ކަސްޓަމްސްއާ ބެހޭ ގޮތުން އޭސީސީން ތައްޔާރުކުރި ރިޕޯޓެއް ކޮމިޝަނާ ޝަރީފް މިއަދު ނެރެދެއްވަނީ. ފޮޓޯ: ނިޝާން އަލީ /މިހާރު
17 ސެޕްޓެމްބަރ 2017 - 13:48
65 comments
ކަސްޓަމުން ހިދުމަތްތައް ހޯދަން ރިޝްވަތު ދޭން ނުޖެހޭނެ ކަމަށާއި ރިޝްވަތު ދިނުން ހުއްޓާލުމަށް ކޮމިޝަނާ ޖެނެރަލް އޮފް ކަސްޓަމްސް އިބްރާހިމް ޝަރީފް މިއަދު ގޮވާލައްވައިފި އެވެ.
ކަސްޓަމްސްއާ ބެހޭ ގޮތުން އެންޓި ކޮރަޕްޝަން ކޮމިޝަން (އޭސީސީ) އިން ތައްޔާރުކުރި ރިޕޯޓެއް ނެރުމަށް މިއަދު ހެނދުނު ބޭއްވި ރަސްމިއްޔާތުގައި ވާހަކަދައްކަވަމުން ޝަރީފް ވިދާޅުވީ މުޖުތަމައުން ކޮރަޕްޝަން ނައްތާލުމަށް ރިޝްވަތު ދިނުން ހުއްޓާލަން ޖެހޭ ކަމަށެވެ.
"ތިބޭފުޅުން ކަސްޓަމްސް އިން ކަންތައްތައް ކުރައްވަން ރިޝްވަތު ދެއްވާކަން ޖެހިވަޑައެއްނުގަންނަވާނެ. އެހެންވީމަ ރިޝްވަތު ދިނުން ހުއްޓާލައްވާ،" އޭނާ ވިދާޅުވި އެވެ.
ކަސްޓަމްސްއާ ބެހޭ ގޮތުން އޭސީސީން ތައްޔާރުކުރި ރިޕޯޓު ނެރުމަށް ބޭއްވި ރަސްމިއްޔާތުގައި ކޮމިޝަނާ ޝަރީފް ވާހަކަދައްކަވަނީ. ފޮޓޯ: ނިޝާން އަލީ /މިހާރު
ކޮމިޝަނާ ޖެނެރަލް ވިދާޅުވީ ކަސްޓަމްސްގެ އާދައިގެ އޮފިސަރަކަށް މަހަކު މުސާރައިގެ ގޮތުގައި ލިބެނީ ގާތްގަނޑަކަށް 13،000ރ. ކަމަށެވެ. އަދި އެއިން ކުއްޔާއި ދަރިންގެ ހަރަދުތައް ހަމަޖެއްސުމަކީ ދަތި ކަމަކަށްވާނެ ކަމަށް ވެސް ޝަރީފް ވިދާޅުވި އެވެ.
"އަޅުގަނޑުމެންގެ އިންކަމް [އާމްދަނީ] އާއި އެކްސްޕެންޑިޗާ [ހަރަދާ] ދެމެދު ވަރަށް ބޮޑު ފަރަގެއް އެބަހުރި. އަޅުގަނޑުމެންގެ އޮފިސަރަކަށް ގެ އަށް ގެންދަން ލިބެނީ 13 ވަރަކަށް ހާސް ރުފިޔާ. މި 13 ހާސް ރުފިޔާ އިން ގެދޮރު ކުއްޔަށް ހިފައިގެން ދަރިން ސްކޫލަށް ފޮނުވަމުން ދެން ވެސް ކުރަން ޖެހޭ ހަރަދެއްކުރަން ޖެހެނީ. މިކަމަށް އޮތް އެންމެ ބޮޑު ހައްލަކީ ގެދޮރުވެރިކުރުވުން،" އޭނާ ވިދާޅުވި އެވެ.
