އެމެރިކާގެ ހާލަތާ މެދު ކުރީގެ ދެ ރައީސުން ކަންބޮޑުވުން ފާޅު ކުރައްވައިފި

އެމެރިކާގެ ކުރީގެ ރައީސް އޮބާމާ އާއި ޖޯޖް ޑަބްލިއު. ބުޝް: އެމެރިކާގެ މިހާރުގެ ހާލަތަށް ފާޑު ވިދާޅުވި. --ފޮޓޯ:ރޮއިޓާސް

ހަސަން އާމިރު، މިހާރު

20 އޮކްޓޯބަރ 2017 - 11:57

ވޮޝިންޓަން (އޮކްޓޯބަރު 20) - އެމެރިކާގެ މިހާރު ސިޔާސީ ހާލަތާ މެދު ކުރީގެ ދެ ރައީސުން ކަމަށްވާ ބަރަކް އޮބާމާ އާއި ޖޯޖް ޑަބްލިއު. ބުޝް ކަންބޮޑުވުން ފާޅު ކުރައްވައިފި އެވެ.

ޑޮނަލްޑް ޓްރަމްޕުގެ ސަރުކާރަށް ނުސީދާކޮށް ފާޑުވިދާޅުވެ އޮބާމާ ވަނީ އެމެރިކާގައި މިހާރު އޮތް ސިޔާސީ ބައިބައިވުމާއި ބިރުވެރިކަމަކީ ގަބޫލް ކުރެވޭނެ ކަމެއް ނޫން ކަމަށް ވިދާޅުވެފަ އެވެ. ބުޝް ވަނީ އާއްމު ދިރިއުޅުމުގައި އޮތް ބޭއިންސާފާއި ބުލީކުރުމަށް ފާޑު ވިދާޅުވެފަ އެވެ.

ވެރިކަމުގައި ހުންނަވާ ބޭފުޅަކަށް ފާޑުވިދާޅުވުމަކީ އެމެރިކާގެ ކުރީގެ ރައީސުން ކުރައްވާ ކަމެއް ނޫނެވެ. ނަމަވެސް ރައީސް އޮބާމާ ވެރިކަމުން ފައިބާވަޑައިގަންނަވަމުން ވަނީ ޓްރަމްޕުގެ ސަރުކާރުން ގޯސްކޮށް ކުރާ ކަންތައްތަކުގެ ވާހަކަ އަމިއްލަ ފަރުދެއްގެ ހައިސިއްޔަތުން ދައްކަވާނެ ކަމަށް ވިދާޅުވެފަ އެވެ. އޮބާމާ އަދި ބުޝް ވެސް ފާޑުވިދާޅުވި ނަމަވެސް ޓްރަމްޕުގެ ނަން ވިދާޅުވެފައެއް ނުވެ އެވެ.

އޮބާމާގެ ބަހުގެ ހަމަލާތައް ސަރުކާރަށް އަމާޒުކުރެއްވި އިރު އެމަނިކުފާނުގެ ވެރިކަމުގައި ގެންނެވި ސިއްހީ ނިޒާމް އުވާލައްވަން ޓްރަމްޕް ގެންދަވަނީ މަސައްކަތް ކުރައްވަމުންނެވެ. އަދި އެމެރިކާ އަށް މުސްލިމުން ވަނުން މަނާކުރުމާއި އީރާނުގެ ނިއުކްލިއާ އެއްބަސްވުމާއި ޕެރިހުގެ ތިމާވެށި އެއްބަސްވުމުން އެމެރިކާ ވަކިވާން އުޅޭތީ ގިނަ ބައެއްގެ ފާޑުކިޔުން ވަނީ އަމާޒުވެފަ އެވެ.

ޑިމޮކްރެޓިކް ޕާޓީގެ ކެމްޕޭން އިވެންޓެއްގައި ނިއު ޖާޒީގައި ވާހަކަ ދައްކަވަމުން އޮބާމާ ވިދާޅުވީ ސިޔާސީ ބައިބައިވުމާ ދެކޮޅު ކަމުގެ މެސެޖް އެމެރިކާގެ ރައްޔިތުން ދުނިޔެ އަށް ދޭން ޖެހޭނެ ކަމަށެވެ.

ރިޔާސީ އިންތިޚާބުގެ ކުރިން ވެސް އޮބާމާ އާއި ބުޝް ވަނީ ޓްރަމްޕަށް ފާޑުވިދާޅުވެފަ އެވެ.

ބަރަކް އޮބާމާ ޖޯޖް ޑަބްލިޔު ބުޝް އެމެރިކާ

4 ކޮމެންޓް, 42 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ވިސްނާލީމާ

21 October 2017

ޓްރަމްޕަށް ވިސްނޭނީ އޭނާގެ ފިޔަފާރި ބަނގުރޫޓުވި ދުވަހަކުން! އެކަމަކު އެވެސް ފަހަރެއްގަ! އެމެރިކާގެ ރައީސްކަމަށް ގިނައިން އަރަނީ ނުބައިމީހުން! ހަރުކަށި ގޮތްދޫކުރުން މަދު މީހުން! އެކަމަކު އެމެރިކާގެ ރައީސްކަމުގާ މިހާރު މިހުރީ އޭގެ ތެރެއިންވެސް ނުބައިކަމާ ނުލަފާކަމުގާވެސް އަރާހުރި މީހެއް! ގޮތްދޫކުރުމުގެ ކުޑަވެސް ގޮތެއް ނެތްމީހެއް! -އިބްރާހީމް-