ޖަލަށް ގެންދިއުމުގެ ކުރިން އިދިކޮޅު ބައެއް ފަރާތްތަކާ އެކު އިމްރާން ފޮޓޯއެއް ނަންގަވަނީ -- ޓްވިޓާ ފޮޓޯ
30 ޖޫން 2017 - 16:20
11 comments
އަދާލަތު ޕާޓީގެެ ރައީސް ޝައިހް އިމްރާން އަބްދުﷲ ރޯދަ މަހު ގޭ ބަންދުގައި ބެހެއްޓުމަށް ފަހު އަނބުރާ މިއަދު ބަދަލުކޮށްފަ އެވެ.
އިމްރާން ޖަލަށް ގެންދިޔައީ ކަރެކްޝަނަލް ސާވިސްގެ އޮފިސަރުން އިމްރާން ދިރިއުޅުއްވާ ގެއަށް ގޮހެވެ. އިމްރާން ޖަލަށް ގެންދިއުމުގެ މަސައްކަތް ފެށީ އިމްރާނާ އެކު ގޭ ބަންދަށް ބަދަލުކުރީ ކުރީގެ ޑިފެންސް މިނިސްޓަރު މުހައްމަދު ނާޒިމް އަނބުރާ ޖަލަށް ގެންދިޔަތާ ކުޑަ އިރުކޮޅެއް ފަހުންނެވެ.
އިމްރާން ކުރެއްވި ޓްވީޓެއްގައިވަނީ ޖަލުގައި ހުއްޓަސް އަދި މިނިވަންކޮށް ހުއްޓަސް އޭނާ ހުންނަވާނީ ރައްޔިތުންނާ އެކު ކަމަށާއި އަޒުމެއް ނުގުޑާނެ ކަމަށެވެ. އަދި، ޖަލަށް ގެންދިއުމުގެ ކުރިން އޭނާ ވަނީ މީޑިއާތަކަށް އިންޓަވިއުއެއް ވެސް ދެއްވައިފަ އެވެ.
އިމްރާން 12 އަހަރަށް ޖަލަށްލާފައިވަނީ މެއި، 2015 ގައި އިދިކޮޅު ފަރާތްތަކުން ބޭއްވި ބޮޑު މުޒާހަރާގައި ހަމަނުޖެހުމަސް ހިތްވަރު ލިބޭ ގޮތަށް ވާހަކަ ދެއްކެވި މައްސަލާގައި ޓެރަރިޒަމްގެ ކުށް ސާބިތުވެގެންނެވެ. އިމްރާންގެ ޖަލު ހުކުމަށް ހައި ކޯޓުން ވަނީ ތާއީދުކޮށްފަ އެވެ. އެ މައްސަލަ ސުޕްރީމް ކޯޓުގައި އިސްތިއުނާފް ކުރާނެ ކަމަށް އިމްރާންގެ ވަކީލުން ކުރިން ވަނީ ބުނެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޤުއްޓޭ
01 July 2017
މާތްﷲ ގެ ކުޅަދުން ވަންތަ ވެރިކަން ނިކަން ދެކޭށެވެ. ތިޔަބައި މީހުން ބަޤާވަތް ކުރުމުގެ ސަބަބުން މިއަދު ތިޔަބައި މީހުން އުލެން ޖެހުފައިވާ ހާލު ނިކަން ދެކޭށެވެ. ޙުދު މަނިކުފާނަށް ދީނުގައި ތިކަންތައްތައް އޮންނަގޮތް މާ ސާފުކޮއް އެނގި ވަޑައިގަން ނަވާނެ. ދެންވެސް ތިމާމެން ﷲ ގެ ކިބަފުޅަށް ތަޢުބާވާށެވެ.
