ރަސްމާލެ ހިއްކުމުގެ މަސައްކަތް އަލުން ފަށައިފި

ރައީސް ޑރ. މުހައްމަދު މުއިއްޒު އިއުލާންކުރެއްވި ބޯހިޔާވަހިކަމުގެ ބިޔަ މަޝްރޫއު، "ރަސްމާލެ" ހިއްކުމުގެ މަސައްކަތް އަލުން ފަށައިފި އެވެ.

ބޯހިޔާވަހިކަމުގެ ބޮޑު ހައްލަކަށް ފުށިދިއްގަރުފަޅު ފަޅު ހިއްކަން ސަރުކާރުން މިދިޔަ އަހަރުގެ ޑިސެމްބަރު 18 ގައި ހަވާލުކުރީ ކެޕިޓަލް މެރިން އެންޑް އިންވެސްޓްމަންޓް (ސީއެމްސީ)އާ އެވެ.

ސަރުކާރުން ކަނޑައެޅި ޝެޑިއުލާ އެއްގޮތަށް އެ ކުންފުނިން މަސައްކަތް ކުރިއަށް ނުގެންދިޔަ އެވެ. އެހެންވެ އެއްބަސްވުން ބާތިލްކޮށް، އިތުރު ފުރުސަތެއް ނުދޭން ނިންމީ އެވެ. އެއީ، މާލެ ސަރަހައްދުން ކޮންޓްރެކްޓަރަކަށް ބިންތަކެއް ނުދީ، ކޮންޓްރެކްޓަރުން މެދުވެރިވެގެން ފައިސާ ހަމަޖައްސައިގެން ޕްރޮޖެކްޓް ކުރިއަށް ގެންދަން ސަރުކާރުން ބޭނުންވާތީ ކަމަށް އިންފްރާސްޓްރަކްޗާ މިނިސްޓަރު ޑރ. އަބްދުﷲ މުއްތަލިބް ވިދާޅުވެފައިވެ އެވެ.

އެ ފަޅު ހިއްކުން މެދުކެނޑިފައި އޮންނަތާ ގާތްގަނޑަކަށް ހަ މަސް ފަހުން އެ މަސައްކަތް އަލުން ފަށާފައިވާކަން ހާމަކޮށް އެޗްޑީސީން ކުރި ޕޯސްޓުގައި ބުނީ އެކަން އަލުން ފެށުމަކީ މުޖުތަމައުގެ ތަރައްގީ އާއި ކުރިއެރުމަށް އެޅުނު އިތުރު ފިޔަވަޅެއް ކަމަށެެވެ.

އެކަމަކު އެ މަސައްކަތް މިހާރު ހަވާލުކޮށްފައިވަނީ ކޮން ބަޔަކާ ކަމެއް ސާފެއް ނޫނެވެ.

ސީއެމްސީއާ އޭރު އެ މަޝްރޫއު ހަވާލުކުރީ ބިން ހިއްކުމުގެ އަގުގެ ގޮތުގައި ފައިސާގެ ބަދަލުގައި މާލެ ސަރަހައްދުން 70 ހެކްޓަރުގެ ބިން 99 އަހަރަށް ދޭ ގޮތަށެވެ. ފުށިދިއްގަރުން 60 ހެކްޓަރުގެ ބިމާއި ހުޅުމާލެ އިން 10 ހެކްޓަރުގެ ބިން ދިނުމަށް އޮތީ ނިންމައިފަ އެވެ.

Male' sarahadhun contractor ah binthakeh nudhee, Rasmale hikkan alun fashanee

The most trusted news source in the Maldives

Mihaaru

ފުށިދިއްގަރު ފަޅަކީ ރައީސް ޑރ. މުހައްމަދު މުއިއްޒުގެ ބޯހިޔާވަހިކަމުގެ "ޓޯޓަލް ސޮލިއުޝަން"ގެ ސިޔާސަތުގެ ދަށުން އެންމެ ބޮޑު އިސްކަމެއް ދީގެން ތަރައްގީކުރަން ނިންމާފައިވާ ތަނެވެ. ހިއްކާ ބިމުގެ ބަދަލުގައި ބިން ދޭ މޮޑަލަށް މި ސަރުކާރުން އެއްބަސްވީ، އެ ފަޅު ހިއްކަން މި އަހަރުގެ ބަޖެޓުގައި ހިމެނި 400 މިލިއަން ރުފިޔާ، އެމްޑީޕީގެ މެޖޯރިޓީ އޮތް މަޖިލީހުން އޭރު އުނިކުރުމުންނެވެ.

ދައުލަތުން ހަރަދެއް ކުރުމުގެ ބަދަލުގައި ބިންތަކެއް ދޭ ގޮތަށް 8 މަސް ތެރޭ މަސައްކަތް ނިންމަން އެ ކުންފުންޏާ ހަވާލުކުރިއިރު އެ ތާވާލާ އެެއްގޮތަށް މަސައްކަތް ކުރި ނަމަ މިދިޔަ އޮގަސްޓް މަހުގެ ތެރޭގައި އެތަން އެއްކޮށް ހިއްކާ ހިމެނޭނެ އެވެ.

ރަސްމާލެ ހިއްކުމުގެ މަސައްކަތް ކުރަނީ..

މި އަހަރުގެ ކުރީކޮޅު ޗައިނާއަށް ކުރެއްވި ދަތުރުފުޅުގައި ރައީސް ވަނީ ރަސްމާލޭގައި 30,000 ހައުސިން ޔުނިޓް އިމާރާތް ކުރުމާ ގުޅޭ އެމްއޯޔޫއެއްގައި ޗައިނާ ސަރުކާރާ އެކު ސޮއިކޮށްފަ އެވެ. އެކަމަކު މި މަޝްރޫއުއަށް ޗައިނާ އިން ދޭނެ އެހީގެ އަދަދު އަދި އާންމެއް ނުކުރެ އެވެ. އެހެންވެ, 30,000 ހައުސިން ޔުނިޓް ހެދުމަށް ޗައިނާ އިން ދޭ ހިލޭ އެހީގެ އަދަދެއް އެއީ ނުވަތަ ލޯނެއް ކަމެއް ނުވަތަ ފައިސާ މެނޭޖު ކުރާ ގޮތެއް އަދި ސާފެއް ނޫނެވެ.

ރައީސް ވިދާޅުވެފައިވާ ގޮތުގައި ރަސްމާލޭގައި ގޯއްޗާއި ފްލެޓް ހިމެނޭ ގޮތަށް 65،000 ހައުސިން ޔުނިޓް ސަރުކާރުން އިމާރާތް ކުރާނެ އެވެ.