އިޒްރޭލުގެ ހަމަލާއެއްގައި ހޫތީންގެ ބޮޑުވަޒީރު އަވަހާރަވިކަން ކަށަވަރުކޮށްދީފި

ހޫތީންގެ ބޮޑުވަޒީރު އަހްމަދު ޣާލިބް ނާސިރު އައް ރަހައުވީ: އޭނާ ވަނީ އިޒްރޭލުގެ ހަމަލާއެއްގައި އަވަހާރަކޮށްލާފައި.

30 އޯގަސްޓް 2025 - 20:19

އިޒްރޭލުން މިދިޔަ ބުރާސްފަތި ދުވަހު ޔަމަނަށް ދިން ހަމަލާތަކުގައި ހޫތީންގެ ބޮޑުވަޒީރު އަހްމަދު ޣާލިބް ނާސިރު އައް ރަހައުވީ އާއި އިސް އެހެން ބައެއް އޮފިޝަލުން އަވަހާރަވެފައިވާކަން އެ ޖަމާއަތުން މިއަދު ކަށަވަރުކޮށްދީފި އެވެ.

މިއީ އިޒްރޭލުން ފަލަސްތީނުގެ ޣައްޒާއަށް ހަމަލާދެމުން ދާއިރު ޔަމަނަށް ދޭތެ ދޭތެރެއިން ދޭ ހަމަލާތަކުގައި މިހާތަނަށް އަވަހާރަވި އެންމެ އިސް އޮފިޝަލެވެ.

"ދުޝްމިން މުޖުރިމު އިޒްރޭލުން ދިން ހަމަލާއެއްގައި މުޖާހިދު އަހްމަދު ޣާލިބް ނާސިރު އައް ރަހައުވީ ... އެ މަނިކުފާނުގެ ބައެއް މިނިސްޓަރުންނާ އެކު އަވަހާރަކޮށްލާފައިވާކަން އިއުލާނުކުރަން،" ހޫތީން ނެރުނު ބަޔާނުގައިވެ އެވެ.

އެ ބަޔާނުގައި ބުނެފައިވާ ގޮތުގައި އެހެން ބައެއް ބޭފުޅުންނަށް އެކި ވަރުގެ ޒަހަމްތައް ލިބިފައި ވާތީ ގެންދަނީ ފަރުވާ ދެމުންނެވެ. އޭގެ ތެރޭގައި ވަރަށް ސީރިއަސް ޒަހަމްތައް ވެފައިވާ ބޭފުޅުން ވެސް ހިމެނޭ ކަމަށް ބުނެފައިވެ އެވެ.

އިޒްރޭލުން ބުރާސްފަތި ދުވަހު ވަނީ ހޫތީންގެ ބާރުގެ ދަށުގައިވާ ވެރިރަށް ސަންއާ ސަރަހައްދަށް އެތައް ހަމަލާއެއް ދީފަ އެވެ. ފަލަސްތީނަށް ތާއީދުކުރާކަން ހާމަކުރުމުގެ ގޮތުން ހޫތީން އިޒްރޭލަށް ދޭ ހަމަލާތަކުގެ ރައްދުގައި ކަމަށް ބުނެ އިޒްރޭލުން މި ހަމަލާތައް ދިނީ ހޫތީންގެ އަސްކަރީ މަގާމުތަކަށް ކަމަށް އިޒްރޭލުން އޭރު ބުންޏެވެ.

ޔަމަނުގައި 2014 ވަނަ އަހަރުން ފެށިގެން ހިނގަމުންދާ ސިޔާސީ ހަމަނުޖެހުންތަކުގައި ޔަމަނުގެ މުހިންމު ސަރަހައްދުތަކުގެ ކޮންޓްރޯލް ހޯދާފައިވަނީ ހޫތީންނެވެ.

ޔަމަން އިޒްރޭލް

4 ކޮމެންޓް, 6 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މާހިރު

01 September 2025

ފަލަސްޓީނުގެ ޖަމާޢަތްތަކުގެ އިތުރުން، އިސްރާއީލާ ދެކޮޅަށް އެކަށީގެންވާގޮތެއްގައި ތެދުވީ ހިސްބުﷲ އާއި ހޫތީންނާއި އީރާނެވެ. އޭގެތެރެއިން އިސްރާއީލްގެ ހަމަލާތަކުގެ ސަބަބުން ހިޒްބުﷲ ވަނީ ވަރަށް ބޮޑަށް ބަލިކަށިވެފައެވެ. ދެން މިހާރު އެދިމާކުރަނީ ޔަމަނާއެވެ. ޔަމަން ސުންނާފަތި ކޮށްލައިފިނަމަ ދެން އޮންނާނީ ހަމައެކަނި އީރާނެވެ. މުސްލިމް ޤައުމުތަކުގެ މެދުގައިއޮތް ފަލަސްޠީނުގެ ރައްޔިތުން އިސްރާއީލުން މަރާ ހުސްކުރަމުންދާއިރު މުސްލިމުން ކޮބައިތޯއެވެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފްއޮފިޝަލް /

31 August 2025

ހައުދަހައި މުސްކުޅި މީހަކޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސިނާޑ

31 August 2025

މިއިސްބޭފުޅުންނަށް އަމާޒުކޮށް ޙަމަލާ ދެވެނީ މިބޭފުޅުން ތިބޭ ތަންތަން ބުނާ ބަޔަކު ޤައުމުގައި ތިބެގެން ކަމަށް ޤަބޫލު ކުރެވޭ. މިދެންެނެވީ ކޮންފަދަ ނުބައި ބައެއްތޯއެވެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނިރުބަވެރިކަމާދެކޮޅު

01 September 2025

ޔަހޫދީން ކުޅޭ ގޭމް މުސްލިމުން ދަސްކުރަން ޖެހޭ، ހަމަ ތިބެފަ ތަޅައިގަތީމަ ގެއްލުންވަނީ މުސްލިމުންނަށް، ވިސްނައިގެން ބޮލުން ކުޅެން މުސްލިމުން ދަސްކުރަންވީ، ގައްޒާގަ މުސްލިމު ވަރުގަދަ ވެރިކަމެއް އޮވެ ބޮޑު ތަރައްޤީއެއް މަތީ ތިބެ 2023 ގަ ހަމަ ތަޅައިގަތީމަ ހުރިހާ ގެއްލުމެއްވީ ގައްޒާއަށް، އޭގެ ބަދަލުގަ ސްޓްރޭޓެޖިކް މޮޅު ވިސްނުމަކުން ޤަތަރާ އެނޫންވެސް ޤައުމުތަކާއެކު ބޮލުން މާ މޮޅަށް ކުޅެވުނީސްކަމަށް ބެލެވޭ، ރަހީނުން ނަގައިގެން ޤައްޒާގަ ތިބެގެން މިކަންނުވި