އެމްޓީސީސީން ތިލަފުށީގައި ބޯޓް ޔާޑެއް ހުޅުވައިފި

އެމްޓީސީސީގެ ބޯޓް ޔާޑް: ބާޖު ފަދަ އުޅަނދުފަހަރު ދެން ބަންނާނީ އެތަނުން ކަމަށް އެމްޓީސީސީން ބުނޭ .-- ފޮޓޯ: މިހާރު/ހުސައިން ވަހީދު

އަލީ ޝިނާން، މިހާރު

12 ސެޕްޓެމްބަރ 2017 - 10:22

2 comments

އެމްޓީސީސީން ތިލަފުށީގައި ބޯޓް ޔާޑެއް އިއްޔެ ހުޅުވައިފި އެވެ.

ތިލަފުށީގައި ބޭއްވި ރަސްމިއްޔާތެއްގައި ބޯޓް ޔާޑް ހުޅުވައިދެއްވަމުން އެމްޓީސީސީގެ ސީއީއޯ އިބްރާހިމް ޒިޔަތު ވިދާޅުވީ އިލެކްޓްރޯނިކް ކެރޭން ބޭނުންކޮށްގެން ބޮޑެތި ބޯޓުފަހަރު އެހެލަން ރާއްޖޭގެ އެންމެ ބޮޑު ބޯޓް ހޮއިސްޓް މިހާރު ހުންނާނީ އެ ތަނުގައި ކަމަށެވެ.

"މި ބޯޓް ހޮއިސްޓް އައުމުން ވަރަށް ފަސޭހަވާނެ [ވިޔަފާރި ފުޅާކުރުމަށް]. ވިޔަފާރިއެއް ފުޅާވެގެން އަސްލު ހަގީގަތުގައި މި ދިޔައީ،" ޒިޔަތު ވިދާޅުވި އެވެ.

އެމްޓީސީސީން ބުނީ ބޯޓް ހޮއިސްޓުން 200 ޓަނުގެ އުޅަނދުތައް އުފުލޭނެ ކަމަށެވެ.

އެމްޓީސީސީގެ ސީއީއޯ ޒިޔަތު ވާހަކަ ދައްކަވަނީ .-- ފޮޓޯ: މިހާރު/ހުސައިން ވަހީދު

ޒިޔަތު ވިދާޅުވި ގޮތުގައި އެމްޓީސީސީގެ ހުރިހާ އުޅަނދުފަހަރެއް މަރާމާތުކޮށް ހަދާނީ އެ ބޯޓް ޔާޑުގަ އެވެ. އަދި ބޯޓް ޔާޑުގެ އާމްދަނީ މި އަހަރު ނިމުމުގެ ކުރިން 40 މިލިޔަން ރުފިޔާ އަށް އަރާނެ ކަމަށް ލަފާކުރެއްވޭ ކަމަށް ވެސް އޭނާ ވިދާޅިވި އެވެ.

ޒިޔަތު ވިދާޅުވި ގޮތުގައި ވެލްޑިން ކުރުމާއި އިންޖިނިއަރިން މަސައްކަތްތަކުގެ އިތުރުން ފައިބަރުގެ މަސައްކަތްތަކާއި އޮޑިދޯނިފަހަރު ބަނުމާއި ލަކުޑި މަސައްކަތްތައް ވެސް އެތަނުގައި ކުރެވޭނެ އެވެ.

އެމްޓީސީސީގެ ބޯޓް ޔާޑުގެ މުވައްޒަފުން މަސައްކަތުގައި.-- ފޮޓޯ: މިހާރު/ހުސައިން ވަހީދު

"އަޅުގަނޑުމެން ކުރިން ބޮޑު ހަރަދެއް ކޮށްގެން ބާޖް ކަހަލަ އުޅަނދުތައް ގަންނަނީ. މިހާރު އެކަން އިރާދަކުރެއްވިއްޔާ މި ނިމުނީ. ދެން އަޅުގަނޑުމެން ބޭނުންވާ ބާޖްތައް މިތަނުން ބަނދެވޭނެ. އެހެން ކުންފުނިތަކަށް ވެސް އެ ހިދުމަތް ދެވޭނެ،" ޒިޔަތު ވިދާޅުވި އެވެ.

ބޯޓް ޔާޑް ހުޅުވަން ބޭއްވި ރަސްމިއްޔާތުގައި އެ ބޯޓް ޔާޑުން ބަނދެފައިވާ ދެ ވަނަ ބާޖް ވަނީ ބާލާފަ އެވެ.

ތިލަފުށި އެމްޓީސީސީ ބޯޓްޔާޑް

2 ކޮމެންޓް, 15 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އުނބުށެން

12 September 2017

އާކަންކަން ފަށާއިރު ލީކްވާބައި ހުއްޓުވަން ނުވަތަ ވީހާވެސް ކުޑަކުރަން އެޅެންހުރި ހުރިހާ ފިޔަވަޅެއް އަޅަންޖެހެއެވެ. އެހެން މިބުނީ ފެރީ ޓިކެޓް ވިއްކާއިރު ވަގުތުން ކަނޑާލައި އެއްބުރި އަތަށް ނުދޭތީ އެއް ޓިކެޓް ދެފަހަރަށް ވިއްކައިގެން މުވައްޒަފުން ނެގި ލާރިއަކީ ކުންފުންޏަށް ނުލިބޭނެ ފައިސާއަށް ވާތީއެވެ.