އެޗްޑީސީގެ އިމާރާތް. ސަރުކާރުން ވަނީ އެކުންފުނިން ނެގި 200 މިލިއަން ރުފިޔާގެ ލޯނަކަށް ގެރެންޓީދީފައި -- ފޮޓޯ: މިހާރު
15 އޮކްޓޯބަރ 2024 - 14:17
11 comments
ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) ގެ ބޭނުމަކަށް ހަބީބް ބޭންކުން ނެގި 200 މިލިއަން ރުފިޔާގެ ލޯނަކަށް ސަރުކާރުން ގެރެންޓީ ދީފި އެވެ.
މިއަދު މާލިއްޔަތު ކޮމިޓީގައި ވަނީ އެ ލޯނުގެ ތަފްސީލު އާންމުކޮށްފަ އެވެ. އެ ލޯނު އެޗްޑީސީއިން ނެގީ ތިލަފުށީގެ ދެވަނަ ފިޔަވަހި ކުރިއަށް ގެންދަން އެޑްވާންސް ޕޭމެންޓުގެ ގޮތުގައި ބޭނުންވާ 25 ޕަސެންޓް ފައިނޭންސް ހޯދުމަށެވެ.
އެޗްޑީސީން އެ ލޯނު ނަގަނީ 150 ހެކްޓަރުގެ ބިމެއް ހިއްކުމަށްފަހު އެ ސަރަހައްދުގެ ގޮނޑުދޮށް ހިމާޔަތްކުރުމުގެ މަސައްކަތް ކުރުމަށެވެ. އެ ތަނުގެ ބިން ހިއްކަނީ، އެ ސަރަހައްދު ހަ ޒޯނަކަށް ބަހާލައިގެން އިންޑަސްޓްރިއަލް މަސައްކަތްތައް ކުރުމަށެވެ. އެ ތަނުގައި ލިކުއިފައިޑް ނެޗުރަލް ގޭސް ޕްލާންޓެއް ގާއިމް ކުރުމަށް ވެސް ޕްލޭން ކޮށްފައިވެ އެވެ.
އެޗްޑީސީން މިދިޔަ އަހަރު ވެސް ވަނީ ސަރުކާރުން ގެރެންޓީ ދީގެން މޯލްޑިވްސް އިސްލާމިކް ބޭންކް (އެމްއައިބީ) އިން ދެ ފަހަރެއްގެ މަތިން 200 މިލިއަން ރުފިޔާގެ ލޯނު ނަގައިފަ އެވެ.
އެޗްޑީސީގެ އިތުރުން މިއަހަރު އެހެން ދެ ލޯނަކަށް ވެސް ސަރުކާރުން ގެރެންޓީ ދީފައިވެ އެވެ. އެއީ މޯލްޑިވްސް ފަންޑް މެނޭޖްމެންޓް ކޯޕަރޭޝަން (އެމްއެފްއެމްސީ) ގެ ބޭނުމަކަށް ބެންކް އޮފް ސިލޯނުން ނެގި 230 މިލިއަން ރުފިޔާގެ ދެ ލޯނަކަށެވެ. އެ ދެ ލޯނު ނަގާފައި ވަނީ ސަބްމެރިން ކޭބަލްގެ މަޝްރޫއަށެވެ.
ފިނޭންސް މިނިސްޓްރީގެ ތަފާސްހިސާބުތަކުން އެނގޭ ގޮތުގައި މި އަހަރުގެ މިހާތަނަށް ސަރުކާރުން 200 މިލިއަން ޑޮލަރު (ތިން ބިލިއަން ރުފިޔާ) ގެ ލޯނު ނަގައިފައިވެ އެވެ.
މިއަހަރު ރާއްޖޭގެ ދަރަނި 129 ބިލިއަން ރުފިޔާއަށް އަރާނެ ކަމަށް ބަޖެޓްގައި ވަނީ ލަފާކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހީހީ ސުލީހް
15 October 2024
މިފެންނަނީ ރަނގަޅަށް ހިނގަހިނގާ ހުރި ބަނގުރޫޓްވުމާދިމާލަށްދާތަން. މިހާރު ތި ހުޅުމާލޭން ބިމެއްގަނެލާނެ ފަސްފަހަރު އިއުލާނުކޮށްގެންވެސް ނުވޭ
އަފްރާސިޔާބު
15 October 2024
އެ ލޯނަކީވެސް އަނބުރާ ދައްކަން ސަރުކާރުން ނެގި ލޯނެއް. އެޗް.ޑީ.ސީގެ ނަން ބޭނުންކުރީ.