ސަރުކާރުން މިހާރު ކުރަމުން އަންނަ ގެދޮރުވެރިކުރުވުމުގެ މަސައްކަތަށް ތައުރީފް ކުރައްވައި ވާހަކަދައްކަވަމުން ޝަރީފް ވިދާޅުވީ ގެދޮރުވެރިކުރެވިއްޖެ ނަމަ ކޮރަޕްޝަނަށް މަގުފަހިވާ ކަންތައް މަދުވެގެންދާނެ ކަމަށެވެ.
އެ ރަސްމިއްޔާތުގައި ވާހަކަދައްކަވަމުން އޭސީސީގެ ނައިބު ރައީސް މުއައްވިޒު ރަޝީދު ވިދާޅުވީ ކަސްޓަމާ ބެހޭ ގޮތުން ހެދި ދިރާސާގައި ފާހަގަކުރެވުނު ކަންތައްތައް އެ ތަނުން ރަނގަޅުކުރަން މަސައްކަތްކުރަމުން އަންނަ ކަމަށެވެ.
ކަސްޓަމްސްއާ ބެހޭ ގޮތުން އޭސީސީން ތައްޔާރުކުރި ރިޕޯޓު ނެރުމަށް ބޭއްވި ރަސްމިއްޔާތުގައި އޭސީސީގެ ނައިބު ރައީސް މުއައްވިޒު ބައިވެރިވެވަޑައިގަންނަވަނީ. ފޮޓޯ: ނިޝާން އަލީ /މިހާރު
"ކޮމިޝަނަށް ހުށަހެޅިފައި ހުރި ބައެއް މައްސަލަތަކާއި ޝަކުވާތަކާ ގުޅިގެން ދިރާސާކުރަން ބޭނުންވީ. އެ ޝަކުވާތައް އަންނަނީ ކީއްވެގެންތޯ ބެލުމާއި އެ ކަންތައްތައް ދެނެގަތުމަށްޓަކައި ދިރާސާކުރަން ނިންމީ،" އޭނާ ވިދާޅުވި އެވެ.
މުއައްވިޒު ވިދާޅުވީ ދުނިޔޭގެ ވަރަށް ގިނަ ގައުމުތަކުގައި ކަސްޓަމަކީ ކޮރަޕްޝަންގެ ފުރުސަތު އެންމެ ބޮޑު ތަންތަން ކަން ފާހަގަކުރާ ކަމަށެވެ. ނަމަވެސް ކަސްޓަމުން ހިދުމަތް ހޯދުމުގައި އައިސްފައިވާ ބަދަލާ ގުޅިގެން ހިދުމަތް ހޯދުމުގައި އާއްމުންނަށް ވަރަށް ބޮޑަށް ފަސޭހަވެފައިވާ ކަމަށް ވެސް އޭނާ ވިދާޅުވި އެވެ.
