ޑްރަގު އެެތެރެކުރި މީހަކު 12 އަހަރަށް ޖަލަށްލައި، 50،000ރ. އިން ޖޫރިމަނާކޮށްފި

ކްރިމިނަލް ކޯޓު: މީގެ ދެ އަހަރުކުރިން ރާއްޖެއަށް ޑްރަގު އެތެރެކުރި މީހަކު 12 އަހަރަށް ޖަލަށް ލުމަށް ވަނީ ހުކުމްކޮށްފައި.-- ފޮޓޯ: ނިޝާން އަލީ | މިހާރު

މާއިދާ މުހައްމަދު ރަޝާދު، މިހާރު

03 މާޗް 2025 - 14:16

6 comments

ރާއްޖެއަށް ކިލޯއެއްހާ ޑްރަގް އެތެރެކުރި ދިވެއްސަކު 12 އަހަރަށް ޖަލަށްލައި، 50،000ރ. އިން ޖޫރިމަނާކުރަން ކްރިމިނަލް ކޯޓުން ހުކުމްކޮށްފި އެވެ.

ކްރިމިނަލް ކޯޓުން މިދިޔަ ހަފުތާގައި ހުކުމްކުރީ ބުނީ ޖުލައި، 2023 ގައި ވައިގެމަގުން ރާއްޖެއަށް ޑްރަގް އެތެރެކުރި މީހެއްގެ މައްޗަށެވެ. އޭނާ ގެނައި ކަރުދާސް ފޮށިގަނޑެއް ބަލައި ފާސްކުރިއިރު އެ ފޮށިގަނޑުގައި އޮތް ފުޅިއެއްގެ ތެރެއިން 480.8 ގްރާމުގެ ކެނެބިސް އާއި އިތުރު ފުޅިއެއްގެ ތެރެއިން 481.9 ގްރާމު ކެނެބިސް ފެނިފައިވެ އެވެ.

އެ ކުށުގެ އަސްލު އަދަބަކީ އުމުރަށް ޖަލަށްލުމާއެކު އެއް ލައްކަ ރުފިޔާއިން ޖޫރިމަނާ ކުރުން ކަމަށް ވިޔަސް، އޭނާގެ މައްޗަށް ކްރިމިނަލް ކޯޓުން ހުކުމްކުރީ 12 އަހަރާއި ހަ މަސް ދުވަހުގެ މުއްދަތަކަށް ޖަލަށްލުމާ އެކު 50،000ރ. އިން ޖޫރިމަނާ ކުރުމަށެވެ.

އެގޮތަށް ހުކުމްކުރީ ދައުލަތާއި އެ މީހާއާ ދެމެދު ހެދި އިއުތިރާފްގެ އެއްބަސްވުމުގެ ދަށުން، އޭނާ ކުށަށް އިއުތިރާފްވުމުންނެވެ.

އޭނާ 12 އަހަރަށް ޖަލަށްލިޔަސް، ތަހުގީގާއި ޝަރީއަތުގެ މަރުހަލާގައި އެއް އަހަރާއި ހަތް މަސް ދުވަހު ބަންދުގައި ހޭދަކޮށްފައިވާތީ އެ މުއްދަތު ހުކުމުން މުއްދަތުން އުނިކުރުމުން އޭނާ ޖަލުގައި ހޭދަކުރާނީ 10 އަހަރާއި 11 މަސް ދުވަހުުގެ ޖަލު ހުކުމެކެވެ.

ޖޫރިމަނާ އަދަބެއްގެ ގޮތުގައި ކަނޑައެޅި 50،000ރ. ދައުލަތަށް އެއް އަހަރު ތެރޭގައި ދެއްކުމަށް ހުކުމުގައި އަންގާފައިވެ އެވެ.

ކްރިމިނަލް ކޯޓް މަސްތުވާތަކެތި ޑްރަގް ޓްރެފިކްކުރުން

6 ކޮމެންޓް, 2 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބަކުރު2

04 March 2025

ދެ އަހަރު ފަހުން ދޫކޮށްލުމުން އަނެއް 7 އަހަރު މަސްތުވާތަކެތި ވިއްކުމުގެ މަސައްކަތުގައި އުޅުމަށްފަހު ފުލުހުން އަތުލައިގަތީމަ އަނެއްކާ 25 އަހަރަށް ޖަހާފަ ފަސް އަހަރު ފަހުން ދޫކޮށްލުމުން 13 އަހަރު މަސްތުވާތަކެތި ވިއްކުމުގައި އުޅުނު މީހަކު ދަންނަން. މާތްﷲ ހެޔޮ ވިސްނުން ދެއްވާށި!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަރުކާރާއިއެކު

04 March 2025

ގާނޫނުން އުމުރުދުވަހުގެ ހުކުމެއްއައްނަ ކުށެއްކުރި މީހާއެކު ދައުލަތުން އެގްރީމެންޓެއްހަދައި އެމީހާގެ ވަނަވަރު ފޮރުވާފަ އަދި ކުށުގެ އަދަބު %50 ލުއިކުރުމަކީ އިންސާފު ކަމަށްވަނަމަ، ފަލަސްތީނަށް ވެރިވެގެންތިބި ޔަހޫދިންވެސް ކަންތައްކުރަމުން އެދަނީ އަދުލުއިންސާފުންނެވެ. ދިވެހި ދައުލަތާއި އަދުލުއިންސާފުގެ އިދާރާތަކައި ކުއްވެރިންނާއި ވަގުން އެއްގަލަކަށް އެރުމަކީ ދިވެހިރާއްޖޭގެ މުސްތަގުބަލަށް ހާދަ ނުރައްތެރި ކަމެކޭ ދޯ..!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑު ސިއްރެއް-ލިއުނީ ކީއްކުރަން

04 March 2025

ކޮންމެވެސް ޤައުމެއްގައި ކޮންމެވެސް މީހަކު ކޮންމެވެސް ކުށެއްކޮށްގެން ކޮންމެވެސް އަދަބެއް ލބިއްޖެ މިގޮތަށް ލިއުނުނަމަވެސް އޯ.ކޭ. މަޢުލޫމާތު ހާމަ ނުކުރެވެންނާ ނުލިއަންވީނުން-ތަފާތު ކުރަނީ ކީއްވެ