އެއް އަހަރު ދުވަހުގެ މުއްދަތަށް މުސާރައިން 10 ޕަސެންޓް އުނިކުރަން ފަލާހު ނިންމަވައިފި

ރާއްޖޭގެ އިގްތިސާދީ ހާލަތު ރަނގަޅުކޮށް، ދައުލަތުގެ އާމްދަނީ އިތުރުކުރުމަށް ސަރުކާރުން އަޅަމުންދާ ފިޔަވަޅުތަކަށް އެއްބާރުލުން ދެއްވުމުގެ ގޮތުން ކުރިއަށް އޮތް އެއް އަހަރަށް މުސާރައިގެ 10 ޕަސެންޓް އުނިކުރުމަށް ފަހު، މުސާރަ ނަންގަވަން އިނގުރައިދޫ ދާއިރާގެ މެމްބަރު އިބްރާހިމް ފަލާހު އަމިއްލަ އަަށް ނިންމަވައިފި އެވެ.

މިދިޔަ ބުދަ ދުވަހު ރައީސް ޑރ. މުހައްމަދު މުއިއްޒު އިއުލާން ކުރައްވާފައި ވަނީ ސިޔާސީ މުވައްޒަފުންނާއި ދައުލަތުގެ ތިން ބާރުގެ އިސް ބޭފުޅުންނާއި މިނިވަން މުއައްސަސާތަކުގެ ވެރިންނާއި މަޖިލީހުގެ މެމްބަރުންނާއި ސަރުކާރު ކުންފުނިތަކުގެ އިސްވެރިންގެ މުސާރައިން 10 ޕަސެންޓް ދެ އަހަރު ދުވަހުގެ މުއްދަތަށް އުނިކުރާށެވެ.

ރައީސްގެ އެ ނިންމެވުންތަކަށް އިޝާރާތް ކުރައްވައި ފަލާހް އެކްސްގައި ކުރެއްވި ޕޯސްޓެއްގައި ރޭ ވިދާޅުވީ ހަރަދުތައް ކުޑަކުރުމަށް އެ މަނިކުފާނު އަޅުއްވަމުން ގެންދަވާ ފިޔަވަޅުތަކަށް އެއްބާރުލުހުން ދެއްވުމުގެ ގޮތުން މަޖިލީހުގެ މުސާރައިން އަންނަ ނޮވެމްބަރު މަހުގެ 1 އިން ފެށިގެން އެއް އަހަރުގެ މުއްދަތަކަށް 10 ޕަސެންޓް އުނިކުރަން ނިންމަވާފައިވާ ކަމަށެވެ.

ކުރިއްސުރެ މެމްބަރުންނަށް މުސާރަ އާއި އިނާޔަތުގެ ގޮތުގައި ދައުލަތުން ދެނީ 82،500ރ. އެވެ. އެއީ އަސާސީ މުސާރައިގެ ގޮތުގައި 42،500ރ. އާއި ލިވިން އެލަވަންސްގެ ގޮތުގައި 20،000ރ. އަދި ވަކި އަދަދަކަށް ކޮމިޓީތަކަށް ހާޒިރުވާ ނަމަ އިތުރަށް ލިބޭ 20،000ރ. އެވެ.

އެހެންވެ، މިހާރު މަޖިލީހުގައި ތިއްބެވި 93 މެމްބަރުންގެ ހަމައެކަނި މުސާރައަށް ދައުލަތުން މަހަކު 7.67 މިލިއަން ހަރަދުކުރެ އެވެ.

ރައީސް އެކަން އިއުލާންކުރެއްވުމާ އެކު، ރައްޔިތުންގެ މަޖިލީހުގެ ރައީސް އަބްދުއްރަހީމް އަބްދުﷲ ވެސް ވަނީ މުސާރައިން 50 ޕަސެންޓް ނުނެންގެވުމަށް ނިންމަވައިފަ އެެވެ. މަޖިލީހުގެ ރައީސްގެ މިހާރުގެ މުސާރައަކީ 73،125ރ. އެވެ. މި ބަދަލާ އެކު، މުސާރައިގެ ގޮތުގައި ދެން ނަންގަވާނީ 36،562.5ރ. އެވެ.

Musaara in 50 percent nunangavan Majilis Raees Abdulraheem ves nimmavaifi

The most trusted news source in the Maldives

Mihaaru

ސަރުކާރުގެ އިގްތިސާދީ އިސްލާހީ އެޖެންޑާގެ ދަށުން ދައުލަތުގެ ހަރަދު ކުޑަކުރުގެ މަގްސަދުގައި ގިނަ ފިޔަވަޅުތަކެއް އަޅުއްވާނެ ކަމަށް ރައީސް މުއިއްޒު ވިދާޅުވިއިރު އެމަނިކުފާނު ވަނީ އަމިއްލަފުޅު މުސާރައިން 50 ޕަސެންޓް އުނިކުރުމަށް ވެސް ނިންމަވައިފަ އެވެ. މި އިސްލާހާ އެކު އެމަނިކުފާނު ނަންގަވާނީ 50،000ރ. ގެ މުސާރަ އެކެވެ.

އެހެންވެ، ރައްޔިތުންގެ މަޖިލީހަށް ސަޕްލިމެންޓަރީ ބަޖެޓް އިއްޔެ ހުށަހެޅީ އެ ބަދަލުތަކާ އެކުގަ އެވެ.

BREAKING: Siyaasee muvvazafunnai dhaulathuge veringe musaaraige 10 percent uni kuran Raees nimmavvaifi

The most trusted news source in the Maldives

Mihaaru

މި ފިޔަވަޅުތައް އެޅިޔަސް 12،000ރ. އަށް ވުރެ ދަށުން މުސާރަ ިބޭ މުވައްޒަފުން އިސްތިސްނާވާނެ ކަމަށް ރައީސް ވިދާޅުވެ އެވެ.

ރާއްޖޭގެ ދަރަނި ބޮޑުވެ އިގްތިސާދީ ހާލަތު ދަށަށް ގޮސްފައިވާތީ ދައުލަތުގެ ހަރަދުތައް ކުޑަކުރުމުގެ ގޮތުން ގިނަ ފިޔަވަޅުތަކެއް އަޅަން ސަރުކާރުން ވަނީ ނިންމަވައިފަ އެވެ. މިދިޔަ ހަފްތާގައި ރައީސް ވަނީ ސިޔާސީ މަގާމުތަކުގައި ތިބި 228 މީހަކު މަގާމުން ވަކިކުރަން ވެސް ނިންމަވައިފަ އެވެ. އެ ނިންމެވުމުގެ ސަބަބުން މަހަކު 5.7 މިލިއަން ރުފިޔާ ދައުލަތަށް ސަލާމަތް ކުރެވޭނެ ކަމަށް ރައީސް ވިދާޅުވެފައިވެ އެވެ.