އަންނަ އަހަރު ގްރޭޑް އެކަަކަށް ވައްދަން 2،135 ޖާގައަށް އެދިއްޖެ

ކްލާހެއްގައި ދަރިވަރުންތަކެއް ކިޔަވަނީ.-- ފޮޓޯ: ނިޝާން އަލީ / މިހާރު

ފާތިމަތު އަޖްފާން، މިހާރު

02 ޑިސެމްބަރ 2024 - 12:21

އަންނަ އަހަރު ގްރޭޑް އެކަކަށް 2،135 ދަރިވަރަކު ވައްދަން ފޯމު ހުށަހަޅާފައިވާ ކަމަށް އެޑިއުކޭޝަން މިނިސްޓްރީން މިއަދު ބުނެފި އެވެ.

އެޕްރީލް މަހު ފަށާ ދިރާސީ އާ އަހަރަށް، ގްރޭޑް އެކެއްގެ ޖާގައަށް ހުޅުވާލީ މިދިޔަ މަހުގެ 15 ގަ އެވެ. އެހެން އަހަރުތަކެކޭ އެއްގޮތަށް މި އަހަރު ވެސް ގިނަ ފޯމުތައް ހުށަހެޅީ މާލެ ސަރަހައްދުގެ ސްކޫލްތަކަށެވެ.

އެޑިއުކޭޝަން މިނިސްޓްރީން ބުނި ގޮތުގައި މާލޭގެ ސްކޫލްތަކަށް 2،024 ދަރިވަރުން ވައްދަން ހުށަހަޅާފައިވާ ކަމަށެވެ. އަތޮޅުތަކުގެ ސްކޫލްތަކުގެ އެކަކަށް ވައްދަން ހުށަހެޅީ 39 ދަރިވަރެކެވެ.

ގްރޭޑް އެކެއްގެ ޖާގައަށް ހުށަހެޅި ގޮތް

- މާލެ ސަރަހައްދުގެ ސަރުކާރު ސްކޫލުތަކަށް: 2،024 ދަރިވަރުން

- އަތޮޅުތަކުގެ ސްކޫލުތަކަށް: 39 ދަރިވަރުން

- އިންޓަނޭޝަނަލް ސްކޫލުތަކަށް: 6 ދަރިވަރުން

- ޕްރައިވެޓް ސްކޫލުތަކަށް: 66 ދަރިވަރުން

ޕްރީ ސްކޫލެއްގެ ދަރިވަރުންތަކެއް ކުޅެނީ.-- ފޮޓޯ | މިހާރު

އެޑިއުކޭޝަން މިނިސްޓަރު ޑރ. އިސްމާއިލް ޝަފީއު ވިދާޅުވީ 2،135 ދަރިވަރުންނަކީ މިއަދުގެ ނިޔަލަށް ލިބިފައިވާ ފޯމުގެ އަދަދު ކަމަށެވެ.

މާލޭގެ ސްކޫލުތަކަށް ވެއްދުމުގެ ފުރުސަތު މިއަދުގެ ނިލަޔަށް ހަމަވާއިރު އަތޮޅު ތެރޭގައި ސްކޫލަށް ވައްދަން އެދި މި މަހުގެ 10ގެ ނިޔަލަށް ހުށަހެޅޭނެ ކަމަށް މިނިސްޓަރު ވިދާޅުވި އެވެ.

ގްރޭޑް އެކަކުން ކުރިން ޖާގަ ދެނީ އެ އަހަރެއްގެ ޖެނުއަރީ މަހުގެ އެއްވަނަ ދުވަހަށް ހަ އަހަރު ފުރި ހަތް އަހަރު ނުފުރޭ ދަރިވަރުންނަށެވެ. ނަމަވެސް ދިރާސީ އަހަރު އޮގަސްޓުގައި ފަށާ ގޮތަށް ބަދަލުކުރުމުން މިދިޔަ ދެ އަހަރު، ގްރޭޑް އެކަކަށް ވެއްދީ ޑިސެމްބަރުގެ ނިޔަލަށް ހަތް އަހަރު ފުރިފައިވާ ދަރިވަރުންނެވެ.

ދިރާސީ އާ އަހަރަށް މި ސަރުކާރުން ގެންނަން ނިންމާފައިވާ ބަދަލާ އެކު މިހާރު މި ހިނގާ 2024ގެ ދިރާސީ އަހަރު ނިމޭނީ އަންނަ ފެބްރުއަރީ މަހު އެވެ. ދެން އަންނަ 2025 ވަނަ ދިރާސީ އަހަރުގެ ކިޔެވުން ފަށާނީ އޭޕްރީލް ހަވަނަ ދުވަހެވެ.