ޙަމް
30 June 2017
އަދި މިހެން ހެވިފަ ތިއްބަސް އެކަކު އަނެކަކަ ކަރުގަ ހިފާތަން ފެންނާނެ
ނޯ ކޮމެންޓް
30 June 2017
މަށަށް އޭރުވެސް ހީވިޔޭ، ފެންކުޅި ކުޅުއްވަން އޮންނެވި ގޮތުން ފިސާރި އަވަހަށް ޖަލަށް ގެންދާނެހެން. ދެން ނޯ ކޮމެންޓް.
އަޑީބް އެންޑް ބަދީއް
30 June 2017
"ތަންބްސް އަޕް"
ޑޯން
30 June 2017
ނޯ ކޮމެންޓް...
މމދ
30 June 2017
ތިޔައީ ކޮންމެހެން ކުރަންޖެހޭކަމެއްވެސްނޫން. ޤާނޫނުގެކުރިމަތީގައި އަދި ދުނިޔަވީ ހަމަތަކުގައި، ޤައިދީއެއްނަމަ ޝެއިޚެއް އެހެން މީހެއް ނޯންނާނެ! އެންމެނަކީވެސް ޤައިދީން! މިއީ، މިސަރުކާރަށްއެޅޭ ޅައެއްޗެތީގެތެރޭގައިހިމެނޭ ދަށުދަރަޖައިގެ ޅައެއްޗެތި. ވިދާޅުވާގޮތުގައި މިއީ ފުރިހަމަ ޑިމޮކްރަސީއެއް. އެންމެނަށް ޤާނޫނު ހަމަހަމަ! ވީއެހެނެއްނޫން! ގެނައީ އަޅުދާސްވެ، އެޅިހާބަތަކަށް ރިހަވާނެކަމަށް! އެކަމަކު 42 ހަމަވުމާއި ނުވުމާއިމެދު އުފެދޭޝައްކުތަކާއިއެކު ބިރުގަންނަނީ!
އިސްމާއިލް
30 June 2017
ތެންކް ޔޫ، ޔާމީން!!!!!
މެންޓަލިސްޓް
30 June 2017
އާއަވަހަށް ގެންދޭ ،،،، އޭރުން ވެރިކަން ހިމާޔަތް ކުރެވޭނީ ،،، ވޯޓްވެސް ގިނައިންލިބޭނީ އޭރުން ،، އަދިވާނެ ގާސިމްވެސް ޖަލަށް ހުކުމްކުރަން ،،، އޭރުން ހުރިހާ ކަމެށްވެސް ރަގަޅުވާނީ ،،، ވަރަށްވެދުން
އުދަބާނި
30 June 2017
ރޯދަ ނިމުމަކީ 6 ރޯދަވެސް ނިމުން މި 4 ލީޑަރުންނަކީވެސް 6 ޜޯދަވެސް ހިތްޕަވާ ބޭފުޅުން
ްއަލީ
30 June 2017
މާ ފަސޭހަ ވާނެޔޭ ޖަލުގަ މުޅި އުމުރު ދުވަހު ރޯދަ ހިފިއްޔާ! ހަރަދު ކުޑަވާނެނު.
ދަވޭ
30 June 2017
ޖަލަށް ހުކުމް ކޮށްފައި ތިބި ބަޔަކު ޖަލުގައި ބައިތިއްބަންވީ އެވެ. އެނިމުނީ އެވެ. ސިޔާސީ މަސައްކަތް ކުރާ މީހުން ވެސް އަދި އެހެން މަސައްކަތް ކުރާ މީހުން ވެސް ޖަލަށް ލީމާ ދެން އެމެން ބައިތިއްބަން ޖެހޭނަމަ ވެސް އެމެން ވެސް ޖަލުގައި ބައިތިއްބަން ޖެހޭނެ ގައުމުގައި ސްޓެބިލިޓީ މެއިންޓެއިން ކުރުމަށް ޓަކައި. މީ ގައުމެއް ހިންގަން ޕޮލިޓިކަލް ސައެންސް ބުނާ ގޮތަކީ.