ތިނަދޫ އުތުރު ދާއިރާގެ މެމްބަރު ސައުދުﷲ. - ފޮޓޯ: މަޖިލިސް
10 ޖުލައި 2017 - 14:13
9 comments
ގދ. ތިނަދޫ އުތުރު ދާއިރާގެ މެމްބަރު ސައުދުﷲ ހިލްމީ ވެސް، ވެރިކަން ކުރާ ޕީޕީއެމުން މިއަދު ވަކިވެއްޖެ އެވެ.
ރައްޔިތުންގެ މަޖިލީހުގެ ރައީސް އަބްދުﷲ މަސީހްގެ އިތުބާރު ނެތްކަމުގެ މައްސަލާގައި ޕީޕީއެމުން ސޮއިކުރެއްވި 10 މެމްބަރުންގެ ތެރޭގައި ވެސް ހިމެނިވަޑައިގަންނަވާ ސައުދުﷲ، އެ ޕާޓީގެ ސެކްރެޓަރީ ޖެނެރަލް އަބްދުﷲ ޚަލީލަށް ފޮނުއްވި ސިޓީއެއްގައި ވިދާޅުވީ މިވަގުތު ސިޔާސީ މަސްރަހު އޮތް ގޮތުން. އެއްވެސް ސިޔާސީ ޕާޓީއެއްގައި އޭނާ ހުންނެވުމަށް ފެނިވަޑައިނުގަންނަވާތީީ އަދި ދާއިރާގެ ގިނަ ބަޔަކު ވެސް އެގޮތަށް އެދޭތީ، ޕީޕީއެމުން ވަކިވީ ކަމަށެވެ.
ސައުދުﷲ ޕީޕީއެމުން ވަކިވިއިރު، މައްޗަންގޮޅީ އުތުރު ދާއިރާގެ މެމްބަރު އަދި ފަސްޓް ލޭޑީ ފާތުމަތު އިބްރާހީމްގެ އަރިހުގައި ސިޔާސީ ގޮތުން އެންމެ އިސްކޮށް މަސައްކަތް ކުރެއްވި އަބްދުﷲ ސިނާން ވެސް މިއަދު ވަނީ އެ ޕާޓީން ވަކިވެފަ އެވެ. މީގެ ކުރިން ވަނީ ޕީޕީއެމްގެ ޕާލަމެންޓްރީ ގުރޫޕުގެ ޑެޕިއުޓީ ލީޑަރު ދަނގެތި ދާއިރާގެ މެމްބަރު އިލްހާމް އަހުމަދާއި ދިއްދޫ ދާއިރާގެ މެމްބަރު އަބްދުއްލަތީފް މުހައްމަދު އަދި ހަނިމާދޫ ދާއިރާގެ މެމްބަރު ހުސެއިން ޝަހުދީ އެވެ.
ސައުދުﷲ ޕީޕީއެމުން ވަކިވުމާ އެކު އެ ޕާޓީގެ މަޖިލިސް މެމްބަރުންގެ އަދަދު 39 އަށް ވަނީ ވެއްޓިފަ އެވެ. ޕީޕީއެމާ އެކު ކޯލިޝަން ހަދާފައިވާ އެމްޑީއޭގެ ފަސް މެމްބަރުންނާ އެކު އެ ކޯލިޝަނަށް ނިސްބަތްވާ މަޖިލިސް މެމްބަރުންގެ އަދަދަކީ މިހާރު 44 އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކޭޑު
10 July 2017
ފައިދާއެއްނެތް ގެއްލުންހުރި އެއްޗެއް ގަންނާނީ ކާކު؟
ރަދީފް އެންޑް ރަފައިދާ
10 July 2017
ވެއްޓެނީ. ތަނބަކަށްފަހު ތަނބެއް މުގުރި ބިންމަތިވެ ހިރަފުހަށްވަނީ. ސަލާމަތްވޭ މީސްތަކުންނޭ.
މުހަދު
10 July 2017
ފުވައްމުލަކު އުތުރު ދާއިރާގެ މެމްބަރު ޝާހު އާއި ފުވައްމުލަކު މެދެ ދާއިރާގެ މެމްބަރު އަލިބެ އަސް ވަކިވެންނެން ކަމަހަ އުއްމީދު ކެރަން. -ވަރަހަ ގާތް މީހެއް
ފޭޒް
10 July 2017
މިއަދު ތިނަދޫ ރައްޔިތުންގެ މޫނުތަކުން ފެންނަނީ އުފާވެރކަމެވެ. އެކަކު އަނެކަކު ފެނުނީމައި ހީލާފައި ސަލާމް ކޮއްލައުފާދާތަނެވެ
ރޮކެޓް ސައިންސް
10 July 2017
ސާބަހޭ ސައުދު. ތިނަދޫ ރައްޔިތުން މިއަދު އުފަލުން ފޮޅެނީއެވެ. ރައްޔިތުންގެ ހައްގުގައި ތިކޮއްދެވާ ކަންތަށްތަކަށް އައްސަރިބަހާ ސާބަސް ދަންނަވަމެވެ. އަބުޅޯ ވެސް ވަކިވާނެކަމަށް އުންމީދު ކުރަމެވެ.
އައްޑޫ ބަކުރު
10 July 2017
ސާބަސް ކުދިންނަށް އަދިކިރިޔާ ގައުމު ހެޔޮމަގަކަށް މިސްރާބު މިޖަހަނީ
ތަމް
10 July 2017
ހުރިހާ މެމްބަރުން ޕީޕީއިން ވަކިވެ މިނިވަންކޮށް ތިބެންވީ.
ޒާ
10 July 2017
ކިތަންމެ ގާތްކޮށްގެން އުޅުނަސް އުނދަގޫތަކާއި ޖެހޭވަގުތު ދުރައް ދުއްވައިގަންނާނީ އިޚްލާސްތެރިކަން ނެތް ޚިޔާނާތްތެރިން. އެކަން ނޭނގިގެން ސަރުކާރުން އަބަދު އެމީހުންނައިގެން ބަގުޑި ބައްދާތީ ގޯސްވަނީ.
ފުރޭތަ
10 July 2017
ސާބަހޭ ތީ ރައްޔިތުން ބެނުން ވާކަހަލަ ދަރިން ނަކީ ގޮޑި ގެއްލުނަސް ހާސް ނުވާތި މިގައުމުގަ މަޖިލިސް ކިޔާތަނެއް އޮތިއްޔާ އަހަރުމެން ތިހިއްވަރުގަދަ ބަތަލުން ހޮވާނަން