އަމީނިއްޔާ ސްކޫލުގެ ދެ ދަރިވަރަކު ބެލެނިވެރިޔާއާ އެކު ސްކޫލަށް ދަނީ.-- ފޮޓޯ: މިހާރު

ދިރާސީ އަހަރު ސްކޫލަށް ކުދިން ވެއްދުމާއި އެއް ސްކޫލުން އަނެއް ސްކޫލަށް ދަރިވަރުން ބަދަލުކުރުމުގައި އަމަލުކުރާނެ ގޮތާ ގުޅޭގޮތުން ޖެނުއަރީގައި މިނިސްޓްރީން ނެރުނު ސާކިއުލާގައިވާ ގޮތުން ގްރޭޑް އެކަކަށް ވެއްދުމުގައި ބަލާނީ މި އަހަރުގެ ޑިސެމްބަރު 31 ގެ ނިޔަލަށް ހަ އަހަރު ފުރި ހަތް އަހަރު ނުފުރޭ ކުދިންނަށެވެ.

އެގޮތުން، 2024-2025 ދިރާސީ އަހަރު އެލްކޭޖީ ފުރިހަމަ ކޮށްފައިވާ ހުރިހާ ދަރިވަރުން 2025 ދިރާސީ އަހަރު [އޭޕްރިލް 6، 2025] ބަދަލުވާނީ ގްރޭޑް 1 އަށެވެ.

ތައުލީމް އެޑިއުކޭޝަން މިނިސްޓްރީ ޑރ. އިސްމާއިލް ޝަފީއު (އެޑިއުކޭޝަން މިނިސްޓަރު)

13 ކޮމެންޓް, 6 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އެކަލޯ 1

04 December 2024

މިއަހަރު މާލޭ ސޫކޫލްތަކުން އޯލެވެލް ހަދާ ނިމޭ ދަރިވަރުންގެ އަދަދު އޮތްނަމަ ވަރަށް ރަގަޅުވީސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަންރަހާ

03 December 2024

މިއީ މުޅިއަކު ދަރިންގެ ކިޔެވުމާ ގުޅިގެން ވާ ކަމެއް ނޫން. މިއީ ކަނބަލުން ބާރުވެރި ވުމުގެ ތެރެއިން ހިނގާ ކަމެއް! ދެން ދަރަންޏަށް ސައިކަލެއް ނަގައިގެން ހިޔާ ފުލެޓެއް ކުއްޔަށް ނެގީމާ، ބޭނުންވާ މިނިވަންކަން ލިބުނީ. އަދި ކޮބާ ފެމިލީ ކޯޓު ދޮރުމައްޗަށް އަރާފަ މަ ވަރިވާން ބޭނުމޭ ބުނާ އިރަށް ވެސް ވަރި ކޮށްދޭނެ. އެހާ ހިސާބުން ދެން އުޅޭނީ ދަރީގެ ޙަރަދު ހޯދުމުގަ. ކުލި ދައްކާނޭގޮތް މާބޮޑު އުނދަގުލަކާ ނުލާ ހަމަޖެހޭނެ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގުދުގުދާބެއްޔާ

03 December 2024

މިއީ އަހަރުމެން މާލޭ މީހުންނަށް އުފާވެރި ޚަބަރެއް! އެއީ އަހަރުމެންގެ ގެދޮރު ކުއްޔަށް ހިފާނެ ރަށްރަށުގެ މީހުން މިއޮއް އަންނަނީ! އޮނަރަބަލް އަފީފު ދީދީމެން ކޮންމެޓް ކޮއްލަ ކޮއްލާ ތިބޭ! ނައިސް ނުކެރޭނެ ކިތަންމެ ސުކޫލެއް ރަށުގައެޅިޔަސް! އަފީފު ދީދީ ދެން ލަލަލާ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދުއްލި

02 December 2024

39 އަތޮޅުތަކަށް؟ އެހެންވީމާ އަތޮޅުތަކަށް 2 ކިލާސްވެސް ހަމައެއްނުވެއެއްނު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތިނަދޫއުތުރު

02 December 2024

ތިނަދޫ އުތުރުމެމްބަރުވެސް ބޭނުންވަނީ މިގޮތް. ތިނަދޫ ސިޓީ ނަންބަދަލުކޮށް އަންނަން އޮތް ތަރައްގީ މާލެއަށް ބަދަލުކޮށް އެންމެން މާލެ ސަރަހައްދަށް ބަދަލުކުރުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހާނިމްދީދީ

03 December 2024

އާބާދީ މަދުތަންތަނަށް އާބާދީގެ ނިސްބަތުންދޭ ދަރަޖަ ދޭކަށް ނުޖެހޭ،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސައްސި

02 December 2024

އާދޭ ، އާދޭ . އެންމެން ރަށްތައް ފަޅުކޮއްފަ އައިސް މިތަން ފުރާލާ!!!!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

02 December 2024

މިހާލަތު ބަދަލުކޮށް މަތީގައި ދެންނެވި "ތަފާތު ކުރުން ނައްތާލާ" ދައުލަތުގެ ޙަޒާނާ ހަމައެކަނި ކ.އަތޮޅު މާލެއަށާއި އެރަށު ބިންވެރިންގެ މައްޗަށް ތަޅާ ހުސްކުރުން ހުއްޓުވާން ބޭނުންނަމަ މަޖިލީހުގައިތިބި އަހަރުމެންގެ މެންބަރުން ޖެހެނީ ތިލަދުންމަތިން ފާދިއްޕޮޅަށް ނޯތު، ކ.އަތޮޅުން (މާލެ ހިމަނައި) ދާލަށް ސެންޓްރަލް އަދި ކޮޅުމަޑުލުން އައްޑުއަށް ސަދާން ރީޖަން ކަމުގައި ކަޑައަޅާ ރީޖަންތަކުގެ މައްޗަށް ރާއްޖެ ހިންގާ ވެލްތް ޑިސްޓްރިބިއުޓް ކުރެވޭނެ އުސޫލެއް ހަދަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގުދުގުދާބެއްޔާ

03 December 2024

ކަލެއަށް ފެނޭތަ! އަނެއްކާ އަނެއްޖީލު މިއޮއް އަންނަނީ އަހަރުމެން މާލޭ މީހުންގެ ގެދޮރު ކުއްޔަށް ހިފަން! ދެން ތިޔަހެން ކޮމެންޓް ކޮއްލަކޮއްލާތިބޭ! ކުލި ކޮންޓްރޯލް އެއްވެސް ނުކުރެވޭނެ! ހަމަކުއްޔަށް ހިފަން ޖެހޭނީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޯކޭތޯ

02 December 2024

ކޮވިޑް ތެރޭގައި ޕްރީސްކޫލްގައި ތިބި ބައެއް ކުދިން (ޖެނުއަރީ-އޮގަސްޓަށް އުފަންދުވަސް އަންނަ ކުދިން) އެއް ގްރޭޑް ނުނިންމައި އަނެއް ގްރޭޑަށް ބަދަލުކުރި.. މިހެންވާނަމަ އެކުދިންނާ އެއް އުމުރުގެ ދެންތިބި ކުދިންނަށް (އޮގަސްޓް- ޑިސެންބަރަށް އުފަންދުވަސް އަންނަ ކުދިންނަށް) މިދައްކަނީ ގެއްލުން ނޫންބާ؟ ހަމަހަމަކޮށް ކަންކަން ހަމަޖައްސަވާ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެޑްމުންޑޯ

02 December 2024

ހާދަހިތާމަވެރި ޚަބަރަކޭ މިބަލާލެވުނީ ، އަތޮޅުތެރޭ ސްކޫލްތަކަށް އެންމެ 39 ކުދިން ، ހީވާގޮތުން އަތޮޅުތެރެ ވަޅުވާކަށް ދެން މާގިނަ އަހަރުތަކެއްނުނަގާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބަލް ދަލޭކަ ގޯތި މުދިންބެ

02 December 2024

ލާމަރުކަޒީ އުސޫލެއް އަދި ގާ ރަށުކައުންސިލް ތަކުގެ ބޭނުމެއް ވެސް ނުހިފޭ. ގުރޭޑް 1 ގައި ކިޔަވާ ދަރިވަރުން ރަށުގެ އަރާމު ވެށި ދޫކޮށް ކުލީ ކޮޓަރިގަޑަކަށް ކިޔަވަން މާލެ އަންނަން ޖެހޭ ސަބަބަު އެޑިއުކޭޝަން މިނިސްޓްރީން ބަލަން ޖެހޭނެ. 2،024 ދަރިވަރުން މާލޭ ސަރަހައްދު ސްކޫލްތަކަށް ވައްދާއިރު މުޅި ރާއްޖޭ އަތޮޅުތަކުގެ ސްކޫލްތަކުގެ އެކަކަށް ވައްދަން ހުށަހެޅީ އެންމެ 39 ދަރިވަރުން.