19 ސެޕްޓެމްބަރ 2017 - 10:23
34 comments
އާސަންދައިގެ ހިދުމަތް ދޭ ފާމަސީތަކުން އިތުރު ފީތަކެއް ނެގުމަށް އެންސްޕާ އިން މަޝްވަރާ ކޮށްފި އެވެ.
ދާދި ފަހުން އެންސްޕާ އިން ވަނީ ފާމަސީ ހިންގާ ފަރާތްތަކާ ބައްދަލުކޮށް އާސަންދައިގެ ހިދުމަތް ބޭނުންކުރާ ފާމަސީލަތުން ފީތަކެއް ނެގުމާ ގުޅޭ ގޮތުން މަޝްވަރާ ކޮށްފަ އެވެ.
ޕާމަސީ ހިންގާ ފަރާތަކުން "މިހާރު"އަށް މައުލޫމާތު ދިން ގޮތުގައި މިހާރު ހިލޭ ބޭނުންކުރާ އާސަންދަ ޕޯޓަލް ބޭނުންކުރާ ފަރާތްތަކުގެ އަތުން 3500 ރުފިޔާ އަދި ޕޯޓަލް ބޭނުން ނުކުރާ ފާމަސީތަކުން 7000 ރުފިޔާ ނެގުމަށް މަޝްވަރާ ކޮށްފައިވާ ކަމަށެވެ.
އޭގެ އިތުރުން އާސަންދައިގެ ހިދުމަތް ދޭ ފާމަސީތަކުން ރަޖިސްޓްރީ ފީއެއް ނެގުމަށް ވެސް މަޝްވަރާ ކުރަމުން އަންނަ ކަމަށް އެ ފަރާތުން ބުންޏެވެ.
ފާމަސީ ހިންގާ ފަރާތްތަކުން ވަނީ އާސަންދަ އަށް ބިލް ކުރުމުން، އެތައް މަސްތަކެއް ވާއިރު ވެސް އެ ބިލްތަކަށް ފައިސާ ނުލިބޭ އިރު އިތުރު ފީއެއް ނަގަން އުޅޭތީ ކަންބޮޑުވުން ފާޅުކޮށްފަ އެވެ.
އެކަމާ ގުޅޭ ގޮތުން އެންސްޕާގެ ސީއީއޯ އިސްމާއިލް އައްޒާމް ވަޖީހު ވިދާޅުވީ އުސޫލްތަކެއް ކަނޑައެޅުމަށާއި އަގުތަކެއް ނެގުމަށް މަޝްވަރާ ކޮށްފައިވާ ކަމަށާއި ނަމަވެސް އެ ކަމަށް އަދި ވަކި ގޮތްތަކެއް ނުނިންމާ ކަމަށެވެ.
"އުސޫލްތަކެއް ތައްޔާރު ކުރަން މަޝްވަރާ ކުރަން ނިންމީ. ފީއެއް ނަގާނެ ވަރު އަދި ވަގި ގޮތެއް ނުނިންމާ،" އައްޒާމް ވިދާޅުވި އެވެ.
މަޝްވަރާ ކުރެއްވި ކަންތަކާއި ނަގާ އަގުތަކުގެ ތަފްސީލެއް އޭނާ ހާމައެއް ނުކުރައްވަ އެވެ.
އޭނާ ވިދާޅުވީ އެ އުސޫލްތައް ހަމަޖެހުނުހާ އަވަހަކަށް ގެޒެޓް ކުރާނެ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިބޫ
20 September 2017
ތިޔަ ފީ ތައް ވަންނާނީ ހަމަ ބޭހުގެ އަގަށް، އެވެސް ކެނޑެނީ އާސަންދަ ބަޖެޓުން، ދެން ކޮބާ މީގެ ބެނުމަކީ؟؟ އިތުރު އެޑްމިން ފަންކްޝަނެއްް ވަންނާނީ
ނުވިސްނޭ
20 September 2017
މިޔައް ކިޔަނީ ޒީރޯބެލެންސް މެތަޑޭ- މިފަހަރު އާސަންދަޔައް ހޭދަވި ލާރި އަބުރާ ރައްޔިތުން އަތުން ނަގާނެ.
ހޭކެނޑޭ
20 September 2017
ސަހަރޯ! ފާމަސީ ތަކުން އެކަނި އެއްނޫން ފީ އޭ ތިކިޔާ އެތި ނަގަންވީ. ދިވެހި ބޭސްވެސް ކޮއްދޭ މީހުނާއި ފޫޅު މައިން އަތުންވެސް ނަގަންވީ. ދަޢުލަތައް ފައިސާ ހޯދުނު ގޮތަކުން ހޯދަންވީ. ރައްޔިތުން ތިބީ ކައި ބޮއިގެންތޯ ވެސް ބަލާނެ ކަމެއްނެތް.
ތިމަންނަ
19 September 2017
ދެން އަޑުއިވޭނީ މަގުމަތީ ހިގާ މީހުންގެ އަތުން ފީ އެއް ނަގަން ވިސްނާ ވާހަކަ ، ދުވާރު ފިއަވާ އެހެން ތަނެއްގައި ހިގާނަމަ ފީނަގާ ގޮތަށް......
ކަޅޭ
19 September 2017
ދެން އާސަންދަ ކަވަރު ނުކުރާބޭސް ގިނަވެ، ކަވަރު ނުކުރާ ބޭހުގެ އަގު ބޯޑުވާނީ!!! ކޮބައިތޯ އާސަންދަައިން ރައްޔިތުންނަށް ލިބޭ ފަސޭހަ އަކާ ފައިދާއެއް؟؟؟؟
އިފާ
19 September 2017
ދެންވެސް ބާރަށް އަތްޖަހަން ތިބޭ
އަލްޖިބްރާ
19 September 2017
ހުރިހާ ބޭހެއްގެ އަގުބޮޑު ކުރާނެ ! އެކަމަކުވެސް ރައްޔިތުންނަށް ޓަކާ ދޯ ؟ މިއީ ހަމަ މުސީބާތެއް !
ޠަގޭ
19 September 2017
2018 ޔަގީންވިއްޔޭ ނޫންހަމައެކަނި ކަށަވަރުވެ ނިމުނި
އަސަންދަ
19 September 2017
ޢާސަންދަ ހުއްޓައެއްނުލާނެ. މިގޮތަށް މަޖުބޫރުން ކަންކަންކޮށް އެ ލިބުން އުނދަގުކުރާނީ. އެއީ ކެންސަރު ބަލިމިހުން ނުފޮނުވާވެސް ހިފހައްޓާ ގޮތަކީ. އޭޑީކެގައި އިންނަ ރޯނުއެދުރު ޑަކްތަރަކަށް ދައްކަން ބުނަނީ. އޭނައަށް ނެގެ ވައްތަރެއްގެ ކެންސަރެއްނެތް. އޭނަ މީނަ ނުފޮނުވެނެ ދާ އެންމެންނަސް ބުނަނީ. ދުނިޔެގެ އެންމެ ކުރިއަރާފަ ހުންނަ ތަންނތަވެސް އެކި ވައްތަރު މީހުނަށް ތަފާތި ސްޕެޝަލިސްޓުން. އެކަމު މިބުނަ މިހައަށް ނެގޭ އެއްޗެއް ނެތް.
ޑޮކްޓަރުންގެ ސިޓީ / އައްޑޫ ސިޓީ
19 September 2017
މާލޭ ސަރުކާރުން ނުހަނު ބޮޑަށް ހިފަހައްޓާފައި ވަނިކޮށް މިއުޅޭ "ކުލީ އަޅުން" ވަރަށް ގިނަ ރަށްރަށުގެ ފެން ހަޑިވެ ނަޖިސްވެ ތައައްޔަރުވާފަދަ ގޮތަކަށް ފާހާނާ ނަޖިސްވަޅު ގޯތިތެރޭގައި ބަހައްޓައިގެން އެބައުޅޭ. . . މިއީ ކަޑައެޅިގެން މިސަރުކާރުގެ ތަރައްޤީގެ ކަންކަމަށް ހުރަސްއެޅޭނެ އަދި ކުލީ އަޅުންނާއި 25 ބުރީގެ ހޮސްޕިޓަލަށް އަންނާންޖެހޭމީހުން މަދުވެދާނެ ފަދަ ކަމެއް. . . ރަށްރަށުގައި ފާހާނާ ބެހެއްޓުމުން ތައްޓަކަށް މަހުފީގެ ގޮތުގައި 500ރ ނެގުމަށް މާލޭ ސަރުކާރުން ވިސްނުން ރަނގަޅު.