16 އޮކްޓޯބަރ 2017 - 13:05
37 comments
އިންޑިއާ ސަރުކާރުން އެމްއެންޑީއެފަށް ހަދިޔާކޮށްފައިވާ ހެލިކޮޕްޓަރު ދުއްވާ ދިވެހި ޕައިލެޓް އަންނަ މަހު ކިޔަވައި ނިމޭނެ ކަމަށާއި އެއާއެކު ހެލިކޮޕްޓަރު ދުއްވުމުގެ މަސައްކަތް އޭނާ ވަރަށް އަވަހަށް ފަށާނެ ކަމަށް ޑިފެންސް މިނިސްޓަރު އާދަމް ޝަރީފް އުމަރު މިއަދު ވިދާޅުވި އެވެ.
މީގެ އަށް އަހަރު ކުރިން އެޕްރީލް 2010 ގައި އިންޑިއާ އިން ރާއްޖެ އަށް ހެލިކޮޕްޓަރެއް ހަދިޔާކުރި ނަމަވެސް މިހާތަނަށް ހެލިކޮޕްޓަރު ދުއްވައި، އެ އޮޕަރޭޓް ކުރަނީ އިންޑިއާ ސިފައިންނެވެ. އެ މަސައްކަތަށް އިންޑިއާ ސިފައިންގެ ވިއްސަކަށް މީހުންގެ ގްރޫޕެއް ރާއްޖޭގައި އަބަދު ވެސް ތިބެ އެވެ.
ހެލިކޮޕްޓަރާ ހަވާލުވި ދުވަހު އެމްއެންޑީއެފުން ބުނެފައި ވަނީ އިންޑިއާ ސިފައިން ހެލިކޮޕްޓަރު ދުއްވާނީ ދިވެހި ސިފައިން އެ ކަމަށް ތަމްރީނު ވަންދެން ކަމަށެވެ. އެކަމަކު ދިވެހި ސިފައިން އެ ޒިންމާއާ ފުރިހަމަ އަށް ހަވާލުވެވޭ ވަރަށް އަދި މީހުން ތަމްރީނެއް ނުކުރެވެ އެވެ.
އެކަމާ ގުޅިގެން "މިހާރު"ން ދެންނެވި ސުވާލަކަށް ޖަވާބު ދެއްވަމުން ޑިފެންސް މިނިސްޓަރު އާދަމް ޝަރީފް ވިދާޅުވީ ހެލިކޮޕްޓަރު ޕައިލެޓްކަން މިހާރު ކިޔަވަމުން އަންނަ ދިވެހި ސިފައިންގެ މީހާގެ ތަމްރީންތައް އަންނަ މަހު ނިމޭނެ ކަމަށެވެ.
އޭނާ އައުމުން ފުރިހަމަ ކުރަންޖެހޭ ކަންކަން ފުރިހަމަ ކުރުމަށް ފަހު ހެލިކޮޕްޓަރު ދުއްވުމުގެ ކަންކަމާ ދިވެހިން ހަވާލުވާނެ ކަމަށް ވެސް އޭނާ ވިދާޅުވި އެވެ. ނަމަވެސް އެކަން ވާނެ ވަކި މުއްދަތެއް މިނިސްޓަރު ވިދާޅެއްނުވެ އެވެ.
"އޭނާ އައުމުން ފުރިހަމަ ކުރަންޖެހޭ ކަންކަން ފުރިހަމަ ކުރުމަށް ފަހު އެ ޝަރަފް ސިފައިންނަށް ހޯދައިދޭނަން،" މިނިސްޓަރު ވިދާޅުވި އެވެ.
ދިވެހި ޕައިލެޓެއް ކިޔަވައިގެން އައި ނަމަވެސް ހެލިކޮޕްޓަރުގެ އިންޖީނިއަރުން ވެސް އަދި ތަމްރީނެއް ނުކުރެވެ އެވެ. އެހެންކަމުން ހެލިކޮޕްޓަރު މަރާމާތު ކޮށް ބަލަހައްޓަމުން އަންނަނީ އިންޑިއާއިންނެވެ.
އިންޑިއާ ސަރުކާރުން ރާއްޖެ އަށް ހަދިޔާކޮށްފައިވާ ދެ ހެލިކޮޕްޓަރު ބޭނުން ކުރަމުން އަންނަނީ ބަލި މީހުން އެއް ތަނުން އަނެއް ތަނަށް ގެންދިއުމަށާއި ކަނޑުމަތީގެ ހާދިސާތަކުގައި ގެއްލޭ މީހުންނާއި އުޅަނދުފަހަރު ހޯދައި ސަލާމަތް ކުރުމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހުސެން
18 October 2017
ސިފައިންތެރޭގައި ހެލިކޮޕްޓަރު ދުއްވާނެ ތަމްރީނުވެފައި ތިބި ބަޔަކު ނެތަސް ދިވެހިންގެ ތެރޭގައި ތިބޭނެ، ތަންފުކެއް ތާހިރުވީސް ދިވެހި ޕައިލެޓުން ހަޔާކޮށްގެން ނަމަވެސް ދިވެހިން ތީތީ އޮޕަރޭޓްކުރާނަމަ
މަރުމޯލު2
17 October 2017
ދެންކީއްވެގެންނޯ ތިދުއްވާ މީހުންގެ މުސާރަ އެއަރބަަސް ޕައިލެޓުންނަށްވުރެ ކުޑައީ. އަހަރެންގެ ފީލްޑަކީ މަސްވެރިކަމަށްވާތީ ބުނެލީ. ނޯ ހާޑް ފީލިންގ އެޓް އޯލް.
މަރުމޯލު2
17 October 2017
އިންޑިޔާއިން ރާއްޖެދިން މިލިޓަރީ ހެލިކޮޕްޓަރ އަކީ ކޯބްރާ ނުވަތަ ބެލް އެއްނޫން. އެއީ އެމްޑީ500 އެއް. ކޯބްރާގެ އަގު 29 މިލިއަންޑޮލަރ, ބެލްގެ އަގު 6 މިލިއަންޑޮލަރ, އެމްޑީ500 ގެ އަގު 1.5 މިލިއަންޑޮލަރ. ހުސައިންގެ ކަލްކިއުލޭޝަން ރަނގަޅުކަމަށް ފެންނަނީ.
ޝީޝާ
17 October 2017
އެންމެ ފުރަތަމަ ރާއްޖެ ގެނައި ފްލައިޓްވެސް ދުއްވީދިވެހި ސިފައިން ޕައިލެޓުންނާ ކައްޕިން ނެތިގެނެއް ނޫން ހަމަ ހަން ފަތުރަން އެންމެ ހެލިކޮޕްޓަރެއްގެ ކަންތކުގަ ވިއްސަކަށް ސިފައިން ރާްްއްޖޭގައި މިމީހުންގެ ހުރިހާ ޚަރަދެއް ސަރުކާރުން މުަސީބާތެއްނު
ވުޅާލި
17 October 2017
ކަލޮޔާ ތިއޮތީ ކަމެއް ހެދޮދުވާ ސަލާންބޭބެ އުފާކުރަން!
ޕަކާސް
17 October 2017
ޢެންމެ ޕައިލެޓެކޭ؟ އޭނަ ބަލި ވެއްޖިއްޔަ ކިހިނެއް ހަދަނި؟
ދޯދޯ
17 October 2017
އިންޑިއާ އިން ކޮންމެ ގައުމަކަށް ކަމެއް ކޮށްދޭނީ އެތަނެއްގައި ހަންފަތުރާ އުސޫލުން، ހެޔޮ ނިޔަތެއްގައި ކޮށްދިން ކަމެއް ނަމަ ތިޔަ ހެލިކޮޕްޓަރު ދިވެހި ސިފައިން ދުއްވާނެތާ ކިތަށް އަހަރު މިވީ..
ރައްޔިތުމީހާ...
17 October 2017
ތިގޮތަށް ކިޔައިގެން ކުރިންވެސް ޕައިލެޓުންތަކެއް ތިބެފަ އެއްގޮތަކަށްވެސް ހެލިކޮޕްޓަރާއި ކައިރިއަށް އައުމުގެ ފުރުސަތު ނުލިބިގެން ވަޒީފާ ދޫކޮށްފައިވެސް ދިޔަނޫންތޯ ؟ އަނެއްކާވެސް އިންޑިޔާ ބަޔަކަށް މިރާއްޖޭގައި ހަންފަތުރަން ފުރުސަތު ދެއްވަނީތޯ ؟ އިންޑިޔާ މީހުންގެ މަކަރާއިހީލަތްތެރިކަމާއި ޔަހޫދީކަން ނޭގެނީބާ އަނެއްކާ !
އަތްފުނާ
17 October 2017
މިއޮއްހާދުވަހު ރާއްޖޭގެ ސިފައިންނަށް ކިޔަވައިދިނީ ބަޑި ރޫޅައި ރާވަންތައް.
މޮހޮނު
16 October 2017
އިންޑިއާ އިން ރާއްޖެއަށް ހެލިކޮޕްޓަރު ދިނީ، މޮހޮނަށް ދޯނި ދިން ގޮތަށެވެ. (ލޮލް)