15 އޮކްޓޯބަރ 2017 - 11:34
13 comments
ލަންކާގެ މަޝްހޫރު ސްކޫލެއް ކަމަށްވާ ޑޭ ބްރިޖް ސްކޫލުގައި މިދިޔަ ބުރާސްފަތި ދުވަހު ހިންގި މާރާމާރީއާ ގުޅިގެން ހައްޔަރުކުރި ކުދިންގެ ތެރޭގައި ހިމެނޭ ދިވެހި ދެ ކުދިން ލަންކާގެ ކޯޓަށް ހާޒިރުވާން އަންގައިފި އެވެ.
އުމުރުން 18 އަހަރު ނުފުރޭ ދިވެހި، އަދި ލަންކާ ކުދިންތަކެއް ހިންގި އެ މާރާމާރީއާ ގުޅިގެން ތިން ކުއްޖަކު ވަނީ ޒަހަމް ވެފަ އެވެ. އޭގެ ތެރޭގައި ދިވެހި ދެ ކުދިން ހިމެނެ އެވެ. އެ މައްސަލައިގައި ދިވެހި ދެ ކުދިން ހިމެނޭ ގޮތަށް ހަތަރު ކުއްޖަކު ހައްޔަރު ކޮށްފައިވެ އެވެ.
ރާއްޖެ އިން ލަންކާ އަށް ކަނޑައަޅާފައިވާ ސަފީރު، މުހައްމަދު ހުސައިން ޝަރީފް (މުންދު) މިއަދު ވިދާޅުވީ އެ ކުދިން ފުލުހުންގެ ހައްޔަރުން ދޫކޮށްލާފައިވާ އިރު ހޮސްޕިޓަލުން ވެސް ފަރުވާ އަށް ފަހު ދޫކޮށްލާފައިވާ ކަމަށެވެ.
އެކުދިން ކޯޓަށް ހާޒިރުވާން އަންގާފައިވަނީ މިމަހު ފަހުކޮޅު ކަމަށް މުންދު ވިދާޅުވި އެވެ.
"ކޯޓަށް ހާޒިރު ކުރަނީ. އެކަމަކު ދައުވާ ނުކޮށް ޖޫރިމަނާއަކުން ނުވަތަ އެހެން ޝަރުތެއްގެ ދަށުން ދޫކޮށްލުމުގެ އިހުތިޔާރު ވެސް އޮންނާނެ ދެއްތޯ،" މުންދު ވިދާޅުވި އެވެ.
އަވަށްޓެރި ސްރީލަންކާގައި މިހާރު ވެސް 15000 އަށް ވުރެ ގިނަ ދިވެހިން ދިރިއުޅެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަސަނު.
16 October 2017
މޮންދޫދުގެ ސަފީރުކަމުގެ ފަތްކޮޅު ލަންކާގެ ރައީސަށް އެރުވި ޚަބަރު މިހާރު ނޫހުން ގެނެސްދީފައިވޭތޯ ވަރަށް ސާރޗް ކުރެވިއްޖެ. އެކަމަކު އަދިވެސް އެ ޚަބަރެއް ނުފެނޭ... ހެހެހެހެހެ
މަންމަނޯ
16 October 2017
ފަނަރަހާސް ދިވެހިން ލަންކާއަކު ނޫޅޭނެ. ތިއަދަދު ރަނގަޅެއްނޫން.
ެައަލީ
16 October 2017
ހުކުމް ކުރަންވީ. ޖޫރިމަނާ ކުރާނެކަމެއް ނެތް. ކުޑަކުދިންނަށް ޚާއްޞަަ ޖަލު ހުރޭ
އިބްރާހިމް
15 October 2017
ދުވަހަކުވެސް ސިލޯނަށް ނޭރޭގޮތަށް ޑީޕޯޓްކުރުމަށް ސިލޯނުގެ ސަރުކާރުގައި އެދެން. އެހެންނޫނީ މިކަން އާއްމުވެ ލަންކާ ފުލުހުން ކުރާންއޮތްކަމަކީ ރާއްޖެމީހުން ލަންކާގައި ހިންގާ މާރާމާރީ ތަހުގީގުކުރުން ކަމުގައިވެދާނެ.
މެންޓަލިސްޓް
15 October 2017
ސުކޫލްކުދިންތަކެށް މެދުގައި ތިޔަބާވަތުގެ ކަމެށްހިނގީމައި އަސްލުގައި ބަލަންވާނެ ހާދިސާހިނގާދިއަގޮތާއި އެމީހުންގެ އޭރުގެ ޖަޒްބާތުތަކާއި އިންޓެންޝަން ،، އޭގެފަހަށް ބޮޑެތިއަދަބުމީހަކަށް ދޭނަމަ ދޭންވާނީ ،، ،އަދި ބަލަންވާނެ އެމީހުން ތިބީ ހަމަހޭގަތޯ ،،، މާނައަކީ ނަފްސަކޮންޓްރޯލް ނުވާވަރުގެ ކަމެށްކޮއްގެތިބިތޯ ،،، މިހުރިހާ ހާލަތްތަކަކަށް ރިޔާއަތްުކުރަންވާނެ ،، މީއަޅުގަނޑު ޙިޔާލް ،،،، ފަހަރުގައި ކަމުނުގޮސްފާނެ ،،، ވަރަށްވެދުން
ބބޮކޭ
15 October 2017
މައިތިރި ޕާލާ ތި ކުދިން މައިތިރި ކުރާތި އެންމެ ހަރުކަށި އަދަބު ދޭތި
ވިޖޭ
15 October 2017
މުންދު އަށް މާބޮޑައް އިގެނީ ހެންހީވަނީ.
ދޮން އާމިރު
15 October 2017
މިންދުމެންޖޫރީމާނާ ނުކޮށް ހުކުމްކޮށްލާނީ ހަމަ އެކަނި ސީޔާސީ ހަތުރުންނަށް.
ޕޯޓަބަލް
15 October 2017
އަދިވެސް ޖޫރިމަނާ އަކުން ނިންމާލަންވީތަ؟ ތި ކުދިންނާ ހެދި ލަންކާގަ އުޅޭ ކުދިންނަށް ކިހާހަޑި ނަމެއް އެލިބުނީ. ޑީޕޯޓް ކޮށްލުން އެންމެ ރަނގަޅީ. ކިޔަވަން ދިޔަނަމަ މާރާމާރީ އެއް ނުހިންގާނެ.
ޕޮކަންޑިމޭން
15 October 2017
ދިވެހިންނަކާ އެއްވެސް ގައުމެއްގައި ނުކުޅެވޭނެ. އަޅުގަނޑުމެންނަކީ ކަޅުބިލަމަސް ކައިއުޅޭ، ދެގަނޑެތިން ފޭލި އަނދެއުޅޭ ޕޯޗްގީޒުންނާއި މަލާބާރީން ކުރެއްޖާއި ގަލުންތަޅާ ބަލިކުރި އިންޑިޔާ ކަނޑުގެ ބަދަވީން.