އުވާލާ ޕާޓީތަކުގެ ކުލަ ބޭނުން ނުކުރެވޭ ގޮތަށް ފާސްކޮށްފި

ސިޔާސީ ޕާޓީއެއް އުވާލާތާ ފަސް އަހަރުގެ ތެރޭގައި އެ ޕާޓީއެއްގެ ކުލަ އާއި ނިޝާން ބޭނުން ނުކުރެވޭ އިސްލާހާ އެކު ސިޔާސީ ޕާޓީތަކުގެ ގާނޫނަށް ގެނައި އިސްލާހުތައް ފާސްކޮށްފި އެވެ.

ޕާޓީތަކުގެ ކުލަ އާއި ނަމާއި ލޯގޯ އަދި އެހެނިހެން ނިޝާންތައް ބޭނުން ނުކުރެވޭ ގޮތަށް ބިލަށް އިސްލާހު ހުށަހެޅީ ކޮމިޓީ މަރުހަލާގައި އިއްޔެ ބޭއްވި މުޅި މަޖިލިސް ކޮމިޓީގަ އެވެ.

ސަރުކާރުގެ ފަރާތުން ދިއްދޫ ދާއިރާގެ ޕީއެންސީގެ މެންބަރު އަބްދުއްލަތީފް މުހައްމަދު ހުށަހެޅުއްވި ބިލުގައިވާ ގޮތުން ޕާޓީތަކަށް ދައުލަތުން ފައިސާ ދޭ އުސޫލު ބަދަލުކުރަން ވެސް ވަނީ ހިމަނައިފަ އެވެ. އެގޮތުން ޖުމްލަ އަހަރީ ބަޖެޓުގެ 0.1 ޕަސެންޓް ދިނުމުގެ ބަދަލުގައި ބަޖެޓްގައި ލަފާކުރާ އާމްދަނީގެ 0.1 ޕަސެންޓާއި 0.2 ޕަސެންޓާ ދެމެދުގެ އަދަދަކަށް ދޭ ގޮތަށް ވަނީ ހުށަހަޅައިފަ އެވެ.

އެހެންވެ، މި ބަދަލާ އެކު ޕާޓީތަކަށް ދައުލަތުން ކޮންމެ އަހަރަކު ދޭ ފައިސާގެ އަދަދު ވަރަށް ބޮޑަށް މަދުވާނެ އެވެ.

Uvaalaa party ge kula 5 aharah beynun nukurevey goi hadhanee

The most trusted news source in the Maldives

Mihaaru

ޕާޓީތަކުގެ ގާނޫނާ ހިލާފުވާ މީހުން ޖޫރިމަނާކުރާ އަދަދު 30،000ރ. އިން 75،000ރ. އާ ދެމެދަށް ބޮޑުކުރަން ވެސް އެ ބިލުގައި ވަނީ ހުށަހަޅައިފަ އެވެ. ކުރިން ގާނޫނު އޮންނަ ގޮތުން ޖޫރިމަނާ ކުރެވޭނީ 5،000ރ. އާއި 10،000ރ. އާ ދެމެދުގެ އަދަދަކުންނެވެ.

މީގެ އިތުރުން ގާނޫނާ ހިލާފުވާ މީހާ ނިސްބަތްވި ސިޔާސީ ޕާޓީ 100،000ރ. އިން ޖޫރިމަނާ ކުރެވޭނެ ކަމަށް އިސްލާހުގައިވެ އެވެ. މީގެ ކުރިން ޕާޓީތައް ޖޫރިމަނާ ކުރެވޭނެ ގޮތަށް އެ ގާނޫނުގައި ބަޔާން ކޮށްފައެއް ނުވެ އެވެ.

Party thah 100,000 Rf in joorimanaa kurevey goi hadhai, Primary aa gulhey maddhaa eh uvaalanee

The most trusted news source in the Maldives

Mihaaru

ސިޔާސީ ޕާޓީއެއްގެ ޕްރައިމަރީގައި ވާދަކޮށްފައިވާ ކެންޑިޑޭޓަކު އެހެން ހައިސިއްޔަތަކުން އިންތިހާބުތަކުގައި ވާދަ ނުކުރެވޭނެ ގޮތަށް ގާނޫނުގައި އޮތް މާއްދާ ވަނީ އުނިކޮށްފަ އެވެ.

މި ބިލު މަޖިލީހުން ފާސްކޮށްފައި ވަނީ ވޯޓުގައި ބައިވެރިވި 61 މެންބަރުންގެ ވޯޓުންނެވެ. ދެކޮޅަށް 10 މެންބަރުން ވޯޓު ދެއްވި އެވެ.