ގާދިރު
15 October 2024
ކޮން ބައެއްތަ ގެރެންޓީ ދިނީ ، ހިލޭ ގޯތި ލިބުނު މީހުން ތަ ، ނުނީ ހ.އ ތުރާކުނު މީހުން ވެސް ހިމެނޭ ގޮތަށަ ދިވެހި ސަރުކާރުންތަ ؟
މުޑަހަންޖާ
15 October 2024
މިގޮތަށް ރާއްޖޭގެ ހުރިހާ ރަށެއްވެސް ކައުންސިލް އުވާފަ ކޮންމެ ރަށެއް ކުންފުންޏެއްގެ ނަމުގަ ހިންގަން އެބަޖެހޭ. ބަޖެޓަށް ސަލާންޖަހަން ނުތިބެ ބޭނުންވަރަކަށް ދަރަނިނަގައިގެން ރަށުތެރޭ ހިތުހުރިގޮތަކަށް ތަންތަންހަދާފަ ބަގީޗާހައްދާ މުވައްޒަފުން ލައިގެން ރަށް ތަރައްގީ ކުރެވޭނެ އޭރުން ހުރިހާ ރަށަކަށްވެސް. މިފުރުސަތު ހަމައެކަނި ވަކިގަބީލާއަކަށް ހާއްސަކުރުމަކީ ހަމަޖެހޭ ކަމެއްނޫން.
ގޮތްޔެ
15 October 2024
ބިންތައް ވިއްކާ ބިލިއަނުން ފައިދާވި ވާހަކަ އަޑުއެހިން، ރައްޔިތުން ދަރަނިވެރިކޮށް ލޯނުނަގާވަރަށް ނަގަނީ، އަމިއްލައަށް މުސާރަބޮޑުކޮށް ހަދަނީ، ގައުމުގެ މުސްތަގުބަލު ވަރަށް ބަނަކޮށް ފެންނަނީ، ހައްގުވާ މިންވަރު ލިބޭނީ ގިޔާމަތްދުވަހުން، ވަރަށް ސަލާމް
އޮނަރަބްލް އަފީފު ދީދީ
15 October 2024
ކ.އަތޮޅު ކަނޑު ފަޅު ހިއްކާން ދައުލަތް ދަރަނިކޮށް އެތައްބިލިޔަން ޑޮލަރުގެ ލޯނުނަގައި އެތަންތަން ހިއްކާފައި ދައުލަތުގެ ޤާނޫނުއަސާސީގެ 20 އަދި 21 ވަނަ މާއްދާއާއި، 41 ވަނަ މާއްދާގެ ހ، ށ، ނ އާއި ކަޑައެޅިގެން ޙިލާފަށް "ޤަބީލާވަންތަ ރޭސިސްޓް ސިޔާސަތެއްގެދަށުން މާލޭގެ ޤާނޫނީ ރަށްވެހިންގެތެރެއިން އެތައްހާސް މީހުނަށް އެންމެކުޑަމިނުން ބައިވެރިވުމުގެ ފުރުސަތުވެސް ނުދީ" ތިރަށުން އިބްރާހިމްގެ ސަރުކާރުން ބަހާލި ބިންތައްހޯދަން HDC ގެ ފަރާތުން ދައުވާ ކުރަންޖެހޭ.
އޮނަރަބްލް އަފީފު ދީދީ
15 October 2024
ދުނިޔޭގެ ކަންކަން ހިގާގޮތް ނޭގޭ މަރމލކު ވެރިކަމުގައި ހުރުމުން "އެކަމުގެ ނާޖާއިޒު މަންފާ ނަގައިގެން" އެބޭޅާގެ ވަޒީރުންގެ ތެރޭގައިތިބި ތިރަށު މީހުން އެބޭޅާއަށް މަޖުބޫރުކޮށްގެން ދައުލަތުގެ ކުންފުންޏެއްގެ ބިން ބަހާލަން ޤއ އާއި ޙިލާފަށް އެކުލަވާލި ޤަވާއިދުގެ ދަށުން "ތުބުން ކިރު ނުނެއްޓޭ ތިރަށުގެ ކުޑަކުދިންނަށާއި، އިހައްދުވަހު ތިރަށު މީހަކާއި ކައިވެނި ކުރި ބިދޭސީންނަށްވެސް" ކޮންމެ މީހަކަށް 25މ ރުފިޔާގެ ގޯއްޗެއް ދީފައި އެބައޮތް!؟ މިއީ އިންސާފެއްނޫން.