އެ ދިރާސާ އަށް އަލިއަޅުވާލައްވައި މުއައްވިޒު ވިދާޅުވީ ކަސްޓަމުން މުދާ ކްލިއާ ކުރުމުގައި ފައިސާ ދައްކަން ހަރުދަނާ އުސޫލްތަކެއް ގާއިމުކޮށްފައިވާ ކަމަށެވެ. އަދި އެ އުސޫލްތަކާ އެއްގޮތަށް ކަސްޓަމާއި އާއްމުން އަމަލުކުރާ ނަމަ ކޮރަޕްޝަންގެ އަމަލް ހިންގުން މަދުވާނެ ކަމަށް ވެސް އޭނާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެމް. ޢައި
18 September 2017
ހެ ހެ ހޭ. ދެން މަ ހީހީ. ކޮބާ ބޯޓު ފުރާތާ؟
އަބްދުﷲވަހީދު
18 September 2017
މިހާރު ރިސްވަތު ނުނަގަ މީ ހަދިޔާ މިވެސް ނަގަނީ މަތީފަޑީގަ ތިބޭ ދެ މީހަކު
އުމަރު
18 September 2017
ރިޝްވަތުދޭކަށެއް ރަސްމީކޮށް އެއްވެސް ތަނެއްގައި ނޮއޮންނާނެ، ރިޝްވަތު ނެގުމަށް ހުރިހައި މުއައްސަސާއަކުންވެސް ހަދަނީ ފަލަ އުނދަގޫ ގަވައިދު، ދެން އެގަވައިދު ކޮންޓްރޯލްކުރާނީ އެތަނުގެ ކޮންމެވެސް އޮފިސަރެއް އޭނާގެ ހުއްދަނެތީސް އެގަވައިދުގެ ހިމެނޭ ކަމެއް ނުކުރެވޭގޮތަށް އޮންނާނީ، ދެން އޭނާ އުޅޭތީ ޗުއްޓީގައި، ނުވަތަ އޮފްޑޭގައި ނުވަތަ ޑިއުޓީގައިނޫން، ދެން އޭނާ އަންނަންދެން މުދާ ކުލިއާނުކޮށް ތިބެންޖެހޭނީ، އެހެންކަމުން ސަރުކާރުގެ ކުރިހާ ތަނެއްގައިވެސް ހެދިފައިވާ ގަވައިދުތަށް ބައްޓަންކުރެވިފައިވަނީ ހިދުމަތް ލިބިގަންނަން އަންނަ މީހާ ބައްދަލުކުރަންޖެހޭ ކައުންޓަރުގައި ތިބޭ ބަޔަކަށް އެކަމެއް ކުރެވޭ ގޮތަކަށްނޫން އުސޫލު އޮންނަނީ، ދެން ކައުންޓަރުގައި ތިބޭނީ ފޯނު ނަގާ ގުރޫޕާއި، ވެރިން ބުނީމަ ބުނާކަމެއް ކުރަންތިބޭ ގުރޫޕާއި ވެރިންގެ ގުލާމުން، އެއީ ކަސްޓަމަރުންގެ ގުލާމުންނެއްނޫން، އެހެންކަމުން ހެދިފައިވާ ކޮންމެ ގަވައިދެއްގަައި ހުންނާނެ ރިޝްވަތުނެގޭނެ ބައިތަށް، އެކަމަކު ނުސީދާކޮށް
ވަކަބޭ
18 September 2017
ހަދިޔާ ދޭންޖެހޭނީ ދެއްތޯ!
އިބޫ
18 September 2017
13000ރ އިން ދެކޮޅެއް ނުޖެހޭނެޔޭ، އެހެންވީމަ ދެން އޮތް ގޮތް ހަދާދޭށޭތޯ ތިޔަ ވިދާޅުވަނީ
މިވަރެއްނެތް
18 September 2017
