ބަރަހަނާ ފޮޓޯ ފޮނުވި ކަމަށް ބުނާ މައްސަލަ ބެލިއިރު ތުހުމަތުތަކާ ގުޅޭ ހެއްކެއް ނުފެނުނު: ޕޮލިސް

ފުލުހުންގެ ވެހިކަލް-- ފޮޓޯ: ފަޔާޒު މޫސާ | މިހާރު

މާއިދާ މުހައްމަދު ރަޝާދު، މިހާރު

15 އެޕްރީލް 2025 - 18:25

ދެކުނު ރަށެއްގައި އުމުރުން 14 އަހަރުގެ ކުއްޖަކަށް ބަރަހަނާ ފޮޓޯ އާއި ވީޑިއޯ ދައްކައި އެފަދަ ތަކެތި އެ ކުއްޖާގެ ފޯނަށް ފޮނުވި ކަމަށް ބުނާ މައްސަލަ ތަހުގީގުކޮށްފައިވާ ކަމަށާއި އެކަމަކު އެ ކުއްޖާ ބުނާ ބުނުން ފިޔަވައި އިތުރު އެއްވެސް ހެއްކެއް އަދި މިހާތަނަށް ލިބިފައިނުވާ ކަމަށް ފުލުހުން ބުނެފި އެވެ.

އެއީ ޖެނުއަރީ 22، 2022 ގައި ފުލުހުންނަށް ރިޕޯޓުކުރި މައްސަލަައެކެވެ. މިހާރު އުމުރުން 17 އަހަރުގެ އެ ކުއްޖާއަށް އިންސާފު ނުލިބޭ ކަމަށް ބުނެ ކުއްޖާ ދައްކާފައިވާ ވާހަކަތަކަކާ ގުޅިގެން ފުލުހުން ބުނީ އެ މައްސަލައިގެ ތަހުގީގުގައި ތުހުމަތުކުރެވޭ މީހާގެ ފޯނާއި ލެޕްޓޮޕް ފުލުހުންގެ ބެލުމުގެ ދަށަށް ގެންގޮސް ފޮރެންސިކް ތަހުލީލުތައް ކުރި ކަމަށެވެ.

އޭގެ އިތުރުން ހަ މީހެއްގެ ބަޔާނާއި ހެކި ބަސް އަދި އިތުރު ދެ މީހެއްގެ ބަޔާން ނަގާފައިވާ ކަމަށް ބުންޏެވެ.

"މަތީގައި ދެންނެވުނު [ފޯނާއި ލެޕްޓޮޕް އަދި މީހުންގެ ބަޔާން] ތަހުލީލުތަކުންނާއި ބަޔާންތަކުން، ކުއްޖާ ބުނާ ބުނުން ފިޔަވައި އެ މައްސަލައާ ގުޅުންހުރި އަދި ކުރާ ތުހުމަތުތަކަށް ބާރުލިބޭ އެެއްވެސް ހެއްކެއް ނުވަތަ ގަރީނާއެއް ލިބިފައެއް ނުވޭ،" މީީޑިއާ ގްރޫޕަށް ފުލުހުން ފޮނުވި މެސެޖުގައިވެ އެވެ.

ފުލުހުން ބުނީ އެ މައްސަލާގައި ތުހުމަތުކުރެވޭ މީހާ، ކުއްޖާގެ ފޯނަށް ފޮނުވާފައިވާ ކަމަށް ބުނާ މެސެޖުތަކާއި މައްސަލައާ ގުޅުންހުރި އެއްވެސް އެއްޗެއް އެ ކުއްޖާގެ ފޯނުގެ ފޮރެންސިކް ތަހުލީލުތަކުން ވެސް ފެނިފައިނުވާ ކަމަށެވެ.

ފުލުހުން ބުނި ގޮތުގައި އެ މައްސަލަ ތަހުގީގުކޮށް، އޭޕްރީލް 22، 2024 ވަނަ ދުވަހު ޕްރޮސެކިއުޓާ ޖެނަރަލްގެ މަޝްވަރާއަށް ފޮނުވުމުން ވަނީ ބައެއް އިސްލާހުތައް ގެނައުމަށް އެދިފަ އެވެ. އެ އިސްލާހުތައް ގެނައުމުގައި މައްސަލަ ހުށަހަޅާ ފަރާތުން އެއްބާރުލުން ލިބިފައިނުވާތީ މައްސަލަ މިހާތަނަށް އޮތީ ނުނިމި ކަމަށް ވެސް އެ އިދާރާ އިން ބުންޏެެވެ.

"މި މައްސަލައިގެ ތަހުގީގު ފުރިހަމަކުރުމަށް ކުރެވެންހުރި މަސައްކަތްތައް ފުލުހުން ދަނީ ކުރަމުން." ފުލުހުން ބުންޏެވެ.