އޮނަރަބްލް އަފީފު ދީދީ
15 October 2024
ރަނުގެއަގުހުރި މިދެންނެވިބިންތައް ބަހާލުމުން "ވަންނާނެ ތަނެއްނެތްކަމަށްބުނެ ރޯމަރު ބުހުތާން ދޮގުހަދައިގެން" މިބިންތައް ހޯދި ކ.އަތޮޅު މާލޭމީހުން މިހާރުވެސް އެމީހުނަށްލިބުނު ބިންތައް ވިއްކަމުންދާއިރު އެފަދަބިންތައް ވިއްކުމަށް 25-10 މިލިޔަން ރުފިޔާ އާއި ދެމެދުގެއަގަކަށް ވިއްކާން ސޯޝަލްމީޑިޔާގެ ޕުލެޓްފޯމްތަކާއި އެކިއެކި މީޑިޔާތަކުގައި މިހާރުވެސް އިސްތިހާރު ކުރަމުން އެބަގެންދޭ! އެހެންވެ އަހަރުމެންބުނަނީ މިފަދަ ދޮގުމައުލޫމާތުދިން ޖިނާޢީކުށަކަށް ހަދާން.
އޮނަރަބްލް އަފީފު ދީދީ
15 October 2024
ރޭވުންތެރިކަމާއިއެކު "އިބްރާހިމްގެމައްޗަށް އަމުރުހިންގި އެބޭޅާގެ ވަޒީރުންގެ ގޮތުގައިތިބި ކ.މާލޭމީހުން ސިއްރިޔާތުގައި ހިންގި ގޯތިބެހުމުގެ ޖަރީމާގެ އިތުރުން" ދައުލަތްދަރަނިކޮށް ލޯނުނަގައިގެން ދައުލަތުން ކ.އަތޮޅުގައި ހިންގި ހުރިހާ ސޯޝަލް ހައުސިންގ ސްކީމްތަކުން ފުލެޓްހޯދަންވެސް ކ.މާލޭމީހުން (މާލޭމީހުންނޭ މިބުނަނީ ހުރިހާގޮތަކުންވެސް އެރަށުމީހުނަށްފަހިވާގޮތަށް މިދެންނެވިޤަވާއިދު ހަދާފައިވާތީ) ދީފައިވަނީ ސައްޙަ ތެދުމައުލޫމާތުނޫންކަން ސަރުކާރަށްވެސްއިގޭ.
އޮނަރަބްލް އަފީފު ދީދީ
15 October 2024
މިވާހަކަދެއްކުމުން ރުޅިއަންނަ މާލޭމީހުނަށް އެގިހުރިކަމެއްގެ ވާހަކަ ބުނެލާނަން. ވަޒީރެއްގެދަރަޖައިގަ މިހާރުވެސް ހުންނެވި މާލޭމީހެއްގެ ބައްޕައާއިމަންމަގެވެސް މާލޭގޯތިއޮތްއިރު އެތަންތަންހުރީ 10 ބުރިއަށް ހަދާފައި. އެދެމީހުނަށްވެސް "ވަންނާނެތަނެއް ނެތިގެން" ސޯޝަލް ފުލެޓް (ދެމީހުނަށް 2 ފުލެޓް) ލިބުނު. ދެމީހުންގެދަރިއަކަށްހުރީ މިދެންނެވި ފިރިހެންކުއްޖާ އެކަނި. އޭނާ Amin Avenue އިން ފުލެޓް ގަނެފަހުރިއިރު މި 3 މީހުނަށް "ބަހާލި ބިންތައްވެސް" ލިބުނުއިގޭތޯ!؟
އޮނަރަބްލް އަފީފު ދީދީ
15 October 2024
މަތީގައިމިދެންނެވި ކަންކަމަށް ހައްލުހޯދާ "ފުލެޓުން ވައްކަންކުރުން ހުއްޓުވުމަށްޓަކާ" ދިވެއްސަކު ހޯދާ ފުރަތަމަ ބިމާއިފުލެޓް ޓެކްސް ފްރީކޮށް އޭނާހޯދާ 2 ވަނަ ބިމާއި ފުލެޓުން %50 ޓެކްސް އަދި އިތުރަށް ހޯދާ ކޮންމެ ފުލެޓަކާއި ބިމުން %100 ޓެކްސް ދައުލަތަށް ނަގާން ކަޑައަޅާ ދައުލަތުގެ ސޯޝަލް ހައުސިންގ ސްކީމް އަށާއި، ގޯތިހޯދަން ދޮގު މައުލޫމާތު ދިނުމާއި، އެފަދަ ކަމަކަށް އެހީތެރި ވުމަކީވެސް ޖިނާޢީ ކުށެއްކަމަށް ޤާނޫނުގައި ކަޑައަޅައިގެންނޫނީ މިކަން ހައްލުނުވާނެ.