ސައިކަލެއްގެ މަޑިދަށުން ފައިސާ ނެގި މައްސަލާގައި ހައްޔަރުކުރި މީހާ: އޭނާ ބަންދުގައި ބަހައްޓަން ކޯޓުން ވަނީ އަމުރު ކޮށްފައި --- ފޮޓޯ: ޕޮލިސް
11 އޮކްޓޯބަރ 2024 - 10:18
29 comments
މާލޭގައި ސައިކަލެއްގެ މަޑިދަށުން ހަތަރު ލައްކައަށް ވުރެ ގިނަ ރުފިޔާ ވަގަށް ނެގި މައްސަލާގައި ހައްޔަރު ކޮށްފައިވާ ބިދޭސީ މީހާ، ފައިސާ ވަގަށް ނުނަގާ ކަމަށާއި އެއިން ނެގީ ވިއްސާރަ ކޯޓަކާއި ދޮންކެޔޮ ކޮތަޅެއް ކަމަށް ކްރިމިނަލް ކޯޓުގައި ބުނެފި އެވެ.
މިދިޔަ މަހު 14 ވަނަ ދުވަހު ފުލުހުން ވަނީ ސައިކަލެެއްގެ މަޑިދަށުން 442،750ރ. ނެގި ކަމުގެ ތުހުމަތަށް ބަންގްލަދޭޝް މީހެއް ކަމަށްވާ ޖަހަންގިރް އާލަމް ހައްޔަރުކޮށްފަ އެވެ. އެ މައްސަލާގައި އޭނާ ހުރީ ދެވަނަ ފަހަރަށް ބަންދުގެ މުއްދަތު އިތުރުކޮށްފަ އެވެ.
އޭނާގެ ބަންދުގެ މުއްދަތު އަނެއްކާ ވެސް އިތުރު ކުރުމަށް އިއްޔެ ކްރިމިނަލް ކޯޓަށް ހާޒިރު ކުރުމުން ފުލުހުން ވަނީ އޭނާ އެ ކުށްކުރި ކަމަށް ތުހުމަތު ކުރެވޭ ކަމަށް ބެލެވޭ ހެކިތަކެއް ހުށަހަޅައިފަ އެވެ. އޭގެ ތެރޭގައި ހިމެނޭ ސީސީޓީވީ ވީޑިއޯ އިން އޭނާ ސައިކަލެއްގެ މަޑިދަށް ހިއްލައިގެން އެއްޗެއް ނަގާތަން ފެންނަ ކަމަށް ކޯޓު އަމުރުގައި ބުނެފައިވެ އެވެ.
ދެވަނަ ފަހަރު ކޯޓަށް ގެންދިއުމުން ޖަހަންގީރު ބުނީ އެއީ ވިޔަފާރީގެ މައްސަލާގައި އޭނާ ފްރޭމް ކުރީ ކަމަށެވެ. އަދި ވީޑިއޯ ފުޓޭޖުން ފެންނަނީ އޭނާ މަޑިދަށުން ފައިސާ ނަގާ މަންޒަރު ނޫން ކަމަށް ވެސް އޭނާ ބުނެ އެވެ.
ޖަހަންގިރާ ދެކޮޅަށް އިއްޔެ ހުށަހެޅި ހެކީގެ ތެރޭގައި ސީސީޓީވީ ފުޓޭޖާއި ފައިސާގެ ވެރިފަރާތުގެ ބަޔާން ހިމެނެ އެވެ.
އިއްޔެ ބޭއްވި އަޑުއެހުމުގައި އޭނާގެ ވަކީލު ކޯޓުގައި ވިދާޅުވެފައި ވަނީ އެ ސައިކަލު މަޑިދަށުން ނެގީ ވިއްސާ ކޯޓެއް ކަމަށެވެ. އަދި ޖަހަންގިރްގެ ދެވަނަ އަނބިމީހާގެ ގެއަށް ވައްދާތައް ފެންނަ ކޮޓަޅަކީ ދޮންކޭލާއި ކަދުރު ހުރި ކޮތަޅެއް ކަމަށެވެ. އެއީ އޭނާނެ އާއިލާއިން ދިން މައުލޫމާތު ކަމަށް ވެސް ވަކީލު ވިދާޅުވި އެވެ.
