ފްލެޓްތަކުގެ އަދަދަށް ވުރެ ޝަކުވާ ދެ ގުނަ އިތުރު

ސަރުކާރުން އަޅާ ފްލެޓްތަކެއް.-- ފޮޓޯ: ނިޝާން އަލީ | މިހާރު

މާއިދާ މުހައްމަދު ރަޝާދު، މިހާރު

16 އެޕްރީލް 2025 - 16:03

ސަރުކާރުން އިއުލާނުކުރި 4،000 ފްލެޓް ލިބޭ މީހުންގެ ލިސްޓާ ގުޅިގެން 8،000 އަށް ވުރެ ގިނަ ޝަކުވާ ހުށަހަޅާފައިވާ ކަމަށް ހައުސިން މިނިސްޓްރީން ބުނެފި އެވެ.

ފްލެޓަށް ޝަކުވާއަށް ހުޅުވާލީ މިދިޔަ ފެބްރުއަރީ މަހުގެ ފަހުކޮޅުގަ އެވެ. ރޭ ދަންވަރު 12:00 އަށް ލިސްޓަށް ޝަކުވާ ހުށަހެޅުމުގެ ފުރުސަތު ހަމަވެފައި ވާއިރު އެ މުއްދަތުގައި 8،602 ޝަކުވާ ވަނީ ހުށަހަޅައިފަ އެވެ.

މިނިސްޓްރީން ބުނި ގޮތުގައި ޕޯޓަލް މެދުވެރިކޮށް 5،236 ޝަކުވާ ހުށަހަޅާފައިވެ އެވެ. އީމެއިލް މެދުވެރިކޮށް 2،840 ޝަކުވާ އަދި މިނިސްޓްރީގެ ކައުންޓަރަށް 526 ސިޓީ ހުށަހަޅާފައިވެ އެވެ.

މިނިސްޓްރީން ބުނީ ޕޯޓަލް މެދުވެރިކޮށް ހުށަހަޅާފައިވާ ޝަކުވާތަކަކީ ހަމައެކަނި ލިސްޓުގެ ތެރެއިން ފްލެޓް ނުލިބޭ މީހުންގެ ޝަކުވާތައް ކަމަށެވެ. އަދި އީމެއިލް އާއި ސިޓީ މެދުވެރިކޮށް ލިބުނު ޝަކުވާތަކަކީ ފްލެޓް ނުލިބޭ މީހުންގެ ޝަކުވާ އާއި އާންމު ފަރާތްތަކުން ހުށަހަޅާފައިވާ ޝަކުވާ ކަމަށެވެ.

މިނިސްޓްރީން ބުނީ މުއްދަތު ހަމަވުމާ އެކު ދެން އެންމެ ބޮޑު އިސްކަމެއް ދޭނީ ޝަކުވާތައް ބަލައި ނިންމުމަށެވެ.

މިދިޔަ ސަރުކާރުގައި ހުޅުމާލޭ 2 ގައި އިމާރާތްކުރަން ފެށި ފްލެޓްތަކުގެ ތެރެއިން 4،000 ފްލެޓަށް ޝަރުތު ހަމަވާ ކަމަށް ކަނޑައަޅައި އިއުލާނުކުރި ލިސްޓާ ގުޅޭ ގޮތުން ޝަކުވާ ބޮޑެވެ. ކުރީ ސަރުކާރުން ދިން ދެ ވަނަ ފުރުސަތުގައި، މާލޭގައި އުޅުނުކަން ސާބިތުކުރަން ގިނަ ބަޔަކު ލިޔެކިޔުންތައް ހުށަހެޅިޔަސް އެ ހުށަހެޅުންތަކަށް މިފަހަރު ނުބަލާ ކަމަށް ބުނެ އެ ކަންބޮޑުވުން ގިނަ ބަޔަކު ވަނީ ފާޅުކޮށްފަ އެވެ.

މި ސަރުކާރުން ރިވިއުކުރި ލިސްޓުގައި ފްލެޓް ލިބޭ ކަމަށް ކަނޑައަޅާފައި ވަނީ 1،820 މީހަކަށެވެ. އޭގެ ތެރޭގައި ތިން ކޮޓަރީގެ ފްލެޓް ލިބޭ ކަމަށް ޝަރުތު ހަމަވަނީ 1،423 މީހެކެވެ. އަދި ދެ ކޮޓަރީގެ ފްލެޓަށް ޝަރުތު ހަމަވަނީ 397 މީހެކެވެ.

ބޯހިޔާވަހިކަން ފްލެޓް ހައުސިން މިނިސްޓްރީ

40 ކޮމެންޓް, 7 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޓިނު

17 April 2025

އަނެއްކާ ކޮމެޓީއެއްހަދާ ތިސަކުވާބަލަން .

