ހާފިޒުން ދަސްވެނިވުމަށް ފުރަތަމަ ފަހަރަށް ހާއްސަ ހަފުލާއެއް

ހާފިޒުކަމުގެ ތާޖު ލިބުނު ކުއްޖެއްގެ ބޮލުގައި ރައީސް ޑރ. މުހައްމަދު މުއިއްޒު ތާޖު އަޅުއްވައިދެއްވަނީ --- ފޮޓޯ: ރައީސް އޮފީސް

ފާތިމަތު އަޖްފާން، މިހާރު

09 މާޗް 2025 - 20:43

16 comments

ހާފިޒުން ދަސްވެނިވުމަށް ބާއްވާ ފުރަތަމަ ހަފުލާ މި ރޯދަމަހު ބޭއްވުމަށް އިސްލާމިކް މިނިސްޓްރީން ނިންމައިފި އެވެ.

މީގެ ކުރީން ހާފިޒު ކަމުގެ ތާޖު ހަވާލު ކުރަނީ ގުރުއާން ކިޔެވުމުގެ ގައުމީ މުބާރާތުގެ ނަތީޖާ ފާޅުކުރުމުގެ ޖަލްސާ ނުވަތަ ގައުމީ ދުވަހާއި ޖުމްހޫރީ ދުވަހުގެ މުނާސަބަތުގައި ބާއްވާ ޖަލްސާގެ ތެރޭގަ އެވެ. އެކަމަށް ހާއްސަ ޖަލްސާއެއް ނުބާއްވަ އެވެ.

ނަމަވެސް ހާފިޒުކަމުގެ ތާޖު ދޭ ހަފުލާ އަކީ ވަކިން ބާއްވާ ގައުމީ ފެންވަރުގެ ބޮޑު ހަފުލާއަކަށް ހައްދަވާނެ ކަމަށް އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު މިދިޔަ އަހަރު ވަނީ ވިދާޅުވެފައި އެވެ.

ހާފިޒުކަމުގެ ތާޖު ލިބުނު މީހަކަށް ރައީސް ޑރ، މުހައްމަދު މުއިއްޒު، ތާޖު ހަވާލުކޮށްދެއްވަނީ--- ފޮޓޯ: ރައީސް އޮފީސް

މީޑިއާތަކަށް ފޮނުވި މެސެޖެއްގައި މިނިސްޓަރު މިއަދު ވިދާޅުވީ، ހާފިޒުން ދަސްވެނިވުމަށް ބާއްވާ ފުރަތަމަ ހަފުލާ މި މަހުގެ 27 ވިލޭރޭ ބާއްވާ ގޮތައް ނިންމާފައިވާ ކަމަށެވެ.

އެއީ ރާއްޖޭގައި އެކަމަށް ހާއްސަކޮށް ބާއްވާ ފުރަތަމަ ހަފުލާކަން ފާހަގަ ކުރައްވަމުން ޝަހީމް ވިދާޅުވީ އެ ހަފުލާގައި 20-25 އާ ދެމެދު އަދަދެއްގެ ހާފިޒުން ދަސްވެނިވާނެ ކަމަށެވެ.

މިނިސްޓަރު މީގެ ކުރިން ވަނީ ހާފިޒުން ދަސްވެނިވާ ހަފުލާ ކުލަގަދަކޮށް، ގައުމީ ފެންވަރުގައި ބޭއްވުމުގެ މުހިއްމު ކަން ފާހަގަކުރައްވައިފަ އެވެ.

Haafiz in ge dhasvenivun bodu haflaa ehge gothugai bavvanee

The most trusted news source in the Maldives

Mihaaru

"ސަބަބަކީ މި މުބާރާތުގެ ތެރެއިން، ގުރުއާން ހިތުދަސްކުރާ ކުދިންނަށް އިނާމު ދިނުން ހިމެނިފައި އޮންނަނީ ޒަމާނުންސުރެ އޮތް ގޮތެއް އެއީ. އެއީ ވަރަށް މަދުން އަހަރަކު ކުދިން ދަސްކުރާތީވެ. އެކަމަކު މިހާރު 30 އަށް ވުރެ މައްޗަށް އެބަދޭ. އެހެންވީމާ މި ދެ ހަފުލާ އެއްކޮށްގެން ގެންދިއުމަކީ އެއްވެސް ހަރަކާތަކަށް ދޭން ޖެހޭ ހައްގު ގަދަރު ނުދެވި ދާ ކަމެއް،" އޭނާ ވިދާޅުވި އެވެ.