އެފްރިކާގެ ބައެއް ކޮރަޕްޓް ގައުމުތަކުގައި ކަސްޓަމާއި ސަރުކާރުގެ ބައެއް މުހިންމު މަގާމުތަކުގައި ތިބޭމީހުންނަށް ވިޔަފާރިވެރިން ކޮންމެ މަހަކު ވަކިން މުސާރަ ދޭ. އެއިރުން އެވިޔަފާރިވެރިންގެ މުދާ އަވަސްވާއިރު ވާދަވެރިންގެ ކޮންޓެއިނަރތައް ނެރެވޭނީ ވަރަށްވެސް ލަހުން. އެމީހުންގެ ކޮންޓެއިނަރުގައި ހުންނަ ހުރިހާ ދަޅުތަކާއި ޕެކެޓްތައް ވަކިވަކިން ގުނަންޖެހޭ. ކްރޭންއޮޕަރޭޓަރ ނުވަތަ ހާބަރމާސްޓަރު ބަލިވެދާނެ. ސަރުކާރުގެ މުއައްސަސާތަކުގައި ތިބޭއިރު މުސާރަދޭ ވިޔަފާރިވެރިއާގެ ސިޓީތަކަށް އަވަހަށް ޖަވާބުލިބޭނެ. ހުއްދަތައްވެސް އަވަސް ވާނެ. ވާދަވެރިން ތިބެންޖެހޭނީ ކިޔުގަ. ފްލެޓެއް ބޭނުންވުމުން ކުއްލިއަކަށް ފްލެޓް އަޅާކުންފުނީގެ އިސްވެރިއެއްގެ މައްސަލަތައް ކޮރަޕްޝަން ހުއްޓުވާ އިދާރާއަކުން ބަލަން ފަށާ. އެގައުމުތަކުގައި އުޅޭ ވިޒާނެތި އުޅޭ ބިދޭސިން ގޭގައި ތިއްބާ އެގައުމަކުން ބޭރުވިކަމާއި އަދި އެތެރެވިކަމުގެ ސްޓޭމްޕް ޖެހޭ. %100 މުސްލިމް ގައުމަކަށްވީތީ ރާއްޖޭގެ ހާލަތު އެގޮތަށްނުދާނެ ކަމަށް އަހަރެމެން ޔަގީންކުރަން.
ޝަންމޫނު
18 September 2017
ޢަހަންނެއް ނުނަގަން ރިޝްވަތެއް! ޢެކަމު ކަސްޓަމު ކުއްޖަކާ އިންނަން މިއުޅެނީ. ޢެވާނެތަ ރިޝްވަތަށް؟
ވަހީދު
18 September 2017
ހަމަ ރީއްޗަށް އެބުނީ 13000ރ ލިބޭތީވެ ކޮރަޕްޝަން ހިންގަނީ. ޢެކަމަކު އޭސސ އިނީމަ އެބުނީ ކޮރަޕްޝަން ނުހިންގާށެ. ކީއްވެތަ ރިޕޯޓް އާއްމު ނުކުރީ. ޝަން ބޮޑުކަމުންދޯ. އެހެންނޫނަސް ތިތަނުގެ ވާހަކަ ދުވާލު ދައްކާކަށްވެސް ނުވާނެ. ތިތާ ވެރިމީހާގެ ވާހަކައި ރާގުހުރީ މިރއީސގެ ރާގަށް. ދެން އަތްޖަހާ ބާރަށް.
މޮންކު
18 September 2017
ރީއްޗަށް ތިވިދާޅުވަނީ ރިޝްވަތު ދޭށޭ ދޯ!
އަލްޖިބްރާ
18 September 2017
އާމްދަނީއަށް ލިބެނީ މިވަރޭ ، ދިރިއުޅުމުގެ ހުރިހާކަމަކަށް ޚަރަދު ކުރަން ޖެހެނީ އާމްދަނީއިން ލިބޭ އެއްޗަކުންނޭ ބުނެ ތަފްސީލު ކޮށްތިބުނަނީ ރިޝްވަތަށް މަގުފަހިކުރުމަށެވެ. އެއްފަހަރު ތިބުނަނީ ނުދޭށެވެ. އަނެއްފަހަރު ތިބުނަނީ ދޭށެވެ.ކަސްޓަމްސްގެ ތާރީޚް ބަލާލިއަސް ރިޝްވަތަށް ހިންގާފާހުރި ބޮޑެތި ޖަރީމާތަށް ވަރަށް ސާފުކޮށް ފެންނަން އެބަހުއްޓެވެ.ތިޔަމުއައްސަސާގެ ރިޝްވަތުގެ ކުޅިގަޑަކީ ނިމުމެއް އޮތް ކަމެއް ނޫނެވެ. ކުދި ސޯބު އެބުރޭނީ ބޮޑުސޯބު އެބުރޭ ގޮތަކަށެވެ.