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަޒްނާ މުހައްމަދު

17 April 2025

އިބޫމެން އެއްވެސް ވަރަކަށް ހައްގުވެރިންނަށް ނުދޭ ފްލެޓެއް. ހަމަ އެމީހުން ހިތައް އެރި ކައިރި މީހުންނަށް ދިނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަހްމޫދު ޝަފީގް

17 April 2025

ފްލެޓް ހައްގުވެރިންނަށް ދޭނީ ރައީސް މުއިއްޒް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަބޫ

17 April 2025

ނުދީ ގިނަރުވަސް ވާވަރަކަށް ޝަކުވާތައް ވާނީ ގިނަ. ބައެއް މީހުން ރެސްޓޯރެންޓްގަޔާ އިފީސްތަކުގައި ބަނޑަހަ ޖަހައިގެން މީހުނަށް ޝަކުވާ ލައިދިނުމުގަ އުޅެނީ. ބަޔަކަށް އެއްޗެއް ލިބޭތީ ހަމަ ނިދި ނުލިބިގެން އުޅޭމީހުން ގިނައީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަން..

17 April 2025

މިދާ ވަރުން ބަލަންޏާ ދައުރު ނިމެން އުޅެނި ކޮއް ތި ފުލެޓް ކުއްލިގޮތަކަށް ބަޔަކަށް ދޭނީ. ލިބެންޖެހޭ މީހުން ހުންނާނީ ނުލިބެ ޕާޓީ ކުދިން ކޮޅަށް ދިނީމަ ދެން އަންނަ ސަރުކާރުން ވެސް ހުންނާނީ ބަޔަކު އުޅޭ ތަނެކުން ބޭރު ނުކުރުވެފަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙައިހައި

17 April 2025

ޙައިދަރަށް ލިބުނީމާ ދެން އެނގޭދޯ ސައްހަ ވަރު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަމަރޭ

17 April 2025

މާތްކަލާކޯ ތިޔަ ފްލެޓަކާ ބިމަކާ ހެދި ރައްޔިތުމީހާ ނަފްސާނީ ވެއްޖެ.. އަނެއްކަަ އަނެއް 3 އަހަރު ތިޔަ ޝަކުވާ އެއް ބަލަން ދާނެ.. ތިޔަކަން ދިގު ދަންމާތި ކުރީގެ ރައީސުން ހެދިގެން އިންތިހާބުގެ 2 ވަނަ ބުރުގެ ވޯޓްލާ ހަފްތާއާއި ހަމަޔަށް.. ކޮންމެ ވެރިކަމެއްގެ ނިމުން ތިޔަ ކަމަކާ ޖެހޭތާ މިހާރު 15 އަހަރު މިވަނީ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޭހަވުން

17 April 2025

މީގެން ދޭހަވެގެން ދަނީ ކީކޭބާ؟ ހަމަޔަޤީނުންވެސް އެހާގިނަ ޝަކުވާ އެއްތް އޮތް ކަމުގައި ވާނަމަ، އެތަނުގައި އިންސާފެއް ނެތްކަން ކަށަވަރުވެގެން ދޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލަބީބު

17 April 2025

ކުރީސަރުކާރު މިނިސްޓަރުންގެ ލިސްޓާއި، މަޖިލިސް މެމްބަރުގެ ލިސްޓަށް އޭރުފުލެޓް ދިންމީހުން ރުޅިއައިސްގެން ރިޕީޓްކޮށް ޝަކުވާލާފަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައިމިނާ

16 April 2025

ދެން ފްލެޓް ނުލިބުނު އެމްޑީޕީ ސަރުކާރުގަ ލިސްޓުގަ ހިމެނިފަތިބި ފަރާތްތަކަށް ކިހިނެއްބާ ވާނީ. އަލުން އަނެއްކާ ފޯމްލާންތޯ ޖެހޭނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އާދަމް އީމާން

16 April 2025

ހެޔޮނުވާނެ ރައީސް ބޭނުންބަޔަކަށްތިތަންދީބަލަ. ރައްޔިތުންތަކަކާ ހަދާފަހުރި އެގުރީމަންޓަކަށް ބަލާނިކަމެއްނެތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޅަމީމު

17 April 2025

، ބޮޑެތި ދޮގުހަދާފަ ހުރިކަން އެހުރީ އޭސީސީގެ ރިޕޯޓުން ހާމަވާން، އެގްރީމެންޓްގަ އިންނާނެ ދޮގުހަދާމީހާ ޖަލަށްލާނެވާހަކަ، އެހެން ނަހަދާކަންވެސް ރަނގަޅެއްނު