އެ މައްސަލާގައި ހުށަހަޅާފައިވާ ވީޑިއޯއިން ވިއްސާރަ ކޯޓެއްގެ އިތުރުން ވެސް އެހެން އެއްޗެހި ނަގާ ކަމަށާއި އޭނާ އެ އެއްޗެހި ނެގުމުގައި އަމުލުތައް ހުރި ގޮތުން އިތުރު އެއްޗެއް އޮތްކަން އެ ވީޑިއޯއިން އެނގޭ ކަމަށް އެ އަމުރުގައިވެ އެވެ.
އޭނާގެ ދެވަނަ އަނބި މީހާގެ ގެއަށް ދޮންކޭލާއި ކަދުރު ގެންދިޔައީ ނޫކުލައިގެ ޕްލާސްޓިކް ކޮތަޅަކަށް ލައިގެން ކަމަށް ބުނި ނަމަވެސް އެ ކޮތަޅު އޮތީ ނޫކުލައިގައި ނޫން ކަމަށައި އޭގައި ހުރީ ދޮންކެޔޮ ނޫން ކަމަށް ވެސް ފުލުހުން ކޯޓުގައި ބުންޏެވެ.
މަޑިދަށުން ނެގީ ފައިސާ ނޫން ކަމަށް ބުންޏަސް ކްރިމިނަލް ކޯޓުން އިއްޔެ ވަނީ ޖަހަންގީރުގެ ބަންދަށް އަނެއްކާ ފަސް ދުވަސް އިތުރުކޮށްފަ އެވެ. އެއީ އަދިވެސް ތަހުގީގު ފުރިހަމަ ނުވާތީ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނުބަލާ
12 October 2024
ދެވަނަ އަނބީގެގެއަށް އެހާ ބައިވަރު އެއްޗެހި ވެއްދިކަން އެނގުނީމަ ފުރަތަމަ އަތްބަށް ވާނީ ކިހިނެތްބާ؟
އަފްރާސިޔާބު
12 October 2024
އަންހެން ކުދިން ބުނަނީ ފައިސާ ދެންޏާ ކީއްވެހޭ ނު އިންނަންވީ. އޭނާ އުޅޭނީ އޭނާގެ އާއިލާއަށް ރަށަށް ލާރި ފޮނުވާށޭ. މަށަށް މަބޭނުންވަރަށް ލިބުނީމާ މަށަށްވަރިހަމަޔޭ ކޮންމެ މީހަކު ވިޔަސް. މި ތަނުގައި އެއްޗަކަށް އޮތީ 12، 13 އަހަރުގެ ބަންގާޅު ކުދިންނޭ. ދިވެހިން އުޅެނީ ކޮންމެވެސް މަސްތުވާ އެއްޗެއް ނުލިބިގެންނޭ، ދިވެއްސަކާ އިންނާކަށް މަށެއް ނުއުޅެމޭ.
އަލަމްގީރު
12 October 2024
އަންމަޓަ.. ދެއަނބިންނޭ؟؟؟ ގައުމު ގާދޫކޮޅުން ބޭރަށްގޮސް އޮބާލައިފި. ވިޔަފާރިތައް ނަގައިފި. ވަޒީފާތައް ނަގައިފި. ސަލާމަތީ ކަންތައް ނަގައިފި. މިހެންގޮސް ކިޔާނެކަމެއްނެތް، އަންހެންވެރިންވެސް ނަގައިފި. ސަން ސިޔާމު ކަހަލަ 6އެއްކަ ވިޔަފާރިވެރިން ބާކީތިބި ކުދިންކޮޅު ގަނެލައިފި.. މިކަމެއް ނުވާނެ. ބޭބެ މިދަނީ މިގައުމު ދޫކޮށް!
އަލީ ހަސަން
12 October 2024
ހަމަ އެރޭ އަޅުގަނޑު ސައިކަލުން ވިއްސާރަ ކޯޓެއް ގެއްލުނު. އޭނަ ފިހާރަ ކުރިމަތީ ސައިކަލުވެސް ޕާކުކުރީ.
އޮއްގަ
11 October 2024
ކޮންމެ އެއްޗެއް ނެގިކަމުގައިވިޔަސް ވަގަށް ނެގިނަމަވާނީ ހަމަ ވައްކަމަކަށް.
