ލޯކަލް މާރުކޭޓު ސަރަހައްދުގައި އިމިގްރޭޝަންގެ ބޮޑު އޮޕަރޭޝަނެއް؛ 23 ބިދޭސީއަކު އަތުލައިގެންފި

ލޯކަލް މާރުކޭޓު ސަހަރައްދުގައި އިމިގްރޭޝަނުން މިއަދު ކުރިއަށް ގެންދިޔަ ރެއިޑުގެ ތެރެއިން --

24 ޑިސެމްބަރ 2024 - 21:04

ބިދޭސީންގެ ބޮޑު ކޮންޓްރޯލެއް އޮންނަ ލޯކަލް މާރުކޭޓު ސަރަހައްދުގައި އިމިގްރޭޝަނުން ހިންގި އޮޕަރޭޝަނެއްގައި ގަވައިދާ ހިލާފަށް އުޅެމުން ދިޔަ 23 ބިދޭސީއަކު އަތުލައިގެންފި އެވެ.

އިމިގްރޭޝަނުން ބުނީ ލޯކަލް މާރުކޭޓު ސަރަހައްދުގައި މިއަދު ފަތިހުން ފެށިގެން މެންދުރާ ހަމައަށް ކުރިއަށް ގެންދިޔަ މި ރެއިޑުގައި އެ ސަރަހައްދުގައި އަޅާފައިވާ އުޅަނދުފަހަރާއި، ލަފާފުރާ އުޅަނދުތައް ވެސް ބަލާފައިވާ ކަމަށެވެ.

މި ރެއިޑުގައި ޖުމްލަ 248 ބިދޭސީއަކު ބަލައި ފާސްކޮށް، ގަވައިދާ ހިލާފަށް އުޅޭ 22 ބިދޭސީ ފިރިހެނުންނާއި އެއް ބިދޭސީ އަންހެނަކު އިމިގްރޭޝަންގެ ބެލުމުގެ ދަށަށް ގެންގޮސްފައިވާ ކަމަށެވެ.

ހޯމް މިނިސްޓަރު އަލީ އިހުސާން މިދިޔަ މަހު ވިދާޅުވެފައި ވަނީ ރާއްޖޭގައި ގަވައިދާ ހިލާފަށް އުޅެމުން ދިޔަ ބިދޭސީންގެ ތެރެއިން 5،000 އެއްހާ މީހުން މިދިޔަ އެއް އަހަރު ތެރޭ ޑީޕޯޓު ކޮށްފައިވާ ކަމަށެވެ.

އިމިގްރޭޝަން ވޮޗް އަށް ލިބިފައިވާ މައުލޫމާތަކާއި ގުޅިގެން ޓާސްކުފޯހުން ވަނީ ބިދޭސީންގެ ބޮޑު ކޮންޓްރޯލެއް އޮންނަކަމަށް މައުލޫމާތު ލިބިފައިވާ މާލޭގެ ލޯކަލް މާރުކޭޓު ސަރަހައްދުގައި މިއަދު ފަތިހުން ފެށިގެން މެންދުރާއި ހަމައަށް ބޮޑު ރެއިޑު އޮޕަރޭޝަނެއް ކުރިއަށް ގެންގޮސްފައި. މި ރެއިޑު… pic.twitter.com/4QdkRxamuK
— Maldives Immigration (@ImmigrationMV) December 24, 2024

ފުރުވާލާފައިވާ ބިދޭސީންގެ ތެރޭގައި ގަވާއިދާ ހިލާފަށް، ސައްހަ ވިސާއެއް ނެތި ރާއްޖޭގައި އުޅެމުންދާ ބިދޭސީންނާއި އެކިއެކި ކުށްތަކަށް އަރައިގެންފައިވާ ބިދޭސީން ހިމެނެ އެވެ. އޭގެ ތެރޭގައި ވައްކަމާއި މަސްތުވާތަކެތީގެ މައްސަލަ އާއި ހަށި ވިއްކުމުގެ ވިޔަފާރީގައި ޝާމިލުވާ ބިދޭސީން އެ އޮޕަރޭޝަނުގައި ޑީޕޯޓް ކޮށްފައިވެ އެވެ.

ރާއްޖޭގައި ގަވާއިދާ ހިލާފަށް އުޅޭ ބިދޭސީންގެ މައްސަލަ ހައްލުކުރުމަށް، ރައީސް ޑރ. މުހައްމަދު މުއިއްޒުގެ އިސްނެންގެވުމަށް ކުރަމުން އަންނަ މަސައްކަތުގެ ތެރެއިން، ބިދޭސީން ދިރިއުޅޭ ތަންތަންނާއި މަސައްކަތްކުރާ ތަންތަން ވެސް އިމިގްރޭޝަނުން އަނަނީ ބަލައި ފާސްކުރަމުންނެވެ.

ގަވާއިދާ ހިލާފަށް އުޅޭ ބިދޭސީން އިމިގްރޭޝަން މޯލްޑިވްސް އިމިގްރޭޝަން މާރުކޭޓް ސަރަހައްދު

27 ކޮމެންޓް, 11 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހަމިއްޓޭ 4

25 December 2024

މުޅި މާލޭގަ އެމީހުންގެ ކުދިކުދި ވިޔަފާރި މިހާރު. ބަލަ ދުވާލަކަށް 300 އެއްހާ މީހުން އަތުލެވޭނެ މިކަމާ އުޅެފިއްޔާ؟ ނޫސްތަކަށް ހެޑްލައިނެއް ދޭންތަ މިއުޅެނީ ފަހެ؟ އަލިކިލިގެފާނުމަގުގަ އެކަނި ޖެހިޖެހިގެން 3 ތަން. މިނޫން މަގެއް ނެތް؟ އެއްޗެކޭ ނުބުނެވޭތޯ ބަލަނީ އެކަމކު ދުލުގަ ހިފާ ދަމަނީވިއްޔަ. ސޮރީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަންނި1

25 December 2024

މިހާރު އޮންނާނީ ތި 24 މީހުންގެ ބަދަލުގަ 24 ކޯޓާ ވިއްކާފަ،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

25 December 2024

މިއަދު ހެނދުނު ދިޔަ އިރު ގޮޅި ތަކުގަ ދިވެއްސެއްނެތި ބިދޭސީން ގިނަ އިން ހުއްޓެވެ. ނުހުއްޓުވެ އެވެ . އެސަރަހއްދު ބެލީ އެވެ. ގޮޅި ތަކެއް ނުބެލެ އެވެ . ގޮޅިން ދުވާލަކު 5 ހާސް ޖީބަށް ލާ ބިދޭސީން އެބައުޅެ އެވެ . މަހަކު އެތައް ހާސް ޑޮލަރެއް ވަގަށް އެބަ ބޭރު ކިރެ އެވެ . ވިޔަފާރި ވެރީންނަށް ގެއްލުން ވެ އެވެ. ސިވިލް ސާވިސް އަދި ފުލުހުންގެ މަދު ބަޔަކު މަހަކު ކުޑަ އެއްޗެއް ލިބޭ ގޮތަށް ވިޔަ ފާރި ތައް ބިދޭސީންނާ ހަވާލު ކޮށްފަ އޮފީހުގަ އެވެ .'

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރާވެރިބެ

25 December 2024

މި ސަރުކާރުން ރަގަޅަށް ކުރާ ކަމެއްގަ ގޮތުން އިމިގްރޭޝަންގެ މި އޮޕަރޭޝަންތަށް ފާހަގަ ކުރެވޭ. ގަވާއިދާ ޚިލާފަށް އުޅޭ ބިދޭސީން ހޯދުމާ ޑިޕޯޓު ކުރުމުގެ ކަންތަށް ދަނީ ރަގަޅަށް.