެވެ. ސަރުކާރުން އެ ފައިސާ ދައްކާފައި ވަނީ ދައުލަތަށް ލިބުނު އާމްދަނީން ކަަމަށް ވެސް މިނިސްޓްރީން ބުންޏެވެ.

އެ ސުކޫކު ނެގީ 9.875 ޕަސެންޓު އިންޓްރެސްޓް ރޭޓުގަ އެވެ. މި މަހު ދެއްކި ކޫޕަން ޕޭމެންޓާ އެކު މި އަހަރު ކޫޕަން ޕޭމެންޓުގެ ގޮތުގައި ދެއްކި އަދަދު 50 މިލިއަން ޑޮލަރަށް އަރާނެ އެވެ.

ސުކޫކުގެ ދަށުން ކޮންމެ އަހަރަކު ދެ ކޫޕަން ޕޭމެންޓު އިންވެސްޓަރުންނަށް އަންނަނީ ދައްކަމުންނެވެ. އަންނަ އަހަރު ވެސް ކޫޕަން ޕޭމަންޓުގެ ގޮތުގައި 50 މިލިއަން ޑޮލަރު ސަރުކާރުން ދައްކާނެ އެވެ. ކޫޕަން ޕޭމެންޓުތައް ދައްކަނީ އޭޕްރީލް އާއި އޮކްޓޫބަރުގަ އެވެ.

ސަރުކާރުން ވިއްކި ސުކޫކު ލިސްޓުކޮށްފައި ވަނީ އަބޫ ދާބީގެ ސްޓޮކް މާކެޓުގަ އެވެ.

މިދިޔަ މަހު ސުކޫކު ވަނީ މާކެޓުގައި ކްރޭޝްވެ، އަގު ވަރަށް ބޮޑަށް ދަށަށް ގޮސްފަ އެވެ. ނަމަވެސް، އަނެއްކާ ވެސް އޭގެ އަގު ވަނީ މަތިވާން ފަށައިފަ އެވެ. ސުކޫކު މެޗުއާވެ، ޖުމްލަ 500 މިލިއަން ޑޮލަރު ދައްކަން ޖެހޭނީ 2026 ގަ އެވެ. އެ އަހަރު ދައުލަތުން އެއް ބިލިއަން ޑޮލަރުގެ ދަރަނި ދައްކަން ޖެހޭނެ އެވެ.

ދައުލަތުގެ ޖުމްލަ ދަރަނި މި އަހަރު 129 ބިލިއަން ރުފިޔާ އަރާނެ ކަމަށް ލަފާ ކުރެވެ އެވެ.

ފިނޭންސް މިނިސްޓްރީ ސުކޫކް

18 ކޮމެންޓް, 12 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސަލާމަތެއްނެތް

09 October 2024

ތާހިރެއްނު. 2021 ވަނަ އަހަރު ނަގާފަ އޮތް ލޯނު ދައްކަން ނެގި ސުކޫކު ލޯނުގެ ފުރަތަމަ ދައްކަން ޖެހުނު އިންޓަރެސްޓްގެ މިންވަރު 25 މިލިޔަން ޑޮލަރ އަދި މިދެއްކުނީ. މިއަދާ ހަމައަށް 2021 ގެ ބައިގަނޑު އަތުގައި ވެރިކަން އޮތްނަމަ ވާނެގޮތްދޯ. ޑަރަނި އަދާ ކުރަން މިސަރުކާރުން މިޖެހެނީ ސަލާން ޖަހަމުން ދުވާން. ފައިސާ މެނޭޖުކުރި ބައިގަނޑު ދައުލަތް ލޫޓުވާލައިގެން ގޮސް މިހާރު އެއުޅެނީ ބޮޑު ވިޔަފާރި އަޅައިގެން ޕާޓީގެ ލާރިގަނޑު ދަވާލަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޛިތްރިން ބިން އަލީބާބާ

08 October 2024

މީ އިސްލާމިކް ފައިނޭންސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މާކޯސް

07 October 2024

ނަމަ ނަމަ ދަރަނި އަދާކުރަން ލޯނު ނުނަގާތި. ލޯނާއި ނުލައި ލާރި ހޯދޭނެ އެތައް ގޮތެއް ހުންނާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކެކެކެކެކެކެކެ

07 October 2024

500 މިލިއަން ޑޮލަރުން! ރާއްޖެއަށް މޑޕ އިންގެނައި ތަރައްގީ އެއް މަސަކަތް ނުފެނޭ! ކިޔާ ދީ ބަލަ އިނގޭ މީހަކު!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބަލް ރާޒުވާ ކަޅުބެ

07 October 2024

ސުކޫކު މެޗުއާވެ ޖުމްލަ 500 މިލިއަން ޑޮލަރު ދައްކަން ޖެހޭ 2026 ވަނަ އަހަރު އެއްހާސް މިލިއަން ޑޮލަރު ދަރަނީގެ ގޮތުގައި ދައްކާއިރު ރައްޔިތުން ހަފުސް އަރާނެ. 2026 ފައްޓަރުބައި ވިއްކާލާ އަހަރު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބަލް ލޯ ލާރި ހަސަނު

07 October 2024

ސުކޫކަށް 25 މިލިއަން ޑޮލަރު ނުވަތަ ދައުލަތުގެ ދަރަނި ގަތް މީހުނަށް ނުވަތަ ސުކޫކު ބާޒާރަށް އިންވެސްޓް ކުރި މީހުނަށް ފައިދާ ގެ ގޮތުގައި ބަހަން 25 މިލިއަން ޑޮލަރު ދެއްކުމުން ރައްޔިތެއްގެ ޖީބަށް ވަންނަ އެއްޗެއް ނޯންނާނެ . ރައްޔިތު މީހާއަށް އެމްޓީސީސީ އަދި އެމްޓީޑީސީއަށް އިންވެސްޓު ކޮށްގެން ދިހައަހަރުން ލިބުނީ އެންމެ ބައިރުފިޔާއެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަޑިކިލަނބު

07 October 2024

ތި މޫޑީސް އާއި ފިޗަކީ މާ މޮޅު ބައެއް ނޫން. އިހަކަށް ދުވަހު އެމެރިކާގެ ސަރުކާރުން އެތަންތަން މިލިއަން މިލިއަނުން ޖޫރިމަނާކޮއްލީ.. ހިސާބުތައް އޮޅުވާލާ ގަޑުބަޑު ހަދާފަ އޮތީމާ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑައިޖިން

07 October 2024

9% އިންޓެރެސްޓްގައި ސްކޫކު ވިއްކާފަ ދޯ މޑޕ ކުދިން މި ހަޅޭއްލަވަނީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަތީން އައްބާސް

07 October 2024

މިވަރު ކޮށްފަ ވެސް މަ އަޖައިބު ވަނީ އެމްޑީޕީ ކުދިން އަގަ ގަދަ ކުރާތީ. މުޅި ގައުމު ދަރާ ވިއްކާފަ އަދި އެވަރުން ނުވެގެން އެއްޗެސް ވެސް ކިޔަން ޖެހޭ. އެއް ކަމެއްވެސް ވީކީ ނޫނޭ. ދެން އަގައެއް އިނިއްޔާ އެއްޗެކޭ ކިޔަން ވޭ ވިއްޔާ. އެމްޑިޕީ އަކީ މި ގައުމުގެ ހަލާކު