މޮންގޯލިއާ
11 October 2024
މިއީ ދިވެހި އަހެން ވެރިން ލޮލަށް މިރުސް ފެން އެޅިގެން ބިދޭސީ މީހާ އާއި އިނީމަވާގޮތް ހހހހހހހހހ
ގުއިފޯލި
12 October 2024
ކޮންތާކު ލިޔެފަ އޮތީ އޭނަ އިނދެގެން އުޅެނީ ދިވެހި އަންހެނަކާއޭ؟
އަފްރާސިޔާބު
12 October 2024
އެއްވެސް ތަނެއްގައިނެތް އޭނާ އިނދެގެން އުޅެނީ އަންހެކާ ކަމެއް؟ ފާޑެއްގެ ނަމެއް އާލަމްގިރި އާއި ޖަހަންގިރި އަށް ކިޔާ! ބޭބެ ނުބުނަނީ ނުން. އޭނާގެ އަންހެނުންނޭ؟ ބޭބެ ބުނީ އޭނާ ދެ އަނބި ތިބޭ. މޭލު އަނބި ތިބޭ އޭވައްތަރު ގިރިގިރީގައި.
އަފްރާސިޔާބު
11 October 2024
ތި މައްސަލަ އެންމެ ފަހުން ނިމޭނީ. އެއީ ޖަހަންގީރު ނޫންކަމަށާއި އޭނާއާ ވައްތަރު މީހެއްކަމަށް ވެގެން. އޭނާގެ ދެ އަނބިން ބުނާނީވެސް އޭނާ އެއިރު އޮތީ ތިމަންނަ ގޭގައި ނިދާފައޭ. އަނެއް އަނބި ބުނާނީ އޭނާ އެއިރު ހުނީ ތިމަންނަގެ ގޭގައި ނަމާދު ކުރާށޭ.
ޙާސީނާބޭގަމް2
11 October 2024
މަދު މީހަކު ނޫނީ މިތާ އުޅޭ ބަ ގުލަދޭސް މީހުން ވައްކަންކުރޭ ޙުޅުމާލެ ގޭގެ ގޯޅި ގަނޑުގައި ހުންނަ ފެންއިސްކުރުން ފެން ވަގައް ނެގުމީ އާދައިގެ ކަމެތް. ޢަނބިން ކައިރީ ބުނޭ ދޮންކެޔޮ ކާނީޔާ ހިނގާށޭ ބަނގުދޭސް އަށް.
ކޮރަލް
11 October 2024
ޑިޕޯޓް ކުރުން ގިނަ ކުރަން ވީ އެވެ. ގަވާއިދާ ހިލާފައް ވިޔަފާރި ކުރާ ބިދޭސީންނާ ބޮޑެތި ކުއްތައް ކުރާ ބިދޭސީން ނެވެ. ޑިޕޯޓް ކުރުން ގިނަ ކުރަން ވީ އެވެ. އޭރުން ދެވަނަ ފުރުސަތެއް ނޯންނާނެ އެވެ.
ތުނޑުހަސަނު
11 October 2024
ވިޔަފާރި ކުރާކަމަަށް ބުނާ މީހަކު އެހެންމީހެއްގެ ސައިކަލު މަޑިފެލާލައި ހުޅުވައިގެން ވިއްސާރަ ކޯޓަކާއި ދޮންކެޔޮ ކޮޅެއް ނަގަންޖެހޭ ސަބަބެއް ނުވިސްނޭ. ތިޔަ އެއްޗެއްސަކީ ޒަރޫރީ ބޭނުން ފުއްދޭވަރަށް ވެސް ފައިސާކޮޅެއް ނުލިބި ހަދާނެގޮތް ހުސްވެގެން އުޅޭ މީހަކު ނޫނީ ނުނަގާނެ ކަހަލަ ސާމާނު. މީހަކު އެއްޗެއް ބުންޏަސް ޝަރީޢަތުގެ މަޖުލިހެއްގައި ވަކީލު ވެސް ދައްކަންވާނީ ބުއްދި ހަމަޖެހޭ މީހުން ގަބޫލުކުރާކަހަލަ ވާހަކަދޯ.