ހުޅުމާލެ ފިތުރޯނު މަގުގައި ހުރި ބޮޑު ފިތުރޯނު ގަހެއް ވެއްޓިފައި---
15 ޖޫން 2025 - 21:58
8 comments
އިރު އޮއްސުނު ވަގުތު ހުޅުމާލެއަށް ޖެހުނު ކޮޅިގަނޑެއްގައި ގެއްލުންތަކެއް ވެއްޖެ އެވެ.
މޫސުމާބެހޭ ގައުމީ އިދާރާ މެޓް އޮފީހުން ބުނީ އެވަގުތު ހުޅުމާލެއަށް 54 މޭލު ބާރުމިނުގައި ވައި ޖެހުނު ކަމަށެވެ.
ހުޅުމާލެ ފިތުރޯނު މަގުގައި ހުރި ބޮޑު ފިތުރޯނު ގަހެއް އެ ކޮޅިގަނޑުގެ ތެރޭގައި މުލުން ލުހިގެން ވަނީ ވެއްޓިފަ އެވެ. އަދި ނިރޮޅުމަގުގައި ހުރި ގަހެއްގެ ގޮފިގަނޑު ވީދައިގެން ގޮސް ވަނީ މަގުމައްޗަށް ވެއްޓުނެވެ.
ގަދަ ވައިގެ އަސަރު ވަރަށް ބޮޑަށް ކުރާ ހުޅުމާލެ 2 ގައި ވަނީ ޕާކުކޮށްފައި ހުރި ސައިކަލްތައް ވެސް ވަޔާ އެކު ވެއްޓިފަ އެވެ.
ގަދަ ވަޔާ އެކު ބޯކޮށް ވާރޭ ވެސް ވެހުނެވެ. އެކަމަކު ކުޑަ އިރުކޮޅެއްގެ ތެރޭގައި ވަނީ ވައި މަޑުވެ ވާރޭ ވެސް ހުއްޓާލައި އާދައިގެ ހާލަތަށް މޫސުން ބަދަލުވެފަ އެވެ.
މިއަދު ރާއްޖޭގެ އެންމެ އުތުރަށް ވެސް މޫސުން ވަރަށް ގޯސްވި އެވެ. ހެނދުނު ހދ. ކުޅުދުއްފުއްޓަށް ދިޔަ މޯލްޑިވިއަންގެ މަތިންދާބޯޓެއް ވެސް އެ ހިސާބުގެ އެއްވެސް އެއާޕޯޓަކަށް ނުޖެއްސި އެނބުރި މާލެއަށް ވެސް އަންނަން ޖެހުނެވެ.
މެޓުން ވަނީ މިރޭ ވެސް ރާއްޖޭގެ އުތުރުގެ ސަރަހައްދުތަކަށް ވައިޓް އެލާޓް ނެރެފަ އެވެ.
މިރޭ 9:00 އިން ދަންވަރު 3:00 އާ ހަމައަށް ނެރެފައިވާ އެލާޓުގައިވާ ގޮތުން އެ ސަރަހައްދުތަކަށް ބޯކޮށް ވާރޭވަހުމާ އެކު ގުގުރާނެ ކަމަށް ލަފާކޮށްފައިވެ އެވެ. ގަޑިއަކު 19 މޭލާއި 24 މޭލާ ދެމެދުގެ ބާރުމިނުގައި ވައިޖެހި، ވިލާގަނޑުގައި ގަޑިއަކު 40 މޭލަށް ވައިގަދަވެ، ކަނޑުތައް ގަދަވާނެ ކަމަށް ލަފާކޮށްފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
4ކަށިމަތިމާލޭ
17 June 2025
ހުޅުމާލެ އަކީ މާލޭ މީހުން ގެ ބިމެއް. ރަނގަޅު ދެން ދައުލަތުގެ ޚަރަދުގަ ދޯ ހިއްކީ. އެކަމަކުވެސް އެއީ ހަމަ މާލޭ މީހުންގެ ބިމެއް.
ތެދުވެރި1
15 June 2025
އިންސާނުން އުޅުމަށް އެކަށީގެންވާ ނުވާ ސަރަހައްދެއްގައި އަޅާފައިވާ ހިޔާ ފްލެޓްތަކެއް ކަމަށް ފެންނަނީ.. ޚާއްޞަކޮށް 13 ން 16 އަށް ގަދަޔަށް ވައި ޖެހެންޔާ ނިދާލަންވެސް ދަތި... އެހެނަސް މިނޫން ގޮތެއް ނެތީމަ މިތަންތާ ކުއްޔަށް މިއުޅެނީ.. ޔާﷲ އަޅަމެންގެ ވަޒަނަށް (ރަށަށް) އަޅަމެނަށް ދެވޭނެފަދަ ގޮތަކަށް އެރަށްތައް ތަރއްގީ ކުރައްވާ ފާނދޭވޭ...
ހުސެންބެ656
15 June 2025
އެހެނެނެއް ނޫންވަނީ....ވައިމަތަވާ ކަހަލަ ގަސްގަޑެއްވެސް ނެތީޖަހާފަ.....
76887
16 June 2025
ކަލޭއަށް ރަށަށް ދެވޭނެ ފަދަ ގޮތަކީ ހުޅުމާލެ ފެންވަރަށް ރަށް ތަރައްގީވުން ކަމަށްވާ ނަމަ ތިޔަކަން ނުވުން ކައިރީ، ނަމަވެސް މިހާރުވެސް ރަށުގައި ހުރި ކަންތައްތަކަށް ރުހިގެން ރަށުގައި އުޅެންބޭނުން ނަމަ އަވަހަށް ދިއުންއޮތީ، މިނޫން ގޮތެއްނެތޭ ކިޔާފަ މިތަނުގައި އުޅުމަކީ ހައްލެއްނޫން، ގޮތް އެބައޮތް، ބޭނުންނުވަނީ
ޖިލޭބީ
16 June 2025
ކަލޭމެން މާލެއައިސް ތިބެގެން ރަށް ތަރައްޤީކުރެވޭތަ؟ ﷲ ގެ އޯގާވަންތަކަމުން، ރަށްރަށް ތަރައްޤީކުރެވޭނީ އެރަށްރަށުގެ ކައުންސިލްގައި ތިބޭ ނާޤާބިލު މީހުންނާއި ރައްޔިތުން ހޭލުންތެރިވެގެން އެކަންކަން ކުރަން އުޅުނީމަ. ޔަހޫދީން ހެން " ތިމަންނަމެންނަ މިވެނިއެއްޗެއް ދޭށޭ " ކިޔަކިޔަ ތިބީމަ . އެރުން ނޫންކަމެއް ނުވާނެ!
މެންސާ
16 June 2025
ދޮންކަލޯ ކުލި ދައްކައިގެންތައް ތިއުޅެނީ؟؟ ހިޔާފުލެޓުން ކުލި ނުލިބެޔޭ ކިޔާ އަޑުއިވޭ
111111111
16 June 2025
މިހާރު ވެސް މިއުޅެނީ ރަށެއް ގައި މަސައްކަތެއް ކުރާނެ މީޙެއް ނުލިބިގެން!!!!!!! ކޮންމެ މީހަކީ ވެސް އެގްޒެކަޓިވެއް!!!!!! ރާނާ، ވަޑާންކޮށް، ކުލަލާ، ތަށި މުށި ޖަހާ، ނުވަތަ ގެސްޓް ހައުސްގައި މަސައްކަތް ކޮށްލާނެ ދިވެއްސެއް ނުލިބޭ!!!!!!
ޖިހާދު.
16 June 2025
ތެދުވެރި1 ކަންބޮޑު ނުވޭ. ކަންކަން މެދުވެރި ކުރައްވަނީ މާތް ﷲ. ކ.މާލޭ މީހުން ހީކުރަނީކަން ނޭގެ އެމީހުންގެ ރަށާއި އެއްވަރަށް ދުވަހަކުވެސް ރައްޖޭގެ އެހެން ރަށެއް ތަރައްޤީ ނުވާނެއޭ. އެކަން ބަދަލު ވާނެކަން ގައިމު. ޤާރޫނުވެސް ހީކުރި އޭނާއަށް ވުރެން ގަދަ މީހެއް ދުނިޔެ ނުދެކޭނެ ކަމަށް.