ފުލުހުން ކުޑަކުދިންނަށް އަނިޔާކުރުން ޕޯނޮގްރަފީ

10 ކޮމެންޓް, 8 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ރައްޔިތުން އ

18 April 2025

އެފަކީރު ގެ ފޮޓޯ އާ ވަނަވަރު ނޫހުގަ ޖަހާ ރާއްޖެ އައް ފަލީހަތް ކުރި ނޫސްވެރިން ނާ ޕޮލިސް މީޑި އާ ޒިންމާ ނަގާ މާފައް އެދެންޖެހޭ. އަދި އަބުރުގެ ބަދަލުވެސް ދޭން ޖެހޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަރުކާލް

16 April 2025

މިފަހަރު މިއޮތީ ދޮގު ބުހުތާނު އެ ކުއްޖާ ފަތުރާފަ. އަމިއްލަ ފޯނުގަވެސް ނެތީމަ އިނގޭ އެކަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަމަހަމަ ހައްގު

16 April 2025

ކުށްވެެރިންނަށް ހައްގުު އަދަބު ލިބެންވާނެ. ހަމަ މިއާއެކު، ކުށް ނުކުރާ މައުސޫމް މީހާއަށްް އޭނާގެ އަބުރާއި އިއްޒަތް ނަގާނުލުމުގެ ހައްގުވެސް ކަށަވަރުކުރެވެން ޖެހޭނެ. ބައެއް ގާނޫނުތަކުން މި ހައްގު ވަނީ ނިގުޅައިގެންފަ. ހާއްސަކޮށް ވަކި ޖިންސަކުން ވަކި ބަޔަކު ބޭނުން ވަގުތެއްގައި ބޭނުން ގޮތަކަށް ފްރޭމްކޮށް، މައުސޫމް މީހުން ބޮޑެތި މުޖުރިމުންނަށް ހަދާ އެބަލެވޭ. ތުހުމަތެއްކުރާ ހިސާބުން އިދާރަތަކުންވެސް އެމީހަކު ކުށްވެރިއަކަށް ހަދައި، ފަލީހަތް އެބަ ކޮށްލާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބުރުކޮބާ

16 April 2025

މީހެއްގެ އަބުރު ކަތިލާން އޮޅުވާލައިގެން މަސައްކަތް ކުރުމަކީ ސަމާސާ ކަމަކަށްވެގެން ނުވާނެ، ކުޑަކުއްޖަކަސް ކުރަންވާ ކަންތަކާއި ނުކުރަންވާ ކަންތަށް އެނގޭނެ. އެނގި ވިސްނޭތީ ތިއަފަދަ ނުލަފާކަމެއް ކުރާނީވެސް. އަދި މީހުނަނަށް ލަނޑުދޭން ގަސްތުގައި މިކަހަލަ ނުބައިކަންތައް ކުރަނީ، ތިމަންނާ ކުށެއްކުރިއަސް އެއްވެސްކަމެއް ނުވާނެކަން އެނގޭތީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަރުދަަނާ

16 April 2025

ކޮންމެއަކަސް 21 ވަނަޤަރުނުގައި ބަރަހަނާ ފޮޓޯ ފޮނުވާ މައްސަލަ ބަލަނީނަމަ އެވާނީ ޖޯކަކަށް އެއީ އިންޓަރނެޓުން މިހާރު އެންމެ ކުޑަކުއްޖާއަށްވެސް ލިބެންހުންނަ އެއްޗަކަށްވާތީ މީހަކު އެ ފޮނުވާކަށް ނުޖެހޭނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މރހބ

16 April 2025

22 ޖެނުއަރީ 2022 ގައި ރިޕޯޓްކުރި ކަމެއް. އަނެއްކާ ތަހުގީގުގައި ތިޔަ ބަލަނީ އޭރު ގެންގުޅުނު ފޯނާ ލެޕްޓެޕް ބާ؟ އަހަރަކުން އަހަރަކުން އާކުރާ އެއްޗެހި ވީމާ ހަމަ އަހާލެވުނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިހްސަަސް

16 April 2025

ތިގޮއްޔެއަށް އެމީހާ ފޮނުވި ފޮޓޯއާއި ވީޑިއޯތައް ފުލުހަށް ނުދައްކާ އޮޅިގެން ޑިލީޓުކުރެޗުނީތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒަރީރު

16 April 2025

ގިނަ މީހުން ސިޔާސީވެފަތިބޭވަރުން މިހާރު ކަމާގުޅުންހުރި މުއައްސަސާތަކާ ގުޅިގެން ކުރިޔަށް ދިއުމުގެ ބަދަލުގަ ބޭނުންވަނީ ސޯޝަލްމީޑިއާގަ އެވާހަކަ ޖަހައިގެން މުއައްސަސާތަކަށް ކަންކަން ނުކުރެވޭކަން ދައްކަން. ސޯޝަލްމީޑިއާގަ ޖެހުމުން ގިނަބަޔަކަށް އިވެނީ އެއްފަރާތުން ބުނާބުނުން. ކަން ހިގާފައިވާ ގޮތް ގިނަ މީހުނަށް ނޭނގިތިބެ އޭރެއްގަ އޮންނަ ސަރުކާރަކާ މުއައްސަސާތަކަށް ޖޯކުޖެހުން ކަމަކަށް ދެން އޮންނާނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

‫ނާޑުވާ

15 April 2025

ފ‫ުލުހުންގެ މުއައްސަސާއަކީ މިހާރު ބޮޑު ޖޯކެއް. ސިޔާސީ ޖަގަހައަކަށް ވެއްޖެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސްްއެް2

15 April 2025

ދޮގު ތުހުމަތުގައި މީގެ ކުރިން ހައްޔަރުކޮށް ހުކުމްކޮށް ޖަލު ގޮޅިއަށްލާފައިވާ މީހުންނަށް އިންސާފު ލިބެންޖެހޭ. 14 އަހަރުގެ 15 އަހަރުގެ ކުއްޖަކު ބުނެލާ ބުނުމަކަށް މީހުން ހިފާ ހައްޔަރުކޮށް ޖަލަށްލި ޒަމާނެއް ދިވެހިން ވަނީ ދެކިފައި