އިސްލާމިކް މިނިސްޓްރީ ޤުރުއާން ޑރ. މުހައްމަދު ޝަހީމް އަލީ ސައީދު (މިނިސްޓަރު)

16 ކޮމެންޓް, 6 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކިނާ

10 March 2025

ސަލްމާން މިސްކިތުގާ މީހުން މަދުވަނީ މާދިގުކޮށް ކިޔަވާތީ. ތަރާވީސް ނިމެނީ 9.45ގައި. އިޙްޔާ އޮންނަރޭރޭވެސް އަވަހެއ ނުވޭ. އެކަމު އެ ޕްރޮގްރާމްގަިއ ބައިވެރިވާށޭ ކިޔާފައި އިސްތިހާރު ކުރާނެ މިސްކިތުގައި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މައްކުބޭ

10 March 2025

އަމިއްލަ ފަރާތްތަކުން ޤުރުއާން އުނގެނުމާ ހިތުދަސްލުރުން ފަދަ ކަންކަމަކީ އެމީހެއްގެ އުހުރަވީ ހަޔާތަށްކުރެވޭ ވަރަށް ރަގަޅު މަަަަަސައްކަތެއް، މިކަން ސިޔާސީކޮށް ހިތުދަސްކުރާ ފަރާތްތަކަށް މަހު މުސާރަ ދިނުމަކީ ޓެކްސް ފައިސާ ރަގަޅުގޮތުގަ ބޭނުންކުރުންކަމަކަށް ނުވާނެ، މީގެ ބަދަލުގައި ޤުރުއާން އުނގަންނައިދޭ ފަރާތްތަކަށް އެލަވަންސެއް ދިނުން މާ ރަގަޅު، ޤުރުއާން ހިތުދަސްކުރުމުން އެއްފަހަރާ ދެވޭ ރަނގަޅުވަރެއްގެ އިނާމެއް ދިނުން މާ ރަގަޅު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަރީރު

10 March 2025

މައްކުބޭގެ ކޮމެންޓަށް %100 ތާއީދު. މިނިސްޓަރު ބައްލަވާނެ ކަމަށް ހީކުރަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަރީނާ

10 March 2025

27 ވިލޭރޭ ގަ ކޮންމެ މީހަކުވެސް ބޭނުންވާނެ އަޅުކަން ކުރަން. އަޅުކަން ދޫކޮށްފަ ތި މުނާސަބަތަށް ދާން މީހުންނަށް މަޖުބޫރު ވާ ފަދަ ގޮތަކަށް ތިކަން ތިކުރަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަރީނާގެ ބަފާގެ ބޭބެގެ ވައިފް

10 March 2025

މާތްﷲ ގެ ރުހިވޮޑިގަތުން ލިބުމަށް އެދި ކުރެވޭ މުންކަރާތަކަށް ނުހިމެނޭ ކޮންމެކަމެއް ހިމެނިގެންދަނީ އަޅުކަމުގެތެރެއިންކަން ކަރީނާއަށް ނޭނގުން އެއީ ކަމުގެ އަސްލު ކަރީނާއަށް ނޭނގޭކަމުގެ ހެއްކެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިހާލުގަ

09 March 2025

ދީނާ ގައުމިއްޔަތަކީ މީސްތަކުން "ބޯކާލަން" ކުޅޭ ސިޔާސީ ކުޅިއެކެވެ. ތިޔަ މަޅީގަ ވަރަށް ގިނަ ބަޔަކު ޖެހޭނެއެވެ. ބެދޭ މަޅިއެއް ނުފެންނާނޭ ބުނާ އުސޫލުންނެވެ. ވިސްނޭއިރު އޮންނާނީ ވާނެއެތި ވެފައެވެ. އެކަމަކު މުއުމިނެއްގެ ގަޔަށަ އެއްހަރަކުން ދެކަށްޓެއް ނުޖެހޭނޭ ބުނެއުޅެއެވެ. މިތިބީ އެއްކަށި ހެރިފައެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮލަމާހުއްޓާ

09 March 2025

ހެޔޮނުވާނެ މިގައުމުގަ ތަރައްގީގެ މަސައްކަތެއް ފެއްޓޭނެ ދުވަހެއް ބުނެދީބަލަ. މުޅިންވެސް މިބާވަތުގެ ސުރުޚީތައް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތަރައްޤީ އަކީ އިމާރާތްތަ

10 March 2025

ތަރައްޤީ އަކީ އިމާރާތްތަ؟ އިންސާނީ ވަސީލަތް ކުރިއެރުން ނުވޭތަ ތަރައްގީގެ ބަޔަކަށް. އެހާ ރީންދޫކޮށް ނުވިސްނަބަލަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަފްރާސިޔާބު

09 March 2025

ޕްރޮޖެކްޓެއްގެ ނިމުމުގެ ރަސްމިޔާތުގައި ރައީސް ބައިވެރިވެ ވަޑައިގެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަޞޭޙަތް

09 March 2025

މިރޭގެ ސަލްމާން މިސްކިތުގެ ތަރާވީސް ފެށި އިރު ފުރިހަމަ 14 ސަފު އޮވެފައި، 6ރަކުއަތް ކޮށްނިމިގެން ބަލާލިއިރު މިސްކިތުގައި 3ސަފު ވެސް ހަމަނުވޭ. ޒުވާން ކުދިންނަށް ފުރުސަތު ދިނަސް ރަނގަޅަށް ކިޔަވާ އަދި ބަޔަކަށް އަޑުއަހަން ތިބެވޭ ފަދައިންކިޔަވާ ކުދިންލައްވާ ބޮޑެތި މިސްކިތް ތަކުގައި ތަރާވީސް ކުރުވަން ފެނޭ. ބޮޑެތި މިސްކިތްތަކުގެ ހައިބަތު ކިރުބޯ ޅަކުދިންނަށް ފުރުސަތު ދޭށޭ ކިޔާކަނޑުވާނުލާ! ތަރާވީހަށް ވުރެ މުހިއްމުކަންކަން ސަލްމާންމިސްކިތުގައި އެބަ މިސްވޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެދުރު ބެ

09 March 2025

އެއީ ޒުވާނުން ކުރާތީ ވާކަމެއް ނޫން. ކިތަންމެ މޮޅު މީހެއް ހުއްޓަސް ފަހު ރަކުޢަތްތަކުގަ މީހުން މަދުވާނެ އެއީ ދިވެހިންގެ އާދަ. ޒުވާން ދިވެހި ކުދިންނަށް ފުރުސަތު ދޭން ޖެހޭ. އެކުދިން މޮޅެތި ޤާރީންނާ އިމާމުންނަށް ވާނީ އޭރުން. އަދި ހިތުދަސްކުރި ޤުރުއާން ހިތުގައި ހަރުލެއްވުމަށްވެސް ހިފްޒުކޮށް ތަރާވީސްކުރުމަކީ ވަރަށް މުހިންމު ކަމެއް. ދިވެހި ހާފިޒުން އިތުރުވާ ވަރަކަށް ބިދޭސީން ގެނައުން މަދު ކުރަން ޖެހޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަލްމާން

09 March 2025

ރަގަޅު ވާހަކައެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުސްތަފާގެ ނަސޭހަތް

10 March 2025

ރަނގަޅު ވާހަކައެއް. ޒުވާން ހާފިޒުންނަށް ފުރުސަތު ދިނުން ރަނގަޅު. އެކަމަކު ފަށަން ކިހިނެއްވާނެ ކުޑަ މިސްކިތްތަކުގަ؟ ބޮޑު މިސްކިތްތަކުގަ ހަރު އަދި ރިތިކޮށް ކިޔަވާ ހާފިޒުންނަށް ފުރުސަތު ދީފަ. އެމީހުންގެ ގަދަރަށްވެސް އުނިކަމއް އައިސްގެން ނުވާނެ