ގަތަރުގެ އަލް ޖަޒީރާ ނެޓްވޯކުގެ ހުރިހާ ޗެނަލެއް ސައުދީގައި ވަނީ މަނާކޮށްފައި.
10 ޖޫން 2017 - 16:18
10 comments
ރިޔާޒް (ޖޫން 10) - ސައުދީ އަރަބިއާގެ ހޮޓާތަކުގައި ގަތަރުގެ އަލް ޖަޒީރާ ޗެނަލްތައް ދެއްކުން މަނާކޮށް، އެ އަމުރާ ޚިލާފުވާ ހޮޓާތަކުގެ ހުއްދަ ބާތިލްކޮށް އަދި 100،000 ރިޔާލް (26،000 ޑޮލަރު) އާ ހަމައަށް ޖޫރިމަނާ ކުރުމުގެ އަމުރެއް ނެރެފި އެވެ.
ސައުދީ ކޮމިޝަން ފޯ ޓޫރިޒަމް އެންޑް ނޭޝަނަލް ހެރިޓޭޖް އިން ނެރުނު ބަޔާނެއްގައި ވަނީ އަލް ޖަޒީރާ މީޑިއާ ނެޓްވޯކުގެ ހުރިހާ ޗެނަލެއް ބަންދު ކުރަން އަންގައިފަ އެވެ. އޭގެ ތެރޭގައި ހޮޓާތަކާއި ޓޫރިސްޓް ފެސިލިޓީތަކާއި ރެސިޑެންޝަލް ޔުނިޓްތައް ވެސް ހިމެނެ އެވެ.
"މި ސާކިއުލާއާ ޚިލާފުވާ ފަރާތްތަކުގެ ހުއްދަ ބާތިލްކޮށް 100،000 ރިޔާލްއާ ހަމައަށް ޖޫރިމަނާ ކުރެވޭނެ،" ބަޔާނުގައި ބުނެފައިވެ އެވެ.
ގަތަރާ ސިޔާސީ ގުޅުން ކަނޑާލި ފަހުން ސައުދީ އަރަބިއާ އާއި ޔޫއޭއީ އަދި ބަހުރޭނުން ދަނީ ދޯހާއާ ދެކޮޅަށް އިތުރު އެތައް ފިޔަވަޅެއް އަޅަމުންނެވެ. ޔޫއޭއީ އާއި ބަހުރޭނުން ވަނީ ގަތަރަށް ހަމްދަރުދީ ފާޅުކުރާ ފަރާތްތައް ޖޫރިމަނާކޮށް ޖަލަށްލާނެ ކަމަށް ބުނެފަ އެވެ. ޔޫއޭއީން ވަނީ ގަތަރަށް ހަމްދަރުދީވެ އެއްވެސް ގޮތަކުން ޝުއޫރެއް ފާޅުކޮށްފި ނަމަ 500،000 ދިރުހަމް (136،000 ޑޮލަރު) އަށް ވުރެ މަދު ނޫން އަދަދަކުން ޖޫރިމަނާކޮށް އަދި 15 އަހަރާ ހަމައަށް ޖަލަށްލާނެ ކަމަށް ބުނެފަ އެވެ. ބަހުރޭނުން ވަނީ ގަތަރަށް ހަމްދަރުދީވާ ފަރާތްތައް ތިން އަހަރަށް ޖަލަށްލާނެ ކަމަށް ބުނެފަ އެވެ.
ސައުދީން ވަނީ އެއްގަމާއި ކަނޑާއި ވައިގެ މަގުން ކުރާ ހުރިހާ ދަތުރެއް ގަތަރަށް ބަންދުކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މަލްދީބުގެ މާލްދީފް
11 June 2017
ރާއްޖޭގެ ބައެއް ސައުދީއަށް ވިއްކާލާފިނަމަ ދިވެހީންނަށް ހަދާލާނެ ގޮތް ލޯމަތިން ފެންނަކަހަލަ. އޭރުން ދިވެހި ފިރެހެނުން ތިބޭނީ ސައުދީންގެ އަޅުންގެ ގޮތުގަ އަންހެހެނުން ތިބޭނީ ޝާހީ އާއިލާގެ ޖާރިޔައިންގެ ގޮތުގަ. ރާއްޖެއިން ތެޔޮހޯސުމަށް ދިވެހި ފިރެހެނުން އުދައްޔާ ފަކީރާ ހިފައިގެން ބޮޑެތި ވަޅުގަނަށުތަށް ކޮނެ އަޅު މަސައްކަތުގަ. އަންހެނުން ޝާހީއާއިލާ ހިތްއުފާކޮއްދޭން ޖާރިޔާއިންގެ ގޮތުގަ.
