ޓޫރިސްޓް ވިސާގައި އެތެރެވެވޭނީ ހަމައެކަނި ޗުއްޓީ ހޭދަކުރަން
17 އެޕްރީލް 2017 - 14:09
27 comments
ޓޫރިސްޓް ވިސާގައި ބައެއް ބިދޭސީން ގެނެސް އެ މީހުން ލައްވާ މަސައްކަތްކުރުވާތީ، އެކަމާ ދެކޮޅަށް މޯލްޑިވްސް އިމިގްރޭޝަނުން އިއްޔެ އިންޒާރު ދީފި އެވެ.
އިމިގްރޭޝަނުން ނެރުނު ބަޔާނެއްގައި ބުނީ ޓޫރިސްޓް ވިސާގައި އަންނަ ބިދޭސީން މަސައްކަތްކުރާ ނަމަ އިމިގްރޭޝަންގެ ގާނޫނުގެ ދަށުން ފިޔަވަޅު އަޅާނެ ކަމަށެވެ. އެ ގާނޫނުގައިވާ ގޮތުން އެ ކުށުގައި ދިވެއްސަކު ހިމެނޭ ނަމަ 50،000ރ އަށް ވުރެ ބޮޑު ނޫން އަދަދަކުން ޖޫރިމަނާކުރެވެ އެވެ. ގާނޫނާ ހިލާފަށް ބިދޭސީއަކު އެގޮތަށް މަސައްކަތްކުރާ ނަމަ 15،000-50،000ރ އާ ދެމެދުގެ އަދަދަކުން ޖޫރިމަނާކުރުމުގެ ފުރުސަތު އޮވެ އެވެ.
އިމިގްރޭޝަންގެ އިންޒާރު އައި އިރު ބަންގްލަދޭޝްގެ މަސައްކަތު މީހުން ރާއްޖެ ގެނައުން އިމިގްރޭޝަނުން ވަނީ ވަގުތީ ގޮތުން މަނާކޮށްފަ އެވެ. ރާއްޖޭގައި އެންމެ ގިނަ އަދަދަކަށް ލޭބަރުންގެ ގޮތުގައި އުޅޭ ބަންގްލަދޭޝް މީހުންނަށް ވިސާ ނުލިބޭތީ، އޭގެ އުނދަގޫ ދިވެހި ކުންފުނިތަކާއި ވަކިވަކި ފަރުދުންނަށް ވެސް ކުރިމަތިވެފައިވާ ކަމަށް ބައެއް ފަރާތްތަކުން ބުނެ އެވެ.
އިމިގްރޭޝަނުން ބުނި ގޮތުގައި ޓޫރިސްޓް ވިސާގައި ރާއްޖެ އެތެރެވެވޭނީ ހަމައެކަނި ޗުއްޓީ ހޭދަކުރާށެވެ. އެހެންކަމުން އެ ވިސާގައި ރާއްޖެ އެތެރެވާ ބިދޭސީއަކު އެއްވެސް މަސައްކަތެއް ކުރާ ނަމަ، އޭނާ އާއި އޭނާއާ ހަވާލުވެ ހުރި ދިވެހި މީހާއާ މެދު ފިޔަވަޅު އަޅާނެ ކަމަށް އިމިގްރޭޝަނުން ބުނެ އެވެ.
އެފަދަ ކުށެއް ކުރާ ދިވެހި މީހާގެ ޕާސްޕޯޓް ހިފެހެއްޓުމުގެ އިހުތިޔާރު ވެސް އިމިގްރޭޝަނަށް ލިބިފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޔުުސުފް
20 April 2017
ޢިލިގްރޭޝަނަށް އެގިވަޑައިގަންނަވާނެ ޤަވާއިދާ ޚިލާފަށް އުޅެނީ ކޮންބައެންކަން ވޭތުވެދިޔަ ހުރިހާ ސަރުކާރުތަކެއްވެސް ތިކަމަށް އިސްކަމެއް ދީފައި ނުވަނީ ކޮންސަބަބަކާހެދިކަމެއް ނޭންގޭ މިއަށްވުރެ ފަސޭހައިން ވިސާނެތި ބިދޭސީންނަށް އުޅެން ފަސޭހަ އަދި އުޅެމުންދާ ޤައުމެއްނެތް ކީއްވެބާ؟
އިބްރާހީމް
18 April 2017
އެއްމެ ބޮޑަށް ފެއިލްވެފައިވާ އެއް މުވައްސަސާ ތީ. ގަވާއިދާ ހިލާފަށް ލައްކަޔަކަށް ވުރެ ގިނަ ބަންގާޅުން އުޅޭއިރު ފިޔަވަޅު ނޭޅޭ. ރާއްޖެ މިއޮތީ ބޮއްސުން ލާފަ. ސަލާމް އިމިގްރޭޝަނަށް
މރ. ހަދާނެއް ނުނެތޭ.
17 April 2017
ޓޫރިސްޓް ވިސާގައި އައިސް މަސައްކަތްކުރާތީ އިމިގްރޭޝަންގެ އިންޒާރު، އަޖައިބެއްކަހަލަ ކަމެއް ދެއްތޮ، ބަލަގަ އިމިގްރޭޝަނުގެ ޤާނޫނޫ ނެގެހެއްޓުމަކީ ތިޔަ މުއައްސަސާގެ މަސްއޫލިއްޔަތަށް ވާއިރު ދެން ކޮން އިންޒާރެއްތޯ، ރާއްޖެއަށް މަސްތުވާ ތަކެތި އެތެރެކުރާ މީހުނަށް ފުލުހުންވެސް އިންޒާރުދީދީ ތިބީމަ ރަނގަޅުވާނެ ދެއްތޮ، މަޖާކަންތައް ކުރާ ބައެއް މިތިބީ.
ިިއިބުރާހިމު
17 April 2017
ރާއްޖެ އަށް ގެސްޓް ވިސާގަ އަންނަ ބިދޭންސީން އިނގޭނީ އިމިޤްރޭސަނަން ވިސާހަމަވެފަ ނުފުރާ ތިބި މީހުންގެ ނަން ފުރަތަމަ ހާމަ ކޮއްބަލަ!
GAN Island
17 April 2017
އިންޒާރަށް ވިސްނާލުމުން ބޮޑަށް ލަފާ ކުރެވެނީ (ދައުލަތުގެ ކޭޝްފްލޯ ވަރަށް ގޯސްވެފައިވާތީ) ޤާނޫނު ތަންފީޒު ކުރުމަށްވުރެން ބޮޑަށް ފައިސާހޯދަން ޤާނޫނުގެ ނިވަލުން ކަމެއްކުރަން އުޅޭހެން. . . އިމިޤްރޭޝަން ޤާނޫނު ތަންފީޒު ކުރުމަށް ކޮންމެހެން އިންޒާރުގެ ބަޔާންތައް ނެރޭކަށް ނުޖެހޭ. ތިއީ ކޮންމެ ދުވަހަކު ކޮންމެ ވަގުތަކު ކުރާންޖެހޭ ކަމެއް.
ނިމޯ
17 April 2017
އިމިގިރޭޝަނަށް އިރު ރިުކޮޅާ މާރުކޭޓު ގޮޅިތަށް ފާސްކުރެވެ، ކޮބާ ރިސޯޓުތަށް، ކޮބާ ޒިކުރާމިސްކިތު ދޮރުމަތި، ކޮބާ ސަފާރީ ތަށް،
ނުވާނެ
17 April 2017
އެހެން ވިއްޔާ ރިޒޯޓްތައް ރަނގަޅައް ބައްލަވާލައްވާ، ދެންފިޔަވަޅު އަޅުއްވާ....
ސައްތާރު /މހއ
17 April 2017
ޒިކުރާ މިސްކިތު ކުރިމަތީގާ ދޫނި ބައިގަޑެއްހެން އެތުރިގެން އެތިބެނީ ކޮންބޭފުޅެއްގެ ވިސާގައި ތިބޭ ބައެއްތޯ ؟ އިމިގްރޭޝަން ބޭފުޅުން ހެދުނު ގަޑީގައި މަޖީދީ މަގުން ބުރެއް ޖަހާލާނަމަ ނިކަން ރަގަޅުވާނެ.
ޟީލާ
17 April 2017
ޥިސާ ނެތި އުޅޭ ބިދޭސީން ނާ މާރުކޭޓު ގޮޅިތަކުގަ އާ ސޭޓުންނަށް ތިބޭ މީހުންގެ ކަންތަށް ބަލާބަލަ ފުރުގާން މިސްކިތް ކުރިމަތީގަ ހުންނަ މާރުކޭޓަކީ ބަންގާޅީންގެ އަވަށެއް އެނޫންބަޔަކު އެތާކުނުތިބޭނެ
އަރި
17 April 2017
އިންޒާރު ދިންކަމަށް ބުނެ ބަޔާނަކުން ނިންމާލި ކިހާފަސޭހަ ޒިންމަައެއް އެނުނާގޮތަށް އެތެރެވެ ވަދެ ތިބިމީހުން މަސައްކަތުގަ ބަލަ ޗެކްކުރަން މީހުން ފޮނުވަ ބަލަ އަދި ބަލަން ދާ މޙުން ދާކޮންމެ ދުވަހަކަށް އެ މުވައްޒފުންނަށް އެލަވަންސް ގޮތުގަ 200 ރުފިޔާ ދީ