ވިޔަފާރި / ޓޫރިޒަމް އެންޑް އެންވަޔަރަންމަންޓް މިނިސްޓްރީ

ފުރަތަމަ ދެ ހަފުތާގައި 90،000 ޓޫރިސްޓުން، 70 ޕަސެންޓު ރިސޯޓުތަކަށް

އެއާޕޯޓުގައި ޓޫރިސްޓުންތަކެއް. މިއަހަރުގެ މިހާތަނަށް ވަނީ 90،000 ޓޫރިސްޓުން އައިސްފަ އެވެ.

ފާތިމަތު ޝަނާ މުހައްމަދު، މިހާރު

16 ޖެނުއަރީ 2025 - 10:00

12 comments

މި އަހަރުގެ ފުރަތަމަ ދެ ހަފުތާގައި ރާއްޖެއަށް 90،000 ޓޫރިސްޓުން އަތުވެއްޖެ އެވެ.

ޓޫރިޒަމް މިނިސްޓްރީގެ ތަފާސްހިސާބުތަކުން ދައްކާ ގޮތުން މިއަހަރުގެ މިހާތަނަށް އައި ޓޫރިސްޓުންގެ ތެރެއިން 70 ޕަސެންޓު ޓޫރިސްޓުން ދިޔައީ ރިސޯޓުތަކަށެވެ. އެއީ 63،400 ޓޫރިސްޓުންނެވެ. އަދި ހޮޓާތަކާއި ގެސްޓްހައުސްތަކަށް އައީ 25،000 ޓޫރިސްޓުންނެވެ. އެއީ ރާއްޖެއަށް އައި ޖުމްލަ ޓޫރިސްޓުންގެ 28 ޕަސެންޓެވެ. ސަފާރީތަކަށް އެ މުއްދަތުގައި އައީ 2،200 ޓޫރިސްޓުންނެވެ.

އެންމެ ގިނަ ޓޫރިސްޓުން ރިސޯޓުތަކަށް އައި އިރު ރާއްޖޭގެ ބެޑް ކެޕޭސިޓީގެ 69 ޕަސެންޓު ނިސްބަތްވަނީ ވެސް ރިސޯޓުތަކަށެވެ. ރާއްޖޭގައި ޓޫރިޒަމް ހިދުމަތްދޭ 61،000 އެނދު ހުރި އިރު އޭގެ ތެރެއިން 42،000 އަކީ ރިސޯޓުތަކުގައި ހުރި އެނދުގެ އަދަދެވެ.

ގެސްޓްހައުސްތަކުގެ އެނދުގެ އަދަދު އުޅެނީ 13،000 ގަ އެވެ. އެއީ ޖުމްލަ ބެޑް ކެޕޭސިޓީގެ 22 ޕަސެންޓެވެ.

މިއަހަރުގެ މިހާތަނަށް ރާއްޖެއަށް 90،000 ޓޫރިސްޓުން އައި އިރު އެއީ މިދިޔަ އަހަރުގެ އެ މުއްދަތަށް ވުރެ އަށް ޕަސެންޓުގެ ކުރިއެރުމެކެވެ. މިދިޔަ އަހަރުގެ މި މުއްދަތުގައި ރާއްޖެއަށް އައީ 83،000 ޓޫރިސްޓުންނެވެ.

ޑިސެމްބަރު/ޖެނުއަރީގައި ރާއްޖެއަށް އެންމެ ގިނަ ޓޫރިސްޓުން އަންނަނީ ޔޫރަޕްގެ ގައުމުތަކުންނެވެ. އެންމެ ގިނަ ޓޫރިސްޓުން އައީ ރަޝިއާ އިންނެވެ. ދެވަނަ އަށް އެންމެ ގިނަ ޓޫރިސްޓުން އައީ އިޓަލީންނެވެ. އަދި ތިން ވަނައަށް އެންމެ ގިނަ ޓޫރިސްޓުން އައީ އިނގިރޭސިވިލާތުންނެވެ. މިދިޔަ އަހަރު އެއްވަނައިގައި އޮތް ޗައިނާ އޮތީ ހަތަރުވަނައިގަ އެވެ.

ސަރުކާރުގެ އަމާޒަކީ މިއަހަރު 2.2 މިލިއަން ޓޫރިސްޓުން ގެނައުމެވެ.

ޓޫރިސްޓުން ޓޫރިޒަމް ޓޫރިޒަމް އެންޑް އެންވަޔަރަންމަންޓް މިނިސްޓްރީ

12 ކޮމެންޓް, 7 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ނުރަށްކާ

16 January 2025

މީވަރަށް ނުރައްކާތެރި ވާހަކަޔެއް.. 30% މީހުން މިހާރު މި ނަގަނީ އަގުހެކޮ ޗީޕް ޓޫރުޒަމް އިން މޯލްޑިވްސް.. މީގެއިން ރާއްޖެޔަށް ލިބެންވާ ޓެކުސް ކުޑަވޭ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

‫މަޣްރިބު

16 January 2025

‫ކޮބާ ޓުއަރިޒްމް ބާނީންތައް ކަޅުބާޒާތުގަ ވިއްކާނެ ޑޮލަރު އެބަލިބޭތާ. ތިރިސޯޓްތަކުގަ މަސައްކަތްކުރާ މަދު މީސްކޮޅުވެސް ޑޮލަރުން މުސާރަނަގައިގެން އަހަރަމެނަށް ވިއްކަން ލައްކަ ޑޮލަރު އޮންނާނެތާ. ސަރުކާރުން އެބުނި 500 ޑޮލަރު ބަހަނާ ނުދައްކާ ބެންކަށް މާރުކޮއްލަދޭތި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޓަކާން

16 January 2025

މުހިއްމީ ނަންބަރުތަކެއްނޫން. މުހިއްމީ އެންމެނަށް މިކަމުގެ ފައިދާ ބެހިގެންދިއުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގޮއްޔެ

16 January 2025

މިހުރިހާ އެންމެން ވަދެ ނުކުންނަަންހުރި ގޭޓާމެދު މިޤައުމުގެ ވެރިން ލަދުވެތިވާނީ ކޮންދުވަހަކުންބާއޭ ހިތަށްއަރާ. އިންޓަރނޭޝަނަލް ލެވެލްގައި މިހާ ފެންވަރު ދަށް ނިކަމެތި އެއަރޕޯޓެއް މިހާރު މިދުނިޔޭގައި އޮންނާނެހެން ހީނުވޭ. ފުރާމީހުންނާއި އަންނަމީހުންގެ އަތުން ފާޑުފާޑުގެ ޓެކްސްތައްނަގާ މިލިޔަނުން ޑޮލަރުވަންނަ ހުޅުލޭ އެއަރޕޯޓާމެދު އަހަރެން ލަދުގަނޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބެންކުން

16 January 2025

ޑޮލަރ އަދިވެސް 19.40 ގަ،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަހެރުވައް

16 January 2025

ބެންކުތަކަށް 2 ހަފްތާތެރޭ 45 މިލިއަން ޑޮލަރު ތިވަނީ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒަވިޔަނި

16 January 2025

މިވަރުންވެސް މިއުޅޭ މަހުޖަނުން އުޅޭނެ ޑޮލަރު މާރުކުރަން ޖެހިދާނެތީ ކަންބޮޑުވެގެން. ބަލަ ދަރާ ވިކިފަ އޮތް ގައުމުގެ ލޯނުތަކަށް ބޭނުން ކުރާށޭ އެއިން ޚަރަދު ކުރަން އުޅެނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

16 January 2025

ރަނގަޅު ލިއުމެއް. ރިސޯޓް ސައުދާޤަރުން މިފަދަ ހިސާބުތައް އޮޅުވާލައިގެން ވާހަކަ ދައްކާއިރު އަހަރުމެންގެ ތެރެއިން ގިނަދިވެހިންނަކީ ލިބެންހުރި ވަސީލަތްތަކުގެ އެހީގައި ތަފާތު ހިސާބު ހޯދައިގެން ވާހަކަ ދައްކާ ބަޔަކަށް ނުވާތީ މަޙުޖަނުން އޭގެ ފައިދާ ނަގާ. އެހެންކަމުން އަދި މިއަށްވުރެންވެސް ބޮޑަށް މިއަދަދުތައް ދެނެގަތުމަށާއި، ލިބޭ އާމްދަނީވެސް ވަޒަން ކުރުމަށްޓަކާ ރާއްޖެ އަންނަމީހާ ހުންނަ ހޮޓެލަށް ފާއިސާދެއްކި ބުކިންގ އިމިޤްރޭޝަނަށް ހުށަހަޅަން ކަޑައަޅުއްވާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

16 January 2025

ފަތުރުވެރިކަމުގެ ސިނާއަތުން ރާއްޖެއަށް އަހަރަކު 60-40 ބިލިޔަން ޑޮލަރާއި ދެމެދުގެ އާމްދަނީ ލިބޭކަމަށް ބައިނަލްއަޤުވާމީ މާލީ އިދާރާތަކުން ބުނާއިރު ރިސޯޓް ތަކުން ހުށަހަޅާ ހިސާބުތަކުން މިއަދަދު 15 ބިލިޔަނަށްވެސް ނާރާ؟! މިކަމުގެ ޙަޤީގަތް ދެނެގަތުމަށްޓަކާ ޑިޕްލޯމަޓިކް އިނާޔަތްލިބޭ ފަރާތްތައްފިޔަވާ ރާއްޖެއަންނަ އެންމެން ހޮޓަލަށް ފައިސާދެއްކި ޕޭމަންޓް ރިސިޕްޓް ހުށަހަޅައި Electronic Travel Authorization ނަގާންޖެހޭގޮތަށް އިމިޤްރޭޝަން ޤަވާއިދު އިސްލާޙްކުރޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވިލް

16 January 2025

ގައިމު ސައުދާގަރުން ބުނީ ރިސޯޓްތަކަށް އަންނާނެ މީހަކު ނުވާޅޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

99090909

16 January 2025

ގެސްޓްހައުސްތައް މީހުްނ ނޫޅޭ ރަށްތަކަށް ބަދަލުކުރަންވި. ނޫނީ ރިސޯޓް ފަޅިކުރަންވީ. ގެސްޓްހައުސް ހުއްޓާލާ. ރާއްޖެއަކީ އަގުބޮޑު ތަނެއް. ވަކިލާރިކޮޅަކަށް މިތަނަށް ނުވަދެވޭނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕިންކީބަނާނާ

16 January 2025

ކަލޭ އެކަނި މި ގައުމުގަ ވިޔަފާރި ކުރަންވީ އެންނު، އޭރުން އަދި މާ ރަގަޅު ވާނެހެން ހީވޭ، އާދައިގެ މީހަކަށް ބައި ރުފިޔާ އެއް ލިބެން އޮތަސް އެޔަށް ހުރަސްއެޅޭތޯ ބަލާތި.