ރޮކެޓް ސައިންސް
11 June 2017
ގަތަރާ ސިޔާސީ ގުޅުން ކަނޑާލީ އަލްޖަޒީރާއިން ދެއްކި ސްޓިލިން ޕެރަޑައިސް އިން މަނީ ލޯންޑްރިންގެ ގިނަ ކަންތަށްތަކެއް ފަޅާއަރުވާލީމަ. ރާއްޖޭގައިވެސް އަލްޖަޒީރާ ދެއްކުން އަދި މަނާކުރާނެ. އަދި ގަތަރަށް ހަމްދަރުދީ ފާޅުކޮއް ސޯސަލްމީޑިއާގަ ޕޯސްޓް ކުރާފަރާތްތަށް ޖަލަށްލެވިގެން ހިގައިދަނާނެ. ކިޔެންމެ ރުޅިއަޔަސް މަނީ ލޯންޑްރިންގް ކުޅިގަނޑު އެޔޮތީ މުޅިދުނިޔެއަށް ފަޅާއަރުވާލާފަ.
ނައީމާ
11 June 2017
ރާއްޖެއަކު ޖަލަކަށްނުލެވޭނެ ހިޔާލުފާޅުކޮށްގެނެއް. ރާއްޖޭގައި އޮންނަނީ ޑިމޮކްރަސީއެއް. ރަސްކަމެއްނޫން
ތިމަންނަ
10 June 2017
ހުރި ހިތާމައެއްގެ ބޮޑުކަމާއެ! ކާފަރުން ބޭނުންވާހާ ގޮތަކަށް އެންމެ " ބޮޑެތި " މުސްލިމުން ނިކުމެ މިހަރު މިވަނީ. ނަށަން ފަށާފަ ... މިކަމުން ދިވެހިން އިބްރަތެއް ޙާލިސްކުރޭ
އުދުހޭ
10 June 2017
މުސްލިމުން ބައިބައިކުރުމަށް މިފަހަރު ނިކުތީ ދެޚަރަމުގެ ޚާދިމުތަ؟ ކީކޭ ދެން ބުނާނީ؟! ކިބުރުވެރިކަމާ ބޮޑާކަން މިފެންނަނީ؟! ސައުދީއަށްވުރެ ގަތަރު މުއްސަނދިވީމަހެން ހީވަނީ ރަސްގެފާނު މިހާ ޖެލަސް ވެގެން މިއުޅެނީ!
ޒ
10 June 2017
މުސްލިމުން މުސްލިމުން ކަތިލާ މަރާ ހުސްކޮށްލަންތަ މިއުޅެނީ.
މީހެޔޮބަސް
10 June 2017
ޢިސްލާމްކަމާމެދު ސުވާލު އުފެދިއްޖެ. ޣައިރު މުސްލިމުންނާމެދު ޢަމަލު ނުކުރާހާ ނުބައިކޮށް ނޫންތޯ އެޢަމަލު ކުރަނީ. ހީވަނީ ހަލާކު ވަރަށް ކައިރި ވެއްޖެ ހެން.
މިތުރު
10 June 2017
މިމީހުން މިމީހުންގެ ކަރުގަހިފަން ފުއްމާލެއް ހާދައަވަހޭ....
ޑޯން
10 June 2017
ތިއުލެނީ ޒާތީކަމެއް ފިލުވާލަން.... މަވެސް ގަތަރާ އެކީ...
ވައްޑޭ
10 June 2017
މަށަށް ކުރިން ވެސް ހީވި އެޓުރަންފުގަނޑު އެތަނަށް ގޮސް މިކަހަލަ ހާޖާނެއް ހަދާނެ ހެން.މިއޮތި ދެން ހުރިހާ އަރަބިން ޖެހިބާރުވެފަ އެމިހުން އެމިހުަނާ އަޅަން ފެށިމަ ހަތިޔާރު ވިއްކަވިއްކާ ތިބިމަ